تعالي ولا تحاتين معاي اكيد بتخسين

[روحي تحبك...]

رد : رد: تعالي ولا تحاتين معاي اكيد بتخسين

مساء الخييييييييير لجميع صبايا القروووووب وزورانا


حلوة وجذابه كاااااااااااني موجودة ويااااااكم بس تدرين فيني شوي مريضه وما اقدر اشبك كل شوي


دندونه بخصوص هالنظام صراااااااحة وايد صعب


شرايج نتساعد كلنا بالانظمه

يعني كل وحده فينا تحط نظام والي يعجبنا نتفق عليه ونسويه


حلوة المشاركه<< حاسه فيج كله تدورين وتتعبين عشانا كلنا فديتج والله





شرايج برجيم عبدالله المطوع؟؟


ولا تبين احط لج نظام يخسرج 10 كيلو ب 14 يوم يعني اسبوعين بس؟؟


ها شنو قلتو؟

 

[حلوة وجذابة]

رد : رد: تعالي ولا تحاتين معاي اكيد بتخسين

روحي تحبك اهلين وسهلين وسلامتج ياقلبي انشاللة تصيرين زي البم على قولت
المصريين ودررمشكوره على نصيحتج :eh_s(15):




ودندونة شلونج انتو فري دي وانا محرومة :eh_s(11)::eh_s(11): اللة كريم وانطر النظام الي راح
اتنزلينا علشان انطبقة ويعطيج العافية




ياقلبي واللة يا بنات من اقعد ما افكر الا فيكم ابي اشوف جديدكم اللة لا يغير علينا اميييييييييين:yaaaaaarb::yaaaaaarb:

 

[دندونه@@@]

روحي تحبك مشكوره حبيبتي ولا تحاتين عندي كودة انظمه كلها مجربتها من سنين ومحتفظه فيهم وما ألجأ لهم الا بعد كل ولادة علشان انزل الوزن الزايد والحمدلله كل شي ناجح معاي




بس ما قلتيلي كم نزل وزنج والا نسيتي ان اليوم يوم الميزان:eh_s(10):



حلوه وجذابه...حياتي الحين ابنزل لكم النظام الجديد ومن باجر انشاء الله نبدأ فيه




بنات ما تعرفون شي عن غموض اشوفها قطعت عن القروب مع انها ما كان يمر يوم الا وتحط يومياتها معانا ان شاء الله المانع خير"

 

[دندونه@@@]

النظام الرابع راح يكون لمدة 4 ايام وخسارة الوزن تعتمد على طبيعة الجسم وسرعته بحرق السعرات الحرااريه بالاضافة للتمارين الرياضية اللي نمارسها
ما احب ازيد عن 4 ايام علشان الجسم لا يتعود على هالنظام وعلشان لا نفقد العناصر الاساسيه للجسم من فيتامينات وغيره مع ان رجيم الشوربة يعتمدونه الاطباء لسبعة ايام لكن مع اضافات صعبه علينا ...ومن ناحيتي حاولت اجمع بين الشغلات المفيده والحارقه للسعرات الحراريه والخاليه من الدهون مع ان الجسم محتاج لكميات من الدهون لكن متعمده اسوي مجاعة دهون علشان الجسم يضطر يدور على شي بديل وينجبر ياخذ من البلاوي المتكدسه فينا

والنظام عباره عن

شوربة خضار
سلطة الجرجير والكرفس
عصير الكيوي بالليمون
زبادي خالي الدسم مع ملعقة بذرة الكتان مجروشه



طريقة شوربة الخضار:
6 بصلات كبيرة أي نوع
2 حبة فلفل أخضر فلفل رومي
1 أو 2 طماطم.
ربع قطعه من الملفوف.
1 حزمة بقدونس و كرفس
بروكلي
مكعب ماجي +فلفل +كمون+اي نوع من البهارات المفضله
نقطع المكونات ونضيف عليها الماي الحار نطبخها على نار هاديه وبعدين نحطها بالخلاط . (ممكن اضافة صدر دجاج مره او مرتين)..اذا حبينا نضيف الدجاج لازم نتبلها بليمون وفلفل اسود وبعدين نسلقه بروحه ولما يستوي ناخذ بس الصدر ونضيفه على باقي المكونات وما نستخدم الماي اللي طبخنا فيه صدر الدجاج
اللي ماتحب تحط الخضار بالخلاط عادي تقطعها مثل ما تحب وتطبخها

طريقة سلطة الجرجير والكرفس والخضار الورقيه:

