جم اجاركم ؟؟

[ذكريات]

بنات اللي قاعدين بشقة

جم اجاركم و باي منطقة ؟؟

مت انا وريلي اندور شقة احس امبالغين بالاسعار

شدعوه ؟؟

:0bee2e8d89:
​

 

[سكر-نبات]

الله يهنيكم حبيبتي
انا وزوجي مأجرين بعماره مليقه خايسه ههه قديمه اشوي يعني بو 12 سنه قبل مدخلها مش ولا بد والمصافط مصفط واحد وطبعا السيايير ورا بعض حدهم خايسين
والشقه 3 غرف وتكرمين حمامين ومطبخ وصاله ب 320
ما حصلنا ارخص الحمدالله والشكر ولو كانت ارخص العماره تلوع الجبد
والي يقهرني يكتبوون شقه سعرها 400 حق معاريس اشدعوه اذا المره تدرس والزوج موضف شنو يسووون ؟؟

 

[ذكريات]

اييي و الله نفس تفكيري ليييش الشقة ام 400 و فوق حق معاريس

في شقق على 200 و شي بس حيييل حييييل صغار

 

[أستاذة]

الله يعينا شكلنا في أزمة سكن
انا كنت مأجرة بالعقيلة 3 غرف ب300 وجديده وعيبها دريها يهد الحيل
والاكبر انها مسكووووووووونة تخرع

 

[قلوووب]

والله انا ساكنه في دور ابيت ب 350 دينار
ماكله عسل من المعاش..نصه طاير وريلي كلما بيدفع يقول آآآآآآآآآخ على اتعبي وحلالي
وانا اضحك..صج شر البلية ما يضحك
صج انها الحمد لله واسعه ومرتاحين فيها
بس واحد ما يحب بعد عشان سكنه يداين من الأوادم..اذا صارتله ضروف طبعا
المهم..
والله يالغالية ذكريات..شوفي احنه اخذنه جوله كبيره عالشقق..واللي اسعارهم ازوينه ابعاد اشوي
عندج الأندلس ممتااااازه من السعر والوسع
العقيله اسعارها لاباس وحجمها ه ه يعني من 280 الى ال 300
اشبيليا شققها بعضهم اوساع واسعارهم زينه قبل الندلس مو وااايد بعيده
سلوى..مكنتوش..اتحصليين انواااع من سعر وحجم
القرين وبالتحديد صوب البيوت اللي مو حكوميه يبي يسكرون قروضهم يأجرون حوسو مناك تلقون يكتبون بعض المكاتب أرقامهم عالشبات والإشارات..دقو يفيدونكم


والله الشقله متعبه والله يعينكم ويرزقكم ويرزقنه البيت اللي نستقر فيه بلا ذلة الناس والمسألة
موفقه

 

[ذكريات]

قلوووب مشكورة حياتي

كلامج مليون بالمية صح

و انا شفت بنفسي بس ريلي ما يبي سلوى و لا الاندلس

و الحين استسلمنا للامر الواقع و اخذنا شقة بـ 350 بالمنطقة اللي يبيها ريلي

و الحمدلله على كل حال

 

[meen_ana]

اييي و الله نفس تفكيري ليييش الشقة ام 400 و فوق حق معاريس

في شقق على 200 و شي بس حيييل حييييل صغار

صج وين صاايرين هذوول الشقق

 

[!! بطاطه !!]

لا ويكتبون مايبون يهال يعني المعريس ماراح يبون يهال وحق متزوجين بس 2 من 350 طالع هااااااااا شخليتو حق الى عند 2 او 3
انا ساكنه بالمناطق الداخليه و3 غرف ب 280 بس الشقه فيه وايد عيوب بس شنو انسوي مستحملين لانه الشقه كبير بنيان قديم مجدد

 

[semaasem]

واااااااااي سكتي ضربتيني عالوتر

انا بعد قاعده ادور شقة بغرناطة البيت اللي مأجرين فيه انباع و...المهم انا قاعده ادور شقه بغرناطة ياليت اللي تعرف تساعدني
اقولج شنو هالاسعار الصراحه واااااااااايد مبالغ فيها يعني نقط معاشاتنا عالاجار وبسسسس حرام

 

[*جبرني الوقت*]

