حطلي المنوم بالفيمتو

[%ورد طايفي%]

الي صار مو شي هين ونفسيا ماراح تقدرين تامنين له
بس محد راح يجاوبج الا هو
نصيحتي ارجعي له وخليج حذره لا تشربين منه شي وشوفي اخرت الموضوع شنو والله يهديه

 

[روج كرزي]

اللى داشه حاميه على البنت وحبالها ام العريف فجى عنه ولا تلزقين فيه واللى تضرب لما مثل باخوها ومرته البنت عروسه ماصار لها شهرين تقول خو ماقالت خمس سنين الظاهر حراام اهمه يعانون لانهم لزقو وانكسحوووو عيب الوحده تطلع عقدها على بنت لجات لكم عقب الله سبحانه ولو فرضنا انه مال منها يخدرها الموضوع فيه ان

 

[DooLy88]

احنا مابنعرف شسالفته
لازم تكلمينه وتقولين له شصاير معاك ؟ انت مريض؟
وشدراج ان حاط منوم؟ لو حاط جان ماحسيتي بشي
وليش رككككض عقب ماسويتي روحج نايمة؟

حسبي الله ونعم الوكيل فيه ان كان وراه شي

 

[dubai girl]

الحين الي ابغي اعرفه انتي ليش متاكده ان حاط منوم !!

شفتي شي !!

اتاكدي اول وبعدين قولي حاط منوم

بس انتي مارقدتي

ليش مثلتي انج راقده ليش ما اتصلتي به نفس الوقت تراج اتقولين شفتيه يوم يطلع ؟

^^

 

[هنـــــد]

رد : حطلي المنوم بالفيمتو




حبيبتي تأكدي منه ، وشوفي شنو شاغله ومخليه جذي ؟
يمكن وراه سالفه والا وحده من بنات الليل استغفرالله والا علاقه قديمه مو راضيه تفج عنه !
ديري بالج وحاولي توصلين لــ خيط يدلج .. وبعدين زوجج المفروض يجابلج
انتوا معاريس .. وما يمديه يمل منج أصلاً !!

بس في شي !
دوريه وتلاقين الحل
وربي يسخره لج ويسعدج

 

[So0oKaRa]

والله مادري شقولج ريلج يخرع
بس لو منوم جان ما حسيتي بعمرج بس انتي كنتي واعيه لما طلع وعرفتي متى رد
ممكن توضحيلنا هالنقطه عشان نفهم سالفتج اكثر
؟؟
والله يعينج ويهديه يارب

 

[miss-shosha]

هذا الشي لازم تقولينه لاهلج لان اللي سواه مو شي عادي ومالج شغل بالبنات اذا من اول الزواج مايحب يقعد معاج الحين متى بيقعد هالشي مو عادي

 

[miss-shosha]

هذا الشي لازم تقولينه لاهلج لان اللي سواه مو شي عادي ومالج شغل بالبنات اذا من اول الزواج مايحب يقعد معاج الحين متى بيقعد هالشي مو عادي

 

[نور78]

رد : حطلي المنوم بالفيمتو

احنا نحسن الظن بالرياااال بس معااج حق باللي تقولينه وزين سويتي انج نمتي بيت اهلج قولي له انا رحت الطبيب خرعيه اشوي وصارحيه ليش يطلع جذيه شنو اللي قاصره وعليج بسوره البقره دايماااا شغليهااااا بيتج واقريهاااا والله يهدي الجميع ويوقج يالغاليه ويسخر لج ريلج

 

[M O O N]

رد : حطلي المنوم بالفيمتو

بنات الي تسأل شلون عرفتي انه منوم

اهو اول مره يسويلي فيمتو وعمره ماسوي شي بلبيت كله يقولي البيت مسؤليتج انتي واهو يمشي ويوصخ بالبيت شمعنى اليوم خدمني
وبعدين انا حسيت بطعم مروره قوي ومن كثر المروره الي فيه ماقدرت اشربه يعني جقمه ونسدت نفسي وحتى قلتله انت شنو حاطلي بالفيمتو قال ولا شي بس ماعرف اضبطه

وبعدها قام اخذ القلاصات وغسلهم بنفسه وبعدها حسيت بدوخه قويه بس مانمت كنت بوعيي لاني يمكن ماكثرت من الفيمتو

وامس قلتله انا مابيك اكرهك وطلقني وانت حاطلي بالفيمتو منوم
وما امنك علي انت ردي
وقال ذكري الله لا تظلميني واخته دقت علي وااغلقت جهازي

 

[داريني]

انتي متاكده حط لج منوم ؟
لازم تلقين دليل علشان اذا صج هالموضوع ما ينسكت عنه
وبعدين انا معاج لا تتعلمين اتنامين بيت اهلج
يبي يسهر خل يروح يسهر بس قعدي في بيتج حتى لو بروحج قولي له انادي امي ولا اختي ينامون عندي شرايك ؟

 

[:: Diva ::]

ان شالله ما تكون الا اوهام

 

[M O O N]

رد : حطلي المنوم بالفيمتو

مشكورين بنات ماقصرتوا بس للحين مادري شسوي ودي اعرف وين راح ؟

وودي ابرد جبدي برد قوي اهز ثقته بنفسه واوقفه عند حده لأنه هزئني بتصرفاته

 

[الـوايـلـيـة]

ماكو الا تواجهينه
يقدر يسويلج هووووشه ويطلع وعذره انه معصب وزعلان
وبعدين شدراج ان هذا منوووم مو شي ثاااني
ليش غسل القلاص اذا اهوا منوم؟؟؟ والمنوم طعمه مو مثل ماقلتي؟؟ يعني طعمه مو واااضح حيل في ناس ما تحس فيه..
الله يستر بس

 

[NFOOOL]

خليه يطلع على راحته ليش تناشبينه
انا أتضاايق اذا ريلي واايد يطلع ولا واايد يسهر بره البيت بس ما أكلمه ولا أجبره يقعد بالبيت غصب واهوا ماله خلق أحب من نفسه وترى مو شرط عشان معاريس لاززم 24 ساعه قاعد معاج كل ريال يختلف عن الثاني انا ريلي كان جذي يحب الطلعات والدوااوين واذا انا نايمه على طوول يقولي عيل انا بطلع انتي نايمه انا شسوي مافيني نووم
بس ساالفة المنوم قويه الصرااحه لا يتعود على هالشي قوليله انا متأكده انك حااط شي لأنه من شربت الفيمتو وانا كله داايخه عشاان يخاف وما يعيدها مره ثانيه

 

[om MaRyooM]

عفية ريال !!!


هذا ماينسكت عنه نصيحة فهميه وحاجيه باسلوب حازم وخلج صارمة .. وهدديه

وين قاعدين !!!!!!!!!!!!!!!!!!!

واهوا يبي يفتك منج ليش !!! اللي على راسوو بطحة

ديري بالج على نفسج ولا بعدين بيحطلج حبوب عشان تظلين دايخة . . وهذا بدون لاذمة ولاظمير اللي سوا جذيه
حسبي الله ونعم الوكيل على رياييل هالزمن

 

[أم هاجرر]

رد : حطلي المنوم بالفيمتو

الله يكوون بعوونج حبيبتي وانشالله ماكو الا الخير لا توسوسين

 

[i'm so happy]

انا انصحج مثل باجي البنات واجهيه وقولي له انا رحت الطبيب وقالي انتي مستخدمة منوم او شي ماشابه

وقولي له اخر مره شربت الفيمتو انت حاط شي ؟؟ وانت اذا فيك شي صارحني وريحني

وانتي تغلي عليه شوي ابتعدي عنه روحي بيت هلج نامي يومين لا تتصلين له ولا تدزين مسج شوفية شلون يمكن يشتاق لج ..

واذا حسيتيه ماسوى اللي ذكرته اكيد السالفة فيها ان فلازم تكتشفين هل شي وكوني دقيقة بكل شي من غير مايحس شوفي شعنده وشوراه
لانه مو معقولة لي درجة يحط لج منووووووم الله يهدية بسسسس

 

[حربيه وبس]

رد : حطلي المنوم بالفيمتو

يا قلبي انا بقولج ردي بكل وضوح
اذا اهو حاط لج منوم شلون شفتيه لما بدل وطلع
وشلون شفتيه لما رد الساعه 5
حبيبتي الظاهر هذي كلها اوهام ترى الوسواس ساعات يخلينا نتخيل اشياء مو موجوده بالواقع
كبري عقلج وردي بيتج

 

[منيرة خالد]

اممممم موضوعج محير


لازم تواجهينه علشان ترتاحين !!!!!