حزمة جرجير وثانيه كرفس
وبصل اخضر
طماطه حجم وسط
خياره
قطعة ملفوف

تقطع المكونات حسب الرغبه وتتبل بالليمون والملح والخل وشوية زيت زيتون وممكن اضافة شريحتين اناناس للسلطه وكم حبة فراوله وانصحكم فيها طعمها لذيييييذ ومفيييييييييييييييده




طريقة عصير الكيوي بالليمون :
حبتين كيوي مع نص ليمونه ونص كوب ماي بالخلاط بدووووووووون سكر


طريقة الزبادي :
علبة زبادي خالي الدسم يخلط مع ملعقه كبيره بذرة كتان مجروشه



وجبات النظام الرئيسيه
قبل الفطور كوبين ماي
وجبة الفطور مفتوحه اختاري اللي يعجبج من
(بيضه مفيوحه مع كوب حليب خالي الدسم وتوسته محمصه__او__كوب حليب خالي الدسم مع قطعتين بسكوت دايت بالالياف جديد من دايجستف وتفاحه__او__كورن فليكس سبيشل بالحليب وبرتقاله __او __عصيدة الشوفان بالحليب والفواكهه المجففه)


بعد الفطور بساعه (عصير كيوي بالليمون)


قبل الغدا اقل شي بنص ساعه كوبين ماي ونص علبة الزبادي اللي خلطناها
وجبة الغدا:
صحن شوربة خضار
سلطة جرجير وكرفس




....................................................العصر وجبه خفيفه 3 شرائح اناناس......................................

قبل العشا كوبين ماي و باقي علبة الزبادي
وجبة العشا:
شوربة خضار
سلطة الجرجير والكرفس

قبل النوم كوبين ماي وكوب كبير شاي اعشاب


مسموح في هذا النظام انج تسدين جوعج بكميات صغيره من الشوربه في أي وقت عادي لانها ما تكسبنا سعرات الحراريه زايده
ولا تنسون شاي الاعشاب وكثرو من الماي لان بذرة الكتان تمتص السوائل بالجسم وتكون ماده هلاميه بالمعده تحسسنا بالامتلاء وبالتالي بالشبع






اتمنى يعجبكم هالنظام لانه حيل نزل وزني وما فيه اي صعوبه بالعكس مفيد ومغدي ويشبع.....على فكره ممكن تضيفون اي نوع من الخضار الورقيه للسلطه بس ياليت ما نستغني عن الكرفس




يللا خل اشوف رايكم هالمره الدايت حلو,,,,,"

 

[روحي تحبك...]

رد : رد: تعالي ولا تحاتين معاي اكيد بتخسين

يسلموووووووووو دندونه على النظام


شكله وايد حلووو


خلاص بنجربه يعني من الاحد لي الخميس


ما ورانا شي




<< وزنت اليوم ناقصه بس نص كيلو يعني صرت 72.5

لا تلوموني مرضت وما كملت الرجيم << جم مره قلتي لهم مرضتي لووووووووووول

 

[دندونه@@@]

الله يسلمج حبوبه بس لااااااااااااااااااااازم نتعب اكثر ونلعب رياضه علشان خسارة الوزن تكون اكبر



بنات نسيت اقولكم ضيفو على السلطه ملعقه كبيره بذرة الكتان مجروشه او مطحونه وملعقتين روب تطلع لذيذه وعلشان اكون صريحه معاكم انا اضيف كمون وحبه حلوه مطحونه على السلطه لان الكمون طارد للغازات ويشيل البطن اما الحبه الحلوه تشد الجسم وتمنع الترهلات:eh_s(15):



وياليت تستمرون على شاي البابونج بالليمون قبل الريوق وقبل والنوم




ولا تنسون تحطون يومياتكم كلللللللللللللللللللللللللللل يوم

 

[حلوة وجذابة]

رد : رد: تعالي ولا تحاتين معاي اكيد بتخسين

اللة يعطيج العافية دندونة بس شلون علي انا ما احب الشوربة كلش ملش وراح الغيها ابقى على الريوق والسلطة :eh_s(16)::eh_s(16):


وترا اليوم ما اخذت فري دي لان انا اخذتة يوم الاثنين :eh_s(11)::eh_s(11):


وغموض وينج موباينة عسى ما شر فاقدينج حبيبتي :eh_s(8)::eh_s(8):


ودندونة شخبار الوزن تبعج ناقص والا لا بشرينا

 

[دندونه@@@]

الله يعافيج ياقلبي...واذا ما تحبين الشوربه ولو ان هالشي غلط الا انج تقدرين تسلقين الخضار بشوية ماي وتاكلينها عادي بس لا تنسين تكثرين من شرب الماي




اما الوزن للحين ما وزنت والسبب مثل ما قلت لكم سابقاااااا ......لكن عن نفسي احس اني ضعفت لان مقاساتي تغيرت واهم شي مفرحني ومشجعني استمر بالدايت هو ان البطن رااااااااااااااااااااااااااااااح مافي بطن ونااااااااااااااااااااااااسه الله يتمم علينا بصحه وعافيه .."




