خريجة يديدة و سجلت بالديوان و مو عارفه شالموضوع ،، ياليت تعلموني شسوي ..

[اخت اخوانها]

بنات حواء : انا كنت موجودة من ثمان الا ربع الى تسع ونص

لااااااتقولين كنتي لابسه رماادي

 

[( المـلاك )]

مبارك عليكم الشهر :**

انا عالساعه 12 بروح مستشفى مبارك
باخذ نتيجه تحليل الزراعه
وبرد البيت

و باجر انشالله بروح الصباح

 

[cherry kisses]

خلصت شغلي حمدالله
واي بهدددددله وماكو تنظيم والدكتوره و السستر جنه نشتغل عندهم @@
والارقام بصوب و مادري شنو بصوب سالفتنا سالفه!
بس حمدالله سهالات لاني رايحه مبجر حيل روحوا مبجر بنات واخذوا دور على الشباك انا كانوا اثنين جدامي
تعطينا الاوراق بالشباك نفسه وتعطيج رقم وتوفعين على ورقه
وتروحين مكان الفحص هني الحجي!
يعطونج اوراق يييبوا معاكم قلم علشان ماتتعطلون <<< نصيحه صديقتي وكانت نصيحتها بجمل بصراحه
الكل متعطل ويبي قلمي لول
المهم تعبووون الورقا الخضرا علطول وتروحون تعطونها للستر علشان تعطيكم رقم وبعدين تخلصين من تحليل الدم تروحين الدكتوره وتفحصج
وتخلصين وتسلمين الاوراق للشباك نفسه
نصيحه رووووحوا مبجر زحمه مو طبيعيه

 

[( المـلاك )]

هاي بنات :**

شوفوا شصار اليوم

طبعا انتو ادرى عن سالفه مستشفى مبارك امس و شصار و قالولي تعالي اليوم ساعه 12 اكيد اكيد اكيد بتاخذين نتايج تحليلج
عاد اليوم رحت الساعه 12 و لا مو خالص تخيلو !! بيصيرلي اسبوع و اهم خرطي ما اخذ منهم غير حجي
مالت على هالمستشفى بكبره صج لي تكلموا فيه و تحجوا عنه ما جذبوا وعليا
المهم رديت لهم 1 ونص استلمته وبس

و الحين انشالله باجر بروح الصباح عشان اكمل شغلي

 

[( المـلاك )]

بنات سمعت سالفه
امي قالتلي ياها
و المشكله ما اعرف البنيه ولا امون عليها جان سألتها
من سمعت سالفتها وانا بقلبي تقرقع اسأله مع انه توه الناس عالقرقيعان ههههههه

امي كانت داقه على رفيجتها ، و بنت رفيجتها اكبر مني بسنة و توها خريجه جامعه الكويت علوم اجتماعيه
فكانت رفيجتها تسولف انه بنتها طلع اسمها بالديوان بالتربية و انها بتصير مدرسه اجتماعيات
وانها راحت وزارة التربية و خلصت و بعدها راحت منطقة مبارك الكبير التعليمية و قدمت اوراقها و استلمت اوراق التحاليل
وراحت الصباح و راحت العدان و ردت للصباح و خلصت كل هذا و ردت للمنطقة التعليمية
وعقبها قالولها يلا نحطج بالمدرسه و يوم شافوا المدارس قالولها ماعندنا متوسطة حق تخصصج ولا تبين نحطج ثانوية
فقالت ثانوية احسن و سجلت وعطوها اسم المدرسه و المدرسه طلعت ورا بيتهم ماشالله ماشالله .
وبس



الحين انا براسي مليوون سؤال
متى مداها تسوي هالاجراءات كلها
واحنا اللي مبلشين من اول يوم ليلحين ما خلصنا !!
مع انها مو خريجه تربية يعني كان عندها لويه حتى بالوزاره لانها مو تربوية

انزين و ليش الكل يقول توه الناس على اسم المدارس والتوزيعه واهي توزعت و خلصت و عرفت وين مدرستها ؟
و وين قالولها عن مدرستها و شلون و ما قالولها شي عن الدورة

وااااي منقهره ابي اعرف التفاصيل و انا ما امون عالبنت فاستحي اسألها =(

 

[jen2n]

اهيا تخرجت وياج كورس ثاني ولا اول؟

انا وبنات تجمعي كلنا جامعه الكويت وكليات ثانيه مو التربيه و كورس اول تخرجنا وللحين ما رحنا المنطقه التعليميه

بس خلصنا مقابله وفحوصات

 

[( المـلاك )]

اهيا تخرجت وياج كورس ثاني ولا اول؟

انا وبنات تجمعي كلنا جامعه الكويت وكليات ثانيه مو التربيه و كورس اول تخرجنا وللحين ما رحنا المنطقه التعليميه

بس خلصنا مقابله وفحوصات

اهي خريجه كورس ثاني توها متخرجه

وانتو ليش مارحتوا للمنطقة وخلصتوا شغلكم ؟

 

[jen2n]

الملاك بصراحه من غير زعل هالكلام انها راحت المنطقه وخلصت كل شي مو صحيح

الا اذا كانت مو هالسنه تخرجت هذا شي ثاني

لاني انا تخرجت كورس اول ما نزل اسمي بالوزاره الا شهر 5

وخلصت المقابله والفحوصات بشهر 6

واخر شي عطوني وصل عشان اراجع الوزاره مره ثانيه بدايه شهر 9

وفي بنات عطوهم وصل مراجعه بشهر 8

وللحين ننطر اتصال الوزاره عشان نراجعهم ويقولون لنا متى نروح المنطقه التعليميه

فاذا احنا تخرجنا كورس اول للحين ما رحنا المنطقه

فما بالج اللي تخرجت كورس ثاني!

