جم تصرفين بالشهر؟؟؟؟؟

[نفيشه]

مادري بالضبط شكثر
بس البنزين اصب بالاسبوع مرة عالاقل
ومكياج مو كل شهر
والعطور نفس الشي مو كل شهر
الشي الثابت عندي البنزين والصالون والليزر
واللي يكسر الميزانية طلبات اليهال المفاجئة حق المدارس
والنواقص اللي اضطر انا اقضيها
والمواجيب لا اله الا الله وايد
وفجاة الاقي المصرف طاااااااااااااااااااااااار
اتوقع على الاقل على الاقل 300 بالشهر العادي
طبعا اذا في مناسبة يتغير الوضع تماما

 

[dima]

انا مو موظفه و ما عندي عيال

فا مصروفي مو اقل من 150 دينار حق طلعتي و تلفوني

بس اللبس و السفر و سيارتي وكل شي على اهلي الله يخليهم لي ان شاءالله

 

[رماديه]

آنا اصرف معاشي كله 400 دينار وعقبها آخذ من زوجي والمشكله اني ما اشوف اني شاريه شي يبين بالعين والله العظيم معاشي يطير على مطاعم وطلعات والجمعيه وعلى فكره ترى آنا ما عندي اعيال اصرف عليهم ولا شي آنا وحده وابروحي وابصراحه شايفه ان المعاش اشووويــــــــه وما يكفي شي كلش وفي اشياء وايده محتاجه اني اشتريها و ما يكفيني معاشي علشان جذي قاعده احاول أطور من نفسي يا إما ابدراسه أو وظيفه ثانيه يكون فيها راتبي اكثر وسلامتكم.

وبنات ماشاء الله عليكم قاعده اطالع مشاركاتكم اشلون تقدرون تصرفون بس هالمبالغ لصغيره وكل شي غالي وبعدين اذا بتشترينلج بدله وحده مو اقل من 50 دينار فاشلون تقدرون اتوفرون؟

 

[ام الدلال]

والله خوش موضوع انا وحده اصرف كل معاشي تقريبا 600دينار والله وين يروحون ما ادري ؟ يعني ماني راعية مكياج تقريبا كل شهرين اشتري مره والعطور كل شهر بس عطر واحد وساعات والله فشله اخد من زوجي بس الحين اشون فيه ناس يوفرون ويقولون بعد ما يقصرون علي روحهم؟؟؟؟؟؟؟ اشلللللللللللللللللون؟ تكفون علموني الطريقه:eh_s(22):

 

[mooomooo]

بالاول كنت اصرف معاشي كله

الحين لا والله اصرف بس من 200 الا 250 بس

اشلون

اول شي اول ماينزل المعاش وعقب مايقصون اقساط السياره

اسحبه كله واييب اظرف
وارتب الشهر اسابيع كل اسبوع له ميزانيه مثلا من 30 الى 50 دينار

واسحب معاشي كله عشان ما اسحب بالكي نت

والله حيل مرتاحه على هالطريقة



والله يوفقكم بنات

 

[أسيرة قلبه]

والله خوش موضوع انا وحده اصرف كل معاشي تقريبا 600دينار والله وين يروحون ما ادري ؟ يعني ماني راعية مكياج تقريبا كل شهرين اشتري مره والعطور كل شهر بس عطر واحد وساعات والله فشله اخد من زوجي بس الحين اشون فيه ناس يوفرون ويقولون بعد ما يقصرون علي روحهم؟؟؟؟؟؟؟ اشلللللللللللللللللون؟ تكفون علموني الطريقه:eh_s(22):

ايه والله حبيبتي

انا من قريت الردود طقتني البوهه..... تفاجات

انا اصرف 400 دينار و هم احس ان في شغلات واااايد ما سويتها

يعني دخلت السوق علشان تشترين بدله وحده مو اقل من 50 و لا ستين

 

[أسيرة قلبه]

اضم صوتي لام الدلال




شلللوووووووووووووووووووون تكفوووووووووووووووووووون علموني الطريييييقه

 

[أوضاح]

كل المعاش يطير ومادري ين يروح
وكله على المطاعم والطلعات واليهال
وتدرون بالاقساط موملحقين

 

[رشيقه]

