البـــــــــــــــــــــــــــــــــــارت الاول :
_
في بيت بو راكان ؛
اسراء بصوت خفيف : يمه
ام راكان مندمجة بالتلفزيون : .........
اسراء بصوت اخف من اللي قبل : يمه
ام راكان : ........
اسراء عصبت وصارخت : يمـــــــــــــــــــــــــــــــــــــــــــه
ام راكان : وصمه انزين شتبين هااا
اسراء : لا بس اجرب صوتي
ام راكان عصبت : لا والله
اسراء بوجه طفولي قامت تسحب تطلع برا الصالة : أي
ام راكان : تعالي انا اراويج يا بنت ابوج
اسراء وهي تركض : يعني انتي مو امي كااااااااااااااك
ام راكان ضحكت على هبال بنتها : ههههههههه هبلة البنت
دق التلفون وارفعته طلعت اختها ام عبدالعزيز وقامت تسولف معاها وتنسى سالفه بنتها << هههههههه
عند اسراء دخلت غرفتها وهي تضحك على امها واللي سوته معاها : هههههههههه والله امي مو صاحية بعدها قامت تلف يمين يسار ليكون احد سمعني انا اعرف بيتنا مسكون اخاف يعلمون امي هههه < قلت لكم بنت موصاحية .
بالديوانية تحت كانوا مجتمعين الشباب كلهم احمد وفهد ومشعل وعيد <<لانه كان عطلة وتوه جاي من السعودية من اسبوع .
فهد : اقول شباب ما مليتوا ترا طفشت والله خلونا نقعد بالحديقة
احمد : والله فكرة يالله تعالوا بس ثواني على ما اضبط الوضع
مشعل يستهبل يبي يرفع ضغطه : شنو بتطبخ ذبيحة تضبط الوضع .
احمد ضحك على استهبال مشعل : ههههههه لا وانت الصاج بشوف اختي الهبلة اسرااااووو لا تطلع بره
فهد حس بشعور غريب وابتسم وقال في نفسه ( يا لبى بس والله اشتقت لها المجنونة ) : لا الحين تلقاها نايمة
احمد : لا ما تنام الحين الا بالمدرسة بس بقول لها ما تنزل عندي ربعي
مشعل يستهبل : يعني احنا غريبين عنكم عادي هي نفس اختنا خليها تنزل وتقعد معانا
احمد عطاه نظرة وطلع معصب
فهد لمشعل : هي انت خبل ليش تقول هالكلام
مشعل : انا اضحك ما كان بقصدي اني اتكلم جذي بس هو عصب الله يهداه
عيد عصب بس كلم مشعل بهداوة : احمد ترا ما يرضا ان احد يتكلم عن اهله جذي انت زودتها حييل
مشعل : خلاص شباب الحين اذا رجع اعتذر له
عند احمد صعد فوق غرفه اخته اسراء طق الباب
ردت اسراء : منو
احمد : انا
اسراء باستعباط : حياك اخوي العزيز
دخل احمد : اسراء ترا ربعي تحت لا تنزلين
اسراء مو مهتمة لانها مندمجة بالاب : طيب خلاص روح بس
احمد مسك المخدة وحذفها عليها اما هي ما ردت عليه لانها مندمجة بالاب
طلع احمد وهو يضحك على اخته .
_
في بيت بو روان بعد ما ردوا من السعودية ؛
روان : يبا
بو روان : هلا يبا
روان : يبا اشتقت لاسراء ممكن اروح لها
ام روان : لا يما خليها بكرة اليوم تعبانين وتونا رادين من السفر بعدين الحين الساعه 9 عيب نروح لهم ب هالوقت
روان : طيب وعد بكرة اروح لها
بو روان : وعد بتروحين لها وبتقعدين عندها اسبوع
روان مو مصدقه : هــــــــاا << فاهية البنت
بو روان : أي لان انا وامج بنسافر لمكة ناخذ لنا عمرة وانتي تقعدين عند خالتج
روان استانست : وناســـــــــــــــــة هياااااا وقامت تنط على الاثاث مو مصدقة
ام روان قامت تحمد ربها : الحمدالله والشكر الحين حنا بنغيب اسبوع وانتي مستانسة
روان نزلت راسها وبخجل : لا يما مو قصدي بس والله اشتقت لاسورتي
ام روان : ههههههه طيب خلاص روحي رتبي اغراضج عشان بكرة بتروحين عندهم ترا انا كلمت خالتج بس ما قالت لاسراء
روان : أي احسن بخليها مفاجاة لها
_
في بيت بو خالد ؛
معالي وابرار بالصاله مندمجين بالتلفزيون نزلت ام خالد من الدرج
ام خالد : بنات ترا انا بروح لحفلة وحدة من رفيجاتي يالله مع السلامة
ابرار : اكشج رفيجاتي هههههههه
ام خالد تطالعها وهي معصبة : ليش تضحكين
ابرار : لا يما بس تذكرت سالفة وضحكت .
