حوامل سمينات

[حياة ريلي]

هههههههه الوفيرا الحمد لله عالسلامه و مبروك ما ياج
الحين بدش اقرا قصة ولادتج

 

[حياة ريلي]

واو خوش قصه مشجعه
انا امس اتفقت مع دولا اسمها صوفيا
اتمنى ما يشقون تحت اخر مرة كلمت دكتوري ما كان متقبل الفكره بس هالمرة راح اصر عليه
المشكله انه مو وايد اوبن مايندد رغم انه كان يشتغل ببريطانيا و عايش هناك و عنده الجنسيه
بس لما اكلمه بالدراسات ما يقتنع

 

[حياة ريلي]

سؤال الشق اللي سوته جم غرزه و داخل ولا بس بره

 

[Aloe Vera]

الشق الدكتورة قالت شي بسيط بس مادري شنو يعني جم غرزة و مادري اذا في من داخل لان اللي احس فيهم من بره
و هذي صوفيا شنو جنسيتها و من وين حصلتيها؟


اذا دكتورتج مو مقتنع بعدم الشق احتمال يشق
بس اختي ولدها دكتور ما تعرفه و مو متفقه معاه و ماشقها لان كان عندها بيرث پلان و دولا

 

[حياة ريلي]

صوفيا مع سوزانا و في دولا ثالثه بعد ما ادري شسمها
صوفيا اعتقد امريكيه بس شكلها جنها عربيه هههههه ما ادري
باجر موعدي معاها الصبح
اليوم موعد مراجعتي و برد افتح الموضوع مرة ثانيه

 

[Aloe Vera]

اي عاد قوليلي شنو صار

و تدرين مو كلشي تسويه الدولا ممكن يعجبج
انا امي سوتلي من الاشياء اللي سوتهم سوزانا حق اختي بس ما ارتحت و قلتلها توقف
اكثر شي ريحني اهو الهدوء
و ان امي تذكرتني بتمارين التنفس
و لمن كانت امي تقرا على راسي قرآن وقت طلعة الراس
و اسمع زوجي يرتل القرآن من ورا الستارة شعور حلو

 

[حياة ريلي]

اي صاجه مو كل شي مريح حق كل وحده حسب نوع الطلق و حسب الوحده شنو يضايقها
بالنسبه للدكتور كلمته اليوم عن الشق و اتفقنا ان بيحاول يتجنبه بس قالي اذا اضطريت اشق راح اشق واحاول ما اشق وايد
اعتقد اني راضيه بهالاتفاق
اوزان البيبيات حوال كيلوين كل واحد فيهم
وزني زاد نص كيلو و كل شي طبيعي الحمد لله

 

[Aloe Vera]

ماشاء الله اوزانكم حلوة


انتي وصلتي اي اسبوع الحين ؟

و اتفاقج مع الدكتور زين
انا هذا كان اتفاقي مع دكتورتي
و حاولت توسع و وقت طلعه الراس بس تقول العضلة مو راضية تتوسع زيادة
بس الحمدلله ماتعبت من الخياط
ودي باجر اشوف وزني



صاير ريوقي بيضتين سكرامبل بالبصل و الفلفل الاسود مع عصيدة فيها رشاد و حبه سودة و حلبة و دارسين وكوب حليب بالهيل و الزنجبيل
و اتغدى عادي
و ساعات اكل سلطة فواكهه بين الوجبات
وعشاي جاي اعشاب حسب المزاج مع تمرة النفاس انا مسويتها بنفسي قبل لا اولد و خليتها بالثلاجة وايد لذيذة فيها زبدة هههه و اسخنها قبل لا اكلها و احسها تمشي البطن
يمكن باجر اشوف وزني اذا صار لي خلق

 

[حياة ريلي]

انا الحين 33 اسبوع باقي اقل من ثلاث اسابيع وادش التاسع

 

[Aloe Vera]

ماشاء الله


حسافة ماشفت وزني
بس بطني وايد تغير اقصد خف الانتفاخ راح بس باقي طبقة شحم
و قاعدة ارضع طبيعي بدون صناعي و ان شاء الله هالشي يساعد اني احرق دهون اسرع

