حاسة اتعب و ما الاقي مقابل

[حوريه ...]

حبيبتي اعرف وحده كانت تطبخ دجاجة الغدا بالليل مع العشا وتخليها بالثلاجه حق اليوم الثاني

وين المشكله كنت اسويها اذا عارفه نفسي بنضغط او بيكون عندي شغل كثير


ثانيا وحده من رفيقاتي لما راحت خدامتهم تقول عشت ع مواعين البلاستيك ومطبخي دايم نظيف ومايتعبني وللامانه ماجربت هالطريقه لان زوجي يحب مواعين كشخه وحركات

حاولي تقسمين شغلج
يعني اليوم غسيل ملابس
بكره كوي
ترا الشغل ماينفع مع بعض تراكمينه بتتعبين

وماراح تستفيدين

ماراح اقول هاتي خدامه لان قريت انج ماتقدرين

بس لازم تتأقلمين
شلون بكره لو صار عندج 2 و3 شنو بتسوين وقتها

حبيبتي قسمي وقتج

وترا العمر يخلص والشغل مايخلص

 

[احلا المزايين]

خصصي ساعتين باليوم لشغل البيت والله انا كان عندي ولدي واداوم وماكان عندي خدامة
كنت مقسمة وقتي ومنظمته
حتا يبقا عندي وقت فراغ اتمدد فيه واريح جسمي
بالعكس عندج بس ياهل شلون لوويصيرون اثنين والا ثلاثة
عادي بس تنظيم الوقت ضروري

 

[miamasa]

مشكورااااااااااااااااات عالردود والله تشجت خلاص ببتدي من بكرة انشالله بنظم وقتي و الله يقدرني معكم حق اغلب تعبي من غسل الصحوووون و تسلمو كويتياااات كلكم ذوووووق

 

[شطانه طفله]

الله يعينج هالحاله منتشره بس لازم تقعدين معاه تناقشينه تقوليله انا موظفه ومو مقصره انا اصرف وانت تصرف انا عندي معاش وانت بعد شفيها اذا شوي شاركتني في مملكتنا انا قاعده اتعب و و و اخذيه بالكلام الحلو واله يسخره لج يارب

 

[miamasa]

مشكورة شطانة طفلة عالرد انشالله بسوي مثل ما قلتو و الله المستعان

 

[راح حبيبي]

الله يعينج انا مثلج ماكو خدامه ويبت الي نص دوام ويبت الشركات لو تجمعين فلوسهم طلع معاش خدامه قاعده معاي بالبيت فطلبت خدامه رغم ظروفي لانه الي صرفته على نص دوام والشركات طلع معاش خدامه وأنا معاي دسك

الله يعينج ويقدرج وكله اجر

 

[Patcholli]

يبيلج خدامه تساعدج ..

 

[زوجة عزيز]

الله يعينج صج تعب مافي الا حلين يا اتيبين شغاله اتسوي شغلها واتروح او اذا تقدرين اتركين شغلج وتفرغين لبيتج ولنفسج حسافه احلى ايام عمرج اتضيع جذي

 

[الـجـميلة]

عندي لك حل خلي جلي الصحون مره وحدة ورتاحي والكنس حددي لة ساعه قبل جلي الصحون لو مثلا الساعه 9 يبقا تمام وخلك طول اليوم كاشخة وضعك اوكي ليه تكبرين المساله وبنتك واحدة الحمد الله طول اليوم خلك معها ومع ريلك والطبخ اطبخي عادي ورجعي اقعدي معهم وغسل الهدوم اي حزة تبين التعب علغسالة فكري عدل قبل تعصبين علي زوجك والي باقي التلميع مو كل يوم مرتين بالاسبوع اوكي جدا وتوتة توتة خلصت الحوسة ولا تحملين مره ثانية الا وعندك خدامة عشان ترتاحين بس الحين وضعك جدا ممتاز لو رتبتي زي هيك راح تنبسطي :eh_s(17):

 

[الـجـميلة]

اية صح ونسيت لاقولك شئ مهم بعد خلي الصحون والكاسات بلاستك وورق راح ترتاحين بعد من تاكثر الجلي

 

[الهما]

قبل ما تخسرين ريلج
بسرعه
اما شغاله بالساعات
او نظمي وقتك
باي طريقة
التكشيرة و انك تبين بويهه مو من صالحك
ابداااا

 

[Um Tuki]

الخادمة اللي اتيي ساعتين مو غالية

عندنا في البحرين .. تاخذ على الساعه دينار ونص جنة ّّّّّ

دايما قولي حق بنتج روحي حق بابا

خليها تلصق فيه هههههههههه

مو لازم تكشخين .. لبسي بجامة حلوة و ضبطي شعرج ..

