تكملـة موضوعـىي ( مكياج الهنود ومكياج الماركـة) كامل

[مشتطـه]

السلام عليكم

ذاك اليوم كتبت موضوع وانا راده من السوق
بس طلعت طلعه مفاجأه وما اقدر اتأخر دقيقة

ولا اقدر احفظ الموضوع لانه لاب توب زوجي


المهم اسفه تأخرت وهذ1 الموضوع كـامل
-
-
-

السلام عليكم شلونكم بنوتات اليوم بسولف لكم عن مكياج الماركة و مكياج الهنود


اول شي خل اشرح نبذه عني تفادي لبعض الردود اللي بشوفها


انا احب المكياج
اعرف أحط الحمدلله

احب الموضة والازياء والحمدلله ذويقة واعرف الذوق بالمكياج واللبس وكل شي يخص المرأه
لاني مهتمه

حالتي المادية جيدة جدآ ولله الحمد مو قاصرني شي بفضل الله ..

-
-



بدت فكرة الموضوع اليوم

شلون ؟


لما رحت دبنهامز أشتري مكياج ماركة لان عندي عرس قريب وبحط لنفسي بالبيت

فقلت لازم اشتري مكياج واضاءات وجذي لان العرس قريب مني حيل
وماني رايحه صالون
والسبب ان زوجي يكره تلبخ الصالون علي فـ منعني عنه


اشتطيت وشريت مكياج ماركة قلت أكيد راح يطلع واو وجذي ويبين شكله اذرب وغير



للعلم انا اموت بشي اسمة مكياج هنود لان استعماله وايد عاجبني مو شوية
مثل الاضاءات الشدوات البلشرات و الحمر وتاتو الحواجب وهالسوالف


الا الكونسيلر استخدم ميبيلين و برجوا

والكريم الاساس ما احب الا ماكس فاكتر لانه جدآ يناسب لوني

والبودر اول كنت استخدم ماكس فاكتر والحين استخدمت ماك ستديو فكس تهبل

مممممممم


الآيلاينر أستخدم محمود سعيد وما بقى احد ما سألني شنو الآيلاينر وايد وايد

والله حتى بلندن الاجنبيات يسألوني عنه :krkrkr@ والله العظيم ما ابالغ ولاني اعرف اخطه بعد



مممممم الكحل داخل العين استخدم سمايلنق الاخضر

والمسكرات ديور و برجوا وماكس فاكتر وبوبا

والشدوات والاضاءات كله من الهنود والحمر زوغه احبهم


ف نوعآ ما
ما ينقال عني اني مو من عشاق المكياج الماركة
يعني الاساسيات ماركة والباجي من الهنود


يوم يه عرسي وبجهز المكياج قمت وشريت من مكياجي شدوات حيل حبيتهم الـ48 لون
وشريت جم حمرة من ماك ومكياجي

وشريت كريم اساس ديور غالي اذكر

وشريت ماسكارا ديور
وشريت جم شغله ماركة والباجي هنود

وللأسف كريم اساس ديور يلووووع الجبد

ماسكارا ديور جدآ عاديه نفس ماكس فاكتر ماتسوى سعرها

وحمر ماك عسى ما يجيس حلجي شي الا طبعت وعفست الدنيا

وما استخدمتهم كثر الباجي


نكمل

اي عاد اقولكم رحت وشريت لمعات من ميكب فور ايفر
وشريت شدوات اللون الواحد ب 10 و750 من بوبي براون
والباجي عندي كريم اساس ومسكرات وكحل وجذي

واليوم عندي استقبال قلت بجربهم عالخفيف حق استقبال ما راح احط وايد

واقوم واجرب واحط

كلش ما فرق معاي الشدوات

واللمعه امنية حياتي تصير نفس طقة نجوى كرم

مو راضي يلمع تحت حاجبي


شريت من شارمل لمعات الدنيا لعرسي وما نفعت



وحاله حال شدوات الهنود ولمعات الهنود بالضبط

كلش ماكو فرق يبين أو يعطي رونق

فـ اشوف ان اللي تقطفلوسها على شدوات ماركة بـ 10 وفوق ماعندها سالفه صراحـة

لان كلش ماكو فرق !!

