تقرير رحلة أحلى اثنين لأحلى مكان في العالم......... كابرون

[*دانة الخليج*]

متابعين تقريرج

 

[الورد الأبيض]

بسم الله الرحمن الرحيم




كتبت هذا الجزء في رمضان... سبحان الله هذا الشهر عجيب و فعلا هو أفضل شهور السنة و تشوفين اثره على النفسية


17 جولاي الموافق 6 شعبان




صحينا و احنا في قلق على الشيخ بس الحمد لله قام و هو في كامل صحته و عافيته،خرجت أنا و الماما و رحنا ميني ماركت صغير كان قريب من الفندف ماني فاكره اسمه للأسف و اخذت كم غرض ناقصتنا

و رجعنا و قد اخذ الجوع منا ماأخذ - من أول نفسي اقولها- و على طول دخلنا البوفيه اللي كان في نفس الدور طبعااحنا حجزنا كان بدون فطور

و فطرنا نقدر نقول الفطور متواضع ماكان في شي مميز

الغيوم كانت مغطيه السما رووووعة شوي و نزل مطر


ريحنا ساعة و خرجنا أنا و البابا و الماما و الشيخ و دخلت اكثر من محل على يمين الفندق و انت ماشي و على يسارك ستاد بارك

و سبحان الله قابلنا وحده كويتية جزاها الله خير سألناهااذا تعرف عيادة او دكتور خاص بس قريب من هنا
فنصحتنا نروح لمكتب سياحي مشهور و قالت انا اتعامل معاه و اجي النمسا من 20 سنة تقريبا
شكرناها و رحنا و فعلا طلع المكتب قريب طبعا اسم المكتب معروف و مشهور بس اخاف سياسة المنتدى ماتسمح اذكره على العام


و على طول كلم موظفة مصرية معاهم طبيبة و مسؤولة عن الجانب الصحي في المكتب شافت الشيخ و قالت ان شاء الله طيب و مايحتاج يروح للمستشفى
و قالت اليوم أحد مافي غير طواريء و ماانصحكم تروحون لأنه زحمة

الحمد لله طمنتنا اكثر على الشيخ

و رجعنا الفندق ريحنا شويه و على طول خرجنا نتغدى في مطعم كانت عندهم بيتزا خطيرة قريب من الفندق بس للأسف مو فاكره الاسم

و بعدها رجعنا الفندق نستعد و رحنا حديقة الدانوب و طبعا الوضع هناك روووعة و الجو ابرد ماادري ليش

و اتصورنا عند نهر الدانوب من اكثر من زاوية

و بعدها طلعنا البرج و شفنا فيننا من فوق

نزل مطر و على طول طلبنا تاكسي و رحنا ملاهي براتر كانت الغيوم تغطي السما اكثر و اكثر و الشمس قربت تغيب دخلنا الملاهي و بدأنا نلعب

بس سبحان الله المطر هطل فجأة بغزارة شديدة و طبعا تشوفهم هم مستائيين من الوضع و احنا مبسوطين لكن لمن شد المطر اصروا البابا و الماما اننا نمشي و خصوصا خفنا على الشيوخ

لكن الاخت الصغرى اللي لا يرد لها طلب اصرت تدخل لعبة مغطاة و اللي يضحك ان كل الناس اتجمعت عند هذي اللعبة عشان تحمي نفسها من المطر

و طلعت هي و مساعد الكابتن و الله لايوريك لعبة من ابشع مايمكن حتى انا و انا اصورهم شعرت بغثيان و دوخة و انا في مكاني

و قلت في نفسي الله يستر

و كان وقت اللعبة طويل و الرجال اللي يشغلها قمة الحماس و عامل زي الدي جي و المطر يصب

و البابا و الماما والشيخه واقفين عند الجدار عشان المطر لكن الناموس شواهم و خصوصا الشيخه

فهذا زاد الطين بلة

و وقفت اللعبة اخير... و نزلوا و لون وجهوهم اصفر و في نفس الوقت يترنحون كأنهم شاربين شي

و حاولوا يتظاهرون امام البابا بأنهم استمتعوا بس ماينفع اشكالهم واضحه من بعيد

و فورا اكرمكم الله طلبت كيس و رجعت

و مساعد الكابتن وضعه كان مايسر

قالوا لعبة بشعه جدا يعني المسألم مو مسألة خوف بس مزعجة

المهم على طول على الاندرجراوند و صلنا محطتنا اللي نبغاها لكن المشكلة المسافة بينها و بين الاوتيل كيف نقطعاه فماكان ابويه و مساعد الكابتن الا انهم راحوا جري للاوتيل و اخذوا مظلات و و رجعنا الاوتيل و احنا زي الاسفنج لو عصرونا ينزل مويه

و كانت هذي غلطة لاتغتفر اننا ماشلنا مظلة معانا

و راحوا جابوا لنا عشا و على طول نوم


الحلقة القادمة انطلاقنا لزيلامسي مرورا بسالزبرغ و سكنا في كابرون

الى اللقاء​

 

[reema q8]

متابعتج وتقرير روعة وتسلم ايدج

 

[دلع الكون]

متابعين لاخر قطره

والحمد لله على السلامه

 

[الورد الأبيض]

صباح الخير


معليش ياحلوين ........ كتبت التقرير في منتدى كويتيات و منتدى المسافرون العرب

بس كملت التقرير هناك


مااعرف....... اذا ذكر منتدى ثاني ممنوع فأنا آسفة

و اتمنى المشرفة تحذف هذا الرد

 

[ذكرى الفراق]

رد : تقرير رحلة أحلى اثنين لأحلى مكان في العالم......... كابرون

متابعين حبيبتي

 

[عيالي غناتي]

رد : تقرير رحلة أحلى اثنين لأحلى مكان في العالم......... كابرون

ناطرين باجي التقرير والسفره بصراحه شكلها ممتعه

وعساج على القوه

 

[الورد الأبيض]

مشكورين على المتابعة

بس زي ماقلت

أنا كملت باقي التقرير في منتدى المسافرون العرب

عشان كذا اللي حابه تكمل التقرير موجود في منتدى المسافرون العرب

و اذا هذا الشي ممنوع

فأنا آسفة و اتمنى يتم حذف هذا الرد

 

[زيتونه مرت باباي]

حلووو ..

ناطرين باجي التقرير ..