تـــجـــمع الحوامـــــل اللي عندهم قصـــر بعنـــق الرحم

[Ririi]

ريري

الله يعوضج حبيبتي

و صح الالتهاب ممكن يفتح الربط و حتى اللي مو مسويه ربط
العدوى تنتقل لعنق الرحم و تفتحه

المفروض تسوين مسحه كل شهر هذا اللي قاعده تسويه دكتورتي كل شهر مسحه

كنت مسويه مسحة قبل الاجهاض بيومين وعلى ماتطلع نتيجته عطوني تحاميل على وصفي لهم للافرازات اللي اتيني بس قدر الله وماشاء فعل استخدمت يومين التحاميل وصار اللي صار

 

[حوريه ...]

شلونكم بنات

بسالكم واتوقع سالتكم من قبل


باي اسبوع اقدر اخذ ابرة الرئة


وهل فعلاً لو حصل ولاده مبكره وانا اخذتها يعيش الجنين

لان الدكتوره قالت لي ماشوف انها مهمه

 

[Flower20]

حياتي شوفي هذا الموضوع رد دكتور على سؤالج
حورية
إلى الدكتور الفاااضل إبرة الرئة للجنين - عيادات ومنتديات طبيبي
اتمنى انج شفتي رسالتي الخاصة

 

[روزماري]

حوريه
أنا خذيتها بالأسبوع 26

أبره الرئه تأخذينها من الأسبوع 24 لي 26
هي تساعد على اكتمال رئه البيبي بس ما تعتبر شرط أساسي أن البيبي يعيش لأنه كل شـي بيد الله سبحانه

أ

 

[روزماري]

إحساس

لا مو شرط إذا سويتي الربط ما تحركين من السرير

إنا بس يومين بعد ألعمليه كنت مريحه نفسي بالبيت و من بعدها عادي أمارس حياتي طبيعيه الحمدلله
حتى دكتورتي لما سألتها قالت عادي

بس هو على حسب حالتج شوفي دكتورج شنو يقولج

 

[Flower20]

انا بسوي ربط بعد جم يوم وصار فيني وسواس انه ممكن يبطل
خصوصا انه كانت معاي تقلصات قبل اجهاضي الاول بشهر يعني احس سبب اجهاضي من التقلصات مو من عنق الرحم
وبيسوووووونه لي ببنج نصفي يعني اكون صاحية يا رب صبرني مالي خلق

 

[Flower20]

قمرهم الحمدلله على السلامة حبيبتي فديتج والله يجعلها بنوتة صالحة يا رب

 

[Flower20]

بنات منو سوت الربط ببنج نصفي او ابرة الظهر
اقولهم ابي بنج كامل يقولون لا النصفي احسن ما يوصل للجنين

 

[Flower20]

حورية انتي دكتورتج كل شي عندها مو مهم
ابرة الرئة مو مهمة حبوب يوتبار مو مهمة عيل شنو المهم عندها ترا حقدت عليها خخخخ
انا اراجع عند دكتور محسن طلبة بالامومة ودكتورة بالصباح وكلهم ناشبه بحلوجهم يكتبون الدوا الي ابيه يعني يكتبونه

 

[Flower20]

انا كنت عند الدكتورة قبل شوي قاستلي عنق الرحم طوله طبيعي وزين!
تقولي ما تحتاجين ربط بس ابر وحبوب مثبته عشان التقلصات
بس قريت ببعض المواقع انه ممكن شكله يكون خادع
انقذوني بنات من حيرتي باقي على موعد الربط جم يوم//////

 

[حوريه ...]

فلور حبيبتي قريت رسالتج

اي دكتورتي مادري شفيها
عاد اذا جيتها ارتاح تهون علي كل شي هههههههههههه


احس كل شي سهالات عندها

انا قست عنق الرحم ب ٣ مستشفيات
واحد منهم بس قالي اربطي والباقي قالوا لا

اصلاً الدكتوره رفضت تربط تقول ع بالج حنا اي وحده تجهض بالشهور الوسطى نربطها
لا طبعاً

وسالت غير هالثلاث دكتورتين قلت زيادة معلومات واحتياط ههههههههه

وهم قالوا مانربط الا اذا العنق وسيع او معاج نزيف

والله استخرت ومارتحت بصراحه وكنسلت والا قبل بروح اربط ع مسوؤليتي

بس الحمدالله
ماعاد اطلع مثل قبل
ماكو درج نازله طالعه
ماكو جماع
ماكو فلفل ومعبوج وحوار
ماكو تمرر اااااااه من قالوا ممنوع التمر وانا كل يوم افتحه اشوفه وارد اسكره
مت مت صرت اشتهيه بشكل مو طبيعي



فلور ترا انا مثلج انشب بحلق الدكتوره
لدرجة تقولي انتي عندج معلومات بكل شي
كل شي تعرفينه
قلت شنو اسوي جربت شي مابي ارجع اجربه







روز ماري
ونعم بالله
صادقه
بس الواحد يعمل بالاسباب
ودي اخذها عشان ارتاح ماحس بتانيب ضمير بعدين
واكون سويت كل شي اقدر اسويه
والله يتمم لي ولكم ع خير يارب

 

[حوريه ...]