روحي بودي شوبو اخذي شادو الحواجب ناعم وطبيعي .. و حطي كحل خط خفيف ع خط لرموش مع ماسكرا

ناعم واااااااااااااايد و لا جنج حاطه شي

و نظفي و غسلي المواعين وابتسمي .. صح مو دايما لنا بارظ بس خلي نفسج دايما طيبة

مدام ريلج بيتوتي و يتغشمر معاج حمدي ربج لا يطلع برع و تدخلين تكتبين لنا موضوع ريلي يخوني ريلي ما يقعد معاي


الله يسخره لج و يهديه .. و الله يكون بعونا احنا الحريم

انا اشتغل و عسكرية بعد .. وعندي ولدي سنة و 8 شهور وبنتي 4 شهور .. و ريلي شفتات و عندي شقة ..

شفتي المعاناة ؟؟

 

[ي حليليِ]

مادري بس ماحس صحون البلاستك شيء ذرب ومناسب للبيت !!

يعني موحلوه تاكلون بصحون بلاسسسستيك وقلاصات بلاستيك كل يومم :/

وبعدين عايلتكم سمالله عليها صغيرونه ماعتقد صحنين وقلاصين يأثر >> يعني انا قصدي المشكلة مو بهالصحون


شوفي حبيبتي جربي تشترين الصحون المقسسمه هاذي ، اللي تقدرين تحطين فيها اكثر من صنف

هالشيء بيساعدج ع الغسيل !


تنظيف البيت الصبح او بالليل تنظيفنه وتعلموا ع النظافة >> قصدي النظافة السطحية

لاتوصخون كل شيء بيطيح فوق تاسج بعدين


والنظافة العميقة كل ويك اند جيبيلج خدامة وتنظف البيت بعممممممممق


تعلمي ان بالطبخ تاخذين مواعين شوي يعني ماتحوسين كل شيء ع راسسسج

اطبخي بملاس واحد .. الخ

تعودي ان كل شيء تسوينه مره وحده !

مثلاً الملابس تجمعينهم كللللللهم مرة وحده تغسيلنهم > طبعا زوجج بروحه


ولاشك (عجبتني هالكلمة ) ان الاجهزة الالكترونية تساعد

يعني جيبي الغسالة اللي تغسل وتنشف بوقت واحد > عندنا مثلها ومرتاحيييييييين ، نسيت اسمها






وسوري ع الطواله





ع فكرهه انا طموشة

 

[جوويره]

أحسن حل تشترين غسالة صحون بتريحج وايد

 

[همي رضى خالقي]

سويلج جدول. ثلاث ايام شغل والباجي 4 راحه تامه

 

[بيبي قيرل]

تشتغلين وماعندج امكانيه تجيبين شغاله حتى عيل وشفايده الشغل .. افضل حل لج انج تتركين الشغل وتجابلين البيت وزوجج ...وماله داعي تطلعين حرتج فيه اعرف حريم عندهم 6 و5 اطفال وعايشين بدون خدم وماشاء الله عليهم ربات بيوت من الدرجه الاولى ..
او الحل الثاني انج تنظمين وقتج .. يعني الملابس جمعيها وغسليها وكويها مره في الاسبوع ماله داعي كل يوم غسيل .. اطبخي طبخه حق يومين خاصه انكم شوي .. بنتج دام انها صغيره سويلها اكل وخليه في الثلاجه حق كم يوم . .. اذا انتي تعبانه اطلبي من المطعم .. وانصحج تشترين غساله صحون دام ماعندج خدامه

 

[فتون777]

