حـــصـــريـــاً.. أول فـيديو لـي عـلى يوتيوب،، لوك سهـل و بسـيط

[درة الصباح]

ابتسامتج اتهبل مآشٱءآللۂ

غيري مكان التصوير واختاري غرفه

اضائتها قويه ولاتخلين احد يدخل عليج

بنتظار يديدج

 

[prettymac]

ربي يوفقك حبيبتي ويخلي لج وليدج يارب

 

[Pupiipop]

مشكوووورين يا بنات ماقصرتوا
احترم كل ارائكم *عن الفيديو*
وانشالله الاضاءة المرة القادمة احسن من جذي
​

 

[Pupiipop]

بنات اللي سألوني

الكونتور .. برونزر من برجوا
لونه حيييييل طبيعي لان مايصير يكون الفرق واضح بين البلاشر و الكونتر
لاتستخدمون بني غامق حيل.. ولا فاتح مايبين



الحمرة.. Dark wine من ماركس اند سبنسر
اول مرة اجرب حمرهم حلووووة اللون قووي و ثابت



القلوس.. من H&M
اهوا لونه حيل ضعيف يعني مو وردي
بس يعطي لمعه زجاجية وايد حلوة

​

 

[ألماس من داماس]

اول شي يعطييج العافيه ..
ثاني شي شغلج حلوو .. طريقتج حلووه ..
صح الاضاءه مو مناسبه والمكااان مو مناسب بس
بالاخير كل واحد وحر باللي يسوويه
انا بالعكس اشجعج اذا حابه تستمرين بهالفكره واايد حلووه
بس يبيلج تعدلين بعض الاشياء
بس كشغل حلوو وشغلج
واسمالله عليج بوهتج حلووه وغمازتج احلى
والله يوفقج يااارب ​

:eh_s(15)::eh_s(15):

 

[أبله شقحه]

رووووعه حياتي بس ديري بالج تنزلين صورتج

 

[خوخه.22]

يهبل شغلج ماشاااءالله علييج موووفقه يارب

 

[honey lust]

شغلج حلوو و ذوقج باختيار الالوان حلوو

بس التصوير خرب على شغلج

ما عليه هاذي اول محاوله لج و شي طبيعي ما تصير بيرفكت

مع الايام بتصيرين بروفشنال بتصوير الفيديوات

يعطيج العافيه

 

[فوفة]

يعطيك العافية حبيبي عجبني الكونتور كثيير الي حطيتيه كنت دايم اشوفه بس مافكر اشتريه
بيكون عندي مثله انشالله
بس سؤال محيرني ومالقيت أجابه انا دايم ابدا باكريم الأساس والكونسيلر وبعدها ابدا بالأيشدو

[ليش تخلو الأساس اخر شي ؟ ياليت القى الأجابه عندك ]

وننتظر جديدك المرات الجاية ابدعتي بس لاتنسي الأضأة هذا الي ناقصك
موفقه
​

 

[Vampira]

يحليلج تصدقين وايد فرحت يوم شغلت الفيديو خطوة جريئه بس حلوه الله يوفقج

ماقدر اقول رايي بالميك اب لانه الاضاءة ظالمته شوفي للمرات اليايه استخدمي خلفيه مناسبه واضاءه علشان تبين شغلج اخذي فره باليوتوب وشوفي طريقة تصويرهم بتستفيدين وايد ؛)

لا تلتفتين لاي راي سلبي او محبط لانج مو قاصر واكيد ماحطيتي الفيديو الا كل الاهل يدرون وهذا اصلن شان شخصي محد له حق يكلمج الا زوجج او الوالد والله في ناس مادري شلون يفكرون !!!

شغله ثانيه انا افضل انتي تتكلمين بالخطوات احسن من الموسيقى ؛)

موفقه حبيبتي وابتسامتج وايد حلوة مشالله keep smiling

 

[Pupiipop]

حبايبي كلكم مشكووورين :eh_s(22)::eh_s(22): ما قصرتوا على الردود الحلوة

يعطيك العافية حبيبي عجبني الكونتور كثيير الي حطيتيه كنت دايم اشوفه بس مافكر اشتريه
بيكون عندي مثله انشالله
بس سؤال محيرني ومالقيت أجابه انا دايم ابدا باكريم الأساس والكونسيلر وبعدها ابدا بالأيشدو

[ليش تخلو الأساس اخر شي ؟ ياليت القى الأجابه عندك ]

وننتظر جديدك المرات الجاية ابدعتي بس لاتنسي الأضأة هذا الي ناقصك
موفقه
​

فوفة مشكوووووورة حبيبتي و بالنسبة لسؤالج
احسن شي الفونديشن تخلينه اخر شي..
اول شي : ممكن تحطين شدو بعدين تغيرين رايج و تبين تمسحينه او تغيرين بالالوان يكون اسهل اذا مسحتي عينج بس.. بس اذا حاطه فونديشن بالوجه و تبين تمسحين عينج بس.. الفونديشن رح يتدمر
ثاني شي: بعض الشادوات تحطينه على جفنج ينثر تحت عينج بعد.. فاذا حاطه فونديشن هم رح يتدمر و تقعدين تمسحين و تحطين مرة ثانية

فالاحسن من البداية تخلصين العين و الحواجب و بعدين الفونديشن عشان يكون الميكب فرررش ​

 

[مريومه 85]

مشكوووووره

 

[كويتيه فرنسيه]

مشاء الله رووعه كتجربه اولى الله يوفقج يارب

وماعليج من بعض البنات معروف ان التجربه الاولى لازم يكون فيها اخطاء ان شاء الله بالمرات الجايه تعدين هالاشياء

عجبني الميك اب ناعم وبارز بنفس الوقت

 

[أيسكريم باالشطه]

حواجبج اتهبل بشنو رسمتيها


وياليت تكتبين الخطوات بالعربي

 

[كليه البنات]

بالتوفيج .. شغلج حلو ..

حسافه لو ما الاضاءه .. لانه ساعات تضيع مايبين شتسوين ..

قود لك وناطرين جديدج

 

[tbola]

وااايد عجبني الميك اب والله يووووفقج ولا يضيق خلقج من رااي البنات

 

[Om_RaYomaH]

استغرب من البنات اللي يقولون اوفر؟؟؟؟؟!

وين وين الاوفر شفت لوكات اثقل من جذي بواجد؟؟

حبيبتي اللي ظالم الميك اب اهو الاضااااااءة لازم تغيرينها

دايما الاضاآة البيضا تشوه الميك اب والفاونديشن تقلبه رمادي



موفقه

حابه اشوف لج فيديوات ثانيه حبيبتي

 

[BARBIE _PRINCESS]

بالعكس انا اشجعك

صح الاضاءه خفيفه بس توك هذا اول فيديو شى طبيعي استمري

 

[طهر الحياه]

الله يهديك ويصلحك ويوفقك بحياتك

 

[..~Goolz]

موفقه قلبي

ننطرج بشي يديد

ملاحضه عنونه +نتمنىاضاءه افضل +مكاااان خاااااااااااااص للمكياج وخلفيه مناسبه