حطلي المنوم بالفيمتو

[صبرت ومل الصبر]

رد : حطلي المنوم بالفيمتو

الله يوفقج في حياتج الزوجيه لكن بدايه اي زواج لازم يكون اشوى اختلاف بين الزوجين والسالفه كلها بين ايديج انتى بذكائج تخلينه يخفف من الطلعات اشوي وانصحج الفتره هذة لاتنامين عند اهلج ولا تواجهينه وهذى نصيحه من اخت لخته ومشكوووووووووووره:flower:

 

[Miss ksh5h]

رد : حطلي المنوم بالفيمتو

اولا سكوتج مو من صالحج لازم تسولفين هالسالفه لاحد من اهلج تثقين فيه

ثانيا لازم تواجهينه وتسالينه ليش سوى جذي معاج

خليه يجي لبيتكم وتكلمي معاه ولا تتركينه الا واهوه متكلم

قولي كل اللي بخاطرج وكل شكوكج من ناحيته واذا قعد يلف ويدور ويقولج تتوهمين ومن هالحجي

هذا عليه السلام اذا بأول حياتكم تجرأ وسوى فيج هالحركه البايخه شلون بعد سنه ؟

وحركته مايبيله مفسر على قولتهم

ينومج بالغصب معناته في شي بيسويه انتي ماراح تكونين راضيه عنه

واسمحيلي تصرفه تصرف اطفال كان يقدر يتحجج بأي شي ويطلع

بس كان تفكيره حزتها شلون ينومج وياخذ حريته وبس !

وهذا تفسير لبعده عنج اول زواجكم

لان اللي باين انه كان قبل لايتزوج متعود على شي .. طلعات ... سهر .. قعدات .. خرابيط الخ

ولما تزوج حس ان حريته تقيدت بالزواج وكان مو متعود عالوضع ولما كلمتيه حس وبدا يتغير

الحين اللي عليج تفتحين جهازج واذا اتصل قوليله تعال نتكلم فبيت اهلي

وقولي كل شي تبينه وشوفي ردة فعله شنو بس اهم شي فهميه انه الحين متزوج يعني الوضع تغير

الا اذا كان مو قد الزواج ومو قادر يترك سوالف العزوبيه فهذا شي ثاني


عسى ربي يهدي النفوس ويسخره ويهديه لج

 

[×× شموخ أنثى ××]

رد : حطلي المنوم بالفيمتو

يابنات والله العله مو من البنت ولا من الريال ..

العله من وقتنا هذا اللي تغيرفيه كل شي ..

أقسم بالله العظيم إنج مو أول وحده تشكي من هالموضوع .. أعرف غيرج شكثر يشكون منه

أزواج توهم معاريس ومايبون القعده عند زوجتاتهم .. والمصيبه تلاقين ربعه عنده أهم من الزوجه

لأنهم صاروا شبعانين .. لاينفع لبس لا اغراء لاغيره .. الشوارع مليانه بلبس البنات واغراءهم .. عيون الأزواج امتلت من هالأشكال اللي بالشوارع ..

وماينفعج الا إنه يلاقي النفس الحلوة والراحه بالبيت عندج ..

أختي زوجج مافيه شي .. بس شباب يبون السهر والوناسه .. ومايبي التزامات .. يبي يونس عمره ..

هالجيل كله جذيه ..

مالج الا تسايرينه ودير بالج على نفسج .. ولاتشربين منه شي حاولي تقولين له بروج أجيب ثلج وغيري الفيمتو أوقولي اشرب أنت ياحياتي وأنا بعدك ..

ومن هالسوالف بس لاتشككين فيه بالمره ديرباااااااااااااالج ..

وأهم شي احرصي على الالتزام بصلاتج أنتي وياه وكثري دعاء ..

والله ثم والله إن الدعاء لله يغير الحال من إلى .. سبحان الله ..

له تأثير عجيب بالحياه الزوجيه .. واستعملي دهاء الأنثى وخليه يحب القعده معاج ..

.........................................

وبقولج قصه عن دهاء الأنثى يستفيد منها الكل ..