ام خالد : يالله مع السلامة .
معالي : ههههههههه احمدي ربج انها مو فاضية لج
ابرار : ادري عشان جذي قلت لها
_
في بيت بو محمد ؛
رهف : يمه بكرة بنروح لبيت خالتي ام مشعل .
مها حبت تقهرها : وشمعنى خالتي ام مشعل هااا وهم ما عندهم بنات كبرج بس مشعــــــــل
رهف انقهرت جت بتذبح اختها : لا والله اشتقت لخالتي
مها تغمز لها : لخالتي
رهف ماتت خوف لاتعلم عليها انها تحب مشعل : أي لخالتي شفيج يعني
ام محمد : أي اليوم اتصلت عليها وعزمتني عندها منو منكم تروح ووحدة تقعد
رهف : انــــــــــاا
مها ما تبي تروح بس عناد لرهف : لا انــــــــــــــا بروح بغير جو
ام محمد : لا وحدة تروح
رهف : ليش يمه
ام محمد : لان محمد قال باخذ وحدة من البنات للسينما تطلع معاه
رهف ودها تروح بس مشتاقه لمشعل : اوووووف
مها استانست : لا خلاص يما انا بروح مع محمد
رهف انقهرت : اووووووف
ام محمد : رهف حبيبتي روحي مع اخوج اذا تبين
رهف ابتسمت وبضيق : لا عادي يمه اروح معاج وصعدت فوق
ام محمد : شفيها اختج
مها حست انها زعلت اختها : لا يمه ما فيها شي الحين بصعد انا فوق اشوفها تبين شي يا الغالية
ام محمد : سلامتج .
وصعدت مها وراحت دار اختها وفتحتها وشافت رهف تبجي اركضت لها
مها : شفيج يا قلبي تبجين عشان كلامي يا عسى لساني القص اذا كنت قاصدة اني ازعلج
رهف : لا مو منج
مها : ليش تبجين طيب
رهف : ما ادري اخاف اني اشوفه لاني بكل مرة اشوفه يصد ويعتبرني اخته وانا والله احبه واموت فيه مها تكفين ساعديني
مها : طيب قلبي لا تبجين لا تخافين بكرة بخليه يموت عليج
رهف : شلون .
مها : بكرة اقولج .
وطلعت برا وراحت دارها تفكر باختها شنو تسوي لها وشلون تخلي مشعل يتعلق فيها .
_
في بيت بو راكان ؛
الساعة 10 .. تعبت اسراء من الاب وقررت تنزل المطبخ تسوي لها اكل راحت المطبخ وقعدت تسوي لها توست التفتت ناحية دريشة المطبخ وهي تشوف ربع احمد اخوها ضحكت على احمد
اسراء : ههههه وربي خبل هالاخ الحين هذولا ربعه ... ودي اسمعهم شنو يقولون وهل هم نفس سوالف البنات يمكن اكتشف شي << خطيرة
طلعت للحديقة بس اختبت وراء الشجرة عشان ما احد يلاحظها وكانت لابسة بجامة وردية لتحت الركبة بس خافت انها احد يشوفها جذي وقررت تدخل داخل لان لو احد شافها اخوها بيسود حياتها التفتت تبي تطلع بس شافت فهد قدامها مبتسم خافت وانحاشت داخل .
فهد ووقف تقريبا خمس دقائق بعدين استوعب انه واقف عند الباب راح للشباب وهو مو معاهم يسمعهم يضحكون بس هو مع قلبه .
فهد في نفسه ( والله حلـــوة ياربي طالعه جنان بس ليش انحاشت داخل وخافت معقولة خافت مني طيب ليش نازلة تحت )
مشعل : شباب فهد مو معانا
احمد: خلوه يفكر بس منو اللي ماخذ عقلك يا فهد
عيد : يلعن ابو الحب اللي يخلي فهد يعشق
احمد : يالله منو ترا حنا ربعك واخوانك اللي ما جابتهم امك
فهد بنفسه ( والله لو تدري انها اختك بصير عدوك ) : لا انا قاعدة افكر انه نروح شاليه
مشعل : والله فكرة ليش ما نقول لاهلنا عاد انا مشتاق لجمعه الاهل
احمد: خلاص ابشروا انا اقول لابوي وهو يقول لاهلكم .
