حاسة اتعب و ما الاقي مقابل

[أنثى لاا تنسى]

ذكرتيني بنفسي ومعاناتي دوام وبيبي صغير وشقه وطبخ وتنظيف وهو ماسك اللابتوب حتى مايكلف عمره يمسك ولده
لدرجة ماامشي لا اركض عشان اخلص شغلي بسرعه مالچ الا الخدامه اللي تتخذ بالساعه دينار او اثنين خليها تجي وانتي بالدوام
تطبخ الغدا وتنظف وتكوي الملابس تردين البيت هي خالصه شغلها كله عطيها حسابها وتغدي ونامي وارتاحي تقعدين وانتي نفسيتچ
غير دام زوجچ بالبيت الصبح استغلي هالنقطه و الله يعينچ ضيقتي خلقي ذكرتيني بأسوء ايام حياتي و اللي تقول نظمي وقتچ يبا مستحيل
التعب واحد خصوصا ان في بيبي عمره شهرين???

 

[شندوخه]

اشتريلج جلايه صحون الكترونيه
ممتازه وراح توفر عليج كثير من الوقت وان شاءالله بتدعين لي

 

[قلب الزعابي]

يوم ريلج مداوم خلي الخدامه أتي

إذا مول ماتقدرين رتبي جدولج
ولا تخلين كل شي لين عقب وكل مره بأجر بأجر لين يتراكم
والله حاسه فيج يوم خدامتي سافرت
حوووووسه صدق
بس رتبت جدولي من اول ويديد
وديت ملابس ريلي اللاندري والداخليه كويتهم كلهم كان كللللللل شي متراكم والملابس فوق راسي مع اثنين يهال وملابسهم ما تخلص لأني خليت كل شي يتراكم لليوم الثاني
اتفيجت يوم واحد وخلصت كوي لانها كانت معاناتي الكواي
وبديت من اليوم الثاني أغسل الصبح وفالليل أكوي يوميا وجي ارتحت وما تراكم علي شي
نفس شي الصحون والمواعين خلي البنت عند أبوها تلعب وغسلي كل شي وأبدي من اليوم اللي بعده أي صحن أي غرض تغسلينه فنفس الوقت
نومي ينتج بسرعه إذا تقدرين هالوقت ترومين تتفيجين حق ريلج وتجابلينه

 

[قرمووشه]

حيل استفدت من الموضوع
لاني بعد اعاني من سالفه التنظيف

مشكورين للكل

 

[HUSH~]

انا اعطيج الحل ..

انتو 3 اشخاص عدل ؟
ليش تشتكين من مواعينج وتقولين مواعينج وآيده ؟!
خلي عندج مواعين الطبخ بس وباقي المواعين مو مشكله استخدمي بلاستيك !!
بس لي ييتي تحطين السفره نسقيهم بطريقه حلوة حطي ورد ع صوب او سوي فناتك بشكل الاكل . .
بتقوولون البلاستيك مو زين ؟!
مو زين اذا صادته حراره عاليه واستخدمتيه عندج اكثر من مره

حل ثاني ؟!

روحي اقرب محل الكترونيات ..
عندهم غساله مواعين اشتريها وفكي عمرج "..
سعرها مناسب بحدود الميتين
ميزانيتج ماتكفيي ؟
معليه جمعي او قصري ع روحج شوي واشتري راحتج

ولا تنسين تنوعين مرا انتي تطبخين مرا طلبي من بره .. مره تقترحين عليه تتغذون برا ، الحياه الناجحه ماتمشي ع روتين
لانهدائما الروتين ينمل منه



معطم الريييايييل صبرهم طويل وانتي شوي شوي بهالاسلوب تقضين ر ع صبره وبنفس الوقت تبعدينه
لاتخلينه بيوم من الايام يندم على اتخذ قرار زواجج منه :**
الله يسعدج حبيبتي اتمنى لج الراحه وكل الخير

 

