بسم الله الرحمن الرحيم
نتفق من البداية على نقطة:
اعتذر اذا كانت الصور مهزوزة او مو واضحة
قرب وقت السفر و زادت اللهفة و الحماس :nbvppw:
رحلتنا كانت لمدة 13 يوم من 2010/7/16 الموافق 1431/8/5الى 2010/7/28 الموافق 1431/8/17
افراد الرحلة : البابا و الماما و محدثتكم و الكابتن اخوي وزوجته و الشيخ و الشيخة و اخوي واختي
يعني 7 اشخاص و 1 طفل و 1 رضيعة....... الاجمالي= 9 اشخاص
16 جولاي الموافق 5 شعبان
عبينا الشناط وانطلقنا من البيت ... كنت مواصلة مانمت و وصلنا قريب المطار الساعة 4 و شويه
و انتظرنا الكابتن و لمن وصل مشينا ورا بعض و وصلنا المطار - الصالة الشمالية -
و خلصنا العفش و قطعنا البوردنج و دخلنا صالة الانتظار و جلسنا يمكن الى الساعة 6 و بعدها اعلنوا صعود الطائرة ... و صلنا عمان في الأردن الساعة 9 تقريبا
وهذي صورة صديقي الصدوق اللي مااستغنى عنه في مطار الملك عليا... و شوفوا شبكة الاتصالات Orange JO
انتظرنا الى الساعة 10 ثم اقلعت الطيارة
هنا قبل مايحطون الطبق الرئيسي و الحلى كيكة التفاح ياسلااااااااااااااااااااااام تذكرت طعمها خطييييييييييييييييييييييير
و وصلنا فيينا الساعة 2 بتوقيتنا 1 بتوقيتهم
أول ماوصلنا المطار حر بشكل مو طبيعي...........كأني في مجمع الشرق في جدة قبل آذان الظهر في الصيف :cxxxp: كيف التشبيه بس فنانة :wqedqw:
و هذي ملاحظة على مطار فينا........ ياجماعة حر مو طبيعي لا و فيه اماكن من فوق زجاج يعني اشعة الشمس نازله فوق روسنا ....و تعرفون كيف الشمس في اوروبا اشعتها عمودية فوق الراس
استلمنا شنطنا و فورا خرجنا وفعلا كان الجو حار و الشمس عمودية بس اخف من داخل المطار بس وقفنا في الظل
و راح الكابتن يطلب تاكسي.... و النظام هناك مو زي عندنا عبي في السيارة كأنه طرشي
لازم بالعدد فطلعنا في سيارتين و صلنا الفندق و انتظرنا في اللوبي شويه و على طول طلعنا للغرف في الدور 11 و غرفنا جنب بعض و في نفس الدور البوفيه
و هذي صور للغرف
و ريحنا ساعة أو أكثر شوي و بعدها خرجنا على الـ stadpark
حديقة كبيرة تشبه الهايد بارك... بس كان حر شوي و أهم شي شفنا نهر الدانوب
و لعبنا الشيخ في الألعاب و اشترينا ايس كريم
رجعنا الاوتيل ريحنا ... و بعدين انطلقنا على ساحة ستيفن .......خرجنا و الشمس غابت و صلنا عند الكاتدرائية و شفنا شكل الكنيسة و تصميمها الغريب و كنا ناويين نواصل المشي عشان نوصل للعروض و نتفرج
بس للأسف الشيخ ارتفعت درجة حرارته بشكل مفاجئ و على طول رجعنا و انا في داخلي اقول يارب ماتطول السخونة...... و راحوا الشباب جابوا عشا من اللورد – سئ جدا بس مضطرين- و سبحان الله اعطينا الشيخ مخفض للحرارة بس مرة وحده و في الليل و هو نايم ارتفعت درجة حرارته مره ثانيه و بعدها الحمد لله قام و هو طيب و بصحة و عافية
في الجزء القادم زيارتنا لبرج الدانوب و ملاهي براتر و اللعبة اللي نهايتها كانت غير سعيدة
الى اللقاء
