خاص بأطفال التوحد

[ناني سيكرتس]

شوفي اذا ولدي قدراته عاليه فهذا بفضل الحضانه الانجليزيه مو روضة الحكومه, تدرين الانجليز شغلهم مضبوط حيل وبالهم وايد طويل مع اليهال بعكس الروضه الي من دروا ان الولد فيه بطئ تعلم مو توحد لاني ما قلت لهم قالولي خليه بالبيت لان احنا مو قادرين عليه, وتخيلي هالكلام اشوه انه باخر السنه صار يعني باخر 3اسابيع من التخرج.. :eh_s(14):

يالله الحمد لله على اية حال, انا عشان جذيه ابيه يروح مدرسه خاصه انجليزيه عشان الولد بتعلم عدل ما ابي الحكومه كلش ملش..

 

[ريحانة_14]

الله يزيد النعمة على روضات الحكومة
بس لنا لقاءات يا ناني

وأنا بانتظارج ياقلبي

 

[ريحانة_14]

بانتظارج يا كرزه

 

[زيـنـه]

الموضوع روعه

مشكوره ريحانه على مجهودج الله يجعله في ميزان حسناتج يا رب العالمين .

ما تدرين شكثر ممكن يستفيدون من خبرتج .

يعطيج الصحه و العافيه .

 

[ريحانة_14]

العفو حبيبتي زينة

ومشكورة عالمرور والكلمات إللي أسعدتني

 

[xxx]

مشكووووووورة

الله يعطيج العافية

 

[wathoo7a]

ريحانه مشكوره وايد وايد و الله يكثر من أمثالج أنا ودي بأي دوره تساعدني بالتعامل مع ولدي عمره 3 سنوات و نصف و فيه سمات توحديه و ليمن وديته الدكتوره فاطمه إكتبتلي بالتقرير رقم 28 بالتوحد شنو يعني؟ و بعدين ودي أركز على سالفة النطق لأنه يتكلم كلمات معدوده بس و عنده فرط نشاط عالي وين أحصل معاجين نطق خاصيين؟ ومتى تبدي دورتج؟ أنا وااايد متحمسه و مستانسه و جزاج الله كل خير

 

[ناني سيكرتس]

مبروك عالتثبيت ريحانه, تستاهلين لان الموضوع مهم للغايه..
الحين الكل يقدر يستفيد من خبرتج كمعلمه بهالموضوع, وخبرات البنات كامهات بموضوع ايمان, والي تبي معلومات راح يكونون الموضوعين جدام عيونها من غير ما ندور ونحوس عليهم ..

 

[Emanova]

بروك عالتثبيت

 

[القرآن ربيع قلبي]

الف مبروك على التثبيت وجزاج الله خير على مجهودج

 

[ريحانة_14]

ناني سيكرتس / إيمانوفا / القرآن ربيع قلبي

الله يبارك فيكم حبيبات قلبي .. تصدقون اليوم قاعده أدور عالموضوع وأحوس بين صفحات ركن التربيه والطفل لين وصلت لي الصفحه الرابعه وأقول بقلبي وين إختفى الموضوع

يوم أشوف والا مثبت لووووووووووول

إن شالله تفيدوني وأفيدكم يابنات وإتفقوا على موعد الدورة بإجتماعكم لأنكم بتتلاقون وعطوني خبر .. وأفضل بعد تاريخ 26/6 عشان علما نخلص إمتحانات الثانوية العامه

==============

حبيبتي وضوحة ..

على طاري موضوع الدورة ياريت تتواصلين مع البنات وتتفقون متى تبونها وأنا بالخدمه .. وراح نسوي فيها تطبيقات عملية إن شالله .. يعني نييب الوسائل وكل وحده فيكم بخليها تسوي أنشطه حق ولدها على حسب مستواه وقدراته والأهداف إللي تبيها .. وراح أعلمكم إن شالله أسس التدريب وطريقة جلسات تدريب الطفل التوحدي وبعض طرق التعامل مع سلوكيات الطفل التوحدي


أما بخصوص النشاط الزايد حبوبة .. أبي أسأل .. هل إنتي متبعة نظام الحمية الخاليه من الكازيين حق ولدج ؟؟

لأن بعض أطفال التوحد يحتاجون هالنوع من الحمية لأن منتجات القمح والحليب تسببلهم النشاط الزائد والحركة المفرطة

والبعض منهم ما يحتاج إلا إنج تقطعين عنه البيبسي والشكولاته مثل الأطفال الأسوياء وأنصحج تشترينله ترامبولين وحوض سباحه صغير على قده حبيبي .. علشان أي نشاط زايد يفرغه في المناقز على الترامبولين وفي حوض السباحة ..

