تكملـة موضوعـىي ( مكياج الهنود ومكياج الماركـة) كامل

[سـآرآ ’ ~]

في آلشين وفي آلزين بكل آلنوعين ..

ومثل مآقلتي كلهم مكيآج وتآثيرهم وآحد عَ آلبشره

بس آلآسآس من وجهة نظري لآزم يكون مآركه و آلبآجي عآدي

قوآآج الله ويعطيج آلعآفيه على موضوعج آلحلو ..:eh_s(7):

موفقه ,’~

 

[فوق الثريا محلي]

كنت ما اشتري الا ماركات وعادي كان مكياج عقب وحدة خبرتني عن مكياجها و كله من الرخيص وحلو ومشيت ع شورها و ماشاء الله طلع روووووووووووووووعة

 

[مشتطـه]

اي سرداب الشايع


الي تسألن تبي رقم هندي انا اقول روحي سرداب الشايع وشوفي بعيونج كل الاشياء



تسلمون أخجلتوني بردودكم يا عسل :****


نورتو موضوعي والله

 

[مملكه الرشاقه]

يعطيج العافيه عالموضوع الحلوو

انا اشتري مكياج الهنود واشتري الماركه
من الهنود اخذ علب الشدوات والحمر والايلينر والكحل والتحاديد
والماركه اخذ الفاونديشن والبودره والماسكرا واحيانا حمر

 

[مشتطـه]

انتي نفسي بالضبط

 

[امارات الفخر]

تسلمييين ياالغالية بصراحة ولا مره جربت مكياجهم ازييييغ

لكن


ليش لا ما نجرب !!!!


بجرب و بخبرج باآخر النتايج

 

[:نسوني غلاه:]

كنت ناويه اشتري لمعة فورايفر بس من شفت موضوعج تردت ها شرايج اشتريها ولا ماتسوا

 

[برنس بيشو]

يسلمو

 

[مشتطـه]

امارات يبيله تجربينه
بس جربي مال الكويت


نسوني
لا ما انصحج فيها غيريها

 

[عيون سارة]

يعطيج العافيه

 

[شاذن!]

حبيبتي يسلمو ع الموضوع ياريت لوتنزلين لنا صور اداوتج ومستحضراتج اللي من الهنود عشان نستفيد اكثر بجد شجعتيني اجربهم

 

[جيكره(و)تتغلى25]

كل شي اخذه من الهنود الا الحمر شكثرررررررررررررررررر قطين لان يقطع ويبيس وغير الريحه


يسلموووو

 

[$$king moon$$]

موضوعج عجيب
انزين شنو احسن ماسكرا ماركه غير لانكوم
فيدووووني

 

[زبــــــــدة]

وناااااااسه تشوقين

انا الشدوات واللمعات عندي ماركة ومن الهنود نفس الشي ماكو فرق بالجوده ...

بس الحمرات لا ..حمرات الهنود انا تشقق شفايفي حتى لو قلوسات تتشقق بعد وقت يعني ماحبهم مع ان في الوان وااااو

بس ماحب احط حمر مو ماركه لان ماناسبوني مارتاحلهم ...

احب حمرات ماك وبوبي براون وانجلوت ....

بس الاشياء الثانيه عادي استخدم من الهنود لان نفس الشي مثل ماقلتي مايفرق الا السعر خخخخ

اللمعات والبلشرات والاضاءات شحلاتهم عند الهنود .والشدوات بعد

واصلا مكياج الهنود ماركات المانية وايطاليه وتركية ...يعني مو اهما صانعينهم الهنود لووووووووووول

بس رخيييصه عشان جذي ينباعون عندهم ...

