حمله لإسقاط الديون عن المواطنين

[ghalaty]

صح السانج ماكنتوشة نبي دهنا في مكبتنا

 

[كيكة كاكاو]

ادري يمكن احصل :eh_s(4):

بس انا ضد اسقاط الديون


كل واحد خل يعيش على قده وكل واحد عنده عقل يفكر فيه قبل لا يكود الديون على راسه:eh_s(22): والكويت كل شي فيها الحمد لله الغالي والرخيص


وبصراحة في ناس ياخذون ديون حق سفر وسوالف ما لها داعي شكو يطيحون عنهم الديون ؟؟؟؟؟

 

[طير الحب]

سواربينا صح لسانج بعد عمري

 

[hada]

البنات اللي ضد اسقاط القروض
في 17 الف كويتي مرفوع عليهم قضايا من البنوك والشركات ومهددين بالسجن
شوفي كم طفل واسره يعيلون اذا دشوا السجن شيصير فيهم ؟يعني ال 17 الف وراهم جم الف راحوا يتأثرون بعد
حطي نفسج مكانهم وتخيلي الهم والغم اللي عايشين فيه
مع ان ماعندي قروض لله الحمد
بس تسسسسسسسسسسسسسسسسسسسسقط قروض الكويتيين يستاهلون
الناس للناس والكل بالله

 

[صرخة ألم]

أستغرب من بعض الأخوات الي يقولون أحنا ضد أسقاط القروض البلد فيها

خير وايد وفايض وموعارفين شيسون فيه أصلا فبدال لا يوزعون الخير على

الدول الي بره أحنا أولى وبالنسبه حق الي تقول من قالكم تكشخون وتعالي

ياحكومه طيحي القروض أقولها من قالك أن كلهم ماخذين القروض حق

كشخه قليلين ومومتزوجين ولا عندهم مسؤليه وبعدين أذا أنتوا ماخذيتوا

قرض ميمكن الله مرهي عليكم وعندكم خير فشتبون بالقرض وأنسي

أن ديرتنا تصير مثل الأمارات لأن بساطه الفساد منتشر بكل البلد من الحكومه

إلى الشعب فخلينا نستفيد أحسن

سوف أتهم كل من يعارض أسقاط الديون عن الموطنين بالخيانه والأنانيه

 

[كيكة كاكاو]

شوفوا بنات انا ضد اسقاط الديون

مع ان انا مهندسة وزوجي دكتور ومو قادرين نشتري بيت ؟؟؟وراح ناخذ قرض عشان نشتري بس قلعتنا احنا نبي نعيش بمستوى معين ولا ممكن ان ناخذ ارض وقرض الحكومة بدون قروض البنك

بس هم انا ضد اسقاط الديون

الناس اللي عليهم قضايا ما فكروا في عيالهم واهلم قبل لا يتسلفون !!!!!

صدقوني الكويت كل شي فيها بس الناس طماعين ويحبون المظاهر ولا كل شي اكو الرخيص والغالي ( كل واحد خل يعيش على مستواه)

ولازم الانسان يتحمل المسؤلية مو يصير اتكالي يلا انا اتسلف واسوي اللي ابيه وبعدين يطيحون ديوني!!!!

والله العظيم احنا عايشين احسن من غيرنا حمدوا ربكم على النعمة

 

[كيكة كاكاو]

شوفوا بنات انا ضد اسقاط الديون

مع ان انا مهندسة وزوجي دكتور ومو قادرين نشتري بيت ؟؟؟وراح ناخذ قرض عشان نشتري بس قلعتنا احنا نبي نعيش بمستوى معين ولا ممكن ان ناخذ ارض وقرض الحكومة بدون قروض البنك

بس هم انا ضد اسقاط الديون

الناس اللي عليهم قضايا ما فكروا في عيالهم واهلم قبل لا يتسلفون !!!!!

