تـــجـــمع الحوامـــــل اللي عندهم قصـــر بعنـــق الرحم

[حوريه ...]

اي رنون بسونار البطن يبين اذا مسكر او متوسع





بنات احد منكم سوا فحص داخلي
بيد الدكتور طبعا هههههههههه

والا كلكم سونار من برا
وشلون عرفوا قياس عنق الرحم

رنون انا بالسعوديه ماقدر افيدج

 

[روزماري]

رنون
اي يبين من سونار البطن انا كل سوناراتي على البطن ما سويت داخلي


حوريه
من سونار البطن شافت الدكتوره عنق الرحم و قاست طوله

 

[حوريه ...]

غريبه

تدرون عاد لما رحت للاستشاري

قالي انا مالي شغل بطوله

انا علي هو قاسي او رخو

لان ممكن يكون طويل بس رخو مايتحمل ثقل البيبي

والله عليه نظريات هالدكتور

؟؟؟؟؟؟؟؟؟

مادري ليش هو غير عن باقي الدكاتره بطريقة الفحص

 

[روزماري]

و الله مادري حوريه
انا بعد مستغربه من دكتورج بس ما كنت بخوفج خصوصا سالفه الفحص
طيب ليش ما تشوفين دكتور ثاني !!

 

[حوريه ...]

روز حياتي



هو استشاري بمستشفى حكومي

ورحت حق استشاريه سودانيه بمستشفا خاص

ومثل ماقلت لج قالت ماراح استعجل دام العنق مسكر عندج الحين بصبر اسبوعين وبشوف يتوسع او لا


لان قامت تسال عن حملي الاول اسئله شكثر

وعقب قالت تسقيطج ماله شغل بعنق الرحم

وعقب قالت انتي شاغلتج سالفة الربط بس ماراح استعجل واربط بصبر وبشيك وبشوف



حتا هي استغربت قالت فحصج بيده قلت اي ليش يضر ؟؟؟؟؟ قالت لا ان شاءالله مايضر

 

[قـــمـــرهم]

حوريه يا قلبي

لا تنطرين اسبوعين حق موعد الدكتوره السودانيه

بعد اسبوعين تكونين بالاسبوع ال15 والله متاخر حييييييييل


نصيحتي لج استخيري بدال المره عشر

و روحي للموعد اللي عطوج اياه المستشفى الاول
موعد الاسبوع الجااااي

ع الاقل تكونين بالاسبوع ال14 يمديج تضبطين نفسج وتسوين
العمليه لو احتجتيها..




و انا عن نفسي كل سوناراتي ع البطن ولا مره سويت فحص داخلي

حتا دكتورتي قاستلي طول عنق الرحم عن طريق سونار البطن




والفحص الداخلي انا اخاف منه حيل وبالذات حامل !!!

احس انه مو زين للحامل !!!


بس انتي لاتستهينين بكلام دكتورج !!!


يمكن يكون اشطررررر من الدكاتره الباقين صح والا لا !!!


ويمكن يكون صج عندج رخاوه بعنق الرحم !!!


طوله زين بس انه رخو

يمكن ليش لا


اهو دكتور وادرى بهالامور ..


ودام اجهاضج صار بالاسبوع ال20 مو بعيده

يكون كلام الدكتور صحيح العنق عندج رخو وماتحمل حجم

البيبي والثقل ....



و السفر بالسياره اذا اذا سويتي العمليه حاولي بنفس يوم العمليه تنامين بالمستشفى

وتطلعين من المستشفى احجزولكم فندق يوم او يومين بس بنفس المنطقه ارتااااااااحي ع الاقل

3 ايام قبل ماتردين منطقتج اللي انتي ساكنه فيها لانه طريج السفر وخاصه بالسياره

حدددددده متعب ..