هذي وحده سافرت مع زوجها وولدها لإحدى الدول العربيه وسكنت بفيلا وفوقها ساكنين أهل الفيلا .. وكان عندهم بنت جميله جداجداا
وطمعت أم البنت بزوج المرأه وتبيه لبنتها الجميله وصارت تخلى البنت تستعرض باللبس جدامه وخاصة إذا إلبست البنت اللون الأحمر وهي بيضااااااا ..
المهم الزوح فتن بجمال البنت وواجه زوجته وقالها أنا بردج الديرة وبتزوج هالبنت .. وطبعا لو أنا جان سويت صيحه بالمكان وذبحتهم ..
بس هالزوجه عاقله وقالت له الله يوفقك .. ونطرت ليم طلع زوجهااا وراحت وكسرت كل صحون البيت والابجورات وعفست الدنيا .. وأول مارد زوجها جان تقوله أمبيه فشله ولدك كسر أغراض البيت تكفى أمانه عطني فلوس بروح أتأسف منهم وأعوضهم بالفلوس ..طبعا أهو ماصدق خبر وعطاها اللي في جيبه كله .. وراحت فوق لهم جان تقول أنا أسفه على اللي صار جان تسألها المرأه عسى ماشر شنو فيكم وشنو هالصوت العالي جان تقول الزوجه
هذا زوجي فيه صرع وحاله هستيريه لما تصيبه يكسر البيت كله طبعا اهنيه انصدمت المرأه جان تصارخ اطلعوا من بيتي ومانبيكم جان تنزل الزوجه وتقول لزوجها هذي زفتني وطردتنا عصب الزوج من صاحبه البيت وسمع كلامها جان يطلع من بيتها وأهو كارهم ..
طبعااا الزوجه كسبت زوجها والرجل نسى سالفه الزواج منهم ..

الهدف من القصه أنا عارفه إتج مضايقه وأحس فيج محتاره ..

لكن ..

المفروض الأمو تأخذ برويه وحاولي تعالجين الموقف بحكمه ولا تستعجلين بالحكم عليه

وحاولي تخلينه يحب القعده معاج ..

لأن زواج هالوقت والله جهاد علشان تحافظين عليه ..

وأسأل الله إن يوفقج ويسخره لج ..

وأسفه ع الاطاله


​

.....................................................................

 

[الريم 11]

رد : حطلي المنوم بالفيمتو

لازم تكلمينه وتفاهمي معاه
قولي له انك ومثل متعود عليك انك معطيته حريته
انك ماراح تمنعه او تعملين مشكله عشان بس يطلع
بس ليه حط لك منوم
لازم تعرفين ايش الوضع عند الطرف الثاني اللي هو زوجك
عشان تعرفين الخلل وتحلين المشكلة بحكمة

 

[Moon_Grl]

أنا للأسف قاعدة اقرى مصطلحات غريبة! فجي عنه؟؟ لاتلزقين بويهه؟؟ اخوي يقولي تكفين قولي حق مرتي تنام عند اهلها!!!!! شنو هالكلام!!!!!!!! شنو هالمبدأ!!!!! أحنا تزوجنا احنا تشاركنا بحياتنا لآخر العمر!جمعنا النصيب والحب! والعشرة! والعايلة! تقدرون تفجون عن امكم.؟ ابوكم؟ اخوج او اختج الصغيرة يعني شنو فجي عنه ونامي عند بيت اهلج!
والله الي تقول جذي انا اقولها ليش تزوجتي اصلا؟ الزواج مشاركة بكل شي انا مو ضد مثلا انه يروح حداق/قنص/سفرة قصيرة مع ربعه بس مو كل اسبوع لازم اعودة انام عند اهلي ومادري شنو :/
أولا مشكلتج مع زوجج يبيلها مواجههة بينج وبينه وثانيا غالبا أغلب الرجال يصير فيهم خوف من المسؤولية أول الزواج وهذا يبين بعدة تصرفات منها الي قاعدة تشوفينها مع زوجج! فترة وبتعدي بسسسسسس لاتسكتين بينيله انج ملاحظة عشان ما تتمادى المرحلة!
وحببيبييييييييييييييييه بالزواج! (اللقمة الطيبة/الملابس النظيفة والريحة الحلوة/اللبس والترتيب....الخ)

 

[fishq8]