والله ما ادري بشنو اصرفهم
بس من الشهر الياي بحط ورقه و قلم و بكتب
المعاش كل شهر يطير على شنو ما ادري

 

[ريماا]

انا اصرف من 400الى600 بالشهر واذا عندى مناسبة اكثر مبذرة حدى
مع العلم انة معاشى 400 بس مايكفينى ؟

 

[الأميرة النائمة88]

بحدود 400 كل شهر و كله على تافه بس ما أقدر أستغنى عنها

 

[د.شريفة]

والله مايظل شي من الراتب مت ماني قادره اوفر والله قبل كنت اوفر واخش ويمعت مبلغ وقدره
بس الحين ماني قادره لا اله الا الله كل شهر طالع لي شي
بس من هالشهر قعدت اكتب لو ادفع دينار اكتبه بس ابي اعرف على شنو قاعده اصرف وهالشي ضروري والا مو ضروري ... وبشوف النتيجه

 

[شهدQ]

200 لي ولعيالي ولو عاطني اكثر جان صرفت احس ماتكفي الدنيا ناااااااار

مصاريف مدرسه + مصاريف طلعه + صالون + ملابس ماندري انقص من وين ونوفي شنو !!

 

[أسيرة قلبه]

رفعععع

 

[@ الرسامة @]

تصدقو من معاشاتكم وشوفو البركة بعدها بمعاشاتكم


وهذا عن تجربة

 

[رفرف]

تقريبا 200-300 ومرات اكثر ومرات اقل على حسب الظروف ...
مرات ايي شهر اللهم يا كافي مصاريف ومواجيب ماتخلص يستهلك الميزانية كلها ..
وفي اشهر ماحتاج وايد ..

 

[ام الدلال]

والله اعجبتني فكرة مومو وراح اجربها هالشهر يعني الكل يسوي رجيم علشان يضعف هالمره بسوي رجيم حق مصاريفي بس :eh_s(4): خلاص لازم اصير من اصحاب الارصده :eh_s(15): وعلي فكره ياالرسامه تري مااعتقد في احد في الكويت ما يتصدق بس والله عيون هالاجانب ذابحتنا والله يوفق الجميع ويرزقكم الخير ويبارك لكم فيه

 

[رايقة1980]

موضوع روعه ومفيد

قبل الوظيفه كنت اصرف بلا حساب

اخذ الفلوس من ابوي وما اعد ,, كم أصرف....
ومن توظفت
كل راتبي
اصرفه



قبل سنه عاهدت نفسي امشي على ميزانيه يوميه
12 شهر... وانا كل يوم يمر ما اصرف احط لنفسي (صح)

واكتب كل شي اصرفه حتى لو ربع دينار...

ومن شهر اغسطس 2006 كملت سنه على المعاهده.......

وعرفت الاخطاء .......

والحين ...


250 مصروف شهري كل شي فيه..
.لو ينقصني اي شي أكمله الشهر اللي بعده. ومنهم هدايا للأهل ولأمي والواجبات الاجتماعيه عكس السابق مايجي اخر اسبوع وانا مستحيه اطلب فلوس والا اسحب فيزاااااا


والباقي في الحفظ والصون...
وجزء خصصته للحفظ الابدي المترابي (الصدقات)
والله انه لها فضل عجيب..
ملخص تجربتي واتمنى انكم تستفيدون منها...

 

[rainbow_brite]

والله على حسب الظروف والمناسبات ساعات في اشهر ما اصرف فيها وساعات المعاش كله يروح ولا واكثر شي على خرابيط بس اذا في بالي سفره او شي ثاني تلقيني ايمع انا مسويه استقطاع من معاشي 170 دينار اخشهم بحساب ثاني والباجي من معاشي اصرفه كله واذا احتجت عندي الحساب الثاني وانا طبعي صرافه عشان جذي سويت الاستقطاع ساعات اروح السوق اشوف سوالف اشتريها حتى لو ما ابليها قاعده احاول بالفتره الاخيره اغير هالطبع واقتصد

 

[Alia]

ما اشتغل ولا متزوجه وكل شهر مصروفاتي تختلف‍

مرات يمر علي شهر 50 واقل

ومرات فوق ال 500