انصحك بغساله الصحون انا كنت اعاني من الغسيل وانا ماعندي دوام

الحين ارتحت ما اغسل مواعين ابدا كل شي عليها ماشالله

وتلمع وتنظف وتنشف يعني منها ع الدرج على طول

 

[فتون777]

وغساله ملابس اوتومتيك

وانصحك نامي لو ساعتين بعد ماترجعي من الدوام

 

[Bio_reem]

انا برتب لج جم فكره يمكن انذكروا :
1- اذا ماتقدرين تدفعين لخدامه جمعي واشتري شهر نشافه ملابس لان نشر الملابس متعب، وشهر غساله صحون
2- اذا الكوي يتعبج، اكوي كل ليله ملابس اليوم اللي بعده بس .. او حق يومين فيصير يوم كوي ويوم سهره
3- ميزة غسالة الصحون انه الصحن تقطين اللي فيه وتدخلينه الغساله مو شرط تشغلينها كل شوي، لما تنترس نهاية اليوم شغليها بس طول اليوم المطبخ ظاهريا مرتب ومافيه مواعين تارسه المغسلة
4- دام المطبخ على الصالة، خليج وانتي تنظفين الطاولة والا تشتغلين فيه مع ريلج سوالف وغشمره، والا تابعي معاه بالسمع شنو حاط بالتلفزيون وعلقي عشان ماتحسين ويحس ان لكل واحد عالمه بروحه، اذا انتي من النوع اللي يسمع اغاني او موسيقى شغليها عشان يعدي الوقت وتهدي اعصابج وتقدرين تبتسمين وسط هالحوسة.
5- شغل كل يوم خليه للاشياء اللي واضحه مثل ترتيب الفراش، شطف الحمام، وترتيب مكان قعدتكم... تقدرين ترتبينه قبل لا تنامين عشان اذا قعد الصبح الا المكان مرتب، وهم ماتضغطين نفسج لما تردين الدوام.
6- خلي مثلا نهار الويكند الجمعه لتنظيف ومسح الغبار والارضيات وهالسوالف
وباقي اليوم مع السبت اجازه انفسج طلعوا قعدوا لاتسوين شي بهاليوم اتفقوا انه يوم للراحه. والوناسه طلبوا من بره اكلوا بره المهم ماكو شغل

تقريبا يومج العادي بيكون ترجعين من الدوام تطبخين الغدا تحطين المواعين بالغساله، تمسحين الطاوله شطفي الحمام قبل لا تاخذين شور ولبسي الي تبين بي بي كريم ومسكره وقلوس اقل شي وعطر.. وقطي نفسج هالقنفه يمه واستانسي بيومج، مساء شغلي غساله الصحون واكوي ملابس باجر نومي البنيه وسهروا قبل الفراش شيلي حوستكم.

 

[Bio_reem]

بضيف شغله
بالنسبة للطبخ ايضا اختصري، شوفي شلون مثلا تقدرين تسوين كميه من الدقوس وتحتفظين فيه بالثلاجه او بالفريزر .. فمو كل يوم تسوينه، انا بصراحه ما اعرف بس فيه طرق صحيه لتبريد وتثليج الاكل م تعلميها، بس تصلح بعد العشا،، شفت برنامج مره عن الاشياء اللي تصلح وماتخرب والاشياء اللي ماتنفع، يعني فرزني كبب سبرينغ رول او حتى اخذيهم جاهزين وخليهم حق عشا بدال لا تطبخين وتقصيين مره ثانيه، جنه حمسه الاسباغيني ممكن تحفظ، الباستات عموما سهله، انا مو بالكويت لقيت صلصات جيمس اوليفر انقذوني قبل جم شهر لاني بدون خادمه وعندي ولد وحامل بس اسلف الباستا وفوقها الصلصه وخلصنا .. وعلى وضعج وعدم مساعده ريلج ترى التوست والجبن والخيار والطماط نعمه .... لان جد انتي مو مكينه

ونصيحه عالاقل يوم ويكند وليلتين بالاسبوع خلي الشغل وتفرغي لوناستج مع ريلج راح يقدر انج تفرغتي له رغم انه شايف شكثر تتعبين بين الدوام والبيت
وعشان ما تبرد علاقتكم او تتعودون على البعد

والله يسهل عليج ويسعدج