 

[حياة ريلي]

انا اتريق توستتين مع عسل و زبده شويه او اول بران جذي اشياء يعني ريوق عادي مع شاي
اتغدى اكل البيت بس ما اكثر و ما اكل شي لي العشا لاني ما ايوع و عشاي ساعات بيض و خبز او بطاطا حلوة او سندويش شيكن فيليه انا ااسويه بالبيت اتبل صدور دياي و اسويه ما احب الجاهز
و اشرب وايد ماااااااي طول اليوم اشرب ماي واكل قلاصات ثلج ههههههههه
الدولا ما يات اليوم لانها مريضه و تخاف تعاديني

 

[Aloe Vera]

وي حسافة مايات الدولا

اذا يات قوليلي شتقول


و عالريوق انا عندي هالعصيدة صارلي جم يوم اكل فيها ههههه مليت
كنت اول اسبوع اكل حسو يايبينه لي نقصة
طعمه حلو بس غريب و انا اول مرة اكل حسو مو نوعي هالسوالف




صج الحلبة تعرفين جم يوم و شكثر و شلون تنوخذ؟؟؟؟

 

[حياة ريلي]

سمعت بس اول عشر ايام بس اذا ترضعين يتراوالي عادي
تنوخذ مغليه او مع الحليب لا تلهمينها تتفخ البطن

 

[حياة ريلي]

الحسو انا استخدمه بالعصيده بس الحسو حسو ما عمري جربته ولا اعرف طعمه .. ولا فاهمه شتو هو . بس كافي ان في دهن عداني عشان اكرهه

 

[Aloe Vera]

انا اللي اعرفه الحلبة تدر الحليب
و بعدين في جناسي اتوقع الهنود او السيلانيين علطول يحطون الحلبة باكلهم تعتبر من بهاراتهم فا ماتوقع تضر لو اكل منها اكثر من عشر ايام
انا حالياً افوح الحلبة مع الحليب بالهيل و العسل

و الحسو اللي يابو لي اياه جنه عصيدة بس في بصل و زنجبيل و وايد رشاد و فلفل اسود
نكهته وايد مميزة اعجبتني
بس مادري اذا فيه دهن عداني بصراحة


اليوم شفت وزني الحمدلله نازله كيلو زيادة

 

[حياة ريلي]

شوفي صراحه انا ما اقتنع وايد بسوالف هذه تخرب الرحم و هذه تطيح الرحم و خربانه و هالسوالف.. الحلبه فعلا مدره للحليب حتى في حبوب حلبه يبيعونهم بالصيدليه
اليوم ياتني الدولا و يابت اغراضها ورتني اياهم مثل زيت المساج و الكره و الكمادات و هالامور.. و قعدت معاي ساعتين بالبيت راجعنا العقد و دفعت العربون و سوينا البيرث بلان و خذت لها طله على بيتي عشان تتعرف على المتوفر و شنو تحتاج تييب معاها .. و عطتني نصايح شسوي هالايام من قرفصاء و هالامور و تمارين تنفس. و استفسرت عن طبيعتي في التعامل مع الالم و شنو افضل حزة اللي احس بعوار و كانت جلسه طويييييله و استانست اني اتخذت القرار بالاستعانه فيها

 

[Aloe Vera]

حياة ريلي


انا بعد مو مقتنعة بخراب الرحم و مادري شنو
اخذ هالاعشاب لانها زينه بشكل عام حق الصحة

و مبروك عالدولا
يا رب تكون تجربتج معاها حلوة

 

[حياة ريلي]

ان شاء الله .. ادش شهري يوم الوقفه باذن الله
احس الايام مو راضيه تمر كل يوم ادعي اني ادش شهري و اخذ منه شوية

 

[Aloe Vera]

الحمدلله
اهم شي انج عديتي الاشهر الاولى و الوسطي و الله يتمم عليج لي التاسع

 

[حياة ريلي]

شلون ولدج عسى مو ماذيج
شنو سميتيه