حوامل سمينات

[Aloe Vera]

الحين التجمع اليديد مافي احد ؟
انظل هني لين نولد صح؟

 

[Aloe Vera]

اليوم ريوقي شوية عصيدة و حليب بالهيل و الدارسين
و غداي شوي عيش اسمر مع ملوخية
و عيش ابيض صيني بالخضار
حاولت اكل دياي من الملوخية ماقدرت ما اشتهيتهح
و بعدها العصر كليت قطعة كاكاو طول الصبع و الحين ميتة يوع
مادري شنو راح اكل

 

[حياة ريلي]

سناكي حبة معمول فيها 67 سعره من هيلثي سناك و حليب خالي الدسم مع بودر كاكاو غير محلى و شوية دارسين و سبلندا

 

[حياة ريلي]

الوفيرا عادي تبين نكمل هناك قوليلي ننتقل
شعندج متريقه عصيده هذه محاولات توليديه انتحاريه ههههههه

 

[حياة ريلي]

اذا بتنزلين صور من تلفونج اعرف بس من اللابتوب ما اعرف
تلفونج اندرويد ولا ايفون ?

 

[Aloe Vera]

توني تعشيت سلطة فيها خس خيار جزر بقدونس نعناع سماق صوص خل التفاح و قطعتين جبن كيري
و ثلاث قفاش باستا دياي بالكريمة

كان ودي احط نوع جبن احسن بس هذا المتوفر
و الباستا مسوينها حق اليهال و انا اشتهيت و كليت ثلاث قفاش عن خاطري

 

[Aloe Vera]

انا ايفون مو لابتوب

و العصيدة هذي غصب اكلها لاني علمت الطباخة عليها و الحين ابتلشت محد غيري يبي ياكلها

 

[حياة ريلي]

اذا ايفون نزلي برنامج اسمه phupp
و فتحي الصورة فيه و لما يسوي ابلود سوي كوبي حق اللينك اللي بيطلعلج و بعدين دشي عالمنتدى و كتبي الرد اللي تبينه و دوسي الدقمه السادسه من اليسار شكلها مربع اصفر و فيه جبل راح يطلع لج بوكس مكتوب فيه http مسحيه كله و بعدين سوي بيست حق اللينك مالج بالمربع و سوي اوكي وخلاص
اذا ما عرفتي قوليلي و احطلج لنك شرح مصور حق البرنامج

 

[حياة ريلي]

ثلجيها حق بعدين العصيده عادي تثلجينها و بس تطلعينها و تسخنينها بالمايكروويف

 

[Aloe Vera]

مشكورة حياة ريلي
بحاول انزل البرنامج الحين


تصدقين مافكرت اثلج العصيدة !

 

[Aloe Vera]

 

[Aloe Vera]

وناسة نزلت صورة لوووووول

 

[حياة ريلي]

عشاي
روب بالخيار و البقدونس و الكمون و فص ثوم
و ثلاث شرايح اناناس

 

[حياة ريلي]

هههههه الوفيرا عيل اطالبج بصور اكلاتج

 

[Aloe Vera]

اي ان شاء دام عرفت انزل صور بحط اكلاتي

 

[حياة ريلي]

حق القروب اليديد يفيدنا التصوير يعطينا افكار لما نشوف اكلات بعض
احس الوالد مالها خلق تفكر شتاكل. اذكر على بجري من التعب بس اكل بسكوت و اشرب قهوه لا ريوق ولا غدا ولا عشا بس هذا اكلي اللي اييني البيت ينصدم شضعفي صرت عقب ولادتي باسبوعين ثلاثه بس شكلي كان مرررررهق تماما سهر و قلة اكل تخيلي وانا كنت والده قيصرية ونازفه وايد معطيني جيسين دم
هالمرة قاعده اسويلي قائمه من الحين افكار ريوق و غدا و عشا حق شهر كامل بحيث يكون اكل صحي و مغذي و ما يسمن عشان اعلقه عالثلاجه والخادمه كل يوم تعرف شتسويلي لان ان يات و سالتني بقفل واقولها ما ابي شي

 

[Aloe Vera]

صح كلامج لااازم قائمة من الحين

انا جهزت قائمة حق عشر ايام لان هم عندي ريلي و بناتي و سايق و خدامتين ماقدر اعطي قرارات اول الايام و اهي ماتطبخ على كيفها
و قاعدة احاول اعلمها طبخات يديدة
الحين باقي القبوط ماعلمتها كليوم اقول باجر
لان لازم اشتري لحم فرش عشان اثلج القبوط الزايد
و انا ابي احشي القبوط لحم

و باجي اكلات القائمة اكلات طبيعية مو ملوت نفاس
و هم بالانترنت قاعدة اطلع طبخات postpartum
حق الريوق مفنز بالحبوب الكامله و بان كيك بالجزر او الموز او التفاح و كلهم طحين كامل و شوفان
و جذي تعرفين شنو تشترين و تجهزين

انا عندي كمية هائلة من الطحين الابيض
اقدر استفيد منه بطريقة صحية؟
اظيف عليه حبوب الكتان او النخاله او شي و اسوي منه خبز بجهاز الخبر مالي؟؟؟؟

 

[Aloe Vera]

اليوم تريقت شوي عصيدة و حليب هيل و دارسين
و الحمدلله خلصت العصيدة لووول

نسيت اصور الاكل!

غداي دياي بالفرن مع عيش اسمر و سلطة ان شاء الله

و معني امس مايوعت نفسي مجرد تخفيف اكل نزل ٤٠٠ جرام

 

[حياة ريلي]

الطحين الابيض استخدمي حق الحلويات و الكيك انا احطه بالفريزر عشان لا يخترب
او اذا حقكم بتسوين خلطي طحين ابيض مع بران او حبوب كامله يترقع شوي
بالعافيه عليج الريوق والغدا
انا ريوقي تمر و حليب
و غداي بيكون ستيك و خضار سوتيه و شاريو كيل فرش يمييييي بسويه سوتيه مع خبزة سمره

 

[Aloe Vera]

غداي كان مجبوس دياي بالجزر روووووعة من كتاب المطاحن
و سلطة و حبة كيوي