و اذا رجعتي لمنطقتج روحي ع طووووول بيت اهلج ولاااااااتصعدين درج نصيحه
ارتاحي ع الاقل اسبوعين

ولا تبذلين اي مجهود بهالاسبوعين ولاتصعدين درج


وعقبها ارجعي شقتج ...


بس استشيري الدكتور ع سالفة الدرج قولي عادي اصعد

الدرج ؟؟



والله يسهل امورج يارب ويسخرلج الدكاتره الزينه يااااارب




رنووووون


انا دكتورتي سوتلي الشونار العادي مال البطن

وشافت انه عندي قصر بالعنق وقاستلي بعد الطول

كله عن طريق سونار البطن


ماسويت سونار داخلي

 

[حوريه ...]

قمرهم انا احترت والله

الدكتور يقول شوفي مستشفى خاص يسويها لان الخيط عندي مو كويس



الدكتوره تقول ماراح استعجل عنق الرحم عندج مسكر مافي توسع

وقالت يسوونها بالاسبوع ال 16 لو تبين قلت لها الجنين كبر اخاف يضر قالت لا
وهي استشاريه بعد




موعد الاسبوع الجاي حق كشف مو عمليه انا اخذته اليوم ع اساس لو ماحصلت دكتوره تستقبلني اكون حجزت موعد قريب



بصبر هاليومين وبرجع استخير وبشوف شنو راح اسوي


لاني مادري احتاج او لا


هو قالي فيج شوي رخاوه وخايف يتكرر اللي صار

وهي تقول عنق سليم ع اي اساس اسوي لج عمليه لازم اتاكد واتابع العنق عندج يتوسع او يقصر





سبحان الله حتا بالمرض ماعرفوا يشخصونه عدل

يارب يفرج كربتي ويسهل علي يااااارب دعواتكم

 

[حوريه ...]

بنات انتو كلكم قصر بعنق الرحم


يعني مامرت عليكم سالفة رخاوة وهالكلام

 

[حوريه ...]

بس انا اللي فحصوني من داخل ؟؟؟؟؟؟؟

 

[حوريه ...]

بنات الفحص الداخلي يضر



مااخليهم يفحصوني مره ثانيه

 

[روزماري]

حوريه

انا ماادري اذا يضر و لآلا هم الدكاتره أدرى
بس اذكر مره دكتورتي قالت انا أخاف من الفحص الداخلي للحامل

فما ادري حطي موضوع بقسم النساء و الولادة و شوفي ردود و تجارب البنات

 

["*آآآنؤؤؤقهـ*"]

الله يهون عليييكم

 

[حوريه ...]

مشكوره حبيبتي روز
والله بعض الدكاتره اغبيا
وكل شي عندهم عادي




انوقه
والله ويشهد علي اني احبج في الله
ويارب يرزقج بالحمل السليم عااااااجلاً ياكريم
ويعوض صبرج خير ان شاءالله

 

[قـــمـــرهم]

شلونكم بنات


شصار عليج حوريه ؟

 

[حوريه ...]

ع خبرج ماكو جديد

موعد ع الاسبوع الجاي و٧٠٪ ماراح اروح

وموعد الاسبوع اللي بعده وبشوف شنو تقرر الدكتوره

لان الثاني استشاريه ف اتوقع شاطره وفاهمه




بس جاوبوني انتو كلكم ربطتوا ع اساس قصر بعنق الرحم صح ؟؟؟؟؟؟؟؟؟؟

يعني مو رخاوه وهالكلام

 

[قـــمـــرهم]

هلا حوريه


انا اللي فيني قصر بالعنق ..

والفحص كان بس سونار خارجي ماسويت فحص داخلي ..

والرخاوه ماعندي اي خبره عنها ولا سمعت فيها ..


بس اذا تبين نصيحتي ..

استخييييييري

وروحي لموعدج الاسبوع الجاي او سوي عمليتج عند الحكومه ..

