تعانين من السمنة او تطنزين على السمينات حياج ابيج شوي

[ليلو جبريت]

معليش فهمت موضوعج غير في البدايه

على العموم بقوولج في موقف صار لي على ايام سمنتي

يمكن انا ماحب اتكلم فيه يم احد يعرفني بس هنا اخذ راحتي اكثر

اذكر كنت مشتركه بنادي وعادي يعني اغلب اللي فيه متان

بس في كم وحده نحيفه من حقين اللي يبون يحافظون ع رشافتهم ولياقتهم

المهم مريت يم ثنتين شوي الا فجرو ضحك وقالت للثانيه كانهم تفاحات (( طبعا هي تقصد الارداف عندي )) خخخخخخ

ومن بعدها حززت بخاطري كلمتهم من جد قهرررررررررتني ولا قدرت ارد لانها كانت تكلم رفيجتها

من بعدها حطيت كلمتها فبالي صرت من ابي اكل او اخربط اتذكر الموقف ليييين الحمد لله وصلت للي ابيه

صج هالمواقف تحز بالخاطر وتاثر ع النفس

بس قد تكون مرررات اجابيه مثل اللي صار لي

خلاصه كلامي مو معناته اعارضج لا انا معاج بس الواحد اذا تعرض لهالمواقف يطنش

ويحاول يواجهه هالسمنه بكلمه انا لازم اثبت للجميع ان جسمي راح يكون زيين ويعجبهم غصب عن الكل

ويعطيك العافيه

:eh_s(2)::eh_s(2)::eh_s(2)::eh_s(2)::eh_s(2):
سوري بس والله عورني قلبي عليج
كيف يطاوعهم قلبهم يقولون هالكلام
انا اعرف بنات كانوا يتطنزون على السمينات والحين بعد ماتزوجوا صاروا هم سمينات اللهم لاشماته

تعرفين انا طول عمري كنت ضعيفة والحين زاد وزني ووصلت 63 وانا طويلة فالاساس يعني الوزن رايح فالطول
والله اعاني حتى لما اكل يقولون لي بسج اكل بتنفجرين ومره قمت ما اكل وصادني هبوط
وما ارضى لما اروح مكان اخلع عبايتي عشان مايتطنزون علي
صارت لي مثل العقده مع اني زدت جم كيلو بس :eh_s(2):

 

[ليلو جبريت]

فيه نظرات سخرية وفيه نظرات شفقة وكلها مرفوضة ولا يتقبلها سواء السمين او من
ذوي الاحتياجات الخاصة
هالنظرات تأثر عليهم وتحسسهم بالنقص والحزن
وبعضهم تأثر عليه لدرجة انه يصير انطوائي ويحب العزلة
للاسف بعض الناس يستمتع بالسخرية على خلق الله ومادري وين المتعة
يعني اذا كنت سبب في جرح احد ترتاح وتنبسط؟
اذا كنت سبب في نزول دمعة انسان ترتاح وتنبسط؟
الله يعين كل مبتلى
يعطيك العافية اختي ليلى

هالنوع فيهم نزعه سادية
يتلذذون بعذاب غيرهم​

 

[امل وكلي آمآل]

طيب شلون نقدر نساعدهم ينغزني قلبي اذا شفت اختي ماتبي تروح مناسبات تغيب كثير عن المدرسه ماتحب بناتنا شرينا له سير ولا انتظمت نوادي ماتبي احد يشوفه ياربي الحلويات والشبس بالهبل طيب وبعدين

 

[منار البربرية]

لووول جد انا من دشيت الجامعه ووزني زاد وبعدها تعرضت لوعكه صحية وكنت اخذ حبوب .. للعلاج و بعدها عملية وهذا ومهم بس تعافيت قمت اكل ورجعت شهيتي وزدت وزني هههه وكل يقولي متنانه افف شسوي ماحب الريجيمات وكيفي بخرب جسمي ، وامس وحده تخزني عفوا من ورا وتحش يكون تبي تضغط بغيت اوقف واقولها خير خفت تقول هذي مهاوشجيه يعني انا ضعفت ولا متنت عمتج واحلى منكم كلكم ومن دشيت الكلية وانتو ميتين مني ههههههه ثقه صح ههه
بس جد تجي وحده بطه بس موحلوه مايعبرونها ولا وحده زاد وزنها حبتين يقومون عليها جنهم شمتانين ايه احسن خل يخترب جسمها علشان لا تصك علينا ولاتشوف روحها وااااي وسوالف البنات اللئم ياليت كل البنات اللي معاي يدشون يشوفون هالمواضيع ويشوفون ردود البنات عنهم على الاقل يحسون بالانسانية شوي

مشكورة على الطرح واسعدني ان اشارك بموضوعج الشيق

 

[هزة غضا]

الف شكر ياليلى لطرح مثل هالموضوع الحساس..السمنة ..الداء الخطير الذي يثيرني الحديث عنه كثيرا!

اقول وبالله التوفيق..وامتدادا لحديث الأخوات..ان البدينة (اصحاب الأوزان الزائده والمفرطة) حينما تسعى للتخلص من الأطنان الزائدة فهي يجب ان تفعل ذلك لأجلها اولا وأخيرا...لان حديث الناس لن ينتهي بأي حال من الأحوال..!
وحين اقول لنفسها اقول ذلك..لان السمنة قبل كل شيء وأي شيء مرض يؤدي إلى جميع الأمراض.. ولكن بالتأكيد لا يدعو إلى السخرية والتندر !
وبعيدا عن السمنة الوراثية والعوامل المرضية الأخرى او التفريط في الطفولة من قبل الأهل..فإن المسبب الأول والأخير لهذا الداء هو صاحبه نفسه..ومالم يضع حدا لوضعه الجسدي فسيدفع ثمن ذلك بالتأكيد في وقت من الأوقات..وعليه الا يغضب او يبتأس كثيرا من نظرات الناس او انطباعهم (اقصد انطباعهم لحالته الجسديه فقط بعيدا عن ذاته وخلقه وشخصه )..بل ان يجعل ذلك دافعا لتحقيق هدف جميل..والتخلص من الشحوم التي يحملها معه اينما ذهب!

اتفق معك في مايتعلق بنظرة الناس للشخص البدين..وكيف يكون مظهره مثير للفضول او الشفقه احيانا..وانها نظرة قاسية على أية حال.. وقد لا يكون ذنبه كما تفضلتِ..لكن الفطين لن يقف عند هذه النظرة كثيرا بل يتجاوزها ويستثمرها لصالح صحته وحياته..! وعليه الا يستمد ثقته بنفسه من مظهره الخارجي بل يجب ان تنبع من الداخل فذلك مدعاة بأن تستمر ولا تزول بزوال جمال المظهر!
كما يجب ان يفصل كل الفصل بين شخصيته ومظهره ..اذا اراد ان يفرض ذاته في أي محيط يعيش فيه..

وأأسف على الأطاله..

 

[جوانا2010]

الناس الحين موعاجبهم العجب اذا شافو ضعيفه قالو متني واذا شافو متينه قالو ضعفي اهم شي الواحد يكون واثق بنفسه ماله شغل بكلام الناس اهو مرتاح بجسمه شعلي بغيره والي يقعدون يطنزون خل تحقرهم اهم شي ماتخلي شي يهز ثقتها بنفسها الانه اهم شي واحد يكون مقتنع بالي اهو عليه ولا يتعب

نفس رايهاااااااااااااا:rerrerek::rerrerek::rerrerek:

 

[مآلكني غلآهآM]

انا اقول كل واحد له شغل بنفسه بسس >> حدي معصبه لووول

 

[ذبحني صمتي]

هلابج ليلى ..

شووووووووفي من واقع تجربه ان كنت تختووخه << مو وااجد خخخخخخ

بس والله لو ايش مالبسست او سويت مايبين حلااااه والناس ماتمدح


من ضعفت ووصلت للرشاقه

حتى الخدامه تممدح ولو البس داعه قطن بدينار ونص كني لابسسه ماركه ..

الرشاقه مطلب شعبي رضينا او لا ومهما الووحده كانت خشششف طالما موررشيقه يعيبها هالشي

وللأسسف والله ...

ااما من ناحيه السخرريه استغفرالله ياربي ماتجوووووووز لو الانسان مشوه كامل موعاد سممنه ...

واللي يتطنزز اوو يعيب ع الناس هو فيه عققده داخليه ويعاني من نقص اللي حاول يفررغه بالاخررين

والف شكر يالغلا

 

[(دنيتي)]

بسم الله الرحمن الرحيم

تسلم اناملج اختي ليلى المطوع على الموضوع اللي يوعي الناس انهم يتعاملون بطريقه ارقى

بالنسبه حق السمنه اهي مرض والانسان لازم يواجهه عشان نفسه بالاول اما خفاف العقول اللي يستهزأون في اكبر طاف بالشرق الاوسط يعلمهم الادب لووووول

تقبلي شكري ومروري وتحياتي

اختج دنيتي​

 

[دريم ويب]

مثل مااقالت الرشيقه ذبوووح

الرشاقه مطلب شعبي وقومي خخخخخ

اماانه شجاب لجااب

اكييييد الرشااقه احلى

بس مااا يعيب الا العيااب

 

[أضعف بطة]

صح كلامج لازم يكون في توعية بهالشي وبدال مانستهزأ بالشخص السمين ليش مانحاول نطلعه من المشكلة اللي اهو فيها بس بطريقة ماتجرح مشاعره وانتي بجذي اسعدتيه بدون تجريح
ليلى شكرا لك من القلب على مواضيعج المميزة

 

[~DeeM~]

في مجتمعنا المحترم يقيمون الأنسان من شكله للأسف

وانا ما احب اقيم اي انسان من شكلة

بالعكس انا اشوف المتان اكثر ناس خفة دم

 

[عاشقة الكاكاو]

صح السمنة مرض بس مو الكل يقدر يتخلص منها

لان مو بس الاكل هو السبب في اسباب نفسيه وايد

ومحد يحس بالمشكلة الا اللي يعانيها

ولازم نحترم كل فئات المجتمع اللي حولنا

 

[~ بنت الهدى ~]

اكره انسان و احقر انسان اللي يتطنز على جسمي او على اي شي فيني..

بس في ناس مايكوون قصصدهم
انا مليانه و عندي بنت عم متينه بس الحين ضعفت
مره شفتها و ولله قصدي ابيها تنتبه على جسمها لأنها تعبت و اهي تسوي ريجيم مابي تعبها يرووح
قلت لها متااانه.. وقالت لي من ضعفج انتي ههههه .. و شكلها زعلت

يعني مو اي احد يعلق على جسمج قصدج طنز يمكن انتي تفهمينه غلط ..

و انا مو ضعيفه بس جسمي عااااااجبني لا ترهلات ولا شي..بس كله يقولون لي ضعفي لاتاكلين هالكثر اللي بعمرج رشيقاات و بالرقص حلو..شكو شايفييني رقاصه
يبطون جبدي شنو هاللقافه ليش تقارنوني بغييييري و المشكله وحده عصصصله جسمها يلوع الجبد تتكلم عن جسمي


خوش موضوع ليلى عالجرح

 

[غرقانة بالحزن]

العيب الكبير عيب الشخصية والطبع
واللة الشكل الخارجي هين

 

[~ بنت الهدى ~]

و بعدين شنو هالتفكير هذاااا.. الرشاقه احلى واكشخ
لا ولله وجهة نظري مو احلى انا لما متنت صرت احلى من اول بشهادة الكل و مو حلوه علي الرشااقه , مو اي وحده حلوه عليها الرشااقه

و اللي يحر عمااتي كلهم ماشا الله متاااااااان..الناس كله يشبهوني في عمتي الكبيره لي كبرت بيصير جسمي مثلها :eh_s(4): صج حريم شاغلين نفسهم بأشيا مالهم شغل فيهآآ

انا اتقبل النصيحه اللي تقول ضعفي عشان صحتج و بأسلوب بس تشبهني بوحده متينه حيل و تتطنز عليها و تقول جنج حامل لا , تسكت احسن لها



مو جني قرقت وايد , منبطه جبدي لأني مو متينه جسمي شوي مايل للمتن و عندي ناس ملقوفه :eh_s(2):

 

[brat]

موضوعج حلو ليلى

يبطون الجبد اللي يتطنزون عالمتان، لأنه صج يعتبر مرض

عاد آنا كل ماشوف أحد متين أدعيله بقلبي إن يضعف بصحة وعافية، يمكن لأني من هالفئة، بس حالياً عندي مشكلة هرمونات

بس اللي صج قليلين أدب الشباب، ما يخلون أحد بحاله، والمشكلة يتطنزون عالمتان جدام الناس وبصوت عالي

بس كما تدين تدان، خالاتي يسولفون يقولون لما كانوا صغار كانوا يتطنزون على خالاتهم ليش متان، والحين اهما متان

 

[_زينه_]

موضوع حلووو

 

[AmOoNa-]

بصفتي من المتان اللي يعانون سمنة مفرطة يبيلي 30 كيلو عالوزن المثالي
احب اقول انه انا اكثر وحده اعيب عالمتان بس طبعا بيني وبين رفيجاتي الضعاف بس واهما يقولونلي بس عاد حرام عليج اقولهم مادري من كثر ما انا متعقده من نفسي كرهت كل المتان لكن والله اعيب مومن باب الشماته ولا شي خو انا نفس الحالة.. بس من باب انه في ناس ماتحترم جسمها يعني متينه والظهر طبقاات ولابسه سترررررج داخل بطبقه طبقه بالظهر وطول ماهي تمشي يتخضخض بذمتكم هذا شي الواحد يقدر يغض النظر عنه؟؟

صراحة انا جربت الضعف وجربت المتن والسمنة شي كريه ويضيق الخلق يخليج انتي تشمئزين من نفسج قبل الناس وان شالله كل البنات يضعفون بصحة وعافية يااااااارب

وبخصوص اللي يعلقون على اي مشكله يعاني منها للي جدامهم سواء كانت جسدية او مرضية او غيره .. انا مادري هذيلة شلون يفكرون امبييييه والله انصدم لمه وحده تقول حق وحده يالمتينة ولا يالسودة ولا يالحولة... لا لا ماتخيل في ناااااااس جذي والله

 

[me just me]

اولا السمنة مرض قبل لايكون شكل جسم الخ‘‘‘‘ الواحد لازم يعالج نفسة قبل لاتصير فية امراض الواحد اذا يبي يصير جسمة حلو مو حق الناس حق نفسة وصحتة وطبعا انا ضد الي يعيبون ويتطنزون