بالإضافة إلى أن الطفل التوحدي لازم يكون في تنظيم في حياته .. وحياته تمشي على حسب مواعيد محدده ومنظمة وراح أعلمكم إن شالله شلون بالدورة ..

أما بخصوص جلسات النطق والتواصل أيضا راح نتكلم عنها بالدورة لأنج على حسب مستواه لازم تحطين له برنامج وخطه تناسبه تمشين عليها بتدريبه على نطق الكلمات .. بالبدايه طبعا كلمات فقط .. لين تشوفينه مستواه يرتفع تعلمينه جملة إسمية من كلمتين .. وتالي تتدرجين معاه إلى الجملة الفعليه .. والأفعال إللي يحتاجها في حياته اليومية


وراح يتحسن إن شالله مستواه وااااااايد مع التدريب ..


بس بنات أهم شي ياريت تتفقون كلكم على موعد الدورة ووين تبونها .. أنا أفضل عندي بالبيت علشان أدواتي وشغلي كله عندي .. بس إذا تحبون مكان ثاني ماعندي أي مانع بس نبي مكان ينفع حق الشغل ماشي

إتفقوا بسرعه وبلغوني يا أمهات


أختكم

ريحانة_14

 

[ro3ah]

انا اخوي عمره 16 سنه توحدي بس مايتكلم ودي نتحكم بسلوكه بس موقادرين اا يبي شي ومافهمتيه او ماعطيتيه يعصب
ويطق ومشالله عليه ايده ثقيله او انه يطق روحه وهالشي وايد مكدر امي مسكينه شلون نتحكم بسلوكه !!
وصراحه يحز بالخاطر ان الدوله مومهتمه فيهم عدل تقط فلوسنا وخيرنا برا وعيالنا مايسون لهم شي كلا مافي ميزانيه !!
اول كان بدرسه التوحد الي بالروضه بعدين المديره ماتبيه تقول سلوكه صعب !! زين انتو المدرسه ليش موجوده موعشان تصلحون سلوكه وتعلمونه شلون!! وقالتها اشكره انها تبي الحالات السهله والي يبين فيها نتيجه عشان تنسب لها وللمدرسه !! المشكله ان الله باليها في بنتها وهم ماتخاف الله بعيال الناس !!
والمدارس الخاصه الي بحولي اخوي فيها الحين كل مامر ابوي ياخذ اخوي يلقاه قاعد بالالعاب مع مالوت التنظيف !! يعني احنا يايبينه عشان يقطونه بالهشموس ومع واحد مايدري ولايعرف شلون يتعامل مع هالحالات !! شي يحر الصراحه
سوري طولتها واهيا قصيره بس من الحره شسوي

 

[wathoo7a]

ريحانه مشكووره على الجهد و الوقت اللي قاعده تبذلينه حق كل وحده و بالنسبه للنظام الحميه صراحه ما أسويله لأنه أحس إن القمح والحليب مهمين حق النمو و ولدي معدته حساسه ما ياكل أي أكل وايد متعبني عايش على النشويات(العيش و المعكرونه) و أي أكل غريب يرجع بس ماعندي مانع أحاول أغير شوي من نظامه الغذائي بمساعدتج و الدوره أنا مع البنات أي وقت يبون يعطونه خبر و مشكوريين على التواصل

 

[wathoo7a]

بناات متى بتتلاقوون؟ ممكن تقولولي؟و متى نحدد وقت الدوره؟

 

[Emanova]

