حـراآم،،بنتي ام 5اشهر ذبحتها الكحة :-((

[om MaRyooM]

السلام


مثل ماهو باااين من العنوان



بنتي عمرها 5اشهر ومن اسبوع انتشلت ووديتها عطوها بس قطرة لخشمها


والحين الكحة زايدة عندها

وديناها مبارك ماعطوها شي كلللش بس القطرة مرة ثانية


والحين كل ماتكح تبجي تكسسسسسسر خاطري حيل




شسوي بنات

معقولة ماكو دوا كحة لهالعمر ؟؟؟
شنو اعطيها وشنو اسويلها

تقعد وايد بالليل من كحتها وتبجي :eh_s(11):

 

[ام الحوراء زينب]

ام مريوم ماتشوف شر بنيتج
في دوا كحه حق اليهال ولدي عمره كان 45 يوم عطوه دوا كحه
بس وديها المستشفى احسن

 

[Hi--class]

حبيبتي وديها طبيب مختص او مستشفى خاص وااي احسن من الحكوومه
عيال اخواني اسمالله عليهم لو مو الخاص جان شهرين مرضى

 

[om MaRyooM]

مشكورين
وديتها مبارك مافادونا بشي


وانشالله اوديها الخاص على قولتكم

 

[(TigerWoman)]

شوفي انا عيالي لما يكحون اعطيهم لسان الثور اسمه يضحك بس شنووو زين
تلاقينه عند الحواي قوليله ابي لسان الثور واخذي نبات هم من الحواي
اخذي شويه لسان الثور مع كوب ماي فوحيه على نار هادئه من نص ساعه الي ساعه الا ربع بعدين حطي بالمميه حبتين او ثلاث حبات نبات وصبي بالمميه لسان الثور اللي فحتيه بس لازم تحطين مشخال علشان الورق لا ينزل بعدين يمسك ما يخلي يصب عدل خليه يدفه وعطيها بس لازم لازم تدفين بنتج عدل لا تخلين يحوشها هوا حتي وقت النوم اهم شي تدفينها وان شاءالله راح تروح الكحه منها .

وربي يخليها لج ياااااارب ويشفيها ان شاءالله ​

 

[om deaj]

انا مجربة منقوع الحلبة
والله يشفيها

حطيلها جهاز تبخير بالغرفة

 

[أم حورية]

نصييييييييحة لله لا تطوقين هالخلطة اللي بعطيج اياها واغراضها من العطار وقالي يصير حق اي عمر لا تخافين

ولدي كان عمره شهرين تقريبا عطيته هالخلطة بسسسس مرتين والكحة اختفتتتت ،، طبعا من ياهل لي ياهل يفرق بس حيييل زينة وولدي كانت كحته حييل قوية ويبجي مثل ما تقوولين واهي زينة حق البلغم بعد واذا فيها بلغم راح تشوفينه كللله ينزل مع الخروج تكرمين

اخذي من العطار لسان الثور وورق جوافة وبمبر وعنااب

حطي من ورق الجوافة ورقتيين تقريبا وشوي من لسان الثور تقريبا قفشة صغيرة وحبتين عناب وحبتين بمبر في قلاص ماي حااار (ربع لتر) وزيدي عليه نبات عشان تحلينه وخليه لين يدفى وشخليه وعطيها اياه بس لااتفوحينه الاعشاب ما تنفاح

واذا تحسنت دعواتج لي *

 

[أم حورية]

واذا خشمها مسكر سويلها كمام حطي فيه بس ماي عشان يريحها البخار

او اغلي بابونج في جدر واهو يغلي قربي بنتج شوي خل تستنشق البخار واايد كان يريح ولدي لان ماكانت تنفع معاه القطرة

ونطري يومين اذا ما نفع تالي وديها الخاص الاعشاب احسلها من الادوية

والله يشفيها ويحفظها لج ياارب

 

[KOKO_284I]

انا ما ادري اشلون تتطمنون اتودونها حكومه واهمه بعمر صغير

حبيبتي في دوا لها بهالعمر وديها لا ينزل علي صدرها وتتعب اكثر بعدين

عندج دكتور ياسر بالسيف اخصائي روووووووووووووووووووعه وفاهم

وربي يشافيها

 

[- BambeNo -]

فديتها ما تشوف شر ..
الينسون زين..