شوفي يوم الاربعاء يكون رابع يوم من الدايت والخميس تاخذينه فري دي اما انا و روحي تحبك نستمر للخميس بالدايت لانها بالدايت اللي طاف خبصت شوي بسبب مرضها الله يعافيها وانا مالي خلق على الفري دي طبعا هذا اذا روحي تحبك ماعندها اي اعتراض:bbbiu:

 

[رو&الشقاوة&وح]

رد : تعالي ولا تحاتين معاي اكيد بتخسين

يابنات انا بنضم معاكم

وزني مصيبه 97 واحلم بال 60 خخخخخخخخخخخخ والله فرق بس بليز شجعوني
<<<< لي عودة

 

[دندونه@@@]

رد: رد : تعالي ولا تحاتين معاي اكيد بتخسين

يابنات انا بنضم معاكم

وزني مصيبه 97 واحلم بال 60 خخخخخخخخخخخخ والله فرق بس بليز شجعوني
<<<< لي عودة

:ggdw::ggdw::ggdw::ggdw::ggdw::ggdw::ggdw:

حياج الله حبوبه زين تسوين ولا تحاتين الوزن ينزل يعني ينزل لكن خلي ارادتج حديد وان شاء الله تنزلين بصحه وعافيه....ولا تستسلمين :eh_s(1): للرقم ترى انا قبل شهرين كنت مثلج واللحين ولله الحمد بالسبعينات ولا راح ايأس ابستمر لين اوصل ال56 لانه احلى وزن علي :eh_s(7):



ان شاء الله اليوم اول يوم بالدايت الجديد واتمنى تبدين معانا وبنهايته تكونين نزلتي كم كيلو بس اهم شي الرياضه استمري عليها علشان تخسرين وزن اكثر وتمنعين ترهلات الجسم




وبالتوفيق حبوبه وحياج الله معانا:eh_s(7):

نحو اولى خطوات القضاء على السمنه للوصول للرشاقه بصحه وعافيه:ggdw:

 

[حلوة وجذابة]

رد : تعالي ولا تحاتين معاي اكيد بتخسين

دندونة مشكوره على النصايح بس بعد ما احب الخضار المسلوقة كلش واللة نساتي فيها وللحين ما اطيق حتى ريحتها

ادري اذيتج :eh_s(22)::eh_s(22):




وبالنسبة للفري دي بعد اذنج ابية يوم الجمعة علشان انا وخواتي امسوين بوفية صغير حق جمعة الاهل



على فكره انا وكل خواتي امسوين رجيم فقررنا الجمعة ناخذة فري لان ماكو غير هاليوم الي



انتجمع كلبونا ادري اذيتج قصيتلج قصة حياتيييييييي هههاااااي:krkrkr::krkrkr:

 

[دندونه@@@]

ما تحبين الشوربه ولا الخضار المسلوقه خلاص ما قدامج الا تاكلين خضار نيه:krkrkr::krkrkr::krkrkr:



اليوم المفتوح عادي خليه الجمعه معانا بس الله يعافيج مو تفلينها وتخلصين على البوفيه خلي مجال لغيرج:dddds: والا ابجي اضبط شهيتج:23_asmilies-com:




بس ياليت تبدا الدوامات علشان نضبط الدايت عدل احس العطله عافسه نومتنا وقعدتنا و وقت الال متخربط حده:eh_s(16):




الا ما قلتي لي يومياتج اليوم شسويتي ؟ تصدقين للحين ما تغديت توني متريقه وقبل ساعه شربت اعشاب وعلى الساعه 6 يكون غداي اما العشا الله اعلم بوقته



اليوم روحي تحبك مو مبينه وينها ؟

 

[حلوة وجذابة]

رد : تعالي ولا تحاتين معاي اكيد بتخسين

مرحبا بنات


انا توني قعدة على قولتج النوم متلخبط وللحين مومشتهية بس حاطة في بالي



الريوق توست محمص مع لبنة فيلادلفيا دايت وحليب خالي الدسم واما الغدا والعشا راح يكونون مع بعض لان انا