[ليدي بجد]

خذي غسالة مواعين. وقدور ستنانستيل وصحون تناسب لهااو خذي مثل الحوض بلاستك تحطين تنقعين فيه الصحون والملاعق والكاسات لين ما تبغين تغسلينها ويلمها ولا تكون منثره قدامكم على طاولة المطبخ او بحوض الغسيل. تلاقين الحوض بايكيا ورخيص
استخدمي الملاعق البلاستك لان الملاعق تتراكم بشكل كبير طول اليوم وأنصحك بالحصون البلاستك انواع مختلفه للشربة وكل بنتك. والمقسم ثلاث اقسام والصغير وحتى الشوك
حطي كاسين وكوبين وخبي الباقي. ولا يطلعون ابدا الا لو جو ضيوف عشان يضطر يغسل كوبه او كاستة
لو فرنك مش سراميك. غلفية قصدير وعادي خل يتوصخ وكل اسبوع او اسبوعين شيليه

خلية يكوي ثيابة برى الكوي يهد الحيل ويكسر الظهر من الوقفة نفس الغسيل
اطبخي ثلاث ايام بالاسبوع فقط. ويجيب من برى اي شي
اذا طبختي سوي الطبخة حق يومين
تعاملي مع المعلبات في بعض الايام الي ما تطبخين فيها. مثل التونة والفاصوليا بالصلصة تحتاج بس تسخين وسلاتونا والهبرقر المشوي المجمد. بس المقلا وملعقة الي راح تتوسخ. .
اهم شي لا تعودينة كل يوم طبخ لان هذي المصيبة
لو اهلك عندهم شغالة اخر الاسبوع جمعي غسيلك وغسيل بنتك وخذية لها تغسله وتكوية او تكوية بس. اذا غسالتك اتوماتك وما تعب
استخدمو حمام واحد وبعد ما تسبحين كل يوم اغسلية قبل لا تطلعين


وأخيرا اذا مرضتي تتدلي علية. حتى لو الدوره. اعتبريها دوره تدريبيه له هههههه حتى لو ما تتعبك
سولي حليب. سولي ساندوتش مؤ قادرة. او شيل الصحون مؤ قادره احس بيغمى على وروحي غرفتك. انسدحي عشان تعودينة على مساعدتك بطرق مختلفة وتعليمينه الإحساس .

 

[وسن الوجد]

سوي لج جدول للاسبوع
مثلا قولي كل يوم فلاني
اغسل الملابس و اليوم الفلاني
اكوي و اليومين الفلاني تنظيف
الارضيات ووو
و المطبخ يوميا يبيله مجابل
و ما في بأس تهتمين بنفسج و تشتغلين
بس وافقي ما بينهم و الله يوفقج ​

 

[miamasa]

مشكورااااااات كل الشكر كل وحدة ردت علي ربي يعطيها مناها والله استفدت وااااااايد و الحمد لله طبقت معظم النصائح واكتشفت اني لازم اطول بالي وانظم اموري حتى عصبيتي خفت الحمد لله..

 

[ملح الكون]

الله يعينج ...
بس برايي...
الجلي خليه بوقته بس تستعملين شي على طول غسليه والغسيل ملابس مرتين بالاسبوع وطفلج هاتيله حباسه
وتنظيف البيت والمطبخ هاتيلج خدامه موقته بساعات 6 ساعات10 تنظف وتطلع...

 

[بكيزة هانم]

خدامة ضروري

 

[زينب 12]

نفس حالتي ادرس وارجع اطبخ وانظف فالاخلاق تضرب من التعب ولساني يصير ظويل وكله متنرفزه حتى كشخه ماقدر اكشخ وانا ماصارلي سنه من تزوجت مادري شنو الحل

 

[متواضعة]

نظمي وقتج سوي لج جدوول

الله يعييينج اعرف انه صعب بس الله يسااعدج

عليج بالذكر باذن الله يفيد