والله تلقون فيه بس اهم شي قريب عند الدوامات وانا احب الفروانيه لانها بالنص بس ماجرة بالعارضيه 350 شسوي ماكله تبن لان شقه يديدة ومافيها صراصير ووووناسه تخيلو لدرجة انام وفاجة حلجي لووووووووووول

 

[@ام ضاري@]

انا اجار شقتي خمسبن فلس عند اهل رجلي ماطلعنا بروحناا بشقهتنا قاعدين والله يبي يطلع وانا رافضه
الاجار غالي بعدين ليش عندكم الاجااااااااااااااااااااار غالي ليش ب300 ول400 شدعوه تعالو اجرو عندنا بالجهرا طابق فوق 200دينار
وشحلاته وسيع بس انتو ع حسب منطقتكم وتكون قريبه لدوماتكم الله يعينكم ع الاجار قسايم سعد العبدالله اجارها 180 -200 دينار
ورااااهيه وشحلاتهااا اسمها جنوب الجهراء

 

[ورود خذلتها العاصفه]

اضم صوتي لام ضاري شحلات جنوب الجهراء اختي ساكنه شقه 160 3غرف وحماميين ومطبخ وصاله واخوي ب180 نفس الغرف والله حدها رخيصه الله مو مثل القيروان واشبيليه وعبدالله مبارك مادري ليش ما يخافون الله بالاسعار

 

[قلوووب]

كرستال اشلون اشقيق اهلج اللي ب160 وااسعه لو 3 غرف على بعض وامجكنمه؟؟؟

 

[قلوووب]

اضم صوتي لام ضاري شحلات جنوب الجهراء اختي ساكنه شقه 160 3غرف وحماميين ومطبخ وصاله واخوي ب180 نفس الغرف والله حدها رخيصه الله مو مثل القيروان واشبيليه وعبدالله مبارك مادري ليش ما يخافون الله بالاسعار

:68_asmilies-com:
كرستااال اشلوون شقق اهلج اللي على 160 اوساع لو3 غرف علبعض يعني امجكنمه

 

[خليج***]

شقة بالسالمية,,
الايجار 220 دك
صالة+حمامين+ثلاث غرف+مطبخ+بلكونة
تكيف سنترال

وكل شي يمكم وبدون سيارة تروحون مشي(سوق+مطاعم+صالونات)

 

[عبق البنفسج]

أنا صايرلي سنة ونص ساكنة بالمنقف اليديدة
بشقة يديدة وتشطيبها وايد راقي ..
فيها ثلاث غرف نوم وحدة فيهم ماستر وغرفة خدامة .. ومطبخ مساحته حلوة وحمامين وصالة
الايجار 280

 

[نونو ام كشة]

شسالفه يبا ليش الاجار شاب عندكم جذي ؟؟؟؟؟؟؟؟؟؟؟
انا بجنوب الجهرا اللي اهي مدينة سعد ب180 وشقه حلوه وراهية 3 غرف نوم وصاله وحمامين
واذا طارت الشقه صارت ب200 ما عادا الادوار والبيوت هذا شي ثاني

 

[منارة الإيمان]

الله يعينكم حبيبتى .. الأجارات نااااااااااار
وياحلات منطقة توني شفتها .. على ما أعتقد قسااايم المنقف .. ألي مقابلين هيلتون على البحر
المنطقة ماشاء الله هاااادية .. ورااااقية
والغالب مؤجرة للأجانب .. وأسعارهم غالية
وجديييييدة ..

 

[<< أزيان >>]

اااااااااااااااااااااخ خلي الي في القلب لاطلعين القهر الي فيني انا توني طالعة من شقتي كان اجاري 200 وصار الحين 320 وميته قهر بس شسوي شقتي اول قديمه صارلي فيها 9 سنين قدمت وياي الشتا لي طق المطر اتخر شنها تمطر ابيتنا وتطفي الكهربا والله عورتي قلبي حطي المواصفات عند مكتب ويخلونك اطبين وتتخيرين انا سويت شذي وبنفس اليوم لقيت شقه مالفيت ولادرت وماياخذون منك ولافلس ياخذون من صاحب البيت نص الاجار

 

[سحااايب]

الجهرا رخيصه علشان ماعليها طلب

نفس ام الهيمان قبل اول ماطلعت كان اجار البيت كامل 300لان ماكان عليها طلب واللحين صكت ال500