خريجة يديدة و سجلت بالديوان و مو عارفه شالموضوع ،، ياليت تعلموني شسوي ..

[miele]

قوة بنااات شلوووونكم.... اي والله علا قوولة ام زنوووب ... داااااايخين ....
مادري والله شقصة النوم معاااي ...

لاتنسوون تبشرونا عنكم بااجر هااا ... نااطرين

 

[بنات حواء2]

يا صباح البهذله
ههههههههههههههههه
قلبي حاس اني بتبهذل بالفحص الطبي مالهم
وانشالله راح اكون وياكم اول باول

 

[بنات حواء2]

miele
اهلين شلونج شخبارج
انشالله انا وياكم اول باول والله يسهل

 

[miele]

اهليين ام زنووب صباااح الخيير والتسااهييل ان شاااا الله

يالله ناطريين

 

[بنات حواء2]

امبي لا لاتشوفون الوضع بسحب الدم اول مره احس اني في بنقلادش

 

[بنات حواء2]

بنات لاتشوفون الوضع الي انا فيه الحين صريخخ و كل عشر دقايق وحده متناجره و الدنيا و الحاله حاله مليون وحده على سستر وحده تخيلو حده عفيسه

 

[صدقني@صعبه]

الله يعييييييييييييييييييييييييينج الحمد الله انا خلصت
وسلمت اورااااااقي وارتحت والفاااااااااااااال لكم

 

[اخت اخوانها]

وااااااااااااااااااااااااي :rgewrg::rgewrg::rgewrg:

يمـــــه يمــــه قمممممممممة المســــــخرة

1- كل الجنسيات موووجودة
2- الهندية اللي تسحب الدم قمة الهلاقة تنررررررررررررفزج غصب طيب اسلوبها حدددده اكس
3- زززززززززززززززززززززززززززززززحمة
4- واقفة بالدور وشطووووووووله والحالة حالة وتجيج برنسيسة مصرية ولا سورية واذا زفيتيها صارت ام الذوق ( عن ازنك بس عاوزة استفسر عن حاجة) كلنا بنستفسر بس حضرتج يعني ... طبعا طننننننننننننش :bbbiu: ماخليت ولا وحدة تصير جدامي
5- الريحة الحلوووووووووووووووووووووووووووة من الجنسيات العربية ومن الهنود حدث ولا حرج والله لووووووووووووعه صابتني شوي ويغمى علي


وووووووووووووووووووووووووقالت لي الموظفة خلاص تراجعينا الاسبوع الياي .. انا بمرهم يوم الأحد ان شاء الله :yaaaaaarb::yaaaaaarb:

وسلااااااااااااااامتكم:eh_s(7):

 

[miele]

وييييييع .. بعد زحمة وريحة وهنووود ... يااالييييييل ماطولك.... الله يايعيينا شلون بنتحمل مراجعاتنا واحنا صياااام

 

[صدقني@صعبه]

موووووووووفقه اخت اخوااااااااااانها والله يعيييييييييينكم
انا لاعت جبدي الاسبوع اللي طاااااااااااف

 

[اخت اخوانها]

miele: وااااااااااي الله يعيييييييييييييييييينج بس والله نصيحة خلج قالب ثلج عشان تمشي اوراقج يعني اليوم عيني عينك وحدة لبنانية واقفه يمي بالدور ولا يمرها واحد سوري ماادري مصري وياخذ اوراقها جداااااااااااااامنا ويوقع لها من داخل غرفة الموظفين واحنا يابنات الديرة رازين الفيس عند الشباك ع قولتهم
ومثل ماقلت لكم عن الهندية عاااااااااااااااااادي طنشيها...


