حركات تنرفزني بالمنتدى

[tmtmt]

انا الاولى اسويها اذا شفت لبنيه مسكينه محد راد عليها وتكتب ويينكم بنات ليش محد يرد عاد اكتبلها دعاء واطيب خاطرها هذا القصد

اما سالفه توقيع بعض سيدات الاعمال مو صجججج
امبيييييه والله والله في 2 لما اشوف انهم معلقين على اي موضوع اطلع بسبة توقيعهم
ومره والله بس حطيت ايدي على هالسهم الي ينزل وقلت حق ريلي سالفه وخلصت يوم رديت ولا انا على اخر التوقيع

وفي وحده الي نحط الاكل الي كليناه ومن اي صحن ...

شدعوه كله صحن ما اشوف خصوصيه فيها

ويعطييج العافيه موضوع شيق

 

[عاشقه مودي]

والله ألي ينرفز موضضضوعج :eh_s(1):

تبين الصصصج أحسسس أنج حسساسه حيل ..
يا قلبي ترا هذا المنتدي وهذا الغرضضض منه كل وحده تكتب الي تبيه يعني هالمسسسساحه
( لــج \ ولــي \ ولــغـيرنـا )
ليش أنتي متضضضايقه وتنرفزين لو أي وحده بالمنتدي تبطل موضوع كامل وتكتب فيه
( كــيــفـي )
خلاصصص هذا رايها يعني هالمنتدي وغيره تبطل عشششان نعبر فيه ونكتب الي نبيه يعني أهي الي كاتبه الرد والا الموضوع لا أجبرتنا نقري موضضضوعها ولا ردها ....
ولا أهي مأخذه ششي يخصصنا ولا من حلالنا ..

الي ترد .. : ( البنات يفيدون \ البنات ما يقصصصرون ) < جزاها الله خير أرفعت الموضضضوع عشششان الي وراها تششوف الموضضضوع وتسستفيد صصاحبته

والتاجرات ..: ترا من الاسسم تاجره يعني أكيد تدور رزقها ( وعسي ربي يرزقهم ) حاطه كل ششي عندها عشششان وأنتي والا أنا والا أي وحده تقرا الردود ويمكن تشوف رد هالتاجره وتلاقي عندها ششي اهي تبيه ..

وبالنسسسبه للمتزوجات ..: عادي الوضضضع يعني حريه شششخصصيه وزوجها أكيد راضي وأهي ما تكلمت ( بالعميق ) بسسس بينة ششي عشان غيرها يسسستفيد ..

والبنات الي يبون التشجيع ..: هذول تعبانين ع الموضوع أكيد ويبون يشوفون رد فعل البنات معهم وبالعكسسس هذا مو نقص ولا عدم ثقه هذا ششي عادي ..

فديت قلبج لا تتنرفزين لان هالمنتدي للكل والكل له حق يسسوي الي يبي بحدود طبعا لا تزعلين مني وتقبلي مروري ..

 

[tmtmt]

اييي نسيت بعد كلهم كووم
ولي يكتبون مشكله <<< لاحظوا مشكله بالحياة الزوجيه

تكتب نصها وتقول اشوف ردودكم واكمل !!!!!
ما كملتي المشكله اي ردود تبينها ولي ينرفزني اكثر البنات الي يردون عليها
وعندج مشكله وحالتج حاله ومتفرغه

والثانيه الي تكتب نص وتكتب شنو تتوقعون
وعا انتي لا دشيتي والموضوع 3 ولا 4 صفحات
تعالي اقري رد رد وتوقع توقع عشان تشوفين شنو الزبده

 

[laeya]

امبييييييييييه الحركه الثانيه مو تنرفز بس الى تبط الجبد !!!!!!!
شنوو ما سمعو بشي اسمه حطيه بروابط و لا صغري الصور !!!!!!!
والله مرات اشبك من فوني عالمنتدى
انزل بقرى الردود الى تطلعلي وحده حاطه 100 الف صوره
امل و ما اكمل جان زين لو كاتبه رد يسوى بعد كلها كلمه مادري كلمتين
بس باجي الحركات بالعكس يونسوون
والله احب اشوف مواضيع العضوات اللي يحطون صور بيوتهم ولا غرفهم
ونااسه اصلا نقتبس ستايلات حق بيوتنا ههههههه
يعطيج العافيه عالموضوع

 

[نور الضي]

