توني عرفت آغرآضي وين تروح !!

[حلوه بس هبله]

بنات شفيكم مش مصدقين
انا بقولكم طريقه السرقه
يمكن العبايه لبستها تحت العبايه حقتها
وجايبه كيسه وحطت الاستشوار والملابس الداخليه والاغراض الكبيره الي ماتكفيها الشنطه
وحطت الاكسسواراات و الميك اب بالشنطه

بنات ليه ماتصدقون ترا الدنيا مو مثل اول امان في امان
والله عادي تبوق لان فيها نقص او مرض نفسي

ماتسمعون بالوزير الفلاني الي باق املاك الدوله الفلانيه

جات على هالمسكينه ماتصدقونها
لا تفسرون الي صارمن كيفكم
والله تصير هالاحداث وايد واايد
والبنت قالت كانت بالحمام شدريها انها تبوق
البنت واثقه فيها ودخلتها غرفها يعني وثقه انها مابتبوق
ولمن سمعت صوت الدرج قالت يمكن تتفرج بحكم انها صديقتها مكن تستغرب هالشي بس ماتوصل تشك فيها

بصراحه انا مصدقتها
^^

 

[Patcholli]

بنات تلاقونها مجهزه جنطه كبيره اهي يايه وبراسها بوق اكيد ماراح اتي بجطنه صغيره مجهزه عدتها ..!!

والله عندي جنطه قوتشي اشكبرها تكفي احط فيها ياهلين رضع ..!! عادي في جناط كبيره واكيد جنطته فاضيه بالاساس حسبي الله عليها ..


اختي ماقلتي شصار ردت اغراضج ولا لا ؟؟

 

[om-3azo-83z]

هذي فيها مرض بوووق لازم اتوب مو محتاجه بس تاخذ لان فيها مرض
انا اقول هدديها مره ثانيه اقوى من جذي و عطيها فرصه يوميييين بس ما نفع فضحيها

 

[* ليــــدي *]

اختي ماقلتي شصار ردت اغراضج ولا لا ؟؟

ردت لي كل اغراااااااااااااااااااضي كلهم الاستشوار و التيشيرتات والخواتم
ماعدا الصوره و ملابسي الداخليه تقول ماخذيتهم و امس اعترفت انها بايقتهم !!
الله ياخذها ان شاءالله والله لـسحبهآ باجر لي بيتهم وافتش غرفتها
مابقى الا تبوق صورتي اصلا مادري شتبي فيها اقصاها صوره 4 ب 6 ياليت صورة عرس ولا شي سنع
حرتننننننننننننننننننننني اليوم شوي واطقها و البنآت كلهم عرفوا إنهآ حرآميه لان صرخت عليها صراخ المنطقه الثانيه سمعته يوم نكرت الصوره والملابس
ماتستاهل حشيمه

 

[Patcholli]

ردت لي كل اغراااااااااااااااااااضي كلهم الاستشوار و التيشيرتات والخواتم
ماعدا الصوره و ملابسي الداخليه تقول ماخذيتهم و امس اعترفت انها بايقتهم !!
الله ياخذها ان شاءالله والله لـسحبهآ باجر لي بيتهم وافتش غرفتها
مابقى الا تبوق صورتي اصلا مادري شتبي فيها اقصاها صوره 4 ب 6 ياليت صورة عرس ولا شي سنع
حرتننننننننننننننننننننني اليوم شوي واطقها و البنآت كلهم عرفوا إنهآ حرآميه لان صرخت عليها صراخ المنطقه الثانيه سمعته يوم نكرت الصوره والملابس
ماتستاهل حشيمه

هاذي مال تروحين ويا ابوج او اخوج وتدشين بيتهم وتكلمين امها وابوها وتورينهم المسجات او تدقين على امها تتفاهمين معاها صج ماتستحي قليلة ادب حقيره ..!!!!!!!!!!!!!!!!!!!!!!
غريبه يعني اهلها مايقولونلها من وينلج هذا ..!!