صدقني صعبه : مشكووووووووووورة

 

[miss roro]

بنات عفيه تاكدولنا عشان ناخذ نتيجة التحليل وين نروح عند الشباك ولاندش مره ثانيه عند سحب الدم انا بس اللي اعرفه اني لازم اييب بطاقتي المدنيه؟؟؟؟؟؟

 

[ذكريات عشاق]

النتيجه تاخذينها من عند الشباك نفسه وبس اخذي البطاقة المدنية انا خلصت اوراقي يوم الخميس اللي طاف

 

[miss roro]

مشكووره ذكريات عشاق يعني الحمدلله مافي لويه سهالات وناخذها!؟

 

[بنات حواء2]

بنات انا توني داشه البيت تخيلو وقفه وحده من الثمتن لي ١٢ ونص
واي لا تعب مو طبيعي
لويه مافي نظام كلش بقولكم كل الي صار وياي بس اول بريخ و بشرب سبرايت مثلج و ارجعلكم
ماقول غير الله يعين الي بتسوي فحوصاتها برمضان

 

[بنات حواء2]

ذكريات بسألج اخر شي منو خذا اوراقج ؟؟؟
اخت خوانها نفس السؤال منو خذا اوراقج اخر شي
انا الدكتوره خذت اوراقي قالتلي في شي ناقص بحطه وياهم من الدم خلاص روحي انا اودي اوراقج الشباكاصلا الدكتوره مالها خلق تسوي بسرعه بسرعه اي فحص اي طبي عمي خرطي بخرطي هذا مجرد روتين منظر بس انج سويتي فحوصات
يقصون على عمرهم
وهواش و عفيسه يالله يالله يه موظف عشان ينظم لان الاخت اللطيفه الهنديه صكت الباب ساعه كامله بويهنه و طردت بنات قالت لهم ماخذ اوراق و هذا الحجي الساعخ 10 لمن يه المرظف قامت تاخذ البومه
يعني في وايد بنات يو وراحو علفاضي بسبتها

اي و انا الدكتوره نست تاخذ ورقت الاستبيان مني
جنهم حظي بس يبونج تطلعين و عارفين شغلهم كله غلط
اي بنات ترا عادي مو شرط صايمه بتحليل لاني سألت
اليوم حده فلم الريال ينظم غرفت سحب الدم
وانا و وياي جم وحده انظم ارقام الدكتوره حدنه فلم
لي درجت البنات يقولونلي قعدي عبالهم انا موظفه اقولهم انا وياكم
هههههههههههههه
حده فلم
شفتو بنقلادش اشلون جذي بالضبط
وين وزير الصحه وين مجلس الامه عن هلبذله
بدال مايتحجونلي عن سوريا و ايران و عمت عين خيتحجون عن مصيبتنه
خيتحجون عن البهذله الي يتبهذلها المواطن الكويتي لمن يتعين
هزلت

 

[بنات حواء2]

اتوقع ان ملاك ليلحين هناك بعدها ريضه
هقوتي جذي
ودي نغير الموضوع نسميه بهذله يديده بدال خريجه يديده ألبج

 

[( المـلاك )]

بنااااااااااااااااااااااااااااااات

شوووووووووفووووووووووا مشكلتييييييييييييييييييييييييي













شنووو هذااااا

صج لي قالوا مباااااااااااارك مستشفى الاموااااااااااات
و صج صج الذم اللي تسمعونه عن مستشفى مبارك صج

واااااي

كله من الزرااااعه


بس كافي تبوز
خل اقولكم شصار


على اساس انه اليوم اللي اهو ( الاحد )
تطلع نتايج تحليل الزراعه
اللي قااااااالوا اصلا تطلع النتايج بعد 3 ايام
انا سويتها يوم الثلاثاء 26 / 7
و قالولي تطلع النتايج بعد 3 ايام ، قلتلهم انا موعدي بالصباح يوم الاحد 31 / 7 ضروري اخذه يوم الخميس
وعقب مراكض قالولي اوكي تعالي الخميس اخذيه بس شرط بنهايه الدوام ساعه 12 الظهر ، و قلت اوكي

