جم تصرفين بالشهر؟؟؟؟؟

[مزيونه وشقره]

بالاول كنت اصرف معاشي كله

الحين لا والله اصرف بس من 200 الا 250 بس

اشلون

اول شي اول ماينزل المعاش وعقب مايقصون اقساط السياره

اسحبه كله واييب اظرف
وارتب الشهر اسابيع كل اسبوع له ميزانيه مثلا من 30 الى 50 دينار

واسحب معاشي كله عشان ما اسحب بالكي نت

والله حيل مرتاحه على هالطريقة



والله يوفقكم بنات

هذا اللي قاعده اسويه والحمدلله ارتحت اشوي قاعده ارتبهم باظرف حسيت اني منتظمة ومرتبه

يعني كل اسبوع 50 اوكي هذا مصرفي الخاص بروووحي

واحط طواري 40 او 30 للعازه وساعات اذا ظروف قاااهره ومهم اخذ من الاسبوع اللي وراه بس مو اكثر من 20

والحمدلله قسمت معاشي وقللت روحات السوق وقبل اذا دخلت مارينا مول والا الرايه والا هالمجمعات لااازم اشتري حتى لو شي ما ابيه وساعات اتفاجا ان عندي منه بالبيت فصرت حريصه وما اشتري اللي فايض عن حاجتي ادبت نفسي وروضتها هههههههههههه

والله قبل امشي واصرف وامشي واقطط هالفلوس جمعيه وفرع وسوق ومجمعات وبضايع حريم ومشاغل وحتى البقالات ربحانه مني

بس لا لازم الزم نفسي وانظم جدول مثل اللي قلتي عنه والحمدلله اوكي

:eh_s(9):



مع تحياتي يا حياتي

مزيونه وشقره​

 

[Brounzi_girlly]

صراحة آنا ماحسب جم اصرف بالشهر بس وااااايد اصرف على حسب المناسبات الملابس مو كل شهر الصالون أقل شي 15 بالشهر
المكياج مو كل شهر بس ضروف الحياة تتطلب بس الواحد لازم يمسك إيده مو بخل بس تحسب لظروف طارئة
مع التحية...........

 

[لازوردي]

واي ما ابي افكر بهالموضوع لأنه يعذبني انا اصرف صرف و على شنو مادري خرابيــــــــــــــــــــــــــط مطاعم و طلعات و ملابس و بضايع و العاب حق ولدي و جمعية ثم جمعية ثم جمعيه هالجمعية اللي ماتخلص اروح علشان اشتري الماجله حق ولدي اطلع من الجمعيه مو مخليه شي مو شاريته بس بس قلبي يعورني و الحين الهدف الياي و اللي راح اعلن افلاسي فيه اهو انشالله ناويه على الساعه الفيرساتشي و جنطه من شانيل امبيـــــــــــــــــــــــــــه ريلي راح ينتحر و السبه انا :eh_s(3): ​

 

[knafa]

امبيييييييه تصدقون بنات انا ما ادري جم اصرف بالشهر صج ساااااااااااايبه لان كل شهر غير مره في التزامات مره لأ ، حطيتوها فبالي لازم اجيك اشكثر اصرف
مشكووووورررررين عالموضوع الحلو
راح ارجع مره ثانيه لاحقا

 

[امون حبيبة زوجها]

انا وحده مستغربه فلوسي وين تطيييييير؟؟
مع ان نص السوالف اللي يسوونها الحريم شهريا انا ما اسويها
الظاهر فلوسي طايره بهالجمعيه والمطاعم والطلعات اهي اللي ذبحتنا بصراحه

نفسيييي بالضبط مادري وين يروح معاشي

اتوقع على الطلعات والروحات والجيات
لاني مااشتري مثل البنات يعني موكل شهر عطورات وملابس ومكياج
بس هالمطاعم والطلعات ذبحتنا

 

[on line]

انا نفسكم ماكنت اعرف ارتب مصاريفي
بس الحمدالله الفتره هذي بديت اوفر مبلغ ما احوشه الا اذا مطره اني اخذ منه
ومن يجي الشهر الجاي ارد احط بدال اللي مخليته توفير وصرفته
بس االتزام حلو والتنظيم احلي وفكره اني اسحب الراتب كله واخلي 50 دينار بالراتب حلوه عشان اعرف شكثر اصرف بدال مو صرفي يصير عن طريق الكي نت يصير كاش واعرف شكثر اصرف

 

[كويتية صغيرة]

نصيحة بنات
من اخت
انا اول مخليه الشغلة سايبة
اصرف و ما ادري شكثر و لا وين يروح و شالسالفة
عدة نقاط سويها:

1. سوي استقطاع صدقة شهرية او كفالة يتيتم علشان الله يبارك لك بفلوسك.

2. اخذي هدية لأمك او خالتك بين فترة و الثانية علشان تحصلين دعوة حلوة.

3. قللي روحات السوق.

4. الجمعية ، كتبي الأغراض بورقة و روحي اخذي الورقة معاك و التزمى فيها فقط اشتري اللي بالورقة وطلعي.

5. خصصي لك يوم للدلع ، يعنى انا احرم روحي فترة ما اروح السوق و لا مكياج و لا عطورات لمدة معينه بعدين ألقى عندي تكون مبلغ معين اقسمه نصين نص اوفره و النص الثاني اروح السوق اشتري اللي بخاطري.