صدقوني الكويت كل شي فيها بس الناس طماعين ويحبون المظاهر ولا كل شي اكو الرخيص والغالي ( كل واحد خل يعيش على مستواه)

ولازم الانسان يتحمل المسؤلية مو يصير اتكالي يلا انا اتسلف واسوي اللي ابيه وبعدين يطيحون ديوني!!!! وانا اعرف ناس يقولون اول ما يطيحون قروضنا راح ناخذ غيرها

ولا تنسون ان اول ما تطيح القروض التجار راح يرفعون الاسعار !!!! يعني مو من صالحنا

والله العظيم احنا عايشين احسن من غيرنا حمدوا ربكم على النعمة

 

[جاكليت]

صح لسانج يا كيكة كاكاو

معا .. ضد اسقاط القروض ..

 

[شهدQ]

شوفوا بنات انا ضد اسقاط الديون

مع ان انا مهندسة وزوجي دكتور ومو قادرين نشتري بيت ؟؟؟وراح ناخذ قرض عشان نشتري بس قلعتنا احنا نبي نعيش بمستوى معين ولا ممكن ان ناخذ ارض وقرض الحكومة بدون قروض البنك

بس هم انا ضد اسقاط الديون

الناس اللي عليهم قضايا ما فكروا في عيالهم واهلم قبل لا يتسلفون !!!!!

صدقوني الكويت كل شي فيها بس الناس طماعين ويحبون المظاهر ولا كل شي اكو الرخيص والغالي ( كل واحد خل يعيش على مستواه)

ولازم الانسان يتحمل المسؤلية مو يصير اتكالي يلا انا اتسلف واسوي اللي ابيه وبعدين يطيحون ديوني!!!! وانا اعرف ناس يقولون اول ما يطيحون قروضنا راح ناخذ غيرها

ولا تنسون ان اول ما تطيح القروض التجار راح يرفعون الاسعار !!!! يعني مو من صالحنا

والله العظيم احنا عايشين احسن من غيرنا حمدوا ربكم على النعمة

شوفي اختي كيكة كاكو انا احترم رايك بس على اي اساس بنتيه ؟؟!!

وهذا انتي قلتي انتي ماشاء الله مهندسه وريلك دكتور

يعني منتو محتاجين قروض

ترى القروض مو بس للبيت لا ممكن الانسان ياخذ قرض لعلاج شخص قريب لقلبه

ترى الحكومه مو على اي طقعه تكرمين توديك برى

انا حماتي عيالها عمرهم سنتين لليحين مايحبون الحكومه رفضت تعالجهم برى

والحين اهيا بتاخذ قرض عشان تسفرهم للعلاج

وحالات وايد مشابهه

ترى اختي راجعي ضميرك ماكو احد ياخذ قرض للرفاهيه صعبه!!

واذا على بيت الحكومه انا اقرب مثال

قطتنا الحكومه بمنطقه كلها غازات الي اهيا ام الهيمان

حطو فلاتر ؟؟؟

الجواب لا

شالو المصانع ؟؟

الجواب لا

عوضونا ببيوت بديله ؟؟

الجواب لا

هذي بيوت الحكومه وانا على طول الحين بالطبيب اعلج نقص المناعه عند عيالي
والسبب الغازات والادخنه السامه والمحذر منها

وعريفجان الي بتوزع ارضها متروسه مخلفات الحرب والجيش الامريكي

ومتروسه يوارنيوم

وقبل لاتحكمين ترى الشعب الكويتي متعفف راجعي نفسك غاليتي:eh_s(17):​

 

[أغصان]