سشوار لابو النفس الدنيه بايقه سشواااااااااااااااار ..!!!!!!!

والله مال تشرشح حقييييييييييييييييييييييييييييييييره ..!!

 

[* ليــــدي *]

انا يومين مو نآيمه محترهـ عالصورهـ و الملابس الدآخليه
بآقي الاغرآض عآدي بدآلهم الف بس انا همني الصوره اللي نكرتهااا
بآجر بروح و آشوف ان شاءالله بمسخرهآ لمآ تعطيني
و ان مافاد على طول آشتكي بالمخفر عشان تتهزا عدل

 

[شندوخه]

وااااااااااااي تكفين تكفين لاتسكتييييييييييين
روحي اخذي ابوج ولا اخووج اي احد ودشي درعمي وسويلها سالفه
قوليلها والله لا اقلب عاليها واطيها طلعي الصوره ولا بطلع للمخفر الحين وافضحج عند كل اهلج وجماعتج
تكفين كلش ولا الصوووره هذي ناويه نيه قشره

 

[@ كويتيه @]

ترى مرض نفسـي

الله يعيـن وقوليلهآ ابي اغرآضي وانا بجيب لج نفسـهم بس اغراضي ابيهم بشغل عفيـه << جربي معاها هالاسلوب

والله يشافيها ان شاء الله .~

 

[Patcholli]

واي حدها تحررررررررررررررررررررررررررررر


لو مكانج ماقعد ولا دقيقه اصلا وما انطر لي باجر ..!!

ماتستحي يامعوده خوفج مسويتلج سحر بالصوره ولا معطتها حق واحد ولا ناشرتها بالنت شكلها حقوده ومو صاحيه اي شي تسوي امبيه امبيه مال تقطيييييييييييييييييع

اهم شي انج تكونين مسيفه مسجاتها ومو ماسحتهم والله خلي اخوج ولا ابوج يروحون المخفر يشتكون عليها ويسونلها سالفه

امس تقول ماخذه الصور واليوم تقول لا ..!!!


وااااااااااااااااااااااااااااااي تحر تحر تحر انا احتريييييييييييت ..!!

 

[شماسه]

ووواااي صج في ناس وايييييد جذي يبوقون ويلبسون اشكره جدامج

والله واايد انباقت اكسسواراتي من الشنطه وتلبسها جدامي احتر واسكت ولا اتجي تاخذهم على ااساس انه تلبسهم وترجعهم
وتاخذهم ولا تردهم ?

 

[مسك العطور]

امداها ؟؟؟

بس دخلتي الحمام شوي تبوق وتفتش غرفتج وتاخ1 كل شي وتنقي الاغراض بعد ؟
اجل لو نازله تجيبين لها عصيير اظن منتي لاقيه غرفتج بكبرها ^^

 

[دلوعة أبوهآ]

آحسن شي سويتيه انك فضحتيهآ ورجعت لك الاغراض هذي وحده حقيره ومريضه
بكل وقآحه تدخل بيتك وغرفتك وتسرق وتلبسهم بكل حقآره !!

مريضه نفسياً وآلله
ولآتسكتين لهآ
مثل مآجات بيتكم وخذت اللي تبيه
روحي بيتهآ ورجعي صورك وملآبسك
شتبي في آلصوره .. يمكن مفكره تسوي لك شي
انتبهي منهآ ورجعي اغراضك بأقرب منك أو اشتكي عليهآ

 

[حلاتي ابتسامتي]

الحمدلله والشكر والله ما اسكتلها

اصلا المفروض من اول مواجهتها

مو تسكتين شفتي شلون تمادت

صراحه شي ما يضحك والله اني عصبت لووول

الله يعيـنكــ !!! بصرآحهه

 

[حلوه بس هبله]

وي ذي وييها مرشوش بمرق

ابي افهم شتبي بالصوره , وملابسج الداخليه
والله لو اختي لبستهم مالبست عقبها
ملابس داخليه عاد ؟
شتحس فيه ذي .؟؟