الحركة النرفزية الأولى
ان لما تكون وحدة كاتبة موضوع ومتعبة روحها وكل شي،
لما تدخلين يا حلوة... ياا تقرينه وتردين عدل،، يا لا تردين،،
يعني مسكينة البنت تكون لاجئة للمنتدى عشان تعرض مشكلتها أو موضوعها وتبي ردود
وتفففرررررررححح حييل لما تشوف ان اكو مشاركة
وتدخل للموضوع
وتلاقي الرد اللي كل يوم اقراه بأغلب المواضيع وينرفزني:
"والله ماعرف انشالله البنات يساعدونج"
"ما عندي فكرة بس البنات ما يقصرون"
يعني الحين انتي اللي رديتي وكتبتي هالحجي شنو الفايدة من ردج؟؟
يعني اهو توقيع حضور وبس؟؟؟
تكتبين بس وانتي ما عندج معلومات؟؟
يعني جدا رد فاشل وماله داعي وغير مفيد ومضيعة لوقت الكل، وقت صاحبة الموضوع واللي كاتبة الرد واللي تقرا الرد.


حبيبتي هذا الرد اللي قولتج فاشل
هذا يرفع موضوع البنت اللي محتاجه مساعده ولا موضوعها حلو
ولو تلاحظين اغلب شي البنات يكتبون بليز رفون موضوعي
يعني كتبي اي شي
عشان يصير اول موضوع بالصفحه
فهمتي
تقبلي مروري

 

[اميره بضحكتي]

بصراحة انا موضوعج كله بكبره نفرزني والله واااااااااااااي احسه ماله داعي
ترى ازم تتقلبين الانتقادات مثل ماانتي تنتقدين
واسلوبج هم ماعجبني كلش ملش بلش

 

[vogue grl]

اييي نسيت بعد كلهم كووم
ولي يكتبون مشكله <<< لاحظوا مشكله بالحياة الزوجيه

تكتب نصها وتقول اشوف ردودكم واكمل !!!!!
ما كملتي المشكله اي ردود تبينها ولي ينرفزني اكثر البنات الي يردون عليها
وعندج مشكله وحالتج حاله ومتفرغه

والثانيه الي تكتب نص وتكتب شنو تتوقعون
وعا انتي لا دشيتي والموضوع 3 ولا 4 صفحات
تعالي اقري رد رد وتوقع توقع عشان تشوفين شنو الزبده

يحبون يسون اكشن:dddds:

 

[الغدق]

وتلاقي الرد اللي كل يوم اقراه بأغلب المواضيع وينرفزني:
"والله ماعرف انشالله البنات يساعدونج"
"ما عندي فكرة بس البنات ما يقصرون"
يعني الحين انتي اللي رديتي وكتبتي هالحجي شنو الفايدة من ردج؟؟
يعني اهو توقيع حضور وبس؟؟؟
تكتبين بس وانتي ما عندج معلومات؟؟
يعني جدا رد فاشل وماله داعي وغير مفيد ومضيعة لوقت الكل، وقت صاحبة الموضوع واللي كاتبة الرد واللي تقرا الرد



النقطة مااشوف انها رد فاشل بالعكس انا اكون جذي فدت البنت
أني رفعت موضوعها لأن لو محد رد راح ينزل موضوعها
وانا اتنرفز اذا المشاهدات وايد ومحد رد عالاقل يساعدني يرفع
الموضوع عشان غيري يشوفه

 

[$$لامار$$]

لاتزعلين علي

بس ماعندج سالفه

الا بسالفه التاجرات انا معاج

 

[كويتية و عتيبية]

بالعكس لها معنى عشاان الموضوع يرتفع ..
واذا نزل ومحد رفعه على بالها مطنشينها ..

:eh_s(6):

 

[الصعيريه]

ولاشي من اللي كتبتيه اشوووف انه ينرفز
وبعدين اذا بتردين على اي تاجره شي اكييد بتكتبين بالتوفيق ولا مشكوووره ...
يعني شنو بنكت لها مثلا ....!

وفي بنات بمواضيعهم يطلبون الرفع عشان لايروح صفحات ورى ...


مجرد وجهة نظر ....

