جم اجاركم ؟؟

[بشورة الأمورة]

انا ما راح أأجر أتحسف ادفع اجار لأني حسبتها خلال 15 سنة انتي و ريلج دافعين 30 الف دينار

شحقه و حق منو !!!! انا قتله خالتك بتخلص بيتها نأجر عندها عالأقل نفيد القريب و أجار رخيص لأنها أعلم بالحالة

و الله يوفقكم و يطبقون قرار تحصيل البيت خلال 6 سنين (( أحس بالمشمش ))

 

[جوزائيه مغروره]

انا ساكنه بالمهبوله

شقتي صالتها كبيره شوي يايه بالطول

غرفتين صغار شوي

مخليه وحده حق النوم والثانيه حق التبديل حاطه فيها الكبت والتسريحه

وحمامين وانتوا بكرامه

واحد كبير شوي والثاني صغير

ومطبخ زين

<< قالت تفاصيل شقتها لووووووول

والمسافط انتي وحظج يا تلقين جدام العماره او ورا العماره

المهم يمها

لووووووول

اجارها كان ب 220 بس لانه معاريس عطونا اياها ب 200

والكهربا والماي عليهم

على فكره قبل فتره لقيت دور كاااااااااااامل ب 170 تكييف مركزي والماي والكهربا على صاحب البيت والمدخل بروحه ومسافطه بروحه

بام الهيمان

بس اهلي مارضوا لانه المصانع قريبه يمها

 

[جوزائيه مغروره]

ونسيت اقول

في غرفه خدامه بس مسويتها حق الثلاجه والبراده ^-^

 

[miss-fofo]

والله انا بعد ابي ااجر شقه
انا قاعده في بيت اهل ريلي بس غرفتين صغار وحمام ومطبخ
وعندي بنوته ماادري وين انومها وماراح احمل الا لمن يكبرون المكان او نطلع بشقه
وانا بعد ودي اظل عندهم لان الاجارات غاليه

بس اذا حصلي اجار رخيص اطلع شقه بره

انزين كويتيات الي عندها شقه في بيت ابوها او احد تعرفه عفيه لاتبخل علينا انا ابي 280 وتحت

 

[جوزائيه مغروره]

مس فوفو عاد تدرين ابووي قالي لا اطلع برا ويسوي لي الدور التحت نصه شقه حقي بس انا ما رضيت

لاني حبيت اخذ راحتي اكثر

واذا تبين اقل من 280 تعالي المهبوله اشكثرهم على 250 كبار حييييييييييييييييييييييييييييييل

 

[noni07]

خلووو سالفه المعاريس

انا يقهروني لا قالو بس نبي مقيمين ..



خلوها عالى الله


عبدالله المبارك رخيصه بس فيها ناس مادري طماعين او شنو بالضبط .. الا بيخليها ب500 وفوق

المشكله محد راضين يأأجر منه وهو محنج مو راضي ينزل :dddds:

 

[الريادة]

الحياة صعبة ..
وين أول وين ألحين

 

[لبنان الزين]

:denya:والله الواحد شيسوي الآجار مو غالي الا نار حده آنا قاعدة بسلوى ب 600 دينار الشقة حلوة والعمارة جديدة ثلاث غرف كبار كلهم ماستر روم وبلكونة كبيرة ومرتاحة فيها وايد ، كل واحد هم يبي شقة او بيت يكون حلو وسيع علشان يرتاح بس الله يعين اللي حالتهم صعبة كل شي صار مولع مو بس الشقق .:n2006107:

 

[ام فضة]

انا توني ساكنه قسمتي في المنقف الجديد على الهلتون مباشرة وعندي شقتين في الدور الثاني والدور الثالث والموقع خيالي اطلالة على البحر
اجر الشقة 380 وتتكون من غرفين نوم وغرفة نوم ماستر طوواها 8 متر في 5 والصالة روعة ومطبخ وغرفة خدمات للغسالة او الثلاجات وعندي اصانصير وصبغ كله راقي كله مخملي وشمواه وتعتيق
اللي حاب تأجر تراسلني على الخاص

 

[سبكهاوا]

ايي والله يبتووها على الجرح

صايره الشقق غااليه وعلى شنووو ياربي الصراحه المؤجرين لاذمه ولاضمير شغل تلزق واي كلام ويقول مو اقل من 300
انا الحين ساكنه بحولي

و ماشالله وايد عمارات قديمة قاعدين يهدموونها ويبوون بددالها
وانا العماره الي قاعد فيها يدييده ونظيفه من داخل ويمها كل الخدمااات وسكيورتي ومسافط بس
واجارها 270 مع الحارس 5 هم زييين :eh_s(1):

