حوامل سمينات

[حياة ريلي]

صاجه و الله انا لو انسى نفسي اسبوع و ما اوزن ازيد كيلو

 

[حياة ريلي]

اي بس باقيلج شهرين من غير شر شنو ناويه تسوين

 

[لذه السكر]

الله يسهل عليكم يارب

بقولكم تجربتي

انا من السابع بلشت رجيم مو حرمااااااااااااااان لا اكل صحي ووجبات منتظمه كاكاو بطاط عيش خبز بيبسي كله ممنوع ما اكل مرات اكل خبز او شابوره + مشي من نهايه الثامن والحمدلله وزني مازاد وايد


بنفاسي

كنت اكل بس الايدام مع سلطه بس ايدام ايدام عدل
خبز عيش مرقوق قبوط وهالسوالف اكل كميه بسيييطه بوجبه وحده فقط
+ اشرب طبيخه وحط معاها قشر قهوه و شويه زنجبيل حاره والطعم مو شي بس تنزل الدهون
+ بعد كل وجبه كنت امشي بالصالة مدت نص ساعه يعني توتال باليوم ساعه ونص

بس ماشالله ماشالله طلعت سمبتيييك من نفاسي اوالعتب عالعزايم والطلعات عقب النفاس اتفختني وضاع تعبي كلللللللللله

 

[Aloe Vera]

بحاول برمضان ما ازيد اكثر من كيلو و جان زين ما ازيد كلش
راح اكون مسئولة عن الطبخ لاني ساكنة بروحي و زوجي يبي رجيم قاسي برمضان فا ان شاء الله راح اقدر اسوي كنترول
و بعدها بكون بالتاسع ان شاء الله ما ازيد لا كيلو او اقل جذي ماتعديت الحد الطبيعي
و بالنفاس انزل شوي شوي يمديني بدون حرمان طبعاً

 

[Aloe Vera]

انا ما اسوي رياضة ملش و لا امشي بس وايد اتحرك بالبيت و اصعد و انزل الدري
ادري مو كفاية بس انا اخاف لان عندي عنق الرحم يتوسع بسرعة فا اخاف اسوي رياضة

بس اللي اعرفه السباحة و المشي و الحديد وايد زينين للحامل

 

[حياة ريلي]

اذا عنق الرحم عندج قصير حطي بالج . انا وضعي زين بس اني حامل بتوأم يخليني احرص. بس الحمد لله ماشيه زين
ما تفكرين تسوين نظام غذائي ؟
انا احس اني درام لازم اضعف. رغم اني طويله طولي 180 بس وزني المثالي 70-73 و انا 87

 

[7alaty]

تبطئ عظم :


بالنسبة لج وايد زين وزنج بس ديري بالج لازم تتغذين عدل عشان الياهل وخصوصا بالأشهر الاخيرة يحتاج وايد كالسيوم ضروري حبيبتي تشوبين حليب لبن روب مهما صار ضروري تشربينهم وكثري خضراوات خس جرجير وربي يهون عليج

 

[7alaty]

حياة ريلي:

بالنسبة حق اصرارج انج تكونين سمبتيك وايد عجبتيني وحلو الوحدة تهتم بنفسها

نظام نورة عسكر : الأناناس مؤ ممنوع ؟ وعادي تشرب الحامل شاي اخضر ؟

قريت عن تمارينج : انتي من قبل تمارسين الرياضة على طول ؟ لان الحديد مؤ زين لوحدة اول مرة تسوي رياضة


اخر سؤال: يا ليت تكتبين لنا ريجيم محمد ربيعه ؟ وكم كانت الزيادة وقتها ؟ وشنو قال لج من نصايح ؟ وبأي شهر كنتي ؟


ربي يهون عليج حبيبتي وحاولي تزيدين حليب او روب لنظامج

 

[حياة ريلي]

هلا والله حلاتي
الاناناس مو ممنوع حجي حريم ان مو زين بينما بامريكا يقولون حق الحامل اكلي كل يوم كوب اناناس عشان فيه فيتامين سي وايد عالي يمنع الانيميا
ثانيا عن الرياضه اي انا العب رياضه من عشر سنين . و كلامك صحيح ما المفروض وحده طول عمرها ما سوت رياضه تبدي وهي حامل لاسباب كثيييره. اولها انها ما تعرف تسوي التمارين عدل بالتالي ممكن تسبب لنفسها اصابه.
و بالنسبه لنظامي مع ربيع سوي سيرج على موضوعي اسمه : رجيمي انا الحامل البطه

 

[حياة ريلي]

اي و بالنسبه للشاي الاخضر سبب ضرره ان يحتوي على كافيين مثل القهوة و انا عن نفسي من ادري اني حامل اوقف اي شي فيه كافيين لان كلش مضر للبيبي . لذلك انا ما اخذ الشاي الاخضر بس هو موجود بنظامها عشان جذي حطيته.
بعدين لاني اشوف الله خير البنات عادي عندها وهي حامل كل خراب تحط بجسمها ما يهمهم البيبي اهم شي وناستها. قهوة يشربون بيبسي زجاير جنك فود عااااادي ماكو مشاكل !! الله يهديهم

 

[برد ابو الذهب]

هلا كروشات ماشالله ماشالله شهالزين وايد بنات انضمو لنا وكلامهم يشجع ماشالله انا مأساة بعد جم يوم اخلص السادس وزايده 12 تقريبا مو طايقه أشوف روحي حتي بالمنظره؟! رحت لطالب ابي اعرف نوعيه رجيم الحامل وهل فعلا تنزل ولا لا قالي تنزل أكيد وعطاني رجيم عادي مثل رجيماته اللي تارسه المنتدي وأنا ما احب التزم بورقه وقلم فسويت من كيفي تخفيييييييف والاسبوع ماشيه عدل راح اوزن وأبلغكم انشالله نازله ؟! تريقت صمونه حلوم وعصير برتقال وشوي بتغدا بأكل همبوجر مشوي وسلطه وتوست

 

[برد ابو الذهب]

حلاتي وينج وشخبارج

 

[تبطي عظم!]

