توني راده من شهر العسل وابتدئ البصل أبي أحد ينصحني من قلب

[قمر كويتي]

شوفي الريال المفروض من نفسه يصرف على زوجته بدون ما اهي تقول شي حتى لو كانت معاشها مليون
بس اهي اذا حبت انها تساعده واذا كان الريال موقادر صج على بعض الكماليات المفروض المره تحس بريلها
وسالفه الصور اعتقد من الطبيعي ان الصور انتي تدفعين فلوسها كامل اصلا عيب تقول له عن فلوس الصور لان معطيج مهر
اصلا انا ايام الملجة لمه كنت اطلع مع ريلي ما احب كلش اروح السوق لان اذا دشيت اي محل راح يدفع وفشله دام الريال معطيج توه مهر مسكين ماله داعي كل شوي تبين فلوس
انتي مو تقولين بسم الله توه ماصار لكم شهر ؟؟؟؟؟؟؟؟؟؟؟؟؟؟؟؟؟؟؟؟؟؟
طلبتي منه فلوس حق الصور وطلبتي 50 وطلبتي ........
ليش ليش كل هذا بشهر واحد والريال توه ماخذج من بيت اهلج ومعطيج المهر
المفروض على الاقل من ثاني شهر يمشي لج مثلا مصروف لج وللبيت
يمكن اهو يشوف من وجهه نظر ثانيه يقول بسم الله هذي ماصار لها شهر ومليون طلب
شنو بس تبي فلوس ........... لاتزعلين بس يمكن يقول مو شايفه خير :bbbiu:

 

[ياليتهم يشعرون]

يابختج موظفه ع الاقل احسن ماتعيشين تحت منته الله يعينج ع نفسك انتي الماديه

 

[انا لحبيبي .]

الله يهدي البال ويصلح الحال ،

 

[رنيم الروح]

حبيبتي اذا مصلي ويخااف الله فيك لا تفكرين بالاشياء التافهه وبعدين اهو لما يقولك
مايبيك تطلبين اشياء اهو مايقدر عليها او تتهمينه انه مقصر الرجال لما قاله كان يبي منك اتكوني مقدره ظرفه ومالومه القروض والمصاريف تكسر الظهر انتي صرفي على نفسك ولاشياء الي تخصك من راتبك واهو يتحمل مسؤلية بيته الا لضروره انه خلاص مايقدريعطيك

 

[simone]

الخوات ماقصرن حبيبتي

 

[SWiiiRZ]

الله يهدي النفوس و ييسير الامور

 

[FUSHIA-GIRL]

حبي انتى طريقتج غلط !!
موجذيه يطلبون فلوس ...
اول شغله انتى توج عروس والريال ماشاف خيرج من شرج
وماتعود عليج اللى عليج انج تعودينه على الصرف حبه حبه ... اول شغله اذا كان الريال موفر لج ماجلة البيت فحمدي ربج
غيرج قاطين عليهم مسؤولية البيت كله !!
معاشج خليه لج وخشي منه حق الزمن .. ودايما بينى له انج بنت خير ومو ميته على معاشه
الحين الطريقه اللى بتاخذين منه فلوس وراح تحتاج وقت
اول شى ابتدي بالمبالغ الصغيره علميه يفج بوكه ويعطيج مثلا دينار خمسه عشره شوي شوي وصدقيني راح يتغير ترا الحنه مو زينه وتحسسه انج طمانه فيه

 

[فاقده ابوهاااا]

ياليت كل هموم الحريم نفس همج

والله اقط راتبي وفوقه بونصي ومكافآتي بس اعيش بسلام وراحه بال

كبري عقلج وعيشي حياتج مع ريلج وبلا الامور الماديه تدش بينكم حمدي ربج قالج معاشج لج في رياييل ياخذون معاشات حريمهم والبونص وحتي المنحه حمدي ربج

 

[نشيج الروح]

المقارنة مع اخوانج مو زينة والريال مو ملزوم يقط هالكثر فلوس وعلى كماليات
الي ملزوم فيه ينفق عالبيت بأساسياته مو ابجورة وبواريز وملزوم يعطيج نفقة شهرية ويعطيج حقوقج
يعني صالون بخمسين شدعوة شرايحة تسوين تسريحة؟!
وبعدين الي يفسفس فلوسه يمين ويسار بالمستقبل بيتوهق
صرفي على حاجتج ولا تعلينه بمصاريف الحريم الي ما تخلص
وربي يوووووووووفقج

 

[حبوبة الأطفال]

حبيبتي الي اقدر اقوله لج

عندج معاشج فلاااا تبخلين بعمرج شي ودلعي نفسج

لكن اي شي يخص البيت من اكل واثاث وتصليحات مالج شغل فيها اهو المسؤول

ومثل ماقالو الخوات مثلا الثلاجة مافيها غير خبزة وجبنه حطيها له مع قلاص ماي بعد



....

والله يغثوني بعض الحريم كل شي متحملينه بالبيت من اكل وتصليحات وحتى غاز الطبخ ينزلون يجيبونه
واذا سألناهم ليش؟؟ ووين زوجج؟؟
قالت اخلي عيالي يذبحهم الجوع شدوعه مجاعة افريقيا
وتلقون الزوج مكبر المخده ومستانس ويقول عندي خوش مرا فكتني من البيت وعبالته

 

[سحايب برنس]

شفيج احمدي ربج انتي موظفه بعدين شكو يدفعلج الصور مو حلوه منج الصراحه ثاني شي انتي تذكري ايام شهر العسل ومصروفه عليج شوفي شقتج اصبري ياحبيبتي عليه اذا هو زين مو نفسيه وعصبي وغثيث عادي شنو يعني يقولج اصرفي ع عمرج من معاشج بس مالج شغل بالبيت ابد ولافيه واذا ع الصور انا مو موظفه وطلع ابوي صوري لاني ماطلبته ابد وهذا الحق

 

[قآنون كيفكـ!!]

