حبيبتي انا حاسه فيج لانه بحكم عملي ودراستي تعاملت مع وايد حالات ADHD بس مستغربه انه ريلج ما يدري عن حالته من الصغر !!! شلون ما انتبهو أهــله لتصرفاته واهو بعد شلون غفل عن نفسه ؟ لانه هالمرض ما يبلش بالكبر يكون ملازمه من الصغر ... يمكن الحين اهو مظايق من نفسه وملاحظ تصرفاته بس الريال بطبعه كتوم صعب يتكلم وصعب يعترف انه في مرض اصلا
ف حاولي تكلمينه وتبطلين معاه الموضوع ا مثلا قولي:
حبيبي انا قريت عن ADHD وأنا اقرا حسيت انه احنا نتصرف هالتصرفات ساعات ولاني احبك وخايفه عليك وعلى زواجنا لازم نروح حق دكتور ومتخصص يساعدنا نتعالج ( كلميــه باسلوب جماعه ) عشان لا يحس انج تتهمينه او يحس انج تتبلين عليه ويقلب السالفه عليج حسسيه ان اثنينكم تحتاجون المساعده بأسلوب بسيط وسهل
Stratterra هذا اسم حبوب يقدرون الكبار يستخدمونها لعلاج اعراض ADHD هاذي الحبوب الوحيده الي تقدرين تشترينها بدون وصفه طبيب واثبتت فعاليتها مع الكبار ونستخدمها واايد مع المرضى هني .. تأكدي من دكتورج عنها لانه مافيها اعراض جانبيه ومناسبه لاستخدام الكبار
وما ادري اذا تنباع بالكويت بس تأكدي من الدكتور
انتي بس خلج قويه وواثقه وتوكلي على الله ولا تيأسين اذا عصب وما رضى يروح يشوف دكتور متخصص.. تعاليله بالاسلوب الحلو والكلمه الطيبه وان شاء الله بيتعاون معاج وانتي بالبيت حاولي تخلين الاجواء دايما هاديه ومستقره وتعاملي معاه بشكل حلو بس لا تتغيرين بشكل مفاجئ وكبير تحسسينه انه في شي غلط عشان لا يتضايق
الله يكون بعونج وطمنينه عليج
