خانقتني العبرة، رحت لدكتور نفسي وطلع ...

[بنت عز وما تنهز]

مــــالج الا الله الجئي لــــه

وكثري استغفار وادعـــي باخـــر الليـــل ,, ماعلــي الله عسيــــر وقادر يغيــر من حال لحال بغمضه عين

لا تياسين وتقولين مرض ماله علاج,,, ياما ناس فيها امراض عضويه مميته وشفوا منها يوم الجئوا لربهم

بس خليج واثقـــه بربــــج وتوكلي عليه

والله الله بسوره البقره ,, لها مفعول سحري لا تتركينها

وزوجج تعاملي معاه بهدوء ,, حتي لي عصب تحميله واحتسبي الاجر ,, هالشي مو بيده


وعسي الله يشفيه ويقر عينج فيه
ويصلح احوالكم

ويبلغج بعيالج يااااارب

 

[الصابرة المحتسبة]

وعليكم السلام

الله يسخره لج

عليج بالإستغفار والدعاء وقيام الليل.

وانتي عطيه فرصة.

مع اني سمعت مره كلام للدكتور الخليفي عجبني يقول: لي حست الزوجة انها قاعدة ترضي ربها وزوجها ومومقصرة معاه وصبرت واجد ولكن ماتغير ؟؟؟ وتطلب الطلاق وتشوف نفسها وتقدم ذاتها بالدرجة الأولى تكون اهني اهي الصح.

يارب يسخره لج ويهديه.

 

[*ريما*]

الله يشفية

 

[el lulu]

مشكورين بنات

زعنوفه خوفتيني فتحت الخاص

اللولو

الله يابج

دبريني شلون أتعامل معاه ؟ كل المواضيع بالنت عن اليهال
وسالفة الطبيب والادوية حيل صعبة

توقعت الموضوع سهل لكن من الصبح لي الحين كل موقف أصعب من الثاني وآخرها طلع من البيت متضايق ودق علي عقبها ب5 دقايق إلا اهو بمنطقة بآخر الدنيا !! أقوله إنت من صجك ؟ جم دايس ؟؟؟؟؟؟ يقول كله منج
ما يفكر لا بنفسه ولا عياله إذا لا سمح الله صارله شي !

في وايد معلومات تفيدج بالانترنت اقدر اطلعها لج بس بالانجليزي عادي؟ دورت بالعربي وايد ماكو شي :eh_s(16):
اذا سالفة الطبيب والادوية صعبه عليج الحيــن اجليــها و خلي الشغل عليج انتي بس الحين والله يكون بالعون.. انتي حاولي توفرين له الراحه والهدوء بالبيت .. حاولي تشغلينه بشي اهو يحب يسويه لانه راح يتحسن تركيزه معاج جذي يعني كل ما يشوف البيئه الي حواليه مريـحه راح يتصرف بشكل ايجابي.. اهتمي بنوع الاكل الي ياكله (لازم ياكل بروتينات وايد لحوم بيض وبقوليات والمكسرات تأثر على مزاجه بعد) يمكن ما تصدقين انه الاكل يأثر بس جربي وشوفي..
عامليه مثل الياهل دلعيه داريه وطولي بالج معاه اذا شفتيه تعبان قعدي معاه كلميه طبطبي عليه على قولتهم حتن المساج سويله لانه راح يريح جسمه خصوصا اذا اهو مثل ما قلتي حار وعصبي كله يأثر على جسمه وتعامله مع الناس .. انتـي بس طولي بــالج وان شاء الله بتكونين قادره تسيطرين على هالاعراض .. العـلاج بشكل عام نفسي وانتي زوجته أقرب الناس له ان شاء الله فاهمته وبتقدرين تغيرينه

 

[نوツ]

الله يعينج

 

[ماركة انثى]

الله يشافيه يارب ​

 

[ADHD]

ونعم بالله مشكورين بعد قلبي رفعتوا معنوياتي وصج التقرب من الله بروحه علاج حق كل شي سبحان الله

الصابرة ما يهون علي أهده أبو عيالي وفوق هذا انطوائي محد عنده غيري أنا والعيال وما أظن أحد يتحمله

اللولو مشكورة حبيبتي وعادي عطيني بالانجليزي بس المهم يكون عندي مرجع وإذا في كتاب بعد زين علميني
نصايحج حلوة وطبقتها من قبل وفعلاً تييب نتيجة بس على أقل إنفعال ينعفس كل شي

 

[أو عبوش]

ترى هالشي وراثه والله

جيكي امه ابوه اخوانه فيه نفس حالته؟ عمامه؟
يعني عياله احتمال بس ترى احس مو صعب التعايش معاه
اهوه صج ينرفز
وصعب تقنعينه....... بس خليه يجرب مره مرتين بياخذ القررار اللي اهوه اختاره وبيفشل وذكريه ان لو كنت سامع كلامي كان ماصار اللي صار,.,.,
ويفشلج بالجمعات؟ تحسين مايفرق بين هذا الانسان عادي ميانه ولا غريب اول مره صح؟
بس ترى مبدع في امور الحياه
على الرغم من قله مستواه التعليمي
حركته الزايده دايما توديه بداهيه وتورطه
عصبي وينفجر ..... وبالاخير هو اللي يعتذر
افضل حل لج خليه يشترك بدور تحفيظ القرآن..... اقسم لج قسم ان راح يقدر بقدره الله على حفظ جزء كبير من القرأن مع ان اغلب هالحالات صع استيعابه بالدراسه والقراءه واللغات بس بيحفظ بسرعه القرآن وياخذ مراكز اولى على اللي معاه...

