تـــجـــمع الحوامـــــل اللي عندهم قصـــر بعنـــق الرحم

[حوريه ...]

بعد ماحجزت الموعد

الدكتور صار له ظرف طارئ والغا كل مواعيد هالاسبوع وسافر


خيره ان شاءالله

 

[sverige]

ان شاء الله خير
زين ليش متشوفين غيره مؤقتا؟؟

 

[sverige]

وين اختفيتي حوريه بالي يمج يارب خير

 

[gmar al-kuwait]

شخباركم بنات

انا نازله المشيمه ادعولي

وبالنسبه لكم بنات شلون تمارسون حياتكم

تداومون تروحون زواره والا حكره بالبيت

 

[حوريه ...]

حياتي انتي

لان مافي جديد ع الموضوع مادشيت هني


انا اوردي حاجزه موعد الاسبوع الجاي اصلاً عند الاستشاريه اللي جيتها قبل اسبوع

وقالت براجع معاج واتابع عنق الرحم اذا يتوسع او لا

ادعولي بنات


دكتورتي اللي اراجع عندها قالت دام مسكر مانربطج
لان الرخاوه مو سبب من اسباب الربط
نربط اذا العنق يتوسع ويقصر

عاد لارحت موعد بشوف شنو تقرر لان هي اخر شي راح امره علشان موضوع الربط

 

[حوريه ...]

بنات الحمدالله طول العنق عندي ٣ وشي

ومسكر

قالت ماتحتاجين بس بعطيج موعد بعد اسبوع

ونشوف يتغير او لا

تتوقعون ممكن يتغير طوله ؟؟

او يقصر ؟؟؟

انا حاليا بالاسبوع ال ١٥

الشهر الرابع

 

[Flower20]

قوة بنات شخباركم
تكفون ادعولي بالحمل التام والسليم قريبا
بغيت اعلق على كلام حورية
انا كنت تنزل علي افرازات بيضا كثييفة قبل لا اولد باسبوعين يعني من الاسبوع ١٩
وكنت احس بثقل وتعب
سويت مسحة مهبلية ومزرعة بول كلهم سليمين
يعني اجهاظي ما كان بسبب التهاب
خاصة اذا الافرازات ما فيهم ريحة وحكة
نصيحة من اخت ياقلبي دام الدكتور نصحج بربط لا تترددين
وترا سهلللة وفيه وحدة من قرايبي اغلب عيالها يابتهم على الربط

وانا اذا حملت بسويه من غير تردد حتى ان قالوا عنق الرحم طوله ومادري شنو
اهو مو عن الطول
اهو عن قوي ولا ضعيف

 

[Flower20]

عملية ربط عنق الرحم .. هل من الضروري إجراؤها في كل حمل - موقع الاستشارات - إسلام ويب

هل أعمل عملية ربط عنق الرحم في حملي الثاني بعد السقط أم لا - موقع الاستشارات - إسلام ويب

اقري الرابط الثاني عدددل
مابي اخوفج ياقلبي بس والله خاايفة عليج

 

[مطيريه عسل .. ~]

انا سقطت قبل اسبوع ، وكنت بالاسبوع ٢٢ انفتح الرحم ٢ سانتي ومارضو يسوون لي ربط لانه خطر بهالمرحله
ونمت ٨ ايام بالمستشفى وولدت
مع اني مسقطه من قبل ع ١٤ اسبوع ، بس لما حملت قالت الدكتوره بنقيس عنق الرحم كل مراجعه ونشوف
وكل مره تقول لي مسكر وزين وماتحتاجين ربط الله يسامحها
وفجأه انفتح الرحم وسقطت

يعني الرخاوه مالها شغل بالطول كلش ممكن ينتفح فجأه


الله يعوضني يارب ويثبت حملكم يارب

 

[حوريه ...]