نصيحتي يا اختي لا تنامين بيت اهلج خليج دايما معاااه

والي تقولج فجي عنه هذي ما تفهم شي ، بالعكس طلعي وروحي وتعالي بس شماله تنامين بيت اهلج يعني اهو شنو بيسوي هالحزة
بالعكس اذا نمتي بيت اهلج راح يصيع لو مو صايع لان بيحس بوقت فراااغ خاصه في الليل
الريال مو نوع الي يحب المغامرات عشان جذي نومج

وبعدين اهو ما نومج الي لانه يخاف على زعلج ،،، يعني يحبج ويبييج
لو ما يحبج جان طقج بالطوفه وتأخر ولا رد نهائيا
بس اهو يبييج عرفتي

انتي لا تبطلين السالفه معااه و اذا تكررت الحركه مرة ثانية من تكلمي ؟؟
انتي شدراج انه كان بينومج مو يمكن حاط شي ثاني
انا اعرف واحد حط محفز لمرته لانها بارده جنسيا حط لها في عصيـر
انتي تأكدي قبل لا تخطين اي خطوة لان رياييل هالوقت يأختـي ما يهم شي

اذا ما يبون الشي يرقعونه ولا رادين على أحد

 

[đeɱɛɼɑ™]

يمااااااااااا لو السآلفة صج ديربآلج على نفسج حبيبتي
ريلج شكله متهور اليوم منوم بآجر ما يندرى شيحط لج !! :/ لا تآخذين منه شي و تااااااااكدي من الموضوع ْ بعد لا تظلمين الرَيآل
بس هم الاحتيآط وآجب !! والله يعينج ويهديه ويسخره لج

 

[ريماس77]

رد : حطلي المنوم بالفيمتو

اكيد وراه سالفه شوفي شنو بس تناقشي معاه بهدوء

 

[ام شووووق]

رد : حطلي المنوم بالفيمتو

زعلي منه

وخليه يصارحج بكل شي

واذا مغصوب عليج قوليله احنا على البر ومابينا ياهال

 

[miss_jamsheer]

وااااااااجهي لانه احنا اذا بنتكلم بنقول افتراضات موحقيقه مالج الا المواجهه

 

[كيكااا]

حبيبتي ريلج اشكرى عنده سوالف احنا مانشيشج بّـ>:/ ـِّـس
خلج وااعيه ومنتبهه لايفوت الفووت وتندمين وذا ماحسيتي ?ن تغير هديه قبل لايصير بينكم يهال بس اذاا انتي بتحملين طبعه مالج الاا الصبر
‏?‏?‏?‏?ربِّي يعينج عَ مابلااج ياقلبي

 

[amwaj]

يمكن بيكون ردي مختلف عن الباجي..بس انا نصيحتي لج انج تصبرين عليه اشوي وتسكتين لانج لو واجهتتيه الحين بيتحجج باي شي ويقلب السالفه عليج خلج طبيعيه ولا تبينين له انج شاكه بشي وحاولي تحطين كاميرا بالبيت والاسبوع الي بعد لي قالج روحي بيت اهلج سمعي الكلام وروحي..احتمال يكون يبي ايب خرابيطه عنده بالبيت ومو قادر لانج موجوده..فمن جذي اقول خلي يصير عندج دليل وبعدين واجيهه عشان لي واجهتيه ما يكون له عذر..واذا طلع عنده شي صراحه لا تسكيتين ولازم تعيدين النظر بحياتج معاه لانها عشره عمر وحياة كامله والي هذا اولها ينعاف تاليها صراحه..مو قصدي اشيشج بس والله الحياة ما خيانه حيل صعبه

 

[اشتياق]

يخرع ريلج!
يعني يقدر ينومج بطريقه حلوه ويخدرج من غير منومات!
ومع شويتين كلام حلو الا انتي سايحه!
منوم بالفيمتو!
امبيه والله من كثر اللي نسمعه لا يكون مخدرات والا شي !
انتبهي لا تشربين شي من ايده
<<وين قاعدين دروب الشك!
لووووووول
والله مادري
عيل خليه يطلع على راحته لا يقتلج بحجة الحكره

 

[اوخبمد]