بس شوفي حبوبه باجر وانتي تدورين باغراضها
نصييييحـه

قولي هالدعاء انا مجربته لمن يظيع مني شي

قولي
( اللهم ياجامع الناس في يوم لا ريب فيه اجمع بيني وبين ظآلتي )

كرريه لمن تلاقين اغراضج
وكثري استغفار بنيه انج تلاقين اغراضج , استغفري من اليوم لمن توصلين بيتها

وباذن الله تلاقين الصوره وملابسج

والله كلنا نحاتيج وداشين معاج بالاكشن الي صار

 

[سكوتي بذوقي]

حسبي الله عليها

لا ياختي ليش تسكتين لاتسكتين عنها ولا شي

راح تتمادى وتاخذ كل شي

علمي عليها علشان تتأدب

الله يهديها ولا يبلانا يارب

 

[ليلو جبريت]

اشوه انها جايبة الاغراض معاها الدوام عشان تردهم لج اول ماتواجهينها

 

[كراميلا مرة]

عاد انا ماحب اكذب احد
بس صح في اشياء وايد مو مفهومه بالموضوع
شلون شالت كل هالاغراض وانتي ماحسيتي بها
وثانيا ماعجبني كلش اسلوبك بالرد على البنات
الحين تقولين شحقه احزن عشان انبقت
اجل ليش معصبه وبس قالوا البنات السالفه ماتدخل المخ
يعني السرقه تعصب بك اكثر المفروض

اشوه انها جايبة الاغراض معاها الدوام عشان تردهم لج اول ماتواجهينها

وهذا بعد شيء من القصه مو مفهوم

مو معقوله بتجيب الاغراض كلها معاها بالدوام وبس بتطلبينهم بتعطيج اياها




اتمنى ماتهاجميني لانه عارضتك
دام ماتهمك السرقه
من باب اولى مايهمك معارضه احد

 

[* ليــــدي *]

اشوه انها جايبة الاغراض معاها الدوام عشان تردهم لج اول ماتواجهينها

آنا دآقه قبلهآ مهددتهآ ترد الصورهـ ..
جآبت كل شي مآعدا الصورهـ وملابسي الدآخليه ..
غصبن عليهآ مو من نفسهآ

 

[أم الفناتك]

صج السالفه غريبه وانتي الله يهداج نمتي بالحمام ؟؟؟؟؟؟؟ جد استغربت متى مداها ماخافت انا اقول فضحيها تستاهل هاذي بالاسلام تنقطع ايدها مو بس تنفضح واذا الاغراض اللي خذتهم منج انتي مو محتاجتهم بتاخذ من غيرج اغراض محتاجينها والله يعينج على هالاشكال

 

[* ليــــدي *]

كرآميلا طز بالاغرآض بدآلهم آشتري الف شغله ..
بس انا قلت لهآ صورتي معلقتهآ عالمنظرهـ وينهآ وتهآوشت ويآها واعترفت البنت انهآ بآقت
واساسا انا مالآحظتهآ لآن مآشكيت فيهآ كلش ..
وطلعت قعدت آصب لهآ قهوه و جآي مآلاحظت اغرآضي لآن مسكرهـ الدرج عليهم فـ مو من المعقول آخلي البنت و اروح اتاكد من الاغراض !!

آي سؤآل بعد مآعندي شي انا فاضيه بخلي الشغله اللي محتآره فيهآ وبقعد ارد على استجوآبكم .. مآذكرت التفآصيل السخيفه لان مشكلتي شلون آتعآمل معاها ..
مو طريقة البوقه وشلون خذت وشلون طلعت وليش ماوصلتها السياره وليش مافتشت جنطها قبل لاتطلع وليش مافصختها اتاكد مامعاها شي وليش ما حطيت كاميرة مراقبه وليش انحسرت ودخلت الحمام كان المفروض ما انحسر اقعد اقابلها وليش ماعلم الغيب ونزل الوحي يعلمني انها بتبوق وليش وليش وليش