انا اخوي عمره 16 سنه توحدي بس مايتكلم ودي نتحكم بسلوكه بس موقادرين اا يبي شي ومافهمتيه او ماعطيتيه يعصب
ويطق ومشالله عليه ايده ثقيله او انه يطق روحه وهالشي وايد مكدر امي مسكينه شلون نتحكم بسلوكه !!
وصراحه يحز بالخاطر ان الدوله مومهتمه فيهم عدل تقط فلوسنا وخيرنا برا وعيالنا مايسون لهم شي كلا مافي ميزانيه !!
اول كان بدرسه التوحد الي بالروضه بعدين المديره ماتبيه تقول سلوكه صعب !! زين انتو المدرسه ليش موجوده موعشان تصلحون سلوكه وتعلمونه شلون!! وقالتها اشكره انها تبي الحالات السهله والي يبين فيها نتيجه عشان تنسب لها وللمدرسه !! المشكله ان الله باليها في بنتها وهم ماتخاف الله بعيال الناس !!
والمدارس الخاصه الي بحولي اخوي فيها الحين كل مامر ابوي ياخذ اخوي يلقاه قاعد بالالعاب مع مالوت التنظيف !! يعني احنا يايبينه عشان يقطونه بالهشموس ومع واحد مايدري ولايعرف شلون يتعامل مع هالحالات !! شي يحر الصراحه
سوري طولتها واهيا قصيره بس من الحره شسوي

جربتوا مدرسه التربيه النوذجيه في شرق؟ او مدرسه خليفه اللي في السالميه ورا ليلى جاليري...

و ليش المديره ما تبيه ( قولي لنا يا ريحانه )

 

[ريحانة_14]

حبيبتي روعه : فعلا في حالات عجزنا معاها لكن كنا نعترض على المركز لما يرفضها .. بس أحب أعرف إسم أخوج ياريت تقولينلي إسمه عالخاص وعند أي مدرس أو مدرسة كان ... أختي روعه فعلا كنا نتعب مع الطلبه لكن أحيانا مو دايما .. نشوف إن الولد حالته صعبه شوي .. والأهل غير متعاونين وكأنهم يبون إن يكون عندنا عصاية سحرية وبسرعه كل شي يتصلح في الولد .. هالقدرة مو موجوده عندنا ... لكن بعرف أخوج منو بالضبط .. 100% مار علي

ومدارس حولي إننننننننننننننسي يسوون شي معاه أو إنهم ينتجون مع الطالب .. يستلمون معاشاتهم آخر الشهر بدن شغل .. خذيها مني ..

وعندي بشرى سارة لج إنتي بس لأن أخوج أكبر من عمر 15 سنة أقولها لج بالخاص بس دعواتج لنا بالتعجيل

===================

وضوحة .. إذا تعتقدين بأهمية القمح والحليب حق نمو طفلج ( ومعاج حق بهالشي ) عيل قطعي عنه البيبسي وبدليه بالعصير .. وقطعي عنه الشكولاته .. لأن البيبسي والشكولاته تزيد من نشاطه حيييييييييييل ... وإذا عندج حوش وإحنا الحين صيف حطيله حوض سباحه صغير بتشوفينه يسبح يفرغ طاقته في السباحه أو (النطاطية) الترامبولين يناقز عليها لأنها هم تفرغ الطاقه .. وتقوي عضلاته الجسدية

=====================

إيمانوفا .. إتفقتوا والا بعد ؟؟ إتفقوا خل أزهب وأجهز حق الدورة ( المجاااااااااانيه ) لوووووووووووووووووول

وبعدين لا تزلغين وايرات مع ويهج

 

[Emanova]

[


إيمانوفا .. إتفقتوا والا بعد ؟؟ إتفقوا خل أزهب وأجهز حق الدورة ( المجاااااااااانيه ) لوووووووووووووووووول

وبعدين لا تزلغين وايرات مع ويهج [/quote]


ويهي حلو يا ريحانه بالايمان و الصبر.... و انا كنت ابيج اتعرفين انا قي وايد ناس عندهم قصص و روايات من المركز ... بس مثل ما قلت لج من قبل الغرقان مو مثل اللي بالسفينه و ان شاءالله ما يبليج و لا احد من حبايبج

