تفاصيل جولتي على حضانات الكويت

[princess-kuw]

ياجماعة الخيرر .. ممكن اتفيدوني ..
ابي حضانه قريبه من عندي .. ياقرطبه او السره ..
شنو تنصحوني .. ولدي عمره سنتين ونص ..
ابي تدريس وابي اهتمام

حبيبتي مالج الا ريبون وايد حلو صدقيني تعامله زين وتسجيل كل شي فيديو وراح يحطون بالمستقبل مراقبة الطفل عن طريق النت يعني وانتي بالدوام تجيكين على ولج ةتدريسهم وايد حلو والمكان يجذب الطفل وايد وايد وايد حلوه دخلية وانتي مطمنة ريبون وبس

 

[غالية زمانها]

حبيبتي مالج الا ريبون وايد حلو صدقيني تعامله زين وتسجيل كل شي فيديو وراح يحطون بالمستقبل مراقبة الطفل عن طريق النت يعني وانتي بالدوام تجيكين على ولج ةتدريسهم وايد حلو والمكان يجذب الطفل وايد وايد وايد حلوه دخلية وانتي مطمنة ريبون وبس

اااي رحت وطليت على الحضانه اعجبتني وووووووووايد
بس مادري اشلونهم من ناحية التدريس ؟؟ وشفت الكاميرات
هذا اللي ريحني ..انتي مدخله اعيالج ؟؟

 

[غالية زمانها]

رفع ..

 

[كحيلة_العين]

بنات ماتعرفون حضانه بسلوى زينه ورخيصه

 

[شيماء وليد]

يعطيكم العافية وشكرا على الاهتمام
انا سجلت ولدي بحضانة جديدة بمنطقة بيان و ماعمري شفت نفسها بالكويت اسمها اميريكان كيدز كولج ادارتها كويتية وعلى مستوى عالي من الخبرة
و احلا شي عندهم ان انا اقدر اشوف ولدي كل الوقت على النت

 

[شيماء وليد]

لا و ازيدكم عندهم صبح وعصر
ومواصلات

 

[شيماء وليد]

و لي تبي تستفسر رقم مديرتهم 99909395

 

[شيماء وليد]

ana tawny msagla wildi b7danat amarican kids colleg be bayan w el7dana 3geeba w feha camerat agder ashof wildy min ay mokan 3n treg el net w 3ndohom mwaslat (bus) w b3d ydarson english w mnahighom amrekia w moderathom kwetiyat w sa7btha thabil esmha shaimaa b3d 3la esmi w ra9imha 99909395

 

[farah-q8]

يعطيج العافيه على الجوله الحلوة

 

[katkota76]

شيماء حبيبتي ممكن عنوان الحضانة ؟
وجم سعرها ؟
ودوامهم لي الساعة جم الظهر ؟

 

[ندوش]

السلام عليكم

حبيت ارد عليج بخصوص هالحضانه

لان شيفتها وعن قرب وقاعده داخل جم مره والله

اول شي مو كل مدرساتها بريطانيات

لآ فيهم هنديات و افرييات واشكالهو تخوف استغفرالله ومصريات وفلسطينيات ومتاكده

اهم جدام الام يقولون لج عندنا وعندنا بس بصج

تنصدمين منهم ومن الاهمال المدرسه بذات حزت الاكل

ويدرسون اليهال جنه عمرهم 12 سنه والله انصدمت اليهل يطلع مو فاهم شي بس مستانس على اللعب

وشفي المكان اشكبره بس كله مقعدين اليهال بالصفوف

يعني الشكل يغرج بس

انا مو اقطع رزقهم بس صج شكل من بره ومن داخل التعليم والتربيه اي شي

وياخذون الام بالسانهم وبذات بنت صاحبه المكان ترفع في المكان واهي مو فاهم في هالمجال اي شي

واللة يا اختي انج ظالمتهم بصراحة ما كو شي قلتيه صح ؟؟؟؟؟؟ انا دوم هناك اروح اخذ بنت اختي وايد مرتبين ويهتمون بكل شي وبكل التفاصيل ومدرساتهم وايد زينيين اكو مدرسات عربيات بس خريجات مدارس امريكية ممتازات وبعدين اهم ما يخشون يقولون عندهم اجانب وعرب انا اختي لما راحت قالولها وهي ضاق خلقها لما حطوها عند وحدة عربية فلسطينية السنة الماضية قالولها جربيها واذا اكو ملاحظات قولي بس اللة يشهد اختي وايد استانست علي تدريسها بنتها فرقت وايد عليها ولما نقلوا بنتها السنة هاذي من عند مدرستها الفلسطينية انقهرت وايد بس قالولها لازم تتعود علشان تتعرف علي اطفال ثانيين وتسوي صداقات يديدة مدرستها رائعة كانت وتدريسها ممتاز بصراحة ما يبيلها كلام طول عمرهم الفلسطينيات تدريسهم قوي واكو امريكيات انا شايفتهم واجانب موجودين حتي مس لطيفة متفهمة ونفسيتها رائعة اموت عليها بصراحة تحب ترضي الاهالي وتحل اي مشاكل تصير وتسمع للاهالي وخلقها وسيع وايد وايد محترمة ووين حاكرينهم حرام واللة اكو حصة الجاردن يلعبون فيها والسينما ويطلعونهم يلعبون بحوض الكور والنطاطية ويلعبون بالمايى والرمل بس كل شي له وقته يعني بعد التعليم لازم له وقتة احنا مودينهم بس للعب دافعين مبالغ للعب بس خلص نوديهم اي مكان ونخلص بس اهم يهتمون بالدراسة بوبعدين وين تقولين يدرسون جنهم 12 سنة وتقولين بعدها مل يفهمون شي ما فهمنا شلون قصدج الظاهر اختي انت مو حابة احد هناك؟؟؟؟ روحي مرة ثانية وشوفي واستني ردج[/[/COLOR]color][/size][/size][/b]