بالاضافه الى ان حفظه للقرآن راح ينعكس بالايجاب على نفسيته ويصير هادي اكثر من قبل

 

[ADHD]

أو عبوش

إنتي تعرفيني ؟!!!!!! كل كلمة قلتيها صح
بعد قلبي حسستوني إن في أحد معاي

التعايش معاه صعب حيل مو شوي لأنج تصيرين متوترة طول الوقت وما تدرين شاللي ناطرج بأي لحظة، ومها كنتي زينة واتهبلين ما يقدر هالشي وإنتي كله غلط

غير من ناحية إنه قام يشكل خطر على نفسه وعلى غيره، السواقه، الانفعال لما يكونون اليهال حواليه، اهو نفسه أخاف يسوي بنفسه شي

 

[أو عبوش]

كتبت رد شطوله وانمسح << يالللاسف


لايقلبي ماعرفج ولا شي تطمني بس عندي نفس هالحاله

 

[ADHD]

أو عبوش

مشكورة حبيبتي

وإذا عندج أي إضافة كتبيها عادي لما تفضين .. أدري بتقولين لزقه هههههه بس فرصة لقيت أحد يفهمني
إنتي والبنات ما قصرتوا والله

 

[شنوووفه]

الله يهدييه انشالله ويوفقج معااه

 

[lolayasmeen]

انزين شنو النشاط اللي يسويه وتحسينه مركز معاه شجعيه عليه
وانا اعرف اللي عندهم هالمرض لازم يستخدمون مثل رياضه عنيفه او بالاحري
شي يخليه يبذل جهد علي شان يتعب ويصير ماله خلق يتحرك عقبها
المجهود المفروض بشكل يومي انا دارسه عنه بس معلومات عفي عليها الزمن
بس ولا يهمج اروح افتح البحوث اللي عندي وارجعلج

 

[ADHD]

آمين يارب العالمين

lolayasmeen

جزاج الله خير والله فشله مابي أتعبكم

والمجهود لو كان ياهل ممكن أشغله بس ريال صعب ألهيه أو أطلب منه شي ما يبيه ولا أنا أتمنى زين يطلع يختلط مع الناس

 

[ReDLOve]

الله يعينج حبيبتي و يفتحهاا عليج يارب و يهدي زوجج و اتعدل العلاقه فيما بينكم ..

 

[noo7a]

الله يشافيه
و يعينج

 

[ADHD]

الله يعطيكم العافية

 

[كويتيه مذهله 87]

الله يسخره لج يارب

 

[ADHD]

اللهم آمين

مشكورة يا عمري

 

[ADHD]

خاااااااص للي دزتلي رسالة خاصة

ماقدر أرد لان عدد مشاركاتي ما يسمح

بس بقولج إن الدكتور اللي رحتله هذا استشاري أمراض نفسية واجتماعية وساعدني من خلال خبرته بهالمجال لكن كتخصص قالي هذا مو تخصصي، هذا تخصص متعلق بالأطباء النفسيين ( توني أدري إن فيه فرق ! )

كنت من أقوم الصبح لين أنام بالليل وأنا متضايقة لأن زوجي بس يزف ويدقر فيني ولما أحاجيه يطالعني بنص عين ويهدني ويمشي وتخيلي حتى لما أقوله سالفة تضحك يعني بلطف الجو يقولي انزين وبعدين اشصار ؟! غير الأسلوب البايخ والحقران والصراخ وما همه زعلت ولا رضيت

بس هالاستشاري ربي يوفقه فهمني شالسالفة: قالي لا تواخذينه تراه ما يستوعب ولا يفهم إنتي شتقولين ! يعني لما يهدج ويمشي بنص السالفة اهو بالأساس بعالم ثاني مو حواليج

حتى العصبية غصباً عليه والحركة الزايدة شي لا إرادي وأهم شي سايريه ولا تناجرينه وتعاندينه وطوفي كثر ما تقدرين واعتبريه ياهل عندج ولا تناقشينه إلا بالشي اللي صج يستاهل

حتى بالكلام لا تكثرين حجي لأنه يفقد التركيز بسرعه فإنتي عطيه الزبدة من الأول وخلصي

تكلمنا وايد والله يجازيه كل خير شال عني حمل ثقيل وحطني بالصورة مع حالة زوجي

صدقيني كان ودي أتطلق من معاملته لي جني عدوته مو زوجته بس بعد ما طلعت من الدكتور سبحان الله حسيت ربي حاطني باختبار وإن هذا ابتلاء وزوجي مريض ومحتاجني وإنه قوته اللي مسلطها علي اطلعت ضعف وانكسار يبيله من يطبطب عليه واهو تعبان أكثر مني بوااااااايد بس ما يدري شيسوي مو طالع بيده شي

من ناحية العلاج قالي اهو علاج نفسي وسلوكي واسترخاء وضبط للانفعالات وتقريباً أغلبها أمور بيد المريض نفسه بس اللي حواليه لااااازم يهيئون له الجو المناسب وما يخلونه يطلع عن طوره ويمدحونه وايد ويضحكون معاه ويدارونه ويخلونه ريلاكس ولا يناقشونه بشي ماله داعي لأنه ببساطة استيعابه بطيء فيحس إنج قاعده اتهاجمينه فيصير دفاعي ويثور، باختصار اعتبريه ياهل

والادوية مو شي ضروري خصوصاً إن لها آثار جانبية

بس هم أرد وأقولج إذا تبين تعرفين أكثر روحي لدكتور طب نفسي متخصص أحسن وما أوصيج لما تروحين دزيلي رسالة علميني اشقالج ههههه تبادل خبرات والله المستعان