 

[om MaRyooM]

مشكورين

والله ماقصرتو حبااااايبي

 

[فاقده ابوهاااا]

انا خذيت دوا كحه عجيب من المواساة ست نقط للكحه والنشله بس ما اذكر اسمه
بس تبين نصيحتي حرري زيت زيتون ودهني صدرها وبعدها بفوطه صغيره حطيها عالدفايه لما تصير دافيه حطيها علي صدرها بس ماتكون حاره دافيه ولفيها وخليها تنام وراح ترتاح وبعود اذون دهني خشمها بزيت زيتون انا اسوي جذي شوي يرتاح الياهل

 

[om MaRyooM]

انا خذيت دوا كحه عجيب من المواساة ست نقط للكحه والنشله بس ما اذكر اسمه
بس تبين نصيحتي حرري زيت زيتون ودهني صدرها وبعدها بفوطه صغيره حطيها عالدفايه لما تصير دافيه حطيها علي صدرها بس ماتكون حاره دافيه ولفيها وخليها تنام وراح ترتاح وبعود اذون دهني خشمها بزيت زيتون انا اسوي جذي شوي يرتاح الياهل

ماقصرتي

بجرب ان شاء الله

 

[dimple]

حرام .. بس تأكدي انه ما فيها التهاب لا سمح الله
سويلها اشعة حق صدرها

 

[@ام يوسف@]

الله يشافيها في تحاميل للصدر والكحه

 

[شادن33]

اذا الكحه فيها بلغم عطيها بابونج
واذا يابسه ينسون يريحها

 

[P!NKia]

انا بنتي جتها كحه قويه جنه كلب ينبح تخرع كحتها ومافاد معاها شي علاج طبيب اسبوعين ولاتغير شي معانا حتي بغوا ينومونها وانا رفضت
اخر شي قطعت الكمام بس استمريت علي دوا الكحه والايرس اللي قبل النوم
واستخدمت لها زيت السمسم ادفيه واشربها بقفشه الحوس 3 مرات باليوم وقبل لاتنام ادفيه وادهن صدرها وظهرها وادفيها وبعد قبل لاتنام اطحن مسمار واخلطه بزيت زيتون وادهن قاع رجلها والبسها دلاغ قبل النوم كل هذا لمده 3 ايام والحمدالله بفضل الله وهالعلاج والله راحت الكحه
والله يشافي بنتج

 

[ام كوثر2007]

ام مريوم عطيها ورق جوافه من الحواي

انا كنت معاناه مع الكحه مع عيالي والحمدلله الحين عقب ورق الجوافه قالت لي عليه وحده مصريه يزاها الله خير وصج وحده بوحده


الحين بس اتييهم الكحه يقولوون ماما سويلنا جوافه

 

[ليمون ونعناع]

ام مريوم
سبحان الله انا ولدي عمرة ست شهور
ونفس حاله بنتج اسم الله عليهم

وهمن قالو لي نشله بس قطرة

وماسوت شي وزادت صارت كحه وبعدين التهاب ايم الله عليه ويبجي ومايبي ياكل ولايشرب طرنا فيه حق رويال حياه
عطوه تحميله تهديه شويه وعلاج
والحمدلله ماردينا البيت الا واهو يضحك

وديه خاص او رويال حياه ماشالله شطار

مومصاد حيوي لا بس ادويه تخفف العوار عنه

والله الحكومه ليش ماعتدهم علاج مادري حرام والله انا قلت مرة ثانيه نشله على طول رويال حياه او بخاخ من الصيدليه ولاتتطور الخاله ليم كحه والتهاب

 

[ديانا سبنسر]

اذكر اشتري لعيالي دوا من الصيدلية عليه صورة لبلاب حلو وينوم >>>اهم شي

ماتشوف شر