 

[ندوش]

يعطيكم العافية وشكرا على الاهتمام
انا سجلت ولدي بحضانة جديدة بمنطقة بيان و ماعمري شفت نفسها بالكويت اسمها اميريكان كيدز كولج ادارتها كويتية وعلى مستوى عالي من الخبرة
و احلا شي عندهم ان انا اقدر اشوف ولدي كل الوقت على النت

حبيبتي مو هذي الي صاحبها واحد سوري رايحتها رفيجتي توها ما فتحت وبعدين ما كو كويتيات اداريات اكو فلسطينية بس

 

[ام الحوراء]

السلام بنات انا بعد ودي بحضانه بس للاسف كله فل ما ادري وين اروح انا ما ابي اي شي طبعا انا رحت اللي بالفيحا واللي بالدسمه بلومنج
بس بلييز بنات عطونا تفاصيل عن اللي ببيان اللي فيها مواصلات

 

[زوجة جوجي]

يعطيكم العافيه يا بنات
انا مدخله بنوتي حضانة الانجليزيه ثنائية اللغه بالرميثيه رسومهم 100 شهريا و 50 اشتراك سنوي بس من شهر 9 راح يصير الاشتراك 80 لأن السناك بيكون عليهم وراح يكون فيه يونيفورم اهم فانحين بالصيف و ياخذون من عمر 1,3 الى 6 سنوات
الحضانه نظيفه و يهتمون الطفل ويحفظون اسم كل طفل وبنتي وايد تحب الحضانه وكل خميس عندهم اما رحله او عيد ميلاد ومن ناحية الاستفاده بنتي تعرف انجليزي وما سمعت منها شي جديد الا اغنيه انجليزيه جان اروح يوم امبجر شويه وطلبت من صاحبة الحضانه اني اشوف بنتي بالكلاس من الدريشه وما مانعت خلوني اشوفها من الدريشه بس لفوا ويه بنتي عشان ما تشوفني والله كانوا يعلمونها اشياء تشوق عن شخصيات مثل المطافي مع اغاني انجليزيه وحركات باليد تعبر عن الشخصيه الاطفال كانوا وايد مستمتعين رقم تليفونهم 25618197

سجلت ولدي عندهم يوم الخميس وان شاء الله باجر يداوم
الحضانه وايد عجبتني من داخل تشوق و الصفوف الحلوه
و اهم شي ان الستاف كلهم يدشون القلب و منهجهم حيل عجيب هذا انطباعي الاول

وان شاء الله يستفيد

 

[*دانة الخليج*]

الحضانات الحين كثرت واهم شي عندهم الفلوس

مشكوره على الموضوع

 

[futfut]

حبيبتي جربي تروحين حضانة ليلى بالزهراء حضانة صغيرة بس وايد حلوة ادارتها كويتية ومشرفاتها كويتيات والمدرسات تقدرين تسمينهم كويتيات اهم بدون بس بنات الكويت وماعندهم لا مصريات ولا اي جنسية ثانية يعلمون اليهال عربي ودين وانجليزي بس ما تصدقين اشكثر حنونييين على اليهال ورسومهم 80 دينار بالشهر و 20 دينار رسوم تسجيل واذا سجلتي كورس يطلع عليج 350 حق 5 شهور يعني الشهر 70 دينار الشهر اهيا يم حضانة ريبون

 

[reham123]

بنات امريكان كيدز كولج وين مكانهم في بيان و بجم ؟؟؟

 

[reham123]

هونت بس ماني مودية هالحضانه بس ديكورات عالفاضي

 

[الفتاة السماوية]

بنااات الله يعافيكم

أبي حضانات الاندلس منووو تعرف شي عنها ومنو لها تجارب فيها؟؟

كنت ناويه اسجل بحضانة اقرأ اللي بالاندلس بس في وحده كاتبها عنها كلام يخررع بصفحه 9

بس هالحجي قبل سنه؟ يعني يمكن يكونون تغيروا للأفضل

الله يعافيكم فيدوووووني

 

[Om Badoory]

شدعوووة بنااات محد ياب طاري الحضانة الانجليزية العالمية اللى بجنوب السرة (السلام ) ....


اللى عندها خبر عنها يلييييت تفيدنا ..............