شنو هالحسد يالكويتيات ؟؟!!!!! ماتدرون شنو ظروفنا وظروف اللي ماخذين قروض ؟؟!!
والله ماحدنا على هالقروض الا شوقنا لطفل يملي لنا حياتنا وهالعمليات الانابيب اللي الوحده منها بـ 2000 او 1500 لا وشنو ماتنجح !!
والحكومه مانقدر نتعالج فيه يقولون انطري الى ان تحج البقر على قرونها !!
والعلاج بالخارج ماكو الا بالواسطه واللي ماعنده شنو يسوي ؟ نقعد بدون عيال طول عمرنا !!!
والله محد يحس بالنار الا رجل واطيها
اللحين وقفنا مانقدر لا نتعالج ولا شيء كله بسبب هالقروض
وقولوا الحمدلله على العافيه للي تعارضون على الاقل ينزل لكم معاش آخر الشهر​

 

[النية الصافية]

انا مع اسقاط الديون علي المواطنين : انا ادري في ناس مثلنا مدت اريولها علي قد الحافها وقنوعة ولا ويمكن احسن بس في ناس حدتهم ظروف غصب عنهم واقترضو وهذيل الله يكون بعونهم بس اللي علي الفاضي والمليان خذو قروض ليش مو حرام تسقط عنهم الديون يلعبون وبس والناس اللي راعت ونظمت حياتها ولا اخذت قروض ومشت يو فوق ويوم تحت شنو نصيبها من اسقاط الديون جذيه الكل يقول ويه خل ناخذ ويطيحونهم والا حرم نفسة وما اخذ ولا استفاد هذا شنو بكون وضعه المفروض يعطونه مبلغ كحد ادني لاسقاط قروض باقي المواطنين ويشوفون اسكثر سدد قبل وقيمة القروض اللي انتهي وسددها صح والا لا ناس ايه وناس لا؟؟؟؟؟؟؟؟؟؟؟؟؟؟؟؟؟

 

[Q8tya_GirL]

والله صاااااااااااااااااااااااااااااااااااااجه الاخت شهد وقلب الحب
بس صارو لكويتين محد يحب الخيير حق الثاني
بس الواحد شقوووول غير الله كريم

 

[كيكة كاكاو]

صح لسانج النية الصافية


اسمحولي يا بنات اللي تتهمنا بالخيانية واللي تتهمنا بالاناينة ليش جذيه هاذي وجهة نظر وبعدين اذا انا ما عندي قرض ترا اهلنا عندهم بس هاذي وجهة نظري , انا مو ضد الناس المحتاجين اشدعوه !!!!!!!!!

 

[حقانيه]

السلام
أولا: يا ريت كل وحده فينا تعبر عن رأيها من غير اتهامها بأي صفه. ثانيا: أنا مع عدم إسقاط القروض الإستهلاكيه . لأن فيه عدم مساواه بالآخرين. و إعطاء إمتيازات لفئه قليله دون الآخرى. و إذا ما تم إسقاط الديون فهل سيكون هذا قانون يمشي على الكل ؟ يعني بعد كم سنة ستتم المطالبه بإسقاط القروض عن الذين سوف تتراكم عنهم القروض بالمستقبل؟ و إذا رفضت الحكومه هل سيقولون حالنا من حال إللي سبقونا و هكذا يتكرر المسلسل؟

 

[كيكة كاكاو]

صح لسانج حقانيه

:eh_s(9): :eh_s(15): :eh_s(9): :eh_s(15): :eh_s(9): :eh_s(15): :eh_s(9): :eh_s(15): :eh_s(9): :eh_s(15):

 

[ام طلال]

يابنات لازم تفرقون بين اللي اخذ قرض وسافر وفسفس فلوسه وبين اللي اخذ هالقرض عشان يوفر مسكن له ولعياله صح ولاّلأ؟

 

[akuwait]

