حوامل سمينات

[Aloe Vera]

ريوقي اليوم
خلطة جبن فيتا مع زعتر و خضرة و جم نقطة زيت زيتون مع ربع خبزة سمرة
و نص شريحة كيكة morning glory بس طبعاً مسويتها بالبيت
و كوب جاي حليب


بس بالصورة انا حاطة خبزتين و شريحة كاملة كيك بس كليت نصهم


و الحمدلله نزلت ٤٠٠ جرام و ابي انزل بعد يا رب

 

[Aloe Vera]

غداي ان شاء الله هذا الطبق اذا قدرت امر الجمعية اشتري كزبرة و حليب جوز الهند

Coconut-Curry Lentil Stew Served over Quinoa Recipe - Allrecipes.com

 

[حياة ريلي]

انا اخذ البروتين شيك من جي ان سي
و البروتين شيك يعتبر سبلمنت حق اللي ما ياكل بروتين كفايه
اليوم تريقت بروتين شيك
غداي بيكون دياي مشوي و ملوخيه و سلطه
سناكي بيض مفيوح و المغرب بعد بروتين شيك و العشا بعد بروتين شيك
طبعا نظام يلووووع الجبد لكن ميخالف اجرب هالاسبوعين لين مراجعتي و نشوف النتايج اذا مشى الحال وزادوا زياده حلوة بكمل جذي لي الولاده والله المستعان

 

[حياة ريلي]

جان زين اوصل لي 39 اسبوع نعمه وانا راضيه ايون ٢.٨-٣ كيلو هم نعمه

 

[Aloe Vera]

اليوم الغدا كان وايد الحمدلله و مرق العدس طلع وايد حلو



صج بعرف وين حصلتي الكينوا؟؟
انا خلصت اللي عندي و ابي اشتري زيادة

 

[حياة ريلي]

من منتجات ارض الطبيعه تلاقينه بمركز سلطان و بالرحى و بعض الجمعيات
انا اخذتة من الرحى

 

[حياة ريلي]

عليكم بالعافيه مرق العدس انا احب هالاكله
انا اليوم ماشيه عال العال بس لاعت جبدي من البروتين شيك طعمه موووو حلوووووو وععع احس جنه كله مواد مصنعه طعمه جنه تانج و انا خير شر ما اشرب هالخرابيط يعني لا تانج و لا شربت و لا عصير قواطي ابد ابد فبالنسبه لي طعمه جنه معمل كيماو ي

 

[Aloe Vera]

هذا ريوقي اليوم شريحتين ضعاف توست اسمر و جبنة فيتا مع زعتر و خس و خيار و كوب حليب بالهيل و الزعفران و العسل

 

[Aloe Vera]

و بما اني اليوم بلشت اداوم هذا سناكي
حطيت وايد لان مادري بداوم جم ساعة و عشان اشارك الناس معاي
جزرة و خيارة و تفاحة و ثلاث حبات رطب و قطعتين كيري ماكان عندي غيرة

 

[حياة ريلي]

عوافي على قلبج
غريبه تداومين و انت بنص التاسع

 

[حياة ريلي]

ريوقي بروتين شيك

 

[حياة ريلي]

غداي كان سلطه بس لاني ما كنت يوعانه
العصر اكلت بيضتين مفيوحات
المغربشاي و بقصم من هيلثي سناك
العشا دولكه ثانيه بروتين
الوفيرا وينج لا يكون ولدتي ؟

 

[حياة ريلي]

الو فيرا شكلج ولدتي طمنينا

 

[Aloe Vera]

هههه لا كاني ماولدت


بس اليوم ماكان راضي يفتح معاي المنتدى و لهيت مع الويكند و الزوارة
ريوقي كان عان عادي خبز و لبنة و مربى و حليب ماسويت شي معين
و غداي عند الحمولة هم عادي الاكل المعتاد و وراه كليت كيكة ايسكريم

اليوم مافي تشديد على نظام الاكل
كملت ٣٨ اسبوع و وزني 77.7

 

[Aloe Vera]

تشربين دولكة كامل بروتين شيك؟؟؟

 

[Aloe Vera]

ريوقي الحلو

 

[Aloe Vera]

الساعة ٩ كوب دارسين

و توه من شوي رطب و ماي

 

[حياة ريلي]

عسى دكتورتج ردت ??

طايحتله دارسين اخاف تولدين قبل لا ترد من اجازتها

 

[Aloe Vera]

ههههه


لا الحمدلله المفروض انها ردت امس و باجر موعدي معاها
و من امس و انا صايرة اشرب دارسين و هالسوالف تسلية و لا انا ما احس ان له شغل
و هم اكل رطب بس احس يسويلي حارج مادري طبيعي و لا لا؟
عاد منزمان ماجيكت وزني احس خلاص ماله داعي هههه
و باجر بموعدي ان شاء الله اشوفه عند الدكتورة

 

[حياة ريلي]

ولا انا اقتنع بس الدارسين قريت عنه بقوقل انه صج كثرت هتسوي كنتراكشنز
كتبي cinnamon and pregnancy
و شوفي مع العلم اني اشربه مع الحليب وايد مو ممتنعه عنه
بشرينا عقب مراجعتج