حركات تنرفزني بالمنتدى

[㋡..PRINCESS..㋡]

اول شي انا مع البنات اللي قالو عن اول نقطه .. ترى لما نكتب جذي مو قصدنا اللي قلتيه لأ ! احنا نبي نرفع الموضوع حق البنت و عشان لا تحس ان احنا مطنشينها بالعكس هذا شي حلوو ..

اما باجي الاشياء مادري ما دققت عليهم وايد .. عموماً مشكوره على موضوعج هذي وجهة نظرج واحنا عطيناج وجهة نظرنا

 

[Hallawy]

يحليلج على أقل قليل تتنرفزين p;

و طبعا اختلف معاج بالنقطة الأولى

وتلاقي الرد اللي كل يوم اقراه بأغلب المواضيع وينرفزني:
"والله ماعرف انشالله البنات يساعدونج"
"ما عندي فكرة بس البنات ما يقصرون"
يعني الحين انتي اللي رديتي وكتبتي هالحجي شنو الفايدة من ردج؟؟
يعني اهو توقيع حضور وبس؟؟؟
تكتبين بس وانتي ما عندج معلومات؟؟
يعني جدا رد فاشل وماله داعي وغير مفيد ومضيعة لوقت الكل، وقت صاحبة الموضوع واللي كاتبة الرد واللي تقرا الرد.

بالعكس حبيبتي لما وحده ترد عليها راح ترفع موضوعها عشان غيرها يشوفونه و يردون عليها يعني انا عندي بتنرفز زياده اذا احد مسكبني و ما رد علي مو وحده رفعت موضوعي و عبرتني !

 

[* ليــــدي *]

ماكو شي ينرفز

 

[ملاك ^ الحب]

بالعكس كل الحركات اللي قلتيها ماتنرفز

وبدونها مايمشي المنتدى

وتواقيع التاجرات انا بصراحه استانس عليهم لانه بدال ماتروحين ادورين ع بضاعتها تلقينها معروضه جدامج

وووووووووووووبس

اتمنى انج ماتتنرفزين من ردي

اختي انا معاج انج تلقين البضاعه جدامج بس في بعض التاجرات وايد يبالغون بالتواقيع مايخالف حطي جم شغله والباجي بالموقع مالا داعي بضاعتج كلها تنعرض بالتوقيع

وهذا رايي وهذا الي ينرفزني

 

[قطوة@@]

موضوع ماله داعي و اهو اللي ينرفز

اذا مو عاجبج لاتدخلين مواضيع البنات علشان لا تتنرفزين مرة ثانيه يا حلوة

 

[المكسيكيه]

كل واحد حر باللي يكتبه ولا يحطه دام مايضر غيره ولا يطلع عن خارج حدود الادب

 

[عاشقة الكاكاو]

والله يا عزيزتي سالفة ان البنت تقول ان شاء الله البنات يفيدونج ما شوف فيها شي

اول شي البنت تنقهر زياده لما تلاقي المشاهدات وايد على موضوعها وماكو ردود بس لما تلاقي ردود ورفع للموضوع تحس ان في احد مهتم لموضوعها

موضوع اللي تحط صور بيتها وصحنها ومادري شنو هذي صح انا معااج فيها لو انا بالبيت ماله داعي احط هالسوالف

بس لما اطلع واروح مطعم عادي احط لان ابي البنات يشوفون مستوى الاكل والمكان والاجواء علشان اعطيهم فكره

وبالنسبه للتاجرات انا عن نفسي ماحب ادش روابط التاجرات الا لما اشوف شي يشدني بالتوقيع

بس في نقطه تنرفز انتي ما تطرقتي لها

لما وحده تحط صورة فناانه او عارضة ازياء او مذيعه وتكتب تحتها والله شبيهتي

امبيه تشبهني

لي متى وانتو تشبهوني فيها

ههههههههههههههههههههههههههههههههههههههههه اقووول رووحي موووتي حجيه يعني غصب انا حلوة

بصرااحه هالحركه تاافه يعني احنا شكوو انتي منو تشبهييين ولا منو شبيهتج

بصراااحه الساالفه ضحك في ضحك

 

[أنفاسي دخون]