ما اكل ثلاث وجبات حدي وجبتين والسناك فواكة مثل((برتقال وكيوي وشكل الكيوي مخلص واناناس وتفاح))



وروحي تحبك وينج اليوم ؟؟؟

 

[حلوة وجذابة]

رد : تعالي ولا تحاتين معاي اكيد بتخسين

دندونة حلوة سالفة الخضار النية :rerrerek::rerrerek:



طيب عندي سؤال اذا صار اسبوع المرور الوزن ينزل والا يثبت لان شايلة هم




اسبوع المرور اليوم او باجر واخاف ما انزل وزن :eh_s(16)::eh_s(16):

 

[دندونه@@@]

لاتحاتين زيادة الوزن تكون بس غازات وسوائل محتبسه كلها تروح لخلصتي من اسبوع المرور ما تلاحظين ان لما يجي موعدها الصدر و البطن ينتفخ .....

المهم طبقي الدايت عدل علشان لا تخسين مع فقر دم وغيره نبي الرشاقه مع العافيه عفيه انتبهي لنفسج عدل ما ابي وحده فم تتضرر من وراي:eh_s(16):





بعدين تعالي انتي حامل والا لأ؟ عفيه اذا حامل قوليلي لان مو اي دايت يصلح لج



خخخخخخخخخخخخخخخخخخخخخخخخخخخخخخخخخخخخخ سؤال استعباط

 

[حلوة وجذابة]

رد : تعالي ولا تحاتين معاي اكيد بتخسين

باحياتي كل هذا خايفة علي :eh_s(22):

تطمني انا موحامل من ست شهور والدة وعلشان جذي امسوية رجيم لان من الحمال


انتفخت ولا انا مومتينة ولا ضعيفة بس ابي اثبت على الوزن

واللة احس مليت من الرجيم ودي


بحلويات مشتاقتلها واللة يهداهم بنات المنتدى مومقصرين كل يوم طبق حلو جديد


وحنا انتحسر:eh_s(11)::eh_s(11): بس الي يبي الشي لازم يثابر علشان يوصلة


والرجيم تمام ماشية علية بس ابي تشجيع احس بديت اضعف :eh_s(2):

 

[دندونه@@@]

ولا يهمج :ggdw::ggdw::ggdw::ggdw::ggdw::ggdw::ggdw::ggdw::ggdw::ggdw:


كملي ولا تضعفين وان شاء الله بناخذ اسبوع اوف علشان نشتاق للدايت ونرجع له بقوه بس المهم ما تنسون انه الاوف بس اسبووووووووووووع مو تاخذونه شهر ....الا ما قلتي لي كم طولج لان وزنج 74 يعني الطول المفروض يكون 170 او 168 علشان لا يبين المتن عليج...:eh_s(8):

 

[حلوة وجذابة]

رد : تعالي ولا تحاتين معاي اكيد بتخسين

لا عاد مو74 /73 بس هذا من ولدت وبعدين خفيت وصار 71 قبل لا ابلش معاكم والحين الحمداللة صار 68 :rerrerek::rerrerek:



وطولي 156 وانا ابية 65 يس تدرين انا راعية خلفية وحوض فالي يشوفني ما يعطي وزني كلش واللة بالكثير 60



يعيني بدوية صح:krkrkr::krkrkr:

 

[دندونه@@@]

ليش شفيها البدويه حبيبتي ياحلاتها وحلات جسمها تحسين بكل الأنوثه والدلع فيها واحلى شي بالمره خلفيتها لازم تكون بارزه وملفته ومغريييييييييييييييييييه والا شلون تجيب راس ابو العيال يالحلوه:krkrkr: هي راس المال وان راحت طاح حظها:eh_s(2):



بس توني ادري وزنج 68 حلو يعني مو باقي لج شي علشان توصلين الوزن المثالي يعني اشوف ال58 وايد حلو عليج بالنسبه لطولج

 

[حلوة وجذابة]

رد : تعالي ولا تحاتين معاي اكيد بتخسين

لا مالج امل تروح جان ابو العيال فناقر وبرا انا امسوي رجيم وكل يوم زعلان يقول تبين تصير عصلة اشفايدت المرة




اذا مو مربربة واللة يسهل خلني اكمل لل65 وبس ابي اثبت علية ووزن ال58 موحلو بالمرة علي لان وجهي صغير