توني راده من شهر العسل وابتدئ البصل أبي أحد ينصحني من قلب

[شيهانه 23]

حبيبتي مو من اول مشكله قلتي طلاق وطلاق
جلسي انتي واياه وتفاهمو ولا تدققين وايد
مادام لج راتب شتبين بعد اكو حريم متزوجات ولا يشتغلون وريايلهم بخيلين وصابرين

 

[سفيره الكويت]

شيلي فكره الطلاق من راسج كلش ..!

حاولي تفهمينه اكثر تفهمين طريقه تفكيره وساعتها بتعرفين شلون تتصرفين..!

 

[um khaled]

حبيبتي دام عندج معاش ليش تبين منه الا يصرف عليج
اهم شي انتي لا تتدخلين في امور الماتشله والبيت وبس
انا لي 11 سنه متزوجه وكاني الحين توني من سنه العب بالفلوس لعب هذي الحياه
مشاااركه ولا تكرهينه فيج من اولها

 

[طموحه بزياده]

اقول اقصبي الرجال وترا سالفتج تافهه واتتي اللي عازج بمعاسج شتبين تطرين منه خ
خلي عليه ماجلته البيت والضروريات والاساسيات بس

 

[Queenleo]

امبيه من صجج هذا شرطج

هذا مو شرط
هذا شيء طبيعي وواجب الريال عالزوجه حتى لو 50 دينار
بس يحس انه مسئول عني
ووفي غيرهم افا عليج مو بس هذا
السكن وو الصلاة والزقاير ووغيره وووغيره

 

[متى أشوفك]

الله ييسر لك حبيبتي
اتمنى افيدك بس البنات ماقصروا يعطيهم العااافيه
والله يصلحلك زووجك ويسخره لك يارب

 

[أميره الدوسري]

بصراحه احس تفكيرك مآآدي , يعني بتروحين لصالون و تاخذين منه فلوس و أنتي براتبك

طبيعي إذآ انتي موظفه مسؤوله عن نفسك ,, بس أغراض البيت هو

و بعدين الزواج مو لعبه تفكرين بالطلاق عششان فلوسس ؟؟

 

[CH!C G!RL]

لآ مو من حقه طبعآ !!

شنو أنأ تزوجت عشآن ابي رجال يرز وجهه بمسمى زوج فقط > لآ طبعآ
من وآجبه يصرف عليك لو رآتبك 20 الف ريآل

ومن منطق كل ماقلتي ابي شي يقول ماعندي < ماعندك ليش تتزوج

اقسسسم بالله هالرجاجيل مدري وشو له متزوجين على بالهم لعبه الامر
لآ تعودينه كل مابغيتي شي انتي تدفعينه يدفع وهو مايدل الدرب

الي اعرفه اول سنه تكون عسسل ودلع وهدآيآ وهذا سسكرهآ من اولتهآآ غريب صراحه​

 

[درة أهل الطولات]

موبخل صورج مفروض عليج

 

[Twilighteya]

اكره ما عندي الريال اللي نوعيته جذي . حبيبتي مو القصد اشيشج بس اهو ملزوم فيج غصبن عليه وهذا شي فرض
عليه حتى بالدين . قوليله يا تصرف علي مثل ما باجي الرياييل يسوون يا الطريج اللي بينه خلاص يتسكر . انا مرت خالي
ريلها جذي تحملت اول الايام بس بعدين صارت وايد مشاكل وتطلقت . البخل بالريال مصيبه !

 

[روشآنه]

لآتعودينه إنك إنتي اللي تصرفين على نفسك ..
لأن محد بيتندم غيرك .. الشرع يقول إهو اللي يصرف عليك حتى لوكنتي مليونيره ..
إذآ على الصرف وإنتي اللي بتصرفين على نفسك مآله دآعي زوآجك منه ..>> ترآ والله غبينه .. يآخذ اللي يبيه .. وفي النهآيه إنتي اللي تصرفين على نفسك ..
وإهو مو قآصر عليه شي وإهو ضآبط حتى لو كآن مديون .. الضآآبط رآآتبه غيييير ..
والشقه دآم يبي لهآ تغيير عفش إنتبهي تقطين معه أو إنتي من نفسك تغيرين شي وتصرفين من فلوسك .. لأنه رآح يتعود على كذآ .. ومحد مآكلهآ ومتحسف غيرك إنتي >> فأنتبهي ..
والصور ليه مآيدفع البآقي دآمك دفعتي العربون ونص السعر >> خشته مرزوزه في الصوره على الفآضي ..
حآولي تتفآهمين إنتي ويآه .. إذآ مآفهم خلي إخوآنك أو أبوك يكلمونه ..
ترآ بعض الرجآجيل مآينفع منهم إلآ رجآل مثلهم ..
والله يهدي سرك ويريحك ويسخره لك ..​

 

[عيوني مودي]

الى المصرف هو المسئول عنة اكسري ظهرة بالصرف خلية يتعود