فلور


تدرين امس نزلو بالجريده عندنا عن حبوب يوتبار
انها مضره

واسحبوها من السوق

يقولون اكتشفوا انها تسبب امراض واللي فهمته تجمع ماي ع الرئه

عاد كنت بقول للدكتوره تعطينياهم لارحت لموعدي

خيره بعد والخيره فيما اختاره الله

 

[Flower20]

حورية
لا بيسحبونها من السعودية
كنت بوصي ناس ايبونها من عندكم خخخخخخ
بس بالله خيرة
مع اني امس قريت رد لوحدة نفس حالتي تقول يتني ولادة مبكرة واجهضت اول حمل
باقي حمولها خذت حبوب يوتوبار وكملت
انزين انتي ما تاخذين عالاقل تحاميل سايكولوجست
انا اخذ مرتين باليوم
كلمت دكتورتي عن بديل لحبوب يوتبار قالتلي حبوب نعطيهم للربو مثل فانتولين وبوتالين
يهدون الرحم
عاد امس اقرا مشاركات لبنات عن طول عنق الرحم لما قاسوه بنهاية ١٢ اسبوع
اكثرهم من ٤ وفوق
انا قسته قبل ١٢ اسبوع وكان اقل من ٤ اتوقع انه قاعد يقصر؟
فعلا انا قبل لا اولد كنت احس بثقل تحت حييييل كاني وحدة بالتاسع وكنت مستغربة لان كله اسمع ان الشهر الخامس خفيف
وبيوم الولادة حسيت لما جيس الماي نزل شوية وانا بالبيت وبلحضتها زادت الطلوق
رحت الطبيب ولا نازل جيس الماي تحت وفاتح عنق الرحم
اتوقعه ضعيف عندي ومع التقلصات يزيد الضعف

 

[Flower20]

امس قريت معلومة
تقول اذا وحدة حامل حست بتحجر البطن

تنام على الجنب ويروووح على طول
وتشرب ماي

 

[Flower20]

حورية شنو فيه التمر ؟
انا مدمنة تمر ماقدر اتخلى عنه
يعني مو زيين للرحم؟؟؟؟
الي اعرفه الرطب مو زين

 

[روزماري]

فلور

الله يعوضج حبيبتي
بس ليش بنج نصفي ؟؟ اللي اعرفه بنج كامل

و انا سويتها بنج كامل

 

[قـــمـــرهم]

صباح الخير



شلونكم بنات ؟


ابشركم انا ولدت طبيعي اللهم لك الحمد

و جبت بنووووته قمر اسم الله عليهااااا




الله يهون عليكم بنات وتقومون بالسلامه يارب

 

[قـــمـــرهم]

اللي عندها استفسارات


اعذروني حدددددي تعبانه ما اقدر ارد ع الاسئله




فلور

انا سويتها بنج كامل

 

[gmar al-kuwait]

قمرهم حمدلله على السلاامه ياقلبي

ومبروك القمر تتربى بعزج

يلا بنخليج شهر ترتاحين عقب تعالي قوليلنا منو دكتورج وحسيتي بالام الولاده

والا عطوج بنج والا ابرة ظهر :eh_s(*):

لاني بجر وخايفه ودكتوري مو مرتاحتله وخايفه يعذنبي بالولاده او يسويلي قيصريه

:eh_s(*): :eh_s(*):

 

[قـــمـــرهم]

قمر الكويت


الله يسلمج ي قلبي

و

يبارك فيييج يااااارب





لا ما خذيت ابرة ظهر ..

عطوني كمام بس ..

والام الولاده حسييييييييت بكل شي كل شي كل شي

حسيت اني مت ورديت حييت مره ثانيه


الله لا يحرم امي وامهاااااتكم الاجر ياااااااارب ..





اول ما اكتب قصة ولادتي
راح انسخها اهني عشان تقرونها باذن الله ..




زين انتي قوليلي


منووو دكتورج ؟

و

انتي حامل بتوام صح ؟


و


شنو قايلج الدكتور عن وضعج ؟ وعن الولاده ؟ طبيعي والا عمليه؟