حبيبتي انتي الوحيدة الي لازم تعرفين عن طبيعته الرجل الي معاج وهل هو يعزج, ولا زواج تقليدي
لازم تتملكينه اول شي وتتملكين قلبه قبل كل شي عشان تعرفين شنو حاط لج بالفيمتو حتى لو ما قالها صراحة لازم تفهمين طبيعة الانسان الي عندج
لا تخربين بيتج.... اذا يعزج وباقي عليج ... هونيها شوي .. وتحري اكثر..... واذا قالج روحي بيت اهلج ريحي , قولي له ما ارتاح الا على صدرك وقربك.... وروح حبيبي استانس مع ربعك ووسع صدرك ومتى ما بغيت ترد انا ناطرتك
خلي الريال يحس بشوق في رجعته لبيته وانج دايما ناطرته مفاجاه يتحراها وشنو هي منج انتي
وردي بيتج وخلي الامور عاديه ولا تكرهين الريال منج من اول الايام ولا تتحسينه انه فيه شي عشان تقدرين تفهمين شنو الي صار ويفتح لج قلبه

 

[قطوة1985]

رد : حطلي المنوم بالفيمتو

ديربالج حبيبتي على نفسج ترا مافي شي يستاهل تحرقين قلبج عشانه نصيحه انتي باول الزواج دايما ايكون فيه مشاكل لانه متعود على الهياته مع ربعه صدقيني اشوي اشوي بيعرف قيمتج عنده

 

[المستبــده]

اهم شي بالموضوه كله
اغلب الردود صافه مع ريلج
ولو اهم كانو مكانج جان سوو النون وما يعلمون
وتلاقين اغلبهم لازقين بظهر ريايلهم
صج يغثون ويحرون


حبيبتي الموضوع مو هين
انتي تقولين ما نمتي وكنتي تقريبا بوعيج
يعني ممكن ما يكون حاط لج منوم ممكن الله لا يقول خمرر
انا مابي اشككج بريلج
بس الاحسن لج تروحين تسوين تحليل
واذا ثبت لج انه حاط لج شي
روحي حذفي التحليل بويه بعد ما تصورين الورقه وتروحين بيت اهلج
اللي جذي ينخاف منه والله وين الامان معاه !!

الموضوع مو هين يا قلبي
طمنينا علييج​

 

[عاشقة-الكفيل]

رد : حطلي المنوم بالفيمتو

لا حول ولا قوة الا بالله
وربي انه ظالم ومايخاف ربه ..!!
في ريال يحط لزوجته منوم عشان يطلع ؟؟
خو قول بطلع .. منو بيقولك لا ..؟؟ خايف من شنو ومن منو يعني ..؟؟
هاذا شكله مو طبيعي وراه شي كبير السالفه مو بس سالفة طلعه وسهر ..
شكله وراه بلا ..!! وبلا كبير بعد ..!!

 

[استكانه1]

موون حبيبتي تحذري من هالحبه والله قمت اشك اذا هي حبت منوم او شغله غيرها

مايندرى تاكدي من زوجج شوفيه معاه حبوووب فتشي يمكن الله لايقووله يتعاطى وانتي ماتدرين

موغلط ترا كلامي بس انا انبهج لان يحطلج منوم يبيج تنامين فيها ان بس مدري شنووو

اى حبيبتى ووووايد شاكه ان اهى منوم ؟؟؟؟؟
اخاف مخدرات ولا هلوسه ولا...........
يما حبيبتى الله يستر عليج....
هذا الريايل ماكو امان عنده كلش .....

وهم شى امهم ...... اخاف مره دشيت بيتج ,,,يعنى ليش بالله نومج ؟
شوفى انتى ردى بيتج؟
ولااتيبين طارى اللى صار ؟
ونبشى وراه , وديرى بالج عدل عدل ؟ وخلج طبيعه معاه ؟ وشوفى شيصير معاج
حتى لاتظليمنه ولا تظلمين نفسج معاه .

 

[استكانه1]

طمنينا عليج حبيبتى ؟

 

[ذاب قلبي لربي]

رد : حطلي المنوم بالفيمتو

غريييبه حييييييل


انتي قبل لا تحكمين لازم تراقبينه

شوووفي شنو السالفه؟؟؟