انا مع اسقاط الديون عن المواطنين مع ان ماعندي قرض بس عندي اسباب
اولا : فك قيد ودين اغلب المسجونين بسبب هذه القروض واعطاء الفرصه لمن تاب منم والسماح للاغلب الاسر بروية الاب او الولد او الام المسجونين بسبب القروض والديون
ثانا : شيل الكاهل الكبير على كثير من المقترضين وهناك تعدد اسباب للقروض فمنهم علشان الزواج ومنهم علشان البناء ومنهم علشان وسيلة نقل ومنهم علشان المتاجرة ولم يكتب له حظ وخسر وهناك الكثيرين واعتقد شفتوهم في برامج عدة عن الاسهم وخسارة المواطنيين
ثالثا : عند مناقشة المديونيات الصعبة لم يقولون هالمديونية لفئة من الشعب والباقي مالهم شي انما قالوا لفك ازمة بعض الاشخاص والغارقين في الديون
رابعا : اموالنا تذهب الى الخارج في عدة امور منها القروض واللي هي بدون فوائد لمعضم الدول ومنها المنح لدول اخرى ومنها ماهو بالقوة او بدافع ارضاء بعض الدول ومنها من لم يسدد ديونه من الدول وتسقط عنه
خامسا : السرقات اللي حصلت في الفائض والاحتياطي وبعض الاموال العامة تكفي ان تغمر المواطن ولو قليل منها لتحسين وضعه
سادسا : بعد الغزو سقطت ديون المواطنين وكان لها وضع خاص ... ولم نقل ايامها احنا لم نقترض او لم تكن علينا ديون فلماذا فئة تاخذ وفئة لاتاخذ ؟
سابعا : تحررت بيوت الكثيريين اما اللذين استلموا يوتهم بعد الغزو مباشرة لم يسقط عنهم شي ... الا تعتقدين انه الكثير منهم قال انا ماني مستفيد من هالمنحة اللي بعد الغزو ؟؟؟؟
ثامنا : تم اسقاط مبلغ 2000 دينار من حساب الكويتيين ولاكن اللي استلم بيته بعد القانون لن يطالة شي ؟؟؟ يعني اللي بيشتري بيت الحين او يطلع له بيت ماراح تسقط عنه المنحه ؟؟؟
وهنالك الكثيير ولكني اختصرت وشكرا للجميع

 

[الغاليه نونو]

خلوني ابشركم يابنات

اليوم بجريدة الراي العام كاتبين ان الحكومه تنظر موضوع اسقاط القروض ويبون يعطون تعويض حق كل اللي ماخذوا قروووض يعني مبدأ العداله راح يتطبق

هذى الكويت صل علي النبي اهيا ديرتنا وفيها اللي نبي
وهيييييييييييييه يالكويت قولوا يالله وراي هيييييييييييييييييه يالكويت

فديت ديرتي والله حتي لومايعطونا شى نحبها نموت فيها ون عطونا يزاهم الله خير بنحبهم اكثر

 

[FOZQ8]

واااااي يا نونو بعد جبدي وايد متفائله

 

[ii DareeN ii]

بناتنا ياحلوين لاتخلون سالفه القروض شغلكم الشاغل الي الله كاتبه بيصير بس لانصير بس القروض القروض ويمكن تصير اشياء ثانيه وتصير سالفه القروض بس شي يلهينا انا مادري ليش الناس تنظر للمدي القريب ليش مايفكرون يطالبون بتعديل الفوايد الي صارت جنونيه في ارتفاعها هذا شي على المدى الطويل يعني بيفيد كل لكويتين مو بس فتره انيه وبتنتهي وبترد القضيه ونقول القروض عمر الكويتي مراح يبطل قروض بس حرام الفوايد الي تصير على ضهره

بعدين بنات مامن خاين كل واحد قاعد يقول وجه نظره والمخالف لاكفر ولا اجرم ولاهو خاين بس مبدا المساواه مو موجود بسقاط القروض عشان جذي حتى النواب مو عارفين اشلون يطرحونه ومو متفقين عليه لو يصير مشروع في عداله صدقوني محد بيرده وهذا الي قاعد ينبحث لان لوتسقط القروض في وايد ناس مراح ترضى وبتصير بلبله بالديره