و اذا ما تبين الدوره مجانيه ... هذا من حقك لان تعبج .... و ا يكرم بخيل يا ريحانه

 

[ريحانة_14]

أكييييييييييييد ويهج حلو ومنور بعد مثل كلامج بعد قلبي

وانا عارفة بقصص وروايات وحواديت المركز من غير ما تقولين ياقلبي

انا للأسف ما طلعت من فراغ .. للأسف نشتغل ليل نهار .. بالمركز وبره المركز .. نهمل بيوتنا وعيالنا ورياييلنا وآخر شي نطلع مقصرين ومو ياي بالعين ... الحمدلله رب العالمين الواحد ما يحتاج غير كلمة طيبه تطيب خاطره وتعطيه دفعه قوية علشان ينجز مع هالأطفال والأجر الثواب على رب العالمين .. لكن لما تنزفين يوميا بنهاية دوامج وإنتي طوووول اليوم واقفة على حيلج ويطلعلج دوالي بريولج من سياستهم السيئة مع المعلمين .. والا حامل ومشيمتج تنزل من الوقفه والا تنزفين من الحركة الزايدة وآخرتها مافي تقدير وإن قلتي كلمة الحق تطلعين إنسانة غير محترمة ولسانج طويل وتتطاولين على مسؤولتج شتقولين ؟؟؟؟

والا لما يوقفون بوه مستقبلج وتوصين وتقولين ياجماعه أنا بانتظار نشرات الماجستير والدبلوم والتفرغ الدراسي من الوزارة بلغوني فيها وبس توصلهم يقمتونها والا يورونج ياها عقب مايطوف وقت التقديم شتسوين ؟؟؟

أنا والله الشاهد علي قلبي كان متعلق باليهال .. وبس تصير العطله بالصيف أحلم فيهم يوميا وما أخليهم حتى بالصيف أتزاور معاهم أروح بيوتهم وآخذهم وأطلع مع رفيجاتي نوديهم البحر والمجمعات وألعاب إحنا وجداولنا وصورنا ولوحات التواصل معانا بعد لووووووووول

وطبعا لازم وقت طلعاتنا من وره المركز نلبس كلنا جواتي رياضة عزج الله لأن ندري فيهم بينحاشون .. مرة بسوق شرق بنتي انحاشت وأنا ورفيجتي ركككككككككككضضضضضضضضضضضضضض ومشاوط وراها لووووووووووووووووووووول شكلنا حد مسخرة .. بس الصراحه قمممممممة المتعه

كنا نسوي إجتماعات لأن عندنا مشروع كبير أنا ورفيجاتي شغالين عليه وطبعا عيالنا معانا .. ( معاقين وتوحديين ) والناس تمشي وتتطمش علينا وتشوف شنسوي معاهم .. وحنا بس نشوف واحد مبحلق عيونه فيها نعزمه ويانا .. وبالأخص سوق شرق تعودوا علينا وعرفونا وبس نروحلهم يفضونلنا الكافيه بس حقنا إحنا وعيالنا

والحين الصيف ياي فبنحطلهم إن شالله برنامج مكثف زوارات وطلعات وورشة عمل ديكوباج مبسطه لهم ... هذي تفاصيلها بعدين إن شالله لما أتلاقى فيكم

أما بالنسبة حق دورتكم بالغاليه فمجاااااانية وطالعه من القلب ... ومااااااااااا أبي منكم غير شغلة وحده مشروطة :

دعوة بالتوفيق لي ولزوجي وعيالي إذا استفدتوا شي من الدورة

 

[wathoo7a]

ليش مجانيه ريحانه؟ ميخالف رسوم حتى لو رمزيه هذا تعبج ووقتج و أنا عن نفسي أفضلها برسوم و لاتخافين إبندعيلج بالرسوم و بدونها وبالنسبه لمذكرة ماكتون متأكده إنها برعاية المعاقين؟ وشلوون الطريقة بس أدش و أطلبها؟ جزاج الله عنا كل خير

 

[ريمه الكويت]

مشكوره حبيبتي ماقصرتي الله يجزيج خير على مجهودج