خالتج نفس امج ؟

[ام خدود ورديه]

السلام عليكم


بنات انا وايد استغرب من البنات اللي يقولون ام ريلج بحسبة امج
سوري بس على اي أساس انها نفس امي ؟ ربتني سهرت علي حملت فيني ؟؟
اذا بتقولون عن كبر السن الحمدالله طول عمرنا نحترم اللي اكبر منه لانه اكبر وهذا الاسلام وصانه عليه
بس في بنات يتحملوون الهوااااااايل على بو انه حسبة امي
انا مو ضد هالشي
انا بس بستفسر
اللي تقول خالتي بحسبت امي شلون قدرتي اتطبقين هالشي
يعني امي اذا قطت علي كلمه امي ماقدر اقولها شي بس اذا خالتي قطت علي كلمه ؟؟ ماأقل ادبي
لأ بس
ماراح ارضى
ولا راح اسكت

انا مره كنت زايره ناس
وفي وحده يمكن عمرها آخر الأربعينات
قالت انا طول عمري زينه مع خالتي ام ريلي وبكل مناسبه اوجبها حالها من حال امي
بس ماياني منها الا المضره
فلاتقولون خالتي ام ريلي نفس امي لانها عمرها ماراح اتحبج نفس بنتها بالعكس اغلبهم يشوفونج شينه لو سنع الدنيا كلها
فييج

بنات اقنعوني شلون اعتبر خالتي نفس امي
للعلم انا وايد مشاكل مع خالتي اهيا مصريه وطبعها غير عنه ومنكده علي عيشتي 24 ساعه تشتغل علي مسجات
وحتى ريلي مو سالم منها بس يقول امي غصبا علي اتحملها وماينلام بس انا شاللي يجبرني؟؟


بنات الخاله تعتبر من صلة الرحم ولا عادي؟

 

[ام دليار]

رد : خالتج نفس امج ؟

يعني مش مثل أمي
يعني بمقام الوالدة يعني بلاحترام بسؤال عنها

 

[الدااانــــه]

اكييد لانها ام الغالي بحطها على راسي وترا الموضووع مو مستاهل منج كل هالشي تقبلى مروري

 

[نونو العصله]

رد : خالتج نفس امج ؟

اكيد الام غير بس الاحترام واجب والله يعينج

 

[Fe6aMi]

رد : خالتج نفس امج ؟

الله يعينج
انا كانت خالتي صج حسبت امي لانه تربينا يميع انا وريلي فا ما حسيت بفرق طلعت من بيتنا ودشيت بيتنا الثاني
الله يرحمها ​

 

[pusy cat]

اذا صارتلي ام اصيرلها بنت ليش لأ

يعتمد على الخاله نفسها في الزين وفي الشين

واكيد محد مثل امي لاكن احنا نقول حسبة امي لانها باجر بتصير جدة عيالي انشالله

 

[ماني من الناس]

محد مثل الام ,,,,,,,,,,,,,,,

 

[ابدا يالغالي مانساك]

رد : خالتج نفس امج ؟

تسالين واتقولين خالتي من صلة الرحم
يعني من صجج لووووول مو هي ام اقرب البشر لج والا
وعن الخاله نفس الام
اكيد مو نفس مكانة الام لاكن احترميه باحترام امج
ولاتكونين شبيه لرفيجاتج شنو يحسون ويسون لخالتهم وتسوين نفسهم

 

[أزهااار]

احترمها ع عيني و ع راسي

بس


مومثل امي فديييييييييييتها

 

[حور البحور]

رد : خالتج نفس امج ؟

لا مو مثل امي

بس لأنها ام الغالي احترمها واقدرها

امي غيييييييير وين حنان امي وين حنان خالتي

 

[أُلَجّـۇۈۉهّـره]

رد : خالتج نفس امج ؟

اول شي حبوبه تعتمد عالخاله يعني بالمستقبل ام زوجي بعتبرها خالتي وبعاملها بطيب حتى لو اهي اسأت لي تبقى بالاول والاخير ام زوجي واحترامها من احترامه . واكيد امي الله يحفظها ويطول بعمرها مااشبهها باحد وبكل شي ابديها حتى على نفسي والله يصلح امورج مع خالتج ويوفقج.

 

[ice box]

خالتي ام ريلي تخسي الااهيا ماتصير زي امي
انا مملجه ومطلعه لي قرون اشلون باجر لواتزوج حسبي الله ونعم الوكيل فيها حسبي الله ونعم الوكيل فيها اكرههاااااااااااااااااااا
واللي قال الخاله زي الام غلطان وحمار وستيييييييييييين حمار

 

[*ريما*]

لانها ام زوجي
علشان كذا واجب علي احترامها
مثل مازوجي يحب امي ويحترمها
انا بعد بحب امة وبحترمها

 

[شموسة كيوت]

رد : خالتج نفس امج ؟

احترمها بس مو زي امي ابد

 

[شيخه و طيبه]

أحبها و احترمها على عيني وراسي بس مو نفس أمي بالضبط مهما كان الأم غييييييييييييييييير
و يعتمد على الخاله اذا طيبه و حبيبه أكيد و ملزومه تصيرين أطيب و اذا مو زينه أكسبيها باللتي هيا أحسن
و اذا ما فاد اقطعي العلاقه و ارتاحي ليمتى بتتناجرون مرات البعد اريح

 

[opera]

رد : خالتج نفس امج ؟

عامل الناس كما تحب ان يعاملونك

اول شي طبقي هالقاعده


ثاني شي


اللي ما ترضينه على امج المفروض ما ترضينه على ام الحبيب الغالي

(اللي تقول خالتي بحسبت امي شلون قدرتي اتطبقين هالشي
يعني امي اذا قطت علي كلمه امي ماقدر اقولها شي بس اذا خالتي قطت علي كلمه ؟؟ ماأقل ادبي
لأ بس
ماراح ارضى
ولا راح اسكت )


باختصار وجاوبي نفسج على هالسؤال ترضين مرت اخوج تقول هالكلام عن امج

وبعدها عاملي خالتج مثل ما تبين

 

[قهرني]

رد : خالتج نفس امج ؟

محد مثل الام فديت امي

وهاذي ام ريلي مهما كان احترمتها قدرتها مابين فعينها تغار مني لاشافتني اضحك والا بطلع مع ريلي لا وتحرضه علي مرتك ومرتك عيني عينك مسكينه يمكن لانه البجر سليمه تصكها فحياتي ماشفت مثلها

 

[فنكيه]

خلج رسميه ولا تقولين الا الزين واذا ماتقدرين تجاملين سكتي

 

[مولاي الفرج]

رد : رد: خالتج نفس امج ؟

اذا كانت محترمه اكيد مثل امي بالمعامله والمعزة

 

[ام سليمان 2008]

فديت امي وين في مثلها ربي يخليها لي

بالنسبة لخالتي احترامها واجب بس تاخذ مكان امي لا طبعا