لا تقولين استشاريه وخبره وهالسوالف

ترا انا دكتورتي اللي كنت اراجع عندها بحمالي الاولي

كانت استشاريه واحسن دكتوره عندهم ع كلامهم ..

وشوفي شصار

صج كل شي الله كاتبه بس اهي على اساس اول حمل ماچيكت

ع العنق هذا واهي استشاريه!!!!!!!




وبقولج شغله مابي اخرعج بس ابيج اديرين بالج ع نفسج

ترا العنق اذا انفتح ينفتح بسرررررررعه

انا صارلي جذي بالليل جاني طلق خفيف

جيتهم الفجر وتقريبا ع ال7 الصبح قالولي الرحم مفتوح

والبيبي طالعه رجله برا ..


والرخاوه اعتقد لازم ربط لانه اللي افهمه انه العنق لين رخووو


موووو قوي وشاد ومسكررررر يبيله مساعده خارجيه

 

[حوريه ...]

قمرهم


انا معاج بكلامج
وربي الليله اللي قبل امشي للمستشفى كنت استخير وادعي وابكي وقريت سورة البقره
ويمكن التاخير صار خيره من رب العالمين


انا قبل اولد كان ينزل علي افرازات ثقيله وخضرا ورحت المستشفى ولاشافهم قال يمكن التهاب شيك بالسونار قال كل حاقه كويسه
وزطني غسول قالي يمكن التهاب خارجي
ولما بحثت بالنت طلعت هي ماي الجنين وانا مو عارفه ع بالي افرازات
وانا اشوف كانت تنزل بكثره لدرجة كنت اتضايق تغرق ملابسي داخل
بس لاني بكر مو عارفه وبعدها بايام فجاه الفجر الم وطلق وحالتي حاله وولدت الحمدالله ع كل حال
المشكله الحكومي قالي الخيط بيسبب مشاكل لج ماينفع مااقدر اسويه
وانا للحين استخير وادعي ربي ييسر امري للي فيه خير لي
وترا حتا الدكتوره اللي اراجع عندها حاليا رفضت تسوي لي ربط تقول الرحم مسكر ماراح اسوي



ربي يسهل وييسر امري ويكتب لي الخير وين ماكان بالربط او بدونه

ويعوضني بالجنين السليم ان شاءالله

دعواتكم لاتنسوني منها

 

[sverige]

مرحبا حوريه شلونج والله انشغل بالي عليج
شلون صرتي؟؟!!
اني ماره بتجربتج تعرفين وولدت على اسبوع 34 والحمد لله
سويت سونار داخلي فتره الحمل
اول حملي تقريبا اسبوع 9-12
وبشهر الرابع اشتركت بدراسه معموله عن عنق الرحم وقصره وهم جان الفحص داخلي
ولما وحت للمستشفى قبل ولادتي باسبوعين سويت فحص داخلي بحدود 3 مرات يوم على يوم
وجان قصران ويقصر ويقصر كل يوم

ورا مااخذت التراكتوسيل مفحصوني داخلي لانو مبقى يهمهم موعد الولاده لانو الطفل اخذ كورتزون وهذا الي جان يفرق وياهم

الفحص الداخلي مزعج بس موخطير ولاياثر عالجنين بشي الا اللهم كثرته فلتخافين من هالناحيه ان شاء الله ماكو شي
وفحص السونار الخارجي ابد مودقيق ولاينفع! ميعتمدون عليه ابدا بهيجي حاله وطمنيني عليج

 

[حوريه ...]

حياتي مشكوره ماقصرتي ع اهتمامج







انا مدحوا لي دكتور شاطر للربط اعرف وحده سوت عنده
تقول ذكي وممتاز
بستخير وبروح له ان شاءالله اذا ربي كتب وببلغكم شنو يصير معاي ان شاءالله

 

[sverige]

ان شاء الله خير اكتبيلنا اول مترجعين من الدكتور
والله يقومج بالسلامه ياحوريه