اجمعييين يا رب
بالنسبه حق هالموضوع وايد سألنا عنه و قالوا انه عادي تقرا البقره حتى الخائض وهذي الاسباب:
1- مايصير نهجر القرآن 3 ايام .. والحائض اكيد بتهجره ما يقارب اسبوع
2- اللي يدرسون بالشريعه او علم القرآن و هالامور اكيد القرآن على طول معاهم ويدرسون منه فيلبسون مثلا دسوس عشان لا يلمسون القرآن مباشره لانه لا يمسه الا المطهرون.. بس مافيها اي مشكله انه يقرون لو في حائل بينهم و بين القرآن
3- اكثر وقت الشيطان يوسوس لنا اهو وقت تكرمون الدوره .. لانه الوحده تكون غير طاهره .. لهالسبب اذا ماتقرا تلاقون النفسيه تصير كلش و غير انه الهرمونات تأثر بهالوقت .. بس هم وسواس الشيطان يزيييد و يلاقي مجال انه يأذيها لانها مو طاهره
4- اذكار الصباح و المساء اللي المفروض كل يوم نقوله هذا ماله شغل اذا الوحده طاهره او لأ المفروض كلنا نقوله كل يوم و من الشغلات اللي تنقال في اذكار الصباح والمساء اهو المعوذات فهذيل سور من القرآن ولازم تنقال كل يوم .. فهذا الشي يثبت انه الطهاره مالها علاقه في انه نقطع القرآن .. لكن اللي مايصير انه نمسكه بدون حائل يعني بدون شي يفصل ايدنا عن ملامسته مباشره .. اما غير جذي فلااااازم نقرا ورد كل يوم يعني لو صفحه او ايه المهم ما نترك القرآن 3 ايام بدون قرايه
5- القرآن في كل وقت و اي مكان و زمان و ظروف قراءته خير و بركه ومافي اي شي يخلي الواحد انه ما يقراه لو مهما صار
ان شاء الله تستمرين معانا و تشوفين البركه من هالقرايه