 

[D A N G E R]

تفضلي








لو سمحتواا يا بناات لا تفهموني غلط
انا ما اقصد وحدة ولا ثنتين ولا عشر
اقصد مئااات وآلاف البنات اللي يسوون هذي الحركات اللي كل يوم وانا اتصفح بصفحات المنتدى ألاقيها
واللي بتقبل رايي حياها الله
والله بتهاجمني ما له داعي لأن اللي قاعدة اقوله صج ما يبته من عندي


اولا السلام عليكم ثانيا هذا رأيك وانتي حرره وهاذي تعليقاتي

الحركة النرفزية الأولى
ان لما تكون وحدة كاتبة موضوع ومتعبة روحها وكل شي،
لما تدخلين يا حلوة... ياا تقرينه وتردين عدل،، يا لا تردين،،
يعني مسكينة البنت تكون لاجئة للمنتدى عشان تعرض مشكلتها أو موضوعها وتبي ردود
وتفففرررررررححح حييل لما تشوف ان اكو مشاركة
وتدخل للموضوع
وتلاقي الرد اللي كل يوم اقراه بأغلب المواضيع وينرفزني:
"والله ماعرف انشالله البنات يساعدونج"
"ما عندي فكرة بس البنات ما يقصرون"
يعني الحين انتي اللي رديتي وكتبتي هالحجي شنو الفايدة من ردج؟؟
يعني اهو توقيع حضور وبس؟؟؟
تكتبين بس وانتي ما عندج معلومات؟؟
يعني جدا رد فاشل وماله داعي وغير مفيد ومضيعة لوقت الكل، وقت صاحبة الموضوع واللي كاتبة الرد واللي تقرا الرد.

بالعكس اختلف معك بهالنقطه لان هالشي يرفع الموضوع

ويساعد صاحبة الموضوع

:eh_s(6):





الحركة النرفزية الثانية
هذي الحركة يسوونها التاجرات وسيدات الاعمال بالمنتدى (مو كلهم لا تهجمون علي)
مااا يبقى شي مو حاطته بتوقيعها
خمسين ألف صورة ودعاية لبضاعتها
التوقيع ساعات أكثر من حجم الصفحة تنزلين السهم عشان تقرينه كامل
يعني حاطة معرض بالتوقيع
وما تخلي موضوووووووووع ما ترد فيه بس عشان تسوي دعاية
الله والردود البنائة عاد،،،،، تلقين الرد جذي
"موفقة"
"مشكورة"
يعني كلمة وحدة بس عشان يطلع توقيعها وتعرض بضاعتها
وبعدين اللي تيي تقرا الردود تنحول مسكينة
تقعد تنزل الصفحات كلها صور وكلمة وحدة
ولا رد مفيد
يصير معرض بضايع


التاجره تقدر تدخل اي فسم مافي شي اسمه ((شكلها غلط !!))

المنتدى اقسامه للكل مو معناه انها تاجره تقابل صفخة التجاره طول الوقت !!
اشوف عادي انها تدخل
والتواقع الحرمه اتبي يجيها رزق
يعني مو حاطته بالتوقيع عبث !!
بس لو يصصغرووته يكون شي حلو منهم :eh_s(6):
الحركة النرفزية الثالثة
هذي الحركة تدرون منو يسويها؟؟
البنات اللي يكتبون تقارير مفصلة عن حياتهم الشخصية:طلعة مطعم،، سفرة،، ليلة رومانسية،، فندق
تكفيييين بس شنو هذا ؟؟ زوجج يدري عن التقرير؟؟
شنو يبقى الشي الخاص عندج وعن حياتج؟؟
يعني تحطين فراشج "الخااااااااااص" فيج انتي وزوجج بالمنتدى؟؟
ولا تصورين حتى الصحن والاكل اللي كلتيه؟؟
تصورين كل زوايا بيتج
اغراضج وملابسج
تدرين منو يشوف كل هذا؟؟ اختج؟؟ بنت خالتج؟؟ عمتج؟؟؟
لاااااااا كلهم غرب عنج
ما عندج غيرة وخصوصية؟؟
ترى مو سنع هذا
ادري ان انتي حطيتيه بحسن نية
بس الناس مو كلهم قلوبهم نظيفة
ما تدرين عنهم
وترى والله ما يجوز هذي اسرار زوجية واسرار بيتج تعرضينها عالملأ


كل بنت حرره بتصرفاتها وفي بنات كثثثير يستفيدون من هالشغلات !
يعني مو الكل عنده ابداع او افكار مميزه
يعني البنت تعرض اللي عندها كمساعده منها
لا أقل ولا أكثر
ومع احترامي لك اذا ماتحبين المواضيع هاذي لاتدخلينها !!
احسن لك عشان ماتتنرفزين وتكتبين رد يجررح !!