6. اليهال ماله داعي كلشي من الغالي ، انا لاحظت اللعبة اذا غالية و الا رخيصة في النهاية مصيرها مكسره و بالزبالة . عيل ليش تاخذين من الغالي اخذي من الرخاص او سوق بو 100 او اللي على دينار و نص لأن مصيرهم راح يملون من اللعبة و يقطونها و يحنون يبون غيرها.

7. انا اشارك مع زوجي بعدة مصاريف و ساعات انحرم فترة بصراحة بس امسك روحي . لكن فترة العيد و المناسبات اصرف بالهبل و اعوض روحي . و الشهر اللي بعده احاول اقلل المصاريف يعنى احاول اوازن. اذا صرفت وايد شهر الشهر اللي بعده اقلل.

8. انا عندي ملحوظة، انتو ما تلاحظون الأجانب شنو يسوون و ين يروحون يتمشون ؟ يروحون الأماكن اللي مافيها مصاريف .... البحر .... الحديقة .... يشوون و ييبون القوراي لليهال و يستانسون و كلله ببلاش .... احنا وين نروح اذا نبي نتمشى ؟ كله مجمعات و مصرف و ألعاب الكترونية و مطاعم غالية . اللي خلانى افكر بهالنقطة مرة رحت منتزه الشعب و صرفت فوق 150 دينار انا و عيالي طارت عيونى لما رديت قلت شنو هذا مو لهالدرجة !!! صايره مينونة بالمصرف شوفو الأجانب و العرب وين يروحون دائما طالعين و مستانسين و مايصرفون.

 

[الجــادل]

انا راتبي 700 يطير كله من ثاني اسبوع

مع اني مو متزوجه ولا عندي التزامات


بس حيل احب ابدل والبس وكذلك المواجيب قصه ضهر


وحاولت اوفر مره تضبط ومره لا

 

[FerGie]

انا لا زواج ولا يهال و لا لتزامات
و راتبي حلو بس ماكو كله طاااااااااااااااااااااااااير
السوق غالي ارخص قطعه ب 20
و انا دوامي لازم البس فكله رايح علي البس و المكياج
و الماركات شهر و ترك اخذلي جنطه وتكرمون جوتي
وفلوسي طايره علي مطاعم و قهاوي
اقل شي تقعدين ب كافي قهوه و قطعه جاتو 5 دنانييير
غير الجمعيه ادخل بشتري شامبو و سبري و خرابيط و كاكاو اقل شي 30 دينار

بس كله بصوب و السوق بصوووووووووووووووب
ما ادري اشلون
ما ادري شسوي
المشكله احب البس
ما اقدر اكرر
وفلوسي طايره

 

[jours]

انا ودي اسوي استقطاع من البنك بحساب خاص يعني saving account بس المشكلة بيت التمويل ما يفتحون حساب ثاني غير حساب الراتب الا ولازم يحجزون عندهم 100 دينار وانا بصراحة اولى بهالمبلغ

 

[ضحكة الدنيا]

بصراحه كل شهر احس له ميزانيه غير مرات مافيه مصاريف اضافيه وااايد غير طبعا مصروف الجمعيه والبنزين والطلعات والمطاعم هذي كل شهر المفروض نحسب احسابهم
بس فيه اشهر تكثر فيه المصاريف وتتخلبط الميزانيه ومااقدر امسك ايدى لازم اصرف

 

[حاااايره]

تقريبا 250 بس والللللللللللللللللللللللللله مادري شعليه رزق للمطاعم والقهاوي

 

[عسولة الكويت]

تقريبا 300 و350
بس والله موعلى شي يبين بالعين
كله على خرابيط وجمعية وابو 100 اللي ذبحوني فيه اعيالي
مع العلم اني مااسوق ومكالماتي على زوجي
ودي اقتصد شلوووووووون؟؟؟؟؟؟؟؟؟؟؟؟

 

[طم طم]

فلووووسى تروح اغلبهاااا على هالجمعيات لازم كل يومين والثالث انا فيها
والصرف حدث ولا حرج ودى اوفر بس موووقادره من توظفة لى 9 اسنين وانا مو قادره احط فى رصيدى فلس واحد !!

 

[مزيونه وشقره]

وعلى فكره المصرف يختلف ساعا يعني وحده متزوجه يبيلها هذيه اذا من الاهل مو اقل من 100 دك والا اذا تبين جنطه ماركه والا غيره عاد هنيه اخذ من اللي اوفره وهمن يكون عندي مصروف يعني ارتب نفسي ومو حارمتها




مع تحياتي يا حياتي

مزيونه وشقره​

 

[أم منصـ 85 ـور]

أنا معاشي 720 عشر اياام عقب مآدري وين راح هالمعاش اللي ماعاش

 

[love love]

انا مااشتغل

الاعانه اصرفها على مصاريف اليوميه واذا كان ريلي مو معاي

واحتياجاتي لبس والخ ريلي يدفعلي مع قسط السيارتي

والحمدالله متفاهمين ومحد يقصر على الثاني بس بطقاتنا وحمدالله معاش واحد والله اموسعها علينا