برد ابو ذهب ان شاء الله مايزيد اكثر حاسه فيج انا خايفه اكثر منج مع اني للحين مو زايده ولا كيلو بس هالشيء مخرعني حييييل

لاني اعرف وحده لي السابع مازادت وبالثلمن والتاسع انفجرت يمكن 14 كيلو

 

[تبطي عظم!]

توني تعشيت

عصير برتقال ليمون

وتوست بر مع جبن المراعي وجبن سلايس وطمام

 

[Aloe Vera]

امبيه انا اليوم مستانسة تغديت خفيف و حليت بسبع تمرات و لبن خالي الدسم

بس للاسف رحت المغرب محل جيلاتيزمو مال الايس كريم امبيه لذيذ وخرتهااااا
باجر الصبح بشوف وزني الله يستر

انا ماحب اكل شي بالليل بس شسوي اضطريت اروح و انا مابي

 

[7alaty]

لذة السكر :

وايد وايد عجبني نظامج بالنفاس وفعلا حلو نؤخر عن الخرابيط ونأكل اكل صحي ونكثر منه

الو فيرا :

ههههههههههههههه حرام عليج ليش تخورينها بالايس كريم !!! بالعافية

حطططططي في بالج ان كله كريم وسكريات ما منها فود ،، دام تبين تضعفين برمضان ضروري تعودين نفسج من الحين انج تكونين حازمة شوي بخياراتج

حطي قدامج سلة فواكه وأخذي منها كل ما مريتي يمها ، وحاولي تمشين ربع ساعه بالصالة شوي شوي وموفقة


حياة ريلي : حبيبتي صح كلامج بالنسبة للشاي الاخضر الحين جاري قراءة موضوعك

برد ابو ذهب :

طيعيني لا تسوين من كيفك دايت التزمي بريجيم طالب اسبوع وشوفي منها: شفتي نتيجته لانه ابخص بحالتج ومنها تعلمني شي اسمه( التزام)


لازم كنترول عالنفس عشان شوي نلتزم

 

[7alaty]

بنات ضروري اذكر نفسي واذكركم :


١- الدايت اللي نسويه الهدف الاساسي منه ضبط الصحة النفسية والجسدية للحامل
٢- نعود انفسنا على الالتزام ونزول الوزن اللي ماله داعي
٣- لا تهلكين نفسج بالدايت وديري بالج يصير معاج هبوط بالضغط لان الحامل طبيعي يكون ضغطها نازل شوي
٤-اللي تخربط فينا وتخورها تكتب اعترافها بنفس اليوم هههههههههه عشان تلاقي التشجيع بدل التحبيط <<<<<<< ما ابي ولا وحدة تنحرج او تخلي هالشي عائق

لان بالنهاية إحنا حوامل النفسية تلعب دور كبير ما نبي مشاعر حرمان ولا ضيق كلنا نحاول وبأذن الله كل وحدة بتقدر تلتزم

 

[7alaty]

برد ابو ذهب : هلابج حبيبتي الحمد لله انا بخير حاشني شوي هبوط الفير فكليت صمونة صغيرة اسمر فيها جبن مالح وعصير مانجا جونيور مال بنتي هههههههه



قمت الظهر كليت صمونة برجر المطاحن داخلها خس وجبن مالح مع شاي وحليب

بعدين شربت شاي

طلعت مطعم والحمدلله قدرت نوعا ما اسوي كنترول :

طلبت سلطة فيها ( جرجير وخس وذرة ودياي وحلوم دبس رمان ) + مسقعه فيها بادنجان ودياي + خبز تنورة خبزة كاملة + عصير ليمون بالنعناع

عن خاطري كليت قفشتين من العيش اخوي كان طالب خذيت شوية بصحني ،

الحين شربت لبن قليل الدسم وحبة كالسيوم


اممممم وايد راضية عن يومي لان الحمدلله ماكو حلويات ولا خرابيط تقريبا

 

[حلااتك حلم]

قوه. ياحلوات


انا قررت اقطع العيش

لان من حملت اتغدا عيش

واحس العيش اهو اللي ينفخني



باجر ان شاء الله. راح ابدي


بخلي ريوقي

جاي حليب. وبقصم. او شابوره


والضحى عصير برتقال


والغدا طبق سلطه خضرا كبير و٢ همبرجر مشوي وربع خبزه


والمغرب جاي قهوه واي شي خفيف بسكوت جذيً



والعشا

توست وجبن





شرايكم؟!٠

 

[حياة ريلي]

سلام يا كروشات
انا للاسف نظام نوره العسكر ما طاح علي. اوصل لي الليل بعدين اتعشى صمون و جبن واكل كاكاو و انام. احس جني قاعده انفج زياده منه !! كلش قليل الاكل بالنظام و انا مو بس حامل لا و بتوم يعني اموت يوع.

المهم دقيت على عيادة هبه بن سلامه و عندي موعد باجر الصبح عندها
عسى ترضى تنزلني لان اكو اخصائيين ما يرضون ينزلون الحامل يقولون ننظم الزياده بس ما نثبت و لا ننزل.

اي و نسيت اقولكم . زدت كيلو