الله يهدي مابينكم

 

[برق المدى]

الله يعينكر رجال يكسب قلب الحرمه باكرمه الكن زوجك شكله بخيل الجيب والمشاعر

 

[strong faith]

تبين النصيحه من القلللب :

اول شئ الرجل اكيد بينصدم من سعر الصور لانه السعر خيالي ، وانا بعرسي استحيت منه اقول هااات من البدايه ما ادري اشوفها عيب ( داخله على طمع ) دفعتهم و اهو مايدري ... لانه تعرفين الصور العروس مبلغ و قدره

ثاني شي مستحيل مستحيل اقارن حياتي الزوجيه بغيري ، البيوت اسرااار لا تقولين هذا مدلعها و هذيك شاريلها ما تدرين شنو المقابل اللي دافعه ( اعرف وحده شرايلها زوجها ذيك السياره اللي تحجي ، اخر شي طلع الرجال خربوووطه ) استغفرالله مو رجال

ثالث شي الفلوس تجي و تروح ، اهي موجوده لراحتنا تريح مو تسبب المشاكل ، و ما اردي اللي فهمته منج انه الرجال شرح لج ظروفه و التزاماته من البدايه ، شيلي شوي عمرج و خلي المركب يمشي هذي نصيحتي اللي من قلب ......

 

[honey lust]

تبين الصج انا اشوف كلامه عادي و صح انتي صرفي على نفسج براتبج و سوالف البيت اهوه يدفعها

شدعوه وصلتيها لي الطلاق

نصيحه وخري عن المقارنه جذي بتهدمين حياتج

كل شخص وله نصيبه انتي يمكن ريلج يكون احسن من ريايل خواتج باشياء ثانيه

 

[كويتيه مذهله 87]

معاشج خليه لج بس وهو يصرف على بيته مثل جمعيه ماجله البيت خدامه اجار الشقه لبنته وهكذااا


انتي موظفه بتروحين صالون تطلبين منه فلوس ليش حبيبتي وين معاشج ؟!


ميخالف ساعدي ريلح ترى مو عيب ولا حرام وندري الريال لازم يصرف عليج بس مدام عنده قرض قسط وبنت ليش يعني تنشفين دمه والله علشان هو ريال البيت ؟؟؟

 

[كويتيه مذهله 87]

شرعا واجب عالريال يصرف عالزوجه
حتى لو كان عندها معاش ووخير
الا اذا تنازلت من نفسهاا
ولا والله مو عيب
ولا فشله
انا قايله للوالده اول ماييلي نصيب ان شاء الله اتفقي على كل شيء
ومنهم مصروف شهري
بس بحدود المعقوول طبعا

امبيه من صجج هذا شرطج

 

[elcadbury]

ياسااااتر مو من صجج ��
الله يهديج بس

 

[Patcholli]

اختي اسمحيلي لكن اسلوبج استفزازي مع زوجج ويعطيه انطباع انج داشه على طمع من اولها هات وهات وهات ..؟؟
صور العرس دائما تكون على العروس ومن مهرها .. والزوج مو مجبور يدفع مبلغ وقدره على صور وصالون واشياء ثانويه ..!!
مو معقوله بتصورين اب 700 دينار من كيفج وبعد العرس تحطينه امام الامر الواقع وتقولينله ادفع .. وين مهرج ..؟؟
وحتى الصالون انتي موظفه وهو عارف ان عندج معاش واكيد انصدم لما شافج من اول زياره لاهله تقولينله ابي فلوس اكيد خذا عنج فكره انج ماديه واختار معاج هالاسلوب عشان يوقفج عند حدج ..!!
صدقيني لو كنتي ساكته بتشوفينه من نفسه يسألج عندج او لا .. لكن انتي ماعطيتيه فرصه وصدقيني الي يسويه زوجج ردة فعل عن تصرفاتج ..
عزيزتي لاتطالعين غيرج ولاتقارنين غيرج .. لكل انسان شخصيه واسلوب وظروف مختلفه ..
عيشي حياتج استمتعي فيها وارضي بقسمتج ونصيبج .. القناعه كنز .. اذا ظليتي تقارنين وتطلبين تعيشين نفس غيرج صدقيني بتمرضين وبتتعبين وماراح ترتاحين ابد ..

 

[New York]

اهوا مو بخيل ولا حريص
بدليل انه قاعد يصرف على نفسه واايد على قولتج

وجيكي عالشقه لو اهيا تووب معناته مو بخيل .. لو اهيا ماااشي حالها واي كلام معناته لاصج مايندي

المهم
اذا جذي معنااته يبي يمشييييج من البدااااايه على انه انتي موظفه يعني انتي تصرفين
عاد انتي خلج ذكيه شوي
طلبي طلبات من الجمعيه اكل ومنظفات ووالخ .. قولي له البيت محتاااج وهذا شغلك مو شغلي
شوفي شنو راح يقول ؟؟ اذا بيدفع مسؤوليات البيت
زين على زين معناته اهو قد كلمته .. وراح يتحمل مسؤوليات البيت لي المستقبل باذن الله

امـــــــــــــــــــــأ لو رفض هالفكره وقال عليج ؟؟
هني ستووب
هذا اوله ينعاف تاليه
معناته حتى لو يالج عيال هم انتي بتصرفين عليهم

جررررررررررررررررررربي تخلينه يصرف على اشيااااااااء مو لج وشوفي شيصير

درر :rerrerek: