حوامل سمينات

[Aloe Vera]

بعدها كليت شوي كاكاو نتفة مو وايد و نوعية زينة


و الحين كليت ٣ حبات تمر و نص كوب حليب

 

[حياة ريلي]

عووواااااااافي
وهذه صورة غداي

كينوا و ستيك عجل مفيوح و محموس عالناشف بدون دهن و كيل سوتيه و خضار عالبخار.

طبعا هذه صورة القنجه مو اكلي بروحي

 

[حياة ريلي]

خربطت عالعشا اكلت بوري هذه اللي كلها دهن
باجر بحيل الله ما اخربط

 

[حياة ريلي]

وين نلاقي طحين هول جرين لان اليوم بحثت في الفرق بين الطحين الكامل و الحبه الكامله طلع غيييير
يعني طحين المطاحن اللي مكتوب عليه هول ويت ما فيه النخاله ترى بس الحبه اللي داخل اللي يسمونها الاندوسبيرم معاها الجيرم اما الهول جرين يكون البران مع الاندوسبيرم مع الجيرم. و قريت ان تقريبا نصف الفايده بالبران
عيزت تدور ماكو لا بالرحى ولا بمنتجات ارض الطبيعه ولا بالسوبرماركتات
سمعت ان بالسعوديه عندهم يسمونه طحين بر جنه

 

[Aloe Vera]

اي جنة طحين بر موجود بالسعودية
مادري ليش ماعندنا عاد يقولون لذيذ


وًصورة غداج وايد تشوق عليج بالعافية

انا ريوقي كوب حليب هيل و دارسين
و بورج شوفان بالتفاح و الدارسين
ريوقي وايد شتوي بس هذا اللي طلعلي

 

[Aloe Vera]

حليت الشوفان بشوية ميبل سيرب

 

[Aloe Vera]

اذا ماني غلطانة لازم تشترين الحبوب الكاملة و تطحنينهم عندج بالبيت وًفي اجهزة حق طحن الحبوب

 

[Aloe Vera]

الكيل من وين خذيتيه مركز سلطان؟

 

[Aloe Vera]

سناكي مووزة

و غداي في بيت الحمولة كان وايد اشياء و كثرت بصراحة

 

[حياة ريلي]

الوفيرا بالعافيه يوم بالاسبوع ما ياثر
الكيل ريلي لقاه بالفرضه فرش يهبببببل لذيذ

 

[حياة ريلي]

ما عندي مشكله اطحنهم بس وينهم اصلا ما الاقي كامل.. كل شي موجود بس مو كامل

 

[حياة ريلي]

بنتي عمرها سنه و اربع شهور وايد تحب الشوفان و الشعير بس ودي الاقيلها الكامل

 

[Aloe Vera]

ارض الطبيعة يبيعون حبوب كامله شفت عندهم شعير اكيد
و لو تدقين عليهم عندهم خدمة توصيل اشياء مو بالجمعية



اليوم ريوقي توست مع زبدة و مربى بدون سكر و حليب بقهوة الشعير
غداي سلطة و مكرونة بالباشاميل و شوي عيش بالتونة و كانت المفروض اقلل كمية لان البشاميل ثقيله
و توني تعشيت شوية شوفان بالتفاح كمية نتفة كلش


زايد وزني من مراجعتي الاخيرة بالدكتورة قبل ١٠ ايام ٦٠٠ جرام ضاق خلقي
باجر بشوف وزني جم الصبح عالريج لان ما اثق بميزان الدكتورة مع ملابسي و اكون ماكلة و شاربة قبلها!

 

[حياة ريلي]

الوفيرا يمكن زايد لانج قاعده تاكلين كاربز وايد ريوق و غدا و عشا حتى لو بكميه قليله
they add up
توست عالريوق باستا عالغدا و شوفان عالعشا كلهم كاربز

 

[Aloe Vera]

اليوم وزني ٧٧.٤
شكله خلاص هذا راح يكون وزني لحد الولادة ماباقي الا اسبوعين او ثلاث
و عادي متقبلة الوزن
بس خلاص مابيه يزيد و لا ابي اوصل ٧٨ ان شاء الله


اليوم ريوقي توست الشوفان مع مسحة خفيفة زبدة و مربى و حليب بالهيل

غداي ان شاء الله اول تجربة نسوي قبوط و ان شاء الله تنجح

 

[Aloe Vera]

ادري انا وايد اكل كاربز مشكلتي وايد احبهم

 

[حياة ريلي]

انا هذا وزني ازيد نص و يرد ينزل بس انا ما ودي اثبت ودي انزل لو خمسه قبل الولاده اقدر بس مشكلتي التزم اسبوع و الاسبوع اللي عقبه اخربط و ارد و على هالحال
بس الحمد لله حملت وزني اكثر من الحين اعتبر هذا بحد ذلته انجاز
بس تصدقين احاتي البيبيات.. الدكتور كل اسبوعين يطمني انهم وزنهم ممتاز و قاعدين يكبرون بس لان كل الناس تقولي بطنج مو مال توم مال واحد . فبجري كان اصغر من جذي وايد يعني بالنسبه لي هذا حو مال واحد بس ساعات احاتي

 

[حياة ريلي]

من صجج انا امووووت عالكاربز ولا احب الايدام وايد بس اتغصب شسوي ما عندي حل

 

[حياة ريلي]

اليوم ريوقي حليب و سبع تمرات
غداي تونا بالماي مع فلفل و ليمون و سلطة جرجير و شمندر
و الحين اشرب قهوه ديكاف

 

[Aloe Vera]

اهم شي ان بالسونار اوزان البيبيات زينة الحمدلله

و حمدي ربج بطنج مو كبير و مالج شغل بكلام الناس لازم يعلقون
انا كله يقولونلي بطنج صغير و نازل
اكتشفت ان السبب اني طويله طبيعي يبين بطني نازل
بس نعمة البطن الصغير

الحين انا كملت ٣٧ اسبوع و دكتورتي سافرت و ترجع بعد اسبوع ان شاء الله
انا مرة ولدت ٣٨.٥ اسبوع و مرة ٣٩ اسبوع بالضبط
يعني اذا هالمرة نفس الشي تلحق علي ان شاء الله
و انا الحمدلله مو من النوع اللي متعلقة حيل لان جربت من قبل ان الدكتورة ماتلحق عليي و اولد بالطوارئ
عشان جذي جهزت البيرث پلان بس شي بسيط قلت احتياط
Please don't offer me pain medication. I'll request it if I need it.
I would like to avoid an episiotomy.
I prefer not to get oxytocin (Pitocin) after I deliver the placenta unless it's necessary.
I would like to wait until the umbilical cord stops pulsating before it's clamped and cut.
بس هذي هي الخطة بكل بساطة






و بالنسبة حق وزنج بصراحة اهنيج و اباركلج الوزن اللي فيه بصراحة مجهود و لاتضغطين على روحج اللي سويتيه ممتاز