اللي ينرفز جد من اللي قلتيه صور بعض التاجرات اللي من كبرها تخلي المنتدى بطيء اما الباقي ما قصروا البنات بالتعليق عليهم

 

[بناتى هم حياتى]

انا اشوفج رافضه كل شى عسا ماشر منتدا الواحد يطرح فيه الى يبى عسا الله يهديج

 

[بناتى هم حياتى]

لوووووووووووول صج نسيت لا اقولج غيرى نكج الى منرفزا

 

[استثنائيه]

صراحـــه ماشوووف اي ينرفز كلش

كلامج يحسسنا انج ماتبين اي احد يشارك بالمنتدى :dddds:

العيب الوحيد التواقيع طوال وتثقل علينا الصفحه بس

 

[lailosh]

انا مايبط جبدييي غير كلمه وحده

لما يكتبون لا تعليق

زين عيل ليش داااشه ؟؟


ولا تقولون عشان ترفع الموضوع

لا هذا ايي بعد جم صفحه

ياتردين رد سنع او لا تكتبين شيي جد شي ينرفز شنو لا تعليق نطر منج الرد مثلا ؟

 

[سـوزي ^_^]

عادي مافي شي ينرفز

بس

هذي الحركة يسوونها التاجرات وسيدات الاعمال بالمنتدى (مو كلهم لا تهجمون علي)
مااا يبقى شي مو حاطته بتوقيعها
خمسين ألف صورة ودعاية لبضاعتها
التوقيع ساعات أكثر من حجم الصفحة تنزلين السهم عشان تقرينه كامل
يعني حاطة معرض بالتوقيع
وما تخلي موضوووووووووع ما ترد فيه بس عشان تسوي دعاية
الله والردود البنائة عاد،،،،، تلقين الرد جذي
"موفقة"
"مشكورة"
يعني كلمة وحدة بس عشان يطلع توقيعها وتعرض بضاعتها
وبعدين اللي تيي تقرا الردود تنحول مسكينة
تقعد تنزل الصفحات كلها صور وكلمة وحدة
ولا رد مفيد
يصير معرض بضايع

عادي اصبري ماراح يطير المنتدي
اهيه ربحه جدي
بعض الناس مايدخلون منتدي تجاره
ويدشون من التوقيع
وتجط صورة عشان تجدبهم

 

[ذكراك تكفيني]

احسه شي عادي

 

[&&ديلارا&&86]

مااشوف شي ينرفز كل اللي قلتيه عااااااادي
ومشكوووووووووره

 

[manhattan girl]

ماكو اي شي يستدعي النرفزه الشغلات اللي ذكرتيها عاااديه بس انتي طولي بالج و مو معقوله تبين تمشينا على الشي اللي يرضيج كل واحد و حر بنفسه و له طريقه بالمشارك او الرد واذا منرفزج توقيع التاجرات سووي توقيع اكبر منهم لووووول . تقبلي مروري

 

[ياعشيري جعلك السلال]

الحركة النرفزيه الاولى على قولتج

عشان اذا الموضووع راح الصفحه الثانيه او صار بالاخير ومحد رد على البنت في هالحاله انا ارفعه لها خاصه اذا كانت طالبه شغله

وبالنسبه للتواقيع انا معاج ساعات تصير التواقيع كبيره

اما الاشياء الباقي ما احس انها تنرفز

 

[انصاريه قمره]

موضوعج نرفزني فيستحسن اني ما اكتب الكلام اللي بقلبي واحتفظ فيه لنفسي بس ترى مو البنات ينرفزون لا انتي اللي تنرفزين صرااحه انا اتفق معااج بنقطه وحده اللي اهي الاسرار الزوجيه وخصوصيات غرفه النووم بس سالفه الاكل والمطعم كل وحده وكيفهاا ما اعتقد هالشي مقزز ولا لي هالدرجه حساس وبالنسبه للتشجيع انا عن نفسي ابي احد يشجعني بالدايت وترى انا نزلت بفضل تشجيع البنات وهالتجمعات الحلوه اللي يسونها قواهم الله

 

[kekat kakaw]

انا معاج بسالفة الاسرار .. و عرض الاشياء الشخصية


مشكورة

 

[بنت حياويه]

مشكوره