والي حلوين وزوغه ورخاص شدوات حنان

5 شدوات بـ10 بالمعرض حيل حلو استعمالهم


وكل ما احد يسألني شنو هاللون الي عليج والشدو وجذي او الحمرة يطلع من الهنود


فـ خلاص توبه أشتري شدوات ولمعات واضاءات وخرابيط ماركة وغاليه عالطل


الشدوات الماركة توصل 18 على شنو مادري


ولاحد يقول الهنود بوطقة ويأثر عالبشرة
ترى كل المكياج يأثر وخربوطي ومايفيد البشرة

وكلنا استعملناه ومحد انضر الحمدلله ماشاءالله


ومكياجي عاجبني

بس اللي خلاني اروح للماركـة واجربهم

مواضيع البنات هني ماشاءالله لما يحطون تجاربهم بالمكياج
كل شغلهم ماركة

قلت خل اجرب يمكن يفرق معاي واصير مثلهم كل مكياجي ماركة وغالي

بس للأسف ما شفت فيه فرق كلش

حتى سألت اختي مكياجي متغير او شي قالت لا قلت واللمعه قالت عاديه

قلت مالت هذا وانا قاطه فلوسي عالطل

وحيل يكلف يعني لو تبين تناتيف يطلعون بـ50 مو اقل وشوية جم شغله


و بس​

 

[ميس هارودز]

موضوع شيق مشكورة يالغلا

 

[مراوي22]

أسلوبج يهبل حبيتج :eh_s(22):

ترا صج مو كلشي غالي زين خصوصا كريمات الاساس كلما غلت دمرت :eh_s(10): بس مع ذلك أخاف أستخدم المكياج الرخيص ماحب وايد أوسوس خصوصا إذا كريم أساس كحل مسكرا إحنه جذي مب مترقعين :tomato2:

بس تسلمين يالغاليه عجبني موضوعج

عندكم مجمع ياحلوه وياحلو أغراضه أهو بيني وبينج سرداب مب مجمع :krkrkr: بس مخصوص حق المكياج يهبل كلما أروح لازم أنسدح فيه ماعرف أسمه بس أكيد كل كويتيه تعرفه :rerrerek:

 

[نانا و توتو]

إي والله حبيبتي و إنتي صاجه

والله للأسف أنا الحين ما أذكر شإسم الماركة بس مرة اشتريت أي شدو من ماركة حيل معروفة بس و رب الكعبة اللون ما يبين أحاول بالفرشتة و الإسفنجة و أبد وحاولت ممكن يكون استعمالها مع الماي هم ماكو فاااااااااايدة

اتجهت على ماكياج الهنود لقيت إنه أوفر بالميزانية و حلو و يبين و بس أمل منه أقطه و أييب غيره من غير ما أتحسف عالمبالغ

 

[^LILY^]

والله انج صاجه مع اني ولاء عمري شريت منهم بس رفيجتي تقول عجيب للجامعه
اذا عندج رقم هندي زين ومضمون يبيع المكياج وتشوفين اغراضه حلوووه عطينياه ,,,؟؟؟

 

[^LILY^]

اب اب اب

 

[كادي_كادي]

وآنا بعد معاج خواتي لا تقولون مكياج التقليد ومكياج الهنود مضر لأنه كله مفحوص من وزارة الصحة
وما يدش الديرة الا عقب الفحص
يعني الضرر اهو نفس الضرر من الماركة أو الغير ماركة بس الفرق في السعر
​

 

[أحترت أعبر]

والله كلامج صح مئه بالامئه ...وايد حبيت الموضوع

 

[Angel_store]

يعطيج العافيه

 

[وافرر]

يسلمووووووووو

 

[UNICORNA]

مو دايم الغالى يكون يستاهل بس اكو اساسيات لازم تكون ماركه مثل الاساس والبودر والكحل