عند اســـــراء دخلت غرفتها وسكرت الباب وقعدت على سريرها تبجي : ياربي الحين انا ليش طلعت لو اني ما طلعت احسن لي الحين شيقول فهد عني وهو يعرفني اني ما عندي هالسوالف اكيد بيقول اني وحدة ما استحي جايه اشوف العيال بجت بعدها راحت للحمام تاخذ لها شور وصلت عشان تنسى السالفه ونامت وهو تفكر انها تتاسف من فهد .
في يوم جديد على ابطالنا .<<
_
في بيت بو راكان :: الكل قاعد يتريق نزلت اسراء وراحت تبوس راس ابوها
اسراء : صبحك الله بالخير يبا
بو راكان : الله يصبحج بالنور يا بنيتي اقعدي تريقي .. قعدت اسراء
احمد وهو يطالع اسراء : يبا امس فهد قالي شغلة
اسراء خافت ليكون بيعلم علي مسكت دمعتها لا تنزل : .....
راكان : يا حليل هالفهد وربي اشتقت له وشنو هالشغلة
احمد يطالع اسراء وهو يبتسم : قال خلونا نقول لاهالينا ان نبي نروح للشاليه يبا تكفا ترا حتى اسراء تبيه صح اسراء .
اسراء استانست ان فهد ما قال لاحمد : أي صح
بو راكان : خلاص انا اكلم عمك بو خالد وهو يضبط كل شي ان شاءالله
احمد : تسلم يبا
اسراء : الله وناسة بنروح الشالية يبا ابي السوق بشتري لي اغراض
ام راكان : وحق شنو الاغراض تراه كلها اسبوع ونرد
اسراء : يمه تكفين
ام راكان : قولي لابوج
ابو راكان : خلاص راح تروحين انتي و روان اذا جت
اسراء : يوووه يعني انطرها ليما تجي من السعودية .
بو راكان يطالع ام راكان وهو يبتسم : أي ما تروحين الا وانتي مع روان احسن لج
اسراء بضيق : خلاص يبا انطرها ليما تجي .
_
في بيت بو محمد العصر الساعه 4
رهف طلعت لها عباية عادية وملفع , دخلت عليها مها .
مها : ما خلصتي امي قربت تخلص .
رهف : الا الحين اروح وانتي ليش ما لبستي ترا ماراح ينطرج محمد اعرفه زين
مها : لا هو قال الساعه 7 نروح يعني يمدي اجهز نفسي
رهف بضيق : طيب .
مها : رهف انا فكرت وشنو تسوين مع مشعل
رهف : شنو
مها : راح ...................................
رهف : لا ما اقدر اخاف من ردة فعله
مها : يا غبية خلج طبيعية عادي يعني
رهف : بس على مسوؤليتج
مها : داشة حرب انتي مسوؤليتي خلاص على مسوؤليتي .
رهف تجهزت وراحت مع امها لبيت خالتها .
_
في بيت بو راكان .. ؛؛
اسراء قاعدة مع امها بالصاله : يمه خلينا نطلع نروح أي مكان
ام راكان : لا يمه خليها بعدين
اسراء بضيق : طيب
وفتح الباب ... من تتوقعون .. روووووان ...
اسراء نطت وراحت لها تحضنها : والله اشتقت لج يابقرة
روان : وحتى انا يا حمارة << يعني اشتقتي لها هع
دخلت ام روان وسلمت على اسراء واختها وقعدت شوي بعدها راحت للبيت عشان
تزهب اغراضها للسفر للعمرة
اسراء : واو مو مصدقه انج بتقعدين عندي اسبوع
روان : حتى انا الله اسبوع بشبع من خشتج
اسراء بزعل : افا في احد يشبع من خشتي
روان : هههههههه أي انا
اسراء : طيب خلينا نروح للغرفه ابيج تنامين معااي
روان : طيب
_
_
في بيت بو مشعل ووصلت رهف مع امها وهي خايفة من ردة فعل مشعل
طقوا الباب وفتحت لهم الخدامة ودخلوا .
