تـــجـــمع الحوامـــــل اللي عندهم قصـــر بعنـــق الرحم

[ام نواااف]

انا عند الدكتور مدحت بمستشفى العرف مع انه بيتي بالديره بس اتعناله يستاهلمدحته رفيجتي سوت ٥ مرات ربط عنده


وجربته يهبل بسرعه تخلص العمليه يمكن ربع ساعه طلعت
وعطاني تحاميل مثبته اسبوعين وبندول بس
والحمدالله كملت عنده للولاده وفتحلي الربط بسرعه

 

[حوريه ...]

ام نواف

اي اسبوع ولدتي بالسادس

وعاش البيبي ؟؟؟



قمر الكويت
ماعليج من كلام الدكتور
شوفي غيره
اختي قالها الحوض صغير وبطنج مرتفع فوق باول التاسع

وصارت تمشي وبدا ينزل بطنها واسبوع الا هي والده طبيعي

وطبعاً غيرت الدكتور اللي قالها حوضج صغير
فاانتي اسألي احسن كذا دكتور

 

[حوريه ...]

فلور حبيبتي

انا منعتني الدكتوره من التمر تقول يهيج الرحم

تقول لادشيتي التاسع اكلي لين تشبعين

بس الحين ممنوع

 

[ام نواااف]

هلا حوريه

باسبوع ٢٣ اول السادس
ماعاش البيبي
وحملت بعدها وسويت ربط والحمدالله ولدت ب شهري

 

[حوريه ...]

ام نواف يعني انتي سبب الولاده قصر عنق الرحم

كم كان طوله وماكتشفوه بالاول



الحمدالله ربي عوضج

 

[ام نواااف]

انا سقطت فجأه قالولي يمكن ارتخاءترى موشرط ممكن يكون عنق الرحم قصير بس يكون قوي ومسكر
وممكن طويل وبسرعه يرتخي


الربط حمايه فقط وكل شي بيد رب العالمين

 

[حوريه ...]

الله يثبت مافي ارحامنا ويهون علينا يارب

 

[gmar al-kuwait]

امين يارب

شخباركم بنات
تصعدون الدرج ؟
انا امس غامرت وصعدت درج طويل والله يستر

 

[قـــمـــرهم]

شلووووونكم عسووولات؟


قمر الكويت


لااااتغامرين وتصعدين الدرج


انا طوووول فترة حمالي

صعدت مرتين

مره في بيت اهلي

و

مره كنت رايحه لشقتي وتفاجئت انه الاصنصير خربان

وصعدت لي الدور الثالث):



طبعا كنت اصعد شوووي شوي ع الخفيف

والحمدلله عدوا على خير

بس انتي لاتغامرين احسن لج

 

[قـــمـــرهم]

حوريه


شلونج؟

جم لج الحين؟

 

[حوريه ...]

هلا قمرهم

انتي شلونج شلون بنيتج

ياحلاة البنات والله بس ترا دايما بالنفاس
يكرن البنات مزعجين اكثر من العيال هههههههه



انا المفروض بالاسبوع ٢٥
بالسادس يعني

بس اخر سونار يقول انتي بالاسبوع ال ٢٦ حاليا يعني

انطر السابع ع احر من الجمر علشان اخذ ابرة الرئة ابي ارتاح

زايده المحاتاه حيييييل عندي

الله كريم يارب

 

[mdam 7laa]

السلام بنات انا بالاسبوع ال14 توني مسويه الربط قبل اسبوعين

 

[Flower20]

انا سويت ربط وكان عنق الرحم طويل والحين قصر شوية عن قبل
عادي يقصر مع تقدم الحمل او لا
انت توني اول الخامس

 

[gmar al-kuwait]

شلونكم بنات

 

[دلوله123]

السلام عليكم



قبل كم يوم موعدي مع دكتوره عاليه قالت لي الجنين متأخر اسبوع يعني شنو !!!!