 

[زبــــــــدة]

موضوعج عجيب
انزين شنو احسن ماسكرا ماركه غير لانكوم
فيدووووني

ريميل الحمراا ... وسموكي لاش من ميكب فورايفر:eh_s(15):

 

[مشتطـه]

هدى جاسم برجوا المتينه فظييييييعه جربيها



زبدة صاجه في ناس ماتضبط عليهم الحمر ملوت الهنود


انا حيل احبها ما تشقق شفايفي استخدم النوع اللي يصير مع تحديد وقلوس لونق لاستنق تشوق علي والله من احطها احب نفسي وتثبت عدل

استخدم فلورا منهم وفي وحده عجيبه توني هابه فيها واي مو صج


وفي أركانسل واي واي واي خطيرة الوردي الفاتح

 

[مشتطـه]

شاذن والله ما افضى

والا ودي أنزلهم لـج

 

[mrs.abk]

أنا لما بديت أتعلم الميك أب شريت مكياج الهنود والصراحة ما قدرت اطيق استعمله .. جودته حق ساعتين بس موب أكثر

كل ماركة ومعروف شو تشترين فيها يعني شدوات شارمل وميك أب فور ايفر يتحدون أي براند ثاني

وشدوات الهنود حلاتهم اول ساعة وعقب يبهتون .. وغير جيه على الدمج كأنج ملونة عيونج بأقلام فلوماستر مال التلوين بالمدارس

ممكن أستعمل ماركات بريطانية وأمريكية وفرنسية رخيصة مثل ماكس فاكتور ولوريال بس مستحيل أحط بويهي شيء صيني أو هندي أبدا أبدا

الأساس جربت كذا نوع ولا نوع رخيص حسيته ناسبني .. اللهم ماكس فاكتر اخر نوع نزلوه هذا حلو ومناسب الباقي كله خرطي

بس أساس كلينيك وأساس ميك أب فور ايفر وأساس ماك وايستس لودر وهالماركات ما ودج يخلص عنج من حلاته

الارواج كل الماركات الرخيصة فيهم ريحة وطعم بلاستيك غير التخزين السيء في محالات يسكرون مكيفاتها بالليل والغبرة وغيره أما الماركات ففي الغالب يكونون روعة وثبات وألوان جذابة

الماسكرا اللي يابت راسي عقب لانكوم هي لوريال اتش دي ولوريال كولاجين أما برجوا وريميل وغيرهم يع يع يع منتهى اليع

هالايام لقيت ستاند فلورا في أبوظبي وخذت بودرة أجربها والصراحة حلوة ناوية أخذ غيرها .. بس لو كان المحل في سوق شعبي ما ظنتي كنت باخذ

الناس أذواق وموب سالفة غرور واللا خقة بس يمكن اللي يناسبني ما يناسب غيري .. أنا وحدة موووووووووول ما يناسبني مال الهنود والتقليد أبدا أبدا .. وما أحس إنه فيه شيء حلو في هالبضايع

 

[neroli]

اختي الكريمه بالاول اتمنى لكي كل خير لاني كنت ادعو الا ادخل للموضوع واشوف تنقيص بحق الهنود ! مثل عضوات بمنتديات اخرى فهؤلاء لو نفكر جيدا هم اهل الموضه والجمال وشعب يحب العمل وصبور جدا , مولان روج وغيرها من الافلام ما يستعينون الا بماكييرات وخياطين هنود لانهم ذويقين , بارك الله فيج .

ثانيا ترا كلامج عدل رحم الله والديج , شنو ماركات !! شدو ب 18 ؟؟ ليش ؟ خو كله اصباغ ؟ شفت فيلم وثائقي عن شركة ديور العامله تعدل الروج باصبعها !!! وتحط عليه الغطا وحنا نشتريه ؟؟؟؟ ولو تسالين شركات التجميل والافرع وين يخزنون العطور والمكياج بتنصدمين ؟ للعلم تخزين محلات الماكياج البسيطه ( مو محلات الهنود ! خنغير التعابير شوي ) تلاقينه افضل وحسب المواصفات لان البلديه عراسهم المساكين والثانيين لاعبين لعب !! جد يبيلنا نغير عقلية الشراء

 

[زوجة عزيز]

عليج بالعافيه