حوامل سمينات

[Aloe Vera]

اليوم وزني زايد ٧٠٠ جرام
يمكن لاني شايفة وزني الصبح مبجر
المهم بعد شوي باذن الله رايحة موعدي و ان شاء الله يكون كلشي زين
عاد اليوم الدوام عطوني شغل يديد ودي اخلصو قبل لا اولد هههه

 

[حياة ريلي]

الوفيرا بشري شلون موعدج ??

 

[حياة ريلي]

واي اليوم سويت تحليل السكر هذا اللي يلوع الجبد يخلونج تشربين مشروب حااااالي يلوووع الجبد

 

[Aloe Vera]

السلام عليكم


امس موعدي الحمدلله كلشي زين
الدكتورة ماعلقت على وزني
و مع الفحص بين الرحم فاتح تقريباً ٢ سانتي و الراس نازل حيل بس عنق الرحم ليلحين سميك
يعني على كلامها ناقصني طلق
فا اتوقع بكمل ٣٩ اسبوع
شكله هالولد مايبي يقلد خواته و ايي مبجر


واليوم شادة حيلي و قاعدة احاول اتحكم باكلي الحمدلله لحد الحين اكلي اليوم زين
و عالساعة ٥ باكل تمر و خلاص هذا عشاي لاني انام مبجر



هذا تحليل السكر استغفر الله غثيث و طعم المحلول جنه خربان محزر
بس بحملي هذا سويته و لا قبل ولا مرة سويته

 

[حياة ريلي]

و يالوفيرا حيلج بالدارسين يلين عنق الرحم جسب ما قرات و سوي تمارين ستريتشنج و اخذيلج شوارات حاره
الفال لي اكمل شهري يا ربببببببب ولادتي الاولى ما شفت من التاسع الا ساعه وحده بس هههههه

 

[Aloe Vera]

انا قاعدة اتمرن على كرة الولادة
و على قولة الدكتورة مع الطلق كلشي يصير
و الدارسين اموت عليه
و سمعت الحلبة بعد تلين عنق الرحم بس هم يقولون تكبر البيبي و انا مابي البيبي يكبر زيادة

 

[حياة ريلي]

شلون تمارينج ؟؟
سمعت عن خلطه اسمها خلطة الحليب لتسهيل الولاده ما جربتها بس يقولون تلين عنق الرحم
حليب و خمس اعواد دارسين و خمس اعواد مسمار و نص استكانة زيت سمسم تفوحينهم و تشربينهم

 

[Aloe Vera]

تماريني مالت الكرة بس اقعد عليها و احرك نفسي يمين يسار او شكل دائري و ساعات اقعد عليها بدل الكرسي مريحة و توسي مساج حق الوروك
وفي تمارين ثانية تلقينها باليوتيوب

 

[Aloe Vera]

ماجربت هالخلطة بصراحة
انا من الله الحمدلله ولاداتي سهالات و سريعة لله الحمد
من غير ما اسوي شي غير اني اكل تمر بشكل شبه يومي ووايد ادعي ربي و استغفر و تفكيري ايجابي و متفائلة

 

[Aloe Vera]

اليوم ماشربت دارسين و لا اكلت تمر و لا شفت وزني
احاول باجر باجران شاء الله

 

[حياة ريلي]

الوفيرا الله يسهل ولادتج يا رب

 

[Aloe Vera]

وزني اليوم شفته 77.6
طبعاً وصلنا الخط الاحمر
يا رب ما ازيد اكثر


و شربت كوب دارسين يميي لذيييذ

 

[Aloe Vera]

حياة ريلي


آميييين يا رب و يسهل عليج

 

[Aloe Vera]

حياة ريلي


كلش مالج حس
عسى ما شر

 

[حياة ريلي]

هلا والله لا حبيبتي ما شر ب سبنتي شويه مريضه و لاهيه معاها و داومت بعد
اليوم رحت مراجعتي هذا هو وزني ما زدت شي و البيبيات الحمد لله زايدين كل واحد نص كيلو
طبعا مستمره بنظام ياكل خفيف و اشرب بروتين

 

[حياة ريلي]

الوفيرا شكلج ولدتي الله يقومج بالسلامه طمنيني

 

[Aloe Vera]

الحمدلله ولدت و لحقت عالتاريخ الحلو ١٣-٩-٢٠١٣ هههه و كانت ولادة بدون ادوية طول الطلق
كانو حاطين لي درب عادي مافيه مسكن
و و لحد طلعة الراس كلشي كان طبيعي بس احتجت شق بسيط بسبب التضييج اللي سويته بولادتي اللي طافت و لا الباجي كله صار drug free
و الحمدلله مو متحسفة عالتجربة
تفاصيل قصة ولادتي مكتوبة بالتجمع
http://www.q8yat.com/t1111625-1145.html


و عالوزن انا بطلت اتابع وزني من وصلت نص التاسع بس باخر مراجعة قبل لا اولد ب٣ ايام قالت الدكتورة نازلة نص كيلو
و باجر ان شاء الله الصبح بشوف جم صار وزني
اتوقع كالعادة ما انزل اكثر من ٤ كيلو

 

[Aloe Vera]

امبيه نزلت من وزني بس ٤ كيلو بالولادة
لووووول

كلمرة جذي ٤ كيلو مو اكثر


وحدة قالتلي بتنزلين ١٠ كيلو عالاقل شي اكيد

قلتلها مستحيل اعرف نفسي مو اكثر من ٤ كيلو

و طلع صح ٤ كيلو هههه

 

[Aloe Vera]

الحمدلله نزلت ٢ كيلو زيادة
الحمدلله باقيلي ١٠ كيلو
انا اليوم عاشر يوم نفاس
ناطرة الويك اند ابي اطلع اغير جو
صج اني امر بيت حمولتي مرتين اسلم عليهم بس ما اطول
و مرتين رحت المستشفى احس وناسة اني طلعت من البيت ههههه

 

[Aloe Vera]

حياة ريلي


وينج غاطة
دشي عطيني اخبارج و اخبار الحمل و الوزن