:eh_s(6):

الحركة النرفزية الأخيرة
حق اللي تكتب موضوع وتمدح بعمرها: طبخة، ترتيب منزل، طريقة للعناية بالاطفال، طريقة رومانسية للتعامل مع الزوج
مو هذي المشكلة
تدرون وين المشكلة؟؟
لما تكتب عقب الموضوع
"هاااا شرايكم فيني؟؟؟"
ولا تكتب
"يالله شجعوني عشان اكمل"
شنو هذا فيج نقص؟؟ وتكتبين بالمنتدى وتتعبين نفسج عشان الناس يمدحون فيج بس؟؟
لا تعلييييييييييق

لالا عادي بالعكس هي تتعب غلى شغله
وتبي احد يشجعها شوي
مو معقوله على التعب مافي تشجيع
التشجيع يحففز البنت انها تجيب مواضيع مفيده اكثررر
موب مانعطيها وجه وبعدها كل ابداعها يندفن !

على العموم هذا راي شخصي
أرجو تقبلكم مني بسعة صدر
لأني ابي مصلحة الكل

هذا رأيك وانتي بكيفك
ولا انتي بتغيرين رآينا ولا احنا بنغير رآيك

لكن لاتتنرفزين على أشياء ماتستاهل
الحياه حلووه
مو نضيعها بالنرفزه !!

تقبلي مروري وتعليقاتي

:eh_s(6):

 

[& كلي شموخ &]

ماني شايفه انهم حركات تنرفز ؟؟!!!

شكلج اختي تتنرفزين بسرعه

عادي بالمنتدى اشكال وانواع من البشر والمسألة قناعات لا اكثر ولا اقل

المنتدى مجتمع مصغر للنسيج الكويتي ومثل مابالحياة اتشوفين اشياء تخالف قناعاتج هم هنيه بتلقين لكن مافيها شي اذا ماتخالف الشرع والدين والعادات

:ggdw::ggdw::ggdw:

 

[3aboora]

ويييييه الله يعينج الصراحه .. شكلج تمشين و اتنرفزيين ...

 

[جماااانة]

الحركة النرفزية الأولى
ان لما تكون وحدة كاتبة موضوع ومتعبة روحها وكل شي،
لما تدخلين يا حلوة... ياا تقرينه وتردين عدل،، يا لا تردين،،
يعني مسكينة البنت تكون لاجئة للمنتدى عشان تعرض مشكلتها أو موضوعها وتبي ردود
وتفففرررررررححح حييل لما تشوف ان اكو مشاركة
وتدخل للموضوع
وتلاقي الرد اللي كل يوم اقراه بأغلب المواضيع وينرفزني:
"والله ماعرف انشالله البنات يساعدونج"
"ما عندي فكرة بس البنات ما يقصرون"
يعني الحين انتي اللي رديتي وكتبتي هالحجي شنو الفايدة من ردج؟؟
يعني اهو توقيع حضور وبس؟؟؟
تكتبين بس وانتي ما عندج معلومات؟؟
يعني جدا رد فاشل وماله داعي وغير مفيد ومضيعة لوقت الكل، وقت صاحبة الموضوع واللي كاتبة الرد واللي تقرا الرد.

ليش رد فااشل وماله داعي ... بالعكس الحين انا رفعت موضوع البنت ويمكن احد غيري يشوفه ويساعدهاا خااصة بقسسم الطلباات

\
الحركة النرفزية الثانية
هذي الحركة يسوونها التاجرات وسيدات الاعمال بالمنتدى (مو كلهم لا تهجمون علي)
مااا يبقى شي مو حاطته بتوقيعها
خمسين ألف صورة ودعاية لبضاعتها
التوقيع ساعات أكثر من حجم الصفحة تنزلين السهم عشان تقرينه كامل
يعني حاطة معرض بالتوقيع
وما تخلي موضوووووووووع ما ترد فيه بس عشان تسوي دعاية
الله والردود البنائة عاد،،،،، تلقين الرد جذي
"موفقة"
"مشكورة"
يعني كلمة وحدة بس عشان يطلع توقيعها وتعرض بضاعتها
وبعدين اللي تيي تقرا الردود تنحول مسكينة
تقعد تنزل الصفحات كلها صور وكلمة وحدة
ولا رد مفيد
يصير معرض بضايع

انا معااج بهالموضوووع وياليت التاجرات او حتى العضوات مايحطون تواقييعهم بقسم المووول خااصة عششان تطلع الصور بسرعه

 

[لحن الغروووب]

اتفق معك في البعض
بس اللي ينرفز أكثر لما تكون وحده منزله موضوع يردون موضوعك قديم مكرر من زمان حرام عليك البنت منزلته ومتحمسه تروحين تفشلينها طيب اذا عندك مكرر عند الغيييييييير لا

 

[sereen]

