حوامل سمينات

[برد ابو الذهب]

واي انا مالي ويهه أصلا قمه الحوووووووووسه قمه الأجرام قمه الإحباط النفسي بس والله والله من السبت اللي هو باجر والله وحلفت لالتزم !! ياربي مادري اشصاير فيني؟! الحقوني بس اكل

 

[حياة ريلي]

ههههههه برد بو ذهب ميخالف كلنا نخربط و نرد نحاول و نرد نخربط اهم شي تتمين تحاولين لما تلاقين النظام اللي يعججبج و يريحج و تتحملين تمشين عليه. لا تحسين بالذنب لان راح يخليج تتحبطين و تخربطين. جربي كل يوم كتبي شنو تاكلين و تشربين من تقومين من النوم ليما تنامين عشان تعرفين صج شنو قاعده تاكلين و تحاولين تلغين الاشياء اللي مو مهمه و تزيد عالفاضي مثل العصاير و الخرابيط

 

[حياة ريلي]

و حاولي تمشين كل يوم ساعه و شربي ثمان قلاصات ماي غير عن الحليب و الشاي و هالخرابيط

 

[Aloe Vera]

اليوم موعدي مع الدكتورة مالت الحمل بشوف شتعلق على وزني


انا احب انام يوعانه تتوقعون عادي مع الحمل ؟؟ احس الشي الوحيد اللي اقدر اسويه عشان احافظ على وزن معقول

و هم عقب الولادة دايما اضعف جذي اكل عادي بس لازم انام يوعانه عشان اضعف

 

[Aloe Vera]

زايدة ١٠٠ جرام من موعدي اللي طاف قبل ٣ اسابيع
الحين موعدي الياي بعد اسبوعين
ودي ما ازيد عن نص كيلو

الله يقدرنا

 

[تبطي عظم!]

قووه من علق المنتدى مادخلت عليكم

شلوونكم



الاسبوع الي طاف خربطت واجد لان كان عندنا ضيوف من السعوديه


بلشت من اليوم رجيم


ريوقي كان ٤ شرايح توست مع جبن كيري + شاي حليب


غداي بأخره حق بعد شوي بخليه ع الساعه ٤ علشان اتعشى ٧ ومااكون جوعانه ابداً

غداي عادي عيش ودجاج ودقوس طمام

بحط ٧ قفاش عيش مع صدر دجاج مشوي وبعصر عليهم ليموونه وبس


عشاي مفكره بكورن فليكس



ترا رجيمي خربوطه من مخي



وع الساعه ١٠ بليل باكل روب وتفاحه خضرا

 

[حياة ريلي]

تبطي عظم ترا وايد 4 توستات عالريوق ( بالعافيه ان شاء الله) و تردين عيش بعد عالغدا و كورن فليكس عشا وايد يومج كله نشويات.
خلي عشاج بيض عجه بدون دهن و بدون خبز

 

[حياة ريلي]

الو فيرا ما ادري والله اذا تنامين يوعانة عادي ولا لأ . بس احتياط اكليلج طاسة روب قبل النوم او شربي قلاص لبن او حليب

 

[تبطي عظم!]

حياة ريلي


امس مو متعشيه هههههههه بعدين مو اربع توستات اربع شرايح ههههه كل ثنتين حشيتهم جبن وطبقتهم على بعض هههه

لا يروح بالج لبعيد هههههه

اممم بسوي اقتراحج للعشا اجل او يمكن اكنسله واخذلي روب وتفاحه خضراء بس

 

[7alaty]

اشششششششتقت لكم
حياة ريلي لو أموت من التخربط ماراح اكشت بالتجمع

بس النت عندي مؤ شغال والحين عندي اشكثر سسسسوالف هههههههه

 

[7alaty]

الو فيرا / حبيبتي دام انتي تبين تنزلين راح تنزلين بإذن الله ولا تنامين وانتي يوعانهولا تشبعين بنفس الوقت يعني خلي قبل تنامين حليب كوب حار او روب


برد ابو ذهب / عفيه عليج عزززززمي وتولي على الله وابتدي صح إحنا قلنا من البداية نبي التزام ٨٠% يعني لو نلتزم ٤ ايام بالاسبوع تقريبا نكون حققنا الهدف
تذكري ليش دخلتا هالموضوع وفكري بتجهيز النفاس وبعد النفاس بإذن الله حاولي تسترجعين الأفكار الحلوة اللي تبينها

حتى لو خربطتي دشي واكتبي خلي عندك مرجع ترجعين له اذا تبين تحاسبين نفسج



تبطئ عظم / حياج الله حبيبتي نظامج حلو بسسسسس ليش عيش بالغدا ؟ لازم تلغينه لان نسبة النشويات عالية وكثري فواكه واحرصي عالفيتامينات ولااااااااااا تسوين دايت من كيفك لازم المجموعات ال٤ تكون بالنظام القصد مؤ تشبعين بسسس القصد يكون النظام صحي لان فيج ياهل يحتاج التغذية مؤ الشبع


حياة ريلي / أهنيج على الوقوف ضد الحلو بالزوارة هههههههههههه زين تسوين الحلويات اكثر شي ينفخنا وينفخ البيبي على ولا شي ديري بالج وحافظي عالفيتامينات

 

[7alaty]

الحمدلله يا رب

تدرون بنات انا وأيد مستأنسة لما لقيت الموضوع وصل لخمس صفحات

قبل كنت اتمنى ألاقي موضوع بالنت يكون فيه تجمع لعدد من الحوامل عشان استفيد

تخيلي لو بالمستقبل وحدة حامل نفس حالتنا تبي تضعف واستفادت من كلامنا <<<< تخيلوا بس الأجر من الله تعالى !

حبيباتي حاولي تكتبين كل شي استفدتيه عشان يكون لج علم نافع تتركينه بالدنيا وينتفع به وان شاء الله كلكم قد هالشي بخبرات كم اليومية

 

[7alaty]

زيادة الوزن أثناء الحمل - بيبي سنتر آرابيا


بنات بليز الكل يدش على هالرابط لان ما عرفت انسخ الجدول مال كتلة الجسم اللي تعرف تنسخه بالموضوع


كل وحدة ابيها تحسب كتلة الجسم ومنها راح تعرف كم الزيادة المفروض تزيدها بالحمل ؟! وما تزيد اكثر


راح انزل لكم بإذن الله شلون نعرف كتلة الجسم

 

[تبطي عظم!]

بنات شنو نظامكم بالضبط علشان التزم فيه معاكم

صراحه ماعرف بالرجيم شيء اذا بغيت اضعف بس اخفف واقطع الككاويات والحلويات والفطاير

واضعف الحمد لله بس ودي بأكل صحي نصايحكم حبايبي

 

[7alaty]

طµط­ط© ط£ظˆظ† ظ„ط§ظٹظ† : ط­ط³ظ€ط§ط¨ ظƒطھظ„ظ€ط© ط§ظ„ط¬ط³ظ€ظ…

أهني راح تدشين ويحسب لج كتلة الجسم على طول
تدخلين العمر والجنس والوزن والطول وتضغطين على كتلة الجسم



يلا ناطرة النتايج

 

[7alaty]

طبعا تحطون الوزن اللي قبل الحمل

 

[7alaty]

طبعا بالنسبة حق يوم الجمعة امس صارت لخبطات من الغدا

الريوق توست وتركي وجبن وخس وعصير برتقال فريش

الغدا مع الأهل عيش ودياي وروب

العشا كان بمطعم : كبي وشوربة دجاج بالذرة وخبز وربيان سيشوان وسلطة جرجير

بالليل كليت قطعه صغيرة كاكاو ما كملته وكيس بطاط خل وملح وبرتقال سيزر هههههههههه البرتقال بس الفائدة د





اليوم رادة لنظام التغذية :قمت العصر كليت صمونة برجر داخلها جرجير وبيض مسلوق وجبن مالح بزيت زيتون نتفه وكليت معاها نص خيارة وفاكهه حبة مانجا اشتهيتها

الحين اشرب شاي نعناع حدي استكانتين وبشري ٣ فناجين قهوة عربية


طبعا بسبب اللخبطة بألويكند قررت اكمل باقي يومي لين أنام ما يأتي :

لبن الوفرة خالي الدسم
تفاحة
خيارة او جزر مع روب

واذا حسيت باليوع راح اسوي حليب بالهيل خالي الدسم طبعا

 

[7alaty]

انا قست كتلة الجسم طلعت للأسف ٣٥ سمنة :

١- وزني ٩٣ لازم ما اتعدى ال١٠٠ كغ ليوم الولادة بإذن الله
٢- كلمت الدكتورة قالت ممكن انزل وزن عالاقل ٥ كغ وادخل ال٨٠ وتكون الزيادة فقط لين٩٣ تقصد لما أولد يرجع وزني نفس ما كان قبل احمل واللي اساسا يعتبر أوفر

٣- راح ابتدي من بكرة بإذن الله ريجيم وجدان الشمري ( الألياف) كنت ماخذته بحملي الاول ونزلت عليه
٤- موعدي بعد أسبوعين ان شاء الله ماراح اقيس الا بيوم الموعد
٥- بحاول امشي نص ساعه يوم وترك وبعدين أشاور الدكتورة بالمشي يوميا لان احاتي المشيمة

 

[تبطي عظم!]

انا حسبت كتلة الجسم طبيعه = ٢٤.٦

الحمد لله خربطت قبل شوي

بس من باجر راح ابتدي عدل عدل رحت الجمعيه وشريت كذا شغله للرجيم

 

[تبطي عظم!]

نظامي حق باجر


الريوق

كورن فليكس وحليب

الضحى

عصير برتقال فريش

الغدا

غدانا العادي بس بقلل الكميه حييل مع لبن

سناك العصر

فراوله + موزه + عنب


العشا

عصير برتقال ليمون وتوست محمص مع بيضه مفيوحه




شرايكم ترا من مخي هههههههه