جم اجاركم ؟؟

[ام فجور 2008]

الناس يانين وقاعدين على الاجارات شدعوة عليهم
انا لقيت لي شقه 180 بس بعمارة وزوجي مارضى قال اكيد عادي يدخلون عزابية
ولقيت بسلوى ارخص زينة اسعارهم بس مو قريبة من دواماتنا
اما الي بالبيوت الحمدلله والشكر من 330 الى 1000 وشوي
لا وفوق هذا يتشرطون

 

[رفرف]

تحت ال300 مستحيل تلقون الله يعين !!

 

[طير الحب]

450 دور ارضى بالروضه

 

[غنوة ستايل]

انا صباح الناصر .. مأجرين دور في بيت .. على 200 دينار
راعي البيت باني نص طابق وحنا اللي فوق وراعي البيت تحت .. عيال صغار .. الحمد الله
و لنا الحين 3 سنوات .. الشقه غرفتين كبار . و صاله كبيرة و 2 حمام . وغرفه للخدامه و المطبخ . وتقسيمها حلووو
يعني مسويه مجال حق طاوله الاكل .. و ومساحه حق كل شي . وغرفه الخدامه مسويتها منشر .. وما عندي جيران ولا شي بروحي

 

[viva la glam]

الله يعينكم على هالاجارات

 

[* فطامي *]

أنا توني مالجة واجرنا شقة بعبدالله المبارك
وسعرها 250 بس ـحس بصير فينا نقص بالفلوس أنا أدرس وريلي يشتغل ويكمل دراستة بره على حسابة الخاص والله يعين الجميع

بس صج الايجارات صاعده حييل و الاسعار مبالغة وايد

 

[برونزيه شقرا]

انا ساكنه بالجابريه
أرضي 3 غرف وحده منهم مع حمام وغرفة تبديل ملابس وكبت ثابت فيها
3حمامات
وصاله وغرفة خادمه ومطبخ
ب 400

 

[bent-al-asool]

ايجاارنا 350 طار نص المعاش

 

[love love]

انا شقتي برميثيه 450 توني ساكنتها وتشطيييب يدديييد متنتفه ومتحسفه على شقتي الي بمناطق العاشره صج بعييييييييييييده وايد بس 180 دينار بس كانت قديمه وعيوبها وايد
واليديده شقه حلوه وواسعه
الاجارات غاليه يا اجار غالي ومتنتفيين يا اجار رخيص وبيت بعييييييييييد وقدييييم

 

[بنت جنيف]

اجاري 350 بجنوب السره 3غرف وحده ماستر وصاله وحمامين وبلكونه

 

[رووري]

اجاري 350 بالسره وناوي يرفعه علينا 400
3 غرف وحده منهم ماستر ومطبخ وصاله ومخزن خليته غرفة خادمه ، وايد عليها هالمبلغ لأنها بالسرة بس شسوي ابي يم امي
الله يفرج عنا وعنكم حبايبي ويرزقنا بيت

 

[meen_ana]

شقة بالسالمية,,
الايجار 220 دك
صالة+حمامين+ثلاث غرف+مطبخ+بلكونة
تكيف سنترال

وكل شي يمكم وبدون سيارة تروحون مشي(سوق+مطاعم+صالونات)

وين صايرة هالشقه ممكن العنوان ياقلبي

 

[مهره شيوخ]

وااااااااااااااااااااي الاسعار كلها ناااااااااااار بس مو نفس اهني عندنا بامريكا:eh_s(11):الاجار1,100 دولار يعني بالكويتي تقريبا فوق ال 500 دينار

 

[**بياض الثلج**]

اجارنا 360 ولا الدور الاول وماكو اصنصير ومظله وحده حق السياره والسياره الثانيه بالشارع يعني دعموج مادعموج والبيت صاير بزاويه يعني اخذي المطاير باللفه
وشقتي 3 غرف وحده ماستر وثنتين وحمام وغرفه خادمه وحمامها وصاله ومطبخ

 

[meen_ana]

الناس يانين وقاعدين على الاجارات شدعوة عليهم
انا لقيت لي شقه 180 بس بعمارة وزوجي مارضى قال اكيد عادي يدخلون عزابية
ولقيت بسلوى ارخص زينة اسعارهم بس مو قريبة من دواماتنا
اما الي بالبيوت الحمدلله والشكر من 330 الى 1000 وشوي
لا وفوق هذا يتشرطون

عفيه وين صايرة الشقه للي حصلتيها 180

ديناار اليوم رحنا شفنا شقق بالسالميه بس كل شي طاير ناار بس في شقه زوينه ريلي يقوول ماارتاح للمكان انقمت منه والاصنصير قديم معنها يديده وماكو مصافط 240 دينار


لقينه شقه 350 بس روعه وشرحه ومصافط وايد تقريبا قبال المواساة ومازال جاري البحث:n2006107:
ادعو لنا نحصل

 

[ذكريات]

وااااااااااااااااااااي الاسعار كلها ناااااااااااار بس مو نفس اهني عندنا بامريكا:eh_s(11):الاجار1,100 دولار يعني بالكويتي تقريبا فوق ال 500 دينار

نفس اجار شقتي اول مرة بامريكا واااااااي كانت خوش شقة تهبل بس كبيرة علي و احس اني بعالم بروحي فيها

و شقق السرة كلهم غاليييين

واحنا مانبي نسكن بعيد بالجهرا ريلي حتي غرب الجليب ما يبي مع انه شققهم و اسعارهم زينه

و اخر شي سكنا في الزهرا

مع انه البنيان يديد بس الشقة تحسييييييين انها قديمة صج امسوينها حق اجار مو امسوينها بضمييير

كلشي اي شي

بس زوجي عاجبه و انا اهم شي افتك و اسكن بروحي

و السعر 350 :eh_s(11):

و الله وااايد عليييها

 

[منوووووله]

والله صج صج جنج تدرين ازمة السكن شي موطبيعي !

انا بخمس اسنين نقلت اربع مراات مره بالمهبوله كان اجاري 170 دينار واشكبر الشقه طلعت منها ورحت هم نفس المنطقه

بس على البحر راايت وكان ايجارها 240 بعدين قررنا انه انروح سلوى وكان ايجارنا 270 << قعدنا سنه وطلعنا رحت مره ثانيه المهبوله

وايجاري حالياا 265 << وشقه اكبيره واطل على الخط السريع وفي بعد شقق فاضيه بعمارتنا

ومواصفاتها 3 غرف و3 حمامات وصاله اكبيره ومطبخ اكبير واصنصيرين ومصافط :>

 

[انا مو هني]

والله خرعتوني امبي اذا اجرت شقا راح انروح فيها افيي ريلي نص معاشا اقصاد وهمن علا 300 و400 عيل من وين بنعيش انا ما اشتغل ولا شي
عيل بقعد افبيت حمولتي احسلي لمن يطلعلي بيت خخخخخخخخخخخ

 

[حساويه]

صراحه الله يساعدكم على هالاجارات صج احنا ارتفعت عندنا الاجارات بس ماوصلت حج اجاراتكم
ويمكن لان معاشاتكم زينه ماشاء الله اجاراتكم مرتفعه

 

[7abebat elq8]

اي و الله الاجارات نااااااااااااار و معاشاتنا طايرة عالاجار ما ادري شلون نبتدي حياتنا جذي........ الراتب ما يكفي شي... يا حلاة الكويت قبل كان كل شي رخيييييييص و اذكر ابوي كان معاشه يكفي كل شي و امي ما كانت تشتغل.. الحين انا و زوجي و الحاله :eh_s(11):...........