انا مفروض بالأسبوع الثامن و السونار مابين نبض و مبين انه بالأسبوع السادس رغم اني ملتزمه بالفوليك و المثبتات و الأسبرين و المثبتات و الحمدلله


قلت لها متوفي يعني قالت تعالي بعد اسبوع و تمي على علاجاتج احد يفيدني في احد مثل حالتي و بعدين سمعت النبض


و فيدوني بالرحم ذو القرنين اللي مو منفصل قالت لي يتم الحمل فيه عادي في احد سمع عنه و ولد عادي بدون مشاكل ادعولي تكفووووون لعل الله يتقبل دعوة احدكم و يتمم حملي بسهاله



اطق طريج من الفروانيه لعاليه كل اسبوع غير الميزانيه اللي راحت على الابر و الحبوب و السونارات و للدخله الحمدلله


تعمدت احط هالموضوع بالتجمعات يمكن احد يفيدني

 

[أأأميرة الورد]

بنات ممكن سؤال

ماهو طول عنق الرحم الطبيعي ؟؟؟؟

 

[مذهــلــه]

يعطيكم العافيه بنات وربي يتمللنا على خير

انا سويت ربط الاسبوع اللي طاف

بمستشفى الولاده ... مع اني قبلها بجم يوم كنت مسويه سونار داخلي وقالولي عنق الرحم طويل لكن بعد العمليه تقولي الدكتوره تفاجئنا انه مو نفس السونار يعني اقصر
عطوني تحاميل ثلاث مرات ... ادعولي بنات حدي خايفه واوسوس

اللي عندها قصر عنق الرحم وتسوي ربط تكمل لشهرها وشنو احتياطاتكم بعد العمليه ارجو الافاده

 

[مذهــلــه]

بنات انا سبق وصار عندي اجهاض باخر الخامس

والحين مسويه ربط ... متوكله على رب العالمين لكن مرات اوسوس واخاف

طمنوني بنات على وضعكم .. منو ولدت بشهرها؟ وشنو كانت الاحتياطات اللي تسويها يعني عشان تحافظ كثر ماتقدر على الربط والجنين

انا الدكتوره قالتلي مارسي حياتج طبيعي بس خايفه اكثر من الحركه حدي الغرفه وتكرمون الحمام واقعد بداري اتغدا واتعشى

ادعولي بنات

 

[قـــمـــرهم]

مساااااء الخير


انا من زمان موداشه المنتدى

بس والله يا مذهله دشيت عشان ارد عليج

 

[قـــمـــرهم]

مساااااء الخير


انا من زمان موداشه المنتدى

بس والله يا مذهله دشيت عشان ارد عليج

انا ي قلبي نفس وضعج


كان عندي اجهااااض باول الخاامس


ولما سويت فحص طلع عندي قصر بعنق الرحم

وقالي الدكتور كل حمل احتمال كبير تحتاجين ربط




والحمدلله حملت وسويت ربط وكنت طول فترة حملي نايمه
على ظهري ما اتحرك


والحمدلله الحمدلله ولدت وجبت بنوته قمر



لا تحاتين ي قلبي ولا توسوسين

دام دكتورتج قالتلج عيشي حياتج طبيعيه

خلاص سوي اللي تبينه بس احرصي ع نفسج

ولاتجهدين روحج



انا ليش نمت على ظهري طول فترة حملي لاني لما ربطت
كان حييييييل متاخر كان عنق الرحم مفتوح عندي
ولما ربطتلي الدكتوره قالت كان مفتوح لو متاخرين شوي
يمكن طاح


وقالتلي مره ثانيه اذا بغيتي تسوينها سويها امبجررررر



ومارسي حياتج طبيعي

بس انا كان وضعي شوي
ربطت حدده حده ف اضطريت ارتاح وانام ع ظهري




شوفي يا قلبي انتي لاتاخذين ع كلامي
اسمعي كلام دكتورتج اهي ادرى بحالتج


لانه حاله عن حاله تفرررق






وترا انا والده عن دكتور حيان



وااااااااي يهبل الله يوسعله ويرزقه من حيث لا يحتسب


كنت اراجع بالمواساه وقالولي عمليه



ورحت لدكتور حيان قبل ولادتي ب10ايام بس

وقالي عادي اولدج طبيعي اللهم لك الحمد



والله بس مراجعه وحده عنده والمره الثانيه شفته بغرفة الولاده
بسسسس


والدكتور عسل وحبيب وصبور ومريييييح حيل

شاطر الله يستر عليه



وباذن الله ولاداتي الجايه عنده
لانه انا شوي حاله خاصه وماينفعلي الا هالدكتور من بعد الله