بس عيبها وااااايد صغييره غرفتين صغاار و حده منهم ماستر مطبخ صغير وداخله غرفة خدامه انا حاطه فيها الثلاجه والغساله وصاله
يعني صج مالت معاريس لو الله رزقني بياهل ماعتقد بتكفيني
وغير زحمة حولي :eh_s(14):
وبعييدة عن بيت هلي :0bee2e8d89:

 

[al_gardenia]

انا توني راده من لندن قعدت 3 سنين

ييت ولا انصدم بالاجارات تعقدت مادري وين ااجر ووين اروح

تميت بيت ابوي جم شهر انا وريلي وعيالي

وريلي الا يبي الاندلس لانه يبييم دوامه وانا ابي يم شقه امي وابوب بالسالميه واخواني

كلهم بالعدان وخواتي بصباح السالم ليش يعني بس انا بالاندلس

اهم شي مشى كلامه وصار الي اهله يبونه اهله بالعارضيه

لقيت بالقطعه اليديد 11 توهم بانينهم بس الؤجر حده نصاب

لما قعدنا توه قاعد يشطب ماهقينا بيوقف على جذي

لا مظلات ولا سخان ماي يي انتسبح الماي باااااااااااااارد

والليتات اغلبهم خربانين والشفاطات مايشتغلون

وتعالي شوفي اذا احد طبخ بالعمار جنه شقتنا الي طابخه

الريحه كلها داخل البيت ولا الشقه الي تحتنا

لازم الغدا سمج وبليل برجر وشوي لحم

ولالالالالالالالا لما يشون ميد اكره نفسي

وبعد هذ شي من ولا شي

والاجار 330 ونقول حق المكتب اما اتصلحون

واتحطون مظلات حالنا حال الي يمنا ولا بنعطيك

نص الاجار يقول لالالالالالالالالا بنحط وتعالي نطري

بس اصلا زهقت وبلع بسرع وقت وعيالي توهم ياين

من مدارس لندن شافو العجب من مدرسه الاندلس

ولا المدرسات بس بس ماني مكلمه

لو اتخلوني لي باجر ماسكت

الله يفرجها علينا انشالله

 

[Dloool_q8]

انا بالمهبوله اجارنا 170 صاله وغرفتين وحمامين ومطبخ ومخزن وبلكونه بس مو وايد كبار زينين

 

[meen_ana]

انا ساكنه بالمهبوله

شقتي صالتها كبيره شوي يايه بالطول

غرفتين صغار شوي

مخليه وحده حق النوم والثانيه حق التبديل حاطه فيها الكبت والتسريحه

وحمامين وانتوا بكرامه

واحد كبير شوي والثاني صغير

ومطبخ زين

<< قالت تفاصيل شقتها لووووووول

والمسافط انتي وحظج يا تلقين جدام العماره او ورا العماره

المهم يمها

لووووووول

اجارها كان ب 220 بس لانه معاريس عطونا اياها ب 200

والكهربا والماي عليهم

على فكره قبل فتره لقيت دور كاااااااااااامل ب 170 تكييف مركزي والماي والكهربا على صاحب البيت والمدخل بروحه ومسافطه بروحه

بام الهيمان

بس اهلي مارضوا لانه المصانع قريبه يمها

خووش سعر بس بعيدة عن اهلي

 

[bint_looda]

الله يعينكم الصراحه ...

 

[bnt_7waa]

الله يعينكم

:\

 

[MyLittleBerry]

الاجارات ابو النار


انا ريلي يشتغل بالبترول ومعاشه فوق الزين ماقدرنا على شقه بو 300 نص الشهر مفلسين مانقدر نشتري ماجله


رديت بيت اهلي مع ان المكان ضيق علينا بس شنسوي



واللي يبط جبدي اللي يبون معاريس


بالله المعاريس بيظلون شهر ولا شهرين معاريس بعدين بيبون عيال


ولا يبون الناس يعيشون معاريس طول عمرهم علشان يحصلون اجار ؟؟!!!!

 

[meen_ana]

كلنا بالهووى سوي يعني

 

[ام كتكوت]

لاتذكروني زوجي بيقعدني غصب في بيت اهله رغم ان توني ساكنه شقتي اليديده ومرتاحه

تخيلو ببلاش

مابيها والله ادفع دبل ولا اقعد بهديه

ابي بيان

اجارنا 300 دينااااار في بيان

 

[سلطـ زمانها ــانة]

حبيبتي احنا عندنا عمارة اجارها ب290 اعتقد

فيها 2غرفه و2حمام ومطبخ وصاله وغرفه خدامه

 

[(( أم نــونــا))]

وااااي الله يعينكم على الاسعار حيل غاليه

احنا اجار شقتنا 150 دينار لان ساكنين عند ولد عمة زوجي

والشقه الثانيه كان واحد ساكنها مو من الجماعه بـ 200 دينار

بس انا شقتي حلوه وسيعه ماشاءالله

.................................