السلام عليكم شوفي حياتي بالنسبه ليوسف فهو كان طفل فعلا ما يحس بلي عنده ويمه وكان مايلعب مع الطفال مو عدواني بس خلينا انقول ان كانت عنده كل صفات التوحد طبعا مثل اي ام رفضت اني اعترف بان في شي هذا قبل لا يشخص من التطوري -صار عمره ثلاث ونص ودخل الروضه وكنت وايد متخوفه وجاني الرد منهم ان ما ينفع بالروضه طبعا كانو يعاملونه تعرفين التربيه عندنا لمثل هالحالات طبعا كان يبوس ايدي ويبكي مايبي يروح الروضه ولا اني استلمه منهم نايم وديته التطوري وسوو له اختبار وقالو ان نسبة الذكاء ماتتعدى 40بالمئه مع ان كان يلعب بلاي استيشن ويفتح الكمبيوتر وطبع ويصور لكن مايتكلم ولا يرد على من يناديهالحاصل دخلته مركز الكويت للتوحد وكان عندهم من ابدع ما يكون ومن اول يوم ما يبي يرد البيت وما يبي يغيب هذا بنفس السنه مع الوقت بدا يلعب شوي شوي مع عيال خالاته وعمامه وما وقفت مراجعات بالتطوري وكل سنه يكون احسن من اللي قبلهاالعام الي طاف قال الدكتور واصر على ان يطلع من المركز ويتعلم وياخذ شهاده وديته عند اخصائيه كانت جايه الكويت بزياره وقالت ان الولد ما عنده توحد وان في وايد معلومات بمخه مو مرتبه لازم تترتب ويبيله جلسات تركيز ونق لان بعض الكلمات ثقيله عنده يقولون ان التوحد ما يطلع من الانسان يمكن ساعات تيييله ان يدور حوالين نفسه بس ابلاته والكل يشهد له ان هالولد عندهادراك كبير للي حواليه من امور الحياه حتى ان مدرسته طلبت مني تسجيله بمدرسه ووديته وسوو له تقييم وراح يدخل في فصول الدمج الاول ابتدائي السنه القادمه ان شاء الله شلي تنصحيني اسوي له الحين عمره ثمن سنوات وسبعة اشهر:bbbiu:انصحيني اتابع بالتطوري علما بان ماحطوله مراجعه ةلا ويييين اوديه على اساس التركيزاسفه على الاطاله مانا ماو وديته للدكتوره عبير
حياج الله أختي مشاعل .. أتوقع ولدج مار علي أو يمكن أنا درسته بعد
ومن كلامج واضح إنه تطور وايد في مركز التوحد لله الحمد .. والمركز كل كورس يحطون خطة تدريبيه فردية للطالب باجتماع مع الأهل .. إذا تقدرين تعطيني معلومات عن خطته الفرديه علشان أعرف مستوى الأنشطه إللي كان ياخذها أقدر أقدر أكثر ..
وممكن يكون عنده صفات توحد .. وعلى فكره .. التوحد مثل البصمه يختلف من فرد لآخر ويقال إن ( بل غيتس ) أيضا كان فيه توحد
فأحيانا تشخيص التوحد يكون فعلا صعب التحديد .. وشي ممتاز إنه يدخل فصول الدمج وبياخذ شهاده .. لكن مسألة الدوران حوالين نفسه ينفردون فيها الأطفال المصابين بالتوحد لأنه يعطي نوع من الهدوء والاستقرار لأجهزتهم العصبية ( هذا للتوضيح فقط )
وطبعا من أفيد الجلسات إللي تكسب الطفل عدة مهارات إهي جلسات التواصل والتخاطب .. إذا تقدرين تعطينه جلسات تخاطب وتواصل بالإستعانة بدكتور بشد على إيدج وبقولج كملي مشوارج ولا توقفين حبيبتي ..
يعني .. خليه يداوم في فصول الدمج بالإضافة إلى جلسات التخاطب والتواصل على الأقل مرتين كل إسبوع .
وعلى فكرة .. عيالنا بمركز التوحد كانوا عباقرة تره
التوحد أحيانا يكون مصحوب في إعاقات ثانية كالتخلف مثلا وأحيانا يكون مصاحب لمواهب وذكاء خارق
عشان جذي أقولج صعب جدا إن الواحد يجزم في تشخيص إعاقة التوحد لأن ساعات تشوفين الطفل يسوي حركات غريبه مثل التحذف والدوران والبكاء والضحك بدون سبب وأحيانا تشوفينه لما يستخدم الأدوات إللي يحبها يتقن استخدامها أكثر من البالغين ...
وحياج الله مرة ثانيه .. وأي استفسار أنا جاهزة حبيبتي :33_1185028183:
