جم اجاركم ؟؟

[meen_ana]

عليكم بالعافيه ياارب وين صاير بيتكم حبووبخ وايد زين 200 دينار

 

[قمري]

انا توني مأجره بجنوب السره (حطين )

غرفتين + خدامه + 3 حمامات + صاله 10×5

ب360 دينار و الغصب

الاجارات لا حول و لا قوة الا بالله عليهم

بس شنقول غير الحمدالله

 

[ام الكتكوته]

خلوها على الله الله يقرجها علينا والله

راعيين هالبيوت ما يخافون الله

صالخينا صلخ بالاجارات

انا صار لي 6 شهور ادور لي شقه ومو لاقيه

وراعي البيت رفع علينا الاجار 50 دينار زياده

انا لو اتكلم ما اخلص والله

 

[<miss botamba>]

الله يا حلات العزوبيه

مفتكه على عمري لا عوار راس ولا حنه ولا محاتات

راحه نفسيه

 

[memy-08]

الاجارات حيييل نار هذا اللي مخلينا قاعدين في بيت الحموله

 

[Anestazya]

والله اانا ساكنه باشبيليه غرفه رئيسيه مع حمامها تكرمون وصاله عاديه وصاله استقبال وغرفه للملابس وحمام ومطبخ ب 280 ومتغاليتها بعد بس نظيفه وجديده عاد بطلع منها بس موالحين بعد جم شهر ان شالله هههههههههههه

 

[BlackRose]

انا ساكنة ب400 دينار


ذابحني الاجار

 

[love love]

لاتذكروني زوجي بيقعدني غصب في بيت اهله رغم ان توني ساكنه شقتي اليديده ومرتاحه

تخيلو ببلاش

مابيها والله ادفع دبل ولا اقعد بهديه

ابي بيان

اجارنا 300 دينااااار في بيان

شنو مواصفات شقتج بليز على الخاص لانه اختي تدور في بياان

 

[Q8_QT]

آنا ساكنة بحطين
3 غرف وحدة منهم ماستر ، وغرفة خدامه مع حمامها ، وصالة ، وحمامين ، ومطبخ
أول ماسكنتها كان أجارنا 270 بعدين صاحب البيت رفع الأجار صار 300 مع اني ماكملت 5 سنين فيها بس ريلي قال ميخاف
بنات ترى بقولكم شي إذا توكم مأجرين وما صار لكم 5 سنين مايصير صاحب البيت يرفع أجاركم ولا يطلعكم من البيت وإذا طاف عليكم 5 سنين ورفع الأجار وما ناسبكم السعر عندكم مهلة 6 شهور تشوفون مكان ثاني بدون ماتدفعون الأجار وهالكلام آنا نتأكدة منه

 

[حبيبة زوجي 6]

اااااااااااااااااااخ الاجار انا ساكنه بالسالميه صوب مستشفى الراشد والاجار 250 ولا بس غرفه وحمام ومطبخ وصاله


وامس رحنااا اندور وحده اكبر هم بالسالميه صاله وغرفتين وحمامين ومطبخ اتقولين محكر طيور 290


وحماتي ساكنه بسلوى 320 صاله وغرفتين وحمامين مطبخ و3مصافط

 

[لوذان]

لالالالالالا
هووووووووووووووونت ماني طالعه قبل
احب بيتي

 

[عاشقة^زوجها]

الله يعينكم والله
انا بالغصب لقيت بدسمان ب350 غرفتين صغار وتكرمين حمامين وصاله ومطبخ صغير

 

[إستبرق]

انا ماجره بسعد العبدالله ( جنزب الجهرا ) والحمدالله الشقه نظييفه وراهيه احنا اول ناس نسكنها 3 غرف ووحده منهم ماستر والغرف ثنيتن كباااار ووحده وسط مع حمامين وصاله الاجار ب220

 

[[..كـــــرك..]]

شوفي انا خالتي شققها يطرد فيها الخيل صج كبيرره

ومأجره وحده لمدرس سوري


ووحده لواحد سعودي السعودي لان تقول جيرانا عيب اخذ منه واجد اجرته ع 180 خخخخخخخ وايد كريمه

بس والله مادري عن الباقي

 

[ملح بدويه]

الله يعينكم

 

[جزيلة العطا]

كنت ساكنه جنوب الجهرا اللي اهي سعد العبدالله
3 غرف وحده منهم ماستر..........وغرفة خادمه........ثلاث حمامات.......مطبخ..........صاله......مصعد.......... مواقف سيارات......والمنطقه هاديه وراقيه...والشقه واسعه...والاجار180

 

[*مارلين_مونرو*]

اي والله يا بنات انا توني عرووس و صارلي فوق 3 اشهر ادورلي شقه بالمناطق الداااخليه بـ300 ماني لاقيه !!

لااااعت جبدي والله العظيم قمت ابجي من الحره كل ما اعجبتني شقه يا بـ370- يا بـ400 شدعوه عليهم جذي !!

يعني معااريس تونا باديين حياتنا و انا ما اشتغل من وين بنقط 300 على اجاار حراااااااااااام عليهم والله العظيم ..


تكفوووون اللي تعرف احد عنده بيت يأجر شقق بـ300 تقووولي و تكسب فيني اجر

 

[سيد-الغنادير]

اناااااااااااااااااااا ادور ايجار ( حسبي الله عليهم نااااااااار طايرة الاسعار كلها 300 وفوووق

 

[المستبــده]

اييي والله ليش جذي صايره الاسعار ناااااار
انا اجرت شقه بالقصور غرفتين صغاار وصاله وحمامين ومطبخ صغييييييييير ما يكفي الا لشخص واحد حتى الثلاجه حطيتها بالغرفه الثانيه لانه المطبخ ما يكفي
الاجار 280 والشقه والله ما تستاهل مو نظيفه كلش وبالجريده كانت حاطه شقه يديده !!
ماقدرت اقعد فيها شهر واحد وطلعت
والحين ساكنه فبيت اهلي ماخذه لي شقه
والمفاجأه وانا اقرا الوسيط عقب ما طلعت منها ولا حاطه الشقه اب 320 وكاتبه الشقه يديده
ليييش الجذب ما يخافون من ربهم؟؟
رافعه سعرها واهي شقه ما تسووى كلش مادري شلون رضيت فيها​