كنديه بعدين معاااج , كلما الواحد بعلق ماتخلين شى ما شاء الله عليج , صج تقرين مابين الاسطر , شوفى عمرى انا اتفق مع كنديه فى تعليقاتها قلبا وقالبا, بس عمرى اهو مو شى ينرفز بس مثل ماتقوولين , البعض والبعض والبعض من البنات , صار مثل الصندوق المفتوح مباح للاولى والتالى وخاصه النقطه الاخيرة بخصوووص الخصووصيه الزوجيه والحركات الليليه , هذى انا اقدر افسرها ان البنت ماتحس ان لها خصوووصيه اصلا بالتالى تعرض بالنت , على الرغم ان المشجعات لها ترى مايحطوووون شى من حياتهم الخاصه , صار الموضوع هذا بالذات فرجه والبووووووووووووووم الكل يشوووفه ؟؟ انا ارجع هذا التصرف حق عقلية البنت ونظرتها للامووور وانا وياج شى مو حلو
بس هذا مونسين العالم والعالم تطالع محد خسران شى

النقطهه الثانيه سالفة ان البنات يحطوووووووووووون توقيعهم بالبدايه والرد اخر شى يبين , فى عضوة ماهى تاجرة يزاها الله خير توقعيها اسلامى بس كبييييييييييييييييير حيل , اخر شى ماوعيت الا حاطها رد
حتى يايه بقوولها ليش ماتعلقين عن الموووضوع كله حاطه كوبى بيست , ولا اثارى ردها بعد توقعيها " اعتقد هذا مخالفه حق قانوون المنتدى ., لان اللى تبى تقرى رد البنات ماتلقى الا التوقيع ماتلقى رد شافى كافى لموضوعها , الشاهد ان مافى تنظيم حق عملة التوقيع من
حيث الحجم , اختيار الصور " العارى والمغرى والحلج والصدر" , ولا من حيث الموقع " اهو اسمه توقيع يعنى بنهاية . ياريت والله المنتدى يسوى تنظيف عشان تكون المواضيع مريحه للعين والواحد يقدر يقرى ولا يسبب مشاكل فى تنزيل الصفحات حسب ماقالوا البنات





الف شكر عمرى بس مانبى نرفزة لان فى اشياء وايد غلط x غلط

 

[صلي على النبي]

بس ابي ارد علي النقطة الاولي يعني لما احط موضوع اسال عن شغله

طبيعي موكل البنات عندهم الاجابة بس الموضوع اذا طول ومحد رد

عليه علي طول يروح الصفحة الثانية واحيانا الصفحة الثالثة بسرعة لان المنتدي مشاء الله علية

دايم عامر فذوق من البنت اللي دخلت ترفعلي موضوعي للصفحة الاولي علشان القي احد يجاوب

لي علي سؤالي يعني مولقافة مثل ماتضنين ولاعلشان تزيد مشاركاتها بس اهي تبي تساعد راعية الموضوع باللي

تقدر علية

التواقيع اتفق معاج فيه تواقيع كبيرة حيل واحيانا تكون بالعرض وتعرض الصفحة معاها

بس تبقي حرية شخصية

وهذا رايئ واتمني تقبلينه

مثل كلام الاخت

الله الرحمن الرحيم

اللهم صلي وسلم على نبينا محمد

استغفر الله العظيم واتوب اليه

سبحان الله وبحمده سبحان الله العظيم

لاحول ولاقوه الابالله

لا اله الا الله وحده لاشريك له له الملك وله الحمد وهو على كل شي قدير

سبحان الله والحمدالله ولا اله الا الله والله اكبر

بنااااااااااااااااااات عفيه دشو هنا



http://www.q8yat.net/showthread.php?t=507184
















--------------------------------------------------------------------------------


السلام عليكم ورحمه الله وبركاته

بنات الله يهديكم

كلمه إن شاء الله تكتب كذا (((( إن شاء الله ))))

موووو ,,,,,,,وليس,,,,,,,, وحرام تكتبين كذا ((( إنشاء الله ))))))

لانه في الأولى بمشيئه الله

والثانيه والعياذ بالله إنشاء أي أنه ينشئ رب العباد والعياذ بالله

فهمتوا الله يرفع قدركم

أنتبهوا .... أنتبهوا

 

[النهج الاسمى]

الاختلاف بالراي لايفسد للود قضيه

احترم جميع الآراء

 

[المـــــها]

حبيبتي سمي بالرحمن ههههههههه
شفيج يا قلبي الظاهر كتبتي الموضوع بلحظة غضب و انتي متنرفزة ،،
حبيبتي عادي كل وحدة حرة باللي تسويه ،، لكن بحدود ،، خصوصا الخصوصيات عليها خط أحمر