والماسكرا لانهم ينحطون على الوجه و العين

بس اى شى ثانى ممكن يكون من الهنود

بس تعرفى انا اختى تشترى كل شى ماركه تقول واع شنو هذا الرخيص ماحبه

وكل ماتشوف شى عندى يهبل تاخذه وتسألنى من وين اقولها من الهنود تضحك وتاخذه وتمشى لووول

بس حابه اقول للامانه المكيابيه على راى اوركيديا الحلوه :d

ان اكو الوان معينه وخاصه بالشادو والروج ماتحصلينهم الا بالماركه بس بالعادى بتحصلين كل

شى عند الهنود وخاصه ان مكياجهم ايطالى وفرنسى وانجليزى يعنى مو خرطى

وتسلمى حبوبه على الموضوع

 

[دانه الشطوره]

موضوعج عجيـــــــب

شوفي انا من النوع اللي اي شي اشوفه و يعجبني اشتريه ماحب اخلي شي بخاطري

سواء كان ماركه او من الهنووود

بس اكثر شي احبه من الهنود ( الكحل + الحمر ) الواااااانهم تهبــل


تسلمين حبيبتي ع الموضوع المشوق

و ان شاء الله كل ما فضيت بدخل هني و اكتب عن الاشياء اللي شريتها و ماركه و عجبتني واااايد عشان تجربينها و ان شاء الله

تنفع معاج

ودي

دانه الشطوره

 

[نانا و توتو]

اي والله حياتي الحمر عندهم ماركة ماكياج حلوة والله

هم صبغ الأظافر على نص دينار شحلاته، ما تتندمين إذا قطيتيه بعد ما تملين

 

[آنـوش ••||]

يسسسلممو حبوبّـه آششوف آلبنآت هني يمدحونهم بس ولآ مره جربتهم =)

 

[أإأم روويم]

يسلموووا

 

[Mrs_Orchidia]

الله يعطيج الف عافية

صح مكياج الهنوود اينن .. بس اذا تبين اضاءة الحاجب تبين عدل ... لا توزعينها توزيييع بالاسفنجة .. حطيها باسفنجة الشدو بالطبطبة .. بيصير شكله مو شي .. بس من بعيد اللمعة تصير مو صج

 

[Mrs_Orchidia]

و انا مادري شلون مو متحيزة حق شي معين
احط ماركة او مال الهنود عاللي يعجبني

بس حمر الهنود تجفف شفايفي و تشققها .. عشان جذي بطلت ما قمت اشتريهم .. مع انهم رووعة ثبات و الوان تهبل بس شسوي ؟!

ممم .. البلاشرات كلهم ماركة اللا باليت واحد كبير فيه 12 لون .. حلو بس الوانه وايد قوية .. دايمًا اتوهق فيهم خخ
بس عرفت شلون استغلهم بموضووع (عندج شدو و بلاشر فسفوريين؟)


الفترة الأخيرة افكر اشتري منهم كحل محمود سعيد و سمايلنج السائل القلم الضعيف .. ووو بعد شنو شنو؟؟

مادري لوووول طلعت اللي عني كله خخخخخ

 

[مشتاقة لامها]

اهم شي الاساس والماسكرا يكونون ماركة

والباجي من الهنوووود وبس

بس حبيت علبة مكياجي استعمالها عجيييييب وخاصة الشدوات. اللي ب25 دينار تقريبا

وكان عند الهنود علبة شدو مخملي تستخدمينه بفرشة مبلولة بالماي رهييييب بس خلص من السوق مع الاسف

شكرا عالموضوع.

 

[*باربي*]

يعطيج العافيه
حبيبتي

 

[manoooram]

فديت هالأسلوب والله
والله يعطيج العافية انا معاج ان مو كل شي غالي اهو بالضروره الحلو والزين اهم شي عندي ان
الفاونديشن و الكحل والماسكرا من Brand معروف
كتجربه لي يا حلو شدو الهنود اللي ايي باليت فيه تقريبا 60 لون عجييييييييييييب حتى ما يحتاج برايمر يا حلو لمعته