ام محمد : وين ماما
الخدامة وهو تطالع رهف : في داخل
رهف خافت قالت اذا ردت فعل الخدامة جذي شلون مشعل الله يستر جت تبي تدخل بس امسكت يدها الخدامة
الخدامة : ماما رهف انتي واجد جين << زين
رهف ابتسمت بخجل : مشكورة
دخلت وسلمت على خالتها : قوة خالة
ام مشعل : ياهلا بالعروسة شلونج يمه
رهف في نفسها (عروسة اذا بتزوجني ولدج موافقه ) : بخير خاله
ام محمد : ياليت ازوجها هي واختها بيوم واحد
رهف ابتسمت : افا يمه تبين الفكة مني
ام مشعل : والله اللي يشوف هالجمال ينجن
رهف استحت ونزلت راسها : .........
ام محمد : الله يهدااج اخجلتي البنت
ام مشعل : هههههه الله يوفقها ويحقق لها اللي يتمناه يارب
رهف رفعت راسها وفي نفسها ( والله حسبالي بتزوجيني ولدج مالت علي ) : تسلمين خالة من ذوقج
دخل مشعل الصالة وسلم على خالته : شلونج يا الغالية عسااج بخير
ام محمد : بخير دامك بخير وشلونك انت يا وليدي
مشعل : بخير دامني شفتج ,,, التفت على رهف وخق عليها .. شلونج رهف
رهف مستحية : تمام .
مشعل : يا جعله دوم .
ام محمد : اقعد يا وليدي من زمان مو شايفينك
مشعل : لا والله خالتي مواعد ربعي بنطلع معاهم وطالع رهف وابتسم
رهف ( ياربي يذبح بس ليش يطالعني اكيد انصدم ) :....
وطلع مشعل بس تفكيره بـــ رهف .. مشعل بنفسه ( ياربي والله تجنن بس انا احب اسراء بس لحظة اسراء
ما راح تحبني ولا تدري عني لانها تعتبرني نفس اخوها .. ) ترك تفكيره وراح لربعه .
_
في بيت بو خالد
الكل متجمع بالصاله بوخالد وام خالد وابرار ومعالي وخالد
بو خالد : يا بوك يا خالد عمك بو راكان اتصل علي اليوم يبني اني اضبط له الشاليه مالنا
خالد : ابشر يبا بس متى تبيه
بو خالد : اقرب وقت نبي نستانسس كلنا فيه
ابرار : وناسة بنروح للشاليه
معالي ابتسمت : أي والله وناسة
ام خالد ناظرت خالد وقالت له : خالد تعال ابيك بالصاله الثانية
خالد : يالله جاي
في بيت بو راكان ؛
اسراء قالت لروان سالفه فهد : وهذا اللي صار
روان : والله انج قوية وخبلة بعد
اسراء : ليش
روان : ليش ما قلتي لي اجي معااج اسمع الشباب شنو يقولون هااا <<
اسراء : والله انج فاضية الحين اقولج شنو اسوي وانتي تفكرين شنو يقولون الشباب
روان : شوفي شرايج تتصلين عليه وتتسامحين منه وتقولين انه مو بقصدج وانج جيتي تبين تكلمين احمد
اسراء : اوكي عطيني التلفون
روان : هــــــاج
اتصلت اسراء وهي خايفة من ردة فعل فهد : .....
فهد : الووو
اسراء خافت وبصوت ناعم : الوو
فهد ما ميز صوتها : نعم من معااي
اسراء : فهد انا ... انا اسراء
فز فهد من مكانه وبعد عن الشباب : هلا وغلا ببنت خالتي شلونج
اسراء انصدمت من ردة فعله : هلا فيك بخير وانت
فهد ( يالبي قلبها يا ناس احبها ) : بخير داامج بخير وشعندج دااقه
اسراء : فهد على سالفه امس انا اســـ ...
فهد وهو يقاطعها : اش لا تتاسفين ادري انه مو بقصدج
اسراء : يعني انت مو زعلان مني
فهد ( ازعل من هالعالم ولا ازعل منج يا قلبي ) : افا انا ازعل من شي تافه
اسراء : طيب باااي
فهد ( تكفين لا تسكرين ) : الله ويااااج .. بعدها تنهد فهد ووراح للشباب
عند اسراء وهي طايرة من الفرحة : الحمدالله مو زعلان مني ولا راح يقول لاحد
روان : شفتي خطتي شنو سوت
اسراء : من زين خطتج بالله
روان : مالت طيب اشكريني
اسراء باست روان : مشكورة يالغلا .
روان بخجل : العفو كل يوم تعالي << حياكم عندها هههههه
اسراء : ههههه طيب شرايج نشغل فلم ونطلب من ماك
روان : طيب
انتهى البارت الاول ؛؛