فلور ياحياتي ماقصرتي

الله يرزقج من فضله ياكريم

ويعوضج خير

وبستخير وبشوف ان شاءالله







مطيريه
شنو سبب ولادتج دام الرحم زين عندج

 

[مطيريه عسل .. ~]

كان طول عنق الرحم زين بس كان ينقص بكل زياره

وكان بحدوده الطبيعيه

فجأه حسيت بشد وتحجر فبطني وظهري وافرازات اكثر من الطبيعيه مع اني كنت اخذ ابر بريملوت كل اسبوع
واحس بحرقة خفيفه مع ان سويت فحص التهاب مافيني الحمدالله

رحت لعيادتي فحصتني لقته مفتوح ٢ سانتي

بما ان عندي اجهاضين فقالو لي لازم ربط الحمل الجاي لان عندي رخاوه نفسج ويفتح الرحم فجأه

احنا نسوي الاسباب عشان مانندم بعدين

والله وحده هو المثبت

سوي ربط نصيحه ماراح يضرج بشي ، هو وقائي يعتبر!! فسوي الاسباب عشان لايصير شي لا سمح الله

 

[حوريه ...]

الله يكتب اللي فيه الخير



ويقدر لي الخير وين مايكون

ويجعل مافقدناهم يشفعون لنا باذن الله

 

[حوريه ...]

حبيبتي لما فحصتج ولقته مفتوح كان فحص داخلي والا سونار البطن ؟؟؟؟


وشنو حقته الابر ؟؟؟

 

[مطيريه عسل .. ~]

فحص داخلي

والابر هذي كنت اخذها من بداية الرابع كل اسبوع مره تخفف التقلصات

 

[حوريه ...]

الله يعوضج يارب

ويجعل مافقدتيهم يشفعون لج عند رب العالمين

تاكدتي ان بالموضوع خيره

لي ولج ولكل وحده اجهضت

والله يعوضنا بالضنا المتعافي الكامل ٩ شهور دون زياده ولانقصان

 

[مطيريه عسل .. ~]

امين يارب ،،




الله يعوضني وياج وكل حامل بالحمل التام ٩ شهور وبالذريه الصالحه المعافاه

 

[مطيريه عسل .. ~]

امين يارب ،،




الله يعوضني وياج وكل حامل بالحمل التام 9 شهور وبالذريه الصالحه المعافاه

 

[قـــمـــرهم]

قوووووه


حووووريه


شصار عليج ؟؟؟


والله يرزق كل من بغت الضنى عاجلا غير اجلا يااااااااارب

 

[حوريه ...]

هلا قمرهم ابد ماصار شي

كان موعدي الاسبوع اللي فات قاست عنق الرحم لقته 3 وشي قالت طبيعي
الرحم مسكر الحمدالله
قالت بعد اسبوع نسوي سونار ثاني ونشوف يتغير طوله اولا
اذا تغير بدخلج اليوم الثاني عمليه



بس بسالج قمرهم
انا اللي اعرفه ان يبين عنق الرحم اذا كان قصير
او مفتوح من الاسبوع ال 12 او 13
وبعدها يسوون الربط اذا محتاجته
بس الحين وصلت الاسبوع ال 15 ومسكر والطول زين
هل ممكن يقصر بعد الاسبوع ال 15 ؟؟؟؟؟؟

تدرين عاد لما سويت سونار وسالت دكتورة السونار عن الربط
قالت اللي اعرفه ومعروف طبياً
الربط لحالتين
يااما عنق الرحم قصير او مفتوح
يااما معاج نزيف
وانتي الحمدالله ماتعانين من الشيئين
ف طبياً مو محتاجه الربط
ومو معناته اجهضتي مره ان السبب عنق الرحم
الاسباب كثيره
ودايما وغالباً الحمل الاول اكثر من 60 %من الحريم
يجهضونه



ربج يكتب لي الخير ويسهل امري واموركم
ويتمم حملنا ياكريم

 

[قـــمـــرهم]

الحمدلله الحمدلله انه العنق عندج مسكررر وطوله طبيعي


وبالنسبه لسؤالج


ممكن يقصر بعد الاسبوع ال15 ؟


والله ما ادري


انا لما سويت الفحص كنت تفثقريبا بالاسبوع ال13 او 12 ناسيه بالضبط

بس بين مع الدكتوره انه في قصر بالعنق .. الحمدلله على كل حال ..


بس قريت جم وحده اهني بالمنتدى انهم لما وصلوا الشهر السابع صار عندهم قصر بطول العنق

وقبلها كان وضعهم طبيعي !! ولا كان عندهم قصر ولا يشكون من اي مشاكل !!