و طبعا رحت الخميس و خذيت نتايج تحليل البول بس اما تحليل الزراعه قالولي ما خلص و على الاحد
طبعا تنرفزت بس قلت امري لله و على اساس اليوم اللي اهو الاحد
اني اول شي اروح مبارك استلم نتايج تحليل الزراعه وعقبها اروح الصباح و اسوي باجي تحاليلي و اسلمهم التحاليل اللي خلصت
بس اللي صاااااااااااااااااار



رحت اليوم مستشفى المرض مستشفى مبارك عالساعه 9

قالولي ماكو ماعندنا لج تحليل
قلت شنوووو @@
انا متأخره بروح الصباح وانتي تقوليلي جذي
يعني اتأخر عشان اغلاطكم بالله
قالتلي لحظة اسأل واردلج
وراحت قسما بالله ربع ساعه كااااااااملة وانا متنقعه وناطره و عيوني عالساعه احاتي اتأخر عالصباح
خاصه انهم قالولي بعد الساعه 11 ما نستقبل عشان الفحوصات والتحاليل
و اخر شي ردت جان تقولي عطيني بطاقتج المدنيه و عطيتها و راحت 5 دقايق تقريبا و ردت
و عقبها قالتلي نتيجه تحليلج تخلص بعد اسبوع
قلتلها شنو بعد اسبوع اهو بكيفكم ؟؟
اصلا كل مستشفيات الكويت نتايج الزراعه تخلص بعد 3 ايام ليش انتو غير يعني
و بعدين انا يوم سويت التحليل كلمت الموظفة اللي بالمختبر تحت قالتلي بعد 3 ايام
و كلمت المصريه اللي تستلم العينات قالتلي بعد 3 ايام
وحتى صعدت كلمت مسؤوله فوق عشان استلم قبل الاحد عشان لا اتأخر على موعدي بالصباح و قالتلي تعالي الخميس اخر الدوام
و ييتكم الخميس و هم ما سلمتوني النتيجه يعني حجي فاضي كلكم
والحين احنا الاحد و انا موعدي بعد ساعه و وراي شغل
و باجر رمضان و لويه
وانتو مو مخلصين تحليلي ليش يعني
يوم شافتني عصبت قالت اكلملج اللي داخل و ارد
وهم راحت 10 دقايق يمكن وردتلي قالت خلاص اخذيه باجر
قلتلها باجر شنو اقولج انا اليوم موعدي بالصباح
انا اتأخر عشانكم انتو ليش شالله حادني عشانكم انتو ما تشتغلون و تأخرون شغل الناس معاكم
جان تقولي لا اكيد اكيد باجر استلميه
قلتلها باجر متى ؟
قالتلي باجر ساعه 12 الظهر بآخر الدوام
قلتلها يا سلام يعني اليوم و ضاع علي اللي اهو موعدي
و باجر بعد بيضيع علي لاني لازم اروح الصباح قبل ال11
يعني لازم عقب باجر اروح الصباح و السبه انتو
تقولي لالا اكييد اكييد باجر
قلتلها مو مشكله عطيني اسمج و انا باجر يايه عالساعه 12 و يصير خير
ماشالله كل مستشفيات الكويت خالصين الا انتو
وطلعت

و بس عقبها رحت الجمعيه و كاني =(

شنووو هذااااا

 

[ذكريات عشاق]

هلا ام زنوب شوفي انا لما طلعت نتيجه تحليل الدم رحت عند الشباك وعطتني الموظفة اوراقي ورحت للوزارة مبنى 2 صاله المراجعين قولي ابي قسم التعيين
وهناك الموظفه خذت اوراق الفحوصات مع صور للشهادة والبطاقة المدنية والجنسية وشهادة الميلاد وتحويل الراتب


وعخلتني اعبي بياناتي بجم ورقة ووقعت
وعطتني وصل علشان يدقون علي بنص شهر 8 واروح اخذ اوراقي واروح للتنسيق والمنطقة التعليمية

 

[ذكريات عشاق]

يعني انا لما رحتلهم اخذ النتيجه لقيتهم موقيعن وخاتمين الورقة وجاهزة
وتاخذينها على طول مافي لوية عادي