اصلا متى سوت مقابله وانجحت وخلصت الفحوصات!

 

[بنات حواء2]

بنات حواء : انا كنت موجودة من ثمان الا ربع الى تسع ونص

لااااااتقولين كنتي لابسه رماادي

:eh_s(9):
ههههههههههههه
اي رمادي في بنفسي شدراج ؟؟؟؟
ههههههههههههههه
انتي اي وحده فيهم ؟؟؟؟؟
هههههههههههههه

 

[بنات حواء2]

cherry kisses
مبروووووووك واي صج هم و انزاح يوم خلصنه الفحص الطبي و الفال للجميع يرتاح منه و نباركله


الملك واي طلعوا روحج على هتحليل ما تسوا عليج حسبي لله عليهم ليش جذي يسوون في الاوادم بروحه الفحص الطبي عذاب وهمه زادوا همج هم انا هقيت انهم مضيعين اوراقج او العينه مالتج و قاعده احاتيج خفت يقولولج مره ثانيه سوي عينه و الله قلبي عنندج
بس الف الحمدلله انج خلصتي منهم
باجر روحي مب
باجر حق المجلس الطبي و هناك عاد قتال ماله اول و لا تالي


بنسبه عن سالفت البنيه اي استغربت بس يمكن يكون قابلينها من قبلنه و الله اعلم انا باجر بكلم رفيجي بفهم منها متى حددو لها المرحله الو المدرسه و بردلكم خبر

 

[بنات حواء2]

احت حوانها اشلون دريت اني لابسه رمادي ؟؟؟؟؟؟؟؟؟
ههههههههههههه قاعده افكر اقول ماشاء الله عليج ذكيه ههههههه

 

[صدقني@صعبه]

مرحباااااااا

مباارك عليكم الشهررررر


انا وحده اعرفها حددوا لها مدرستها وقالوا لها رااح تباشرين عمل 5/9 وهي عينوها ابتدائي والمدرسه هي مختارتها
وتقووووووووووول انه وآآآآآآآآآآآآآآآآآآآآآآآآآآآآآسطتهاااااااااااااا قووووووويه

امبيه سؤااااال بمخي شلون قدرت تعرف كل هذا واحنا لين الحين مو راضين يعلمونننا باي مدرسه
واللي اعرفه على حسب الناظره اذا بتوافق ولا؟ والاكتفاء بالمدرسه
وهي تخصصها تربيه اسلاميه وفيه يمكن اكثر من 15 مدرسه بالقسم وكل هذا وعنده اكتففااء ولا وآآآسطتهاا اقوووى يعني!!

وانزين شلون حددوا لها المدرسه والنظااار تو ما داوموااا دوااامهم 14/8 على ما اعتقد وهي اللي تحدد مو بكيفهاااا

موو قهرر صح!!!!



يالله الله يجزينااااا

واحنااااااااااااااااااااا وآآآآآآآآآآآآآآسطتنااااااااااااا الله

بالتوووووووووفيج للجميييييييييييييييييع

 

[اخت اخوانها]

بنات حواء : اذا انتي اللي كنتي لابسه لقنز ولفه رماااديه

والله من شفتج حسيت انج من هالتجمع العسسسل

تدرين انا اي وحدة >>> انا المنقبه اللي اخذت منج القلم لما كنتي عند غرفة الفحص ورديت لج القلم وانا واقفه بطابور سحب الدم


اذا انتي اللي فبالي ماشاء الله تبارك الرحمن لا اله الا الله تهبلييييين

وتشرفت اني شفتج

 

[( المـلاك )]

الملاك بصراحه من غير زعل هالكلام انها راحت المنطقه وخلصت كل شي مو صحيح

الا اذا كانت مو هالسنه تخرجت هذا شي ثاني

لاني انا تخرجت كورس اول ما نزل اسمي بالوزاره الا شهر 5

وخلصت المقابله والفحوصات بشهر 6

واخر شي عطوني وصل عشان اراجع الوزاره مره ثانيه بدايه شهر 9

وفي بنات عطوهم وصل مراجعه بشهر 8

وللحين ننطر اتصال الوزاره عشان نراجعهم ويقولون لنا متى نروح المنطقه التعليميه

فاذا احنا تخرجنا كورس اول للحين ما رحنا المنطقه

فما بالج اللي تخرجت كورس ثاني!

اصلا متى سوت مقابله وانجحت وخلصت الفحوصات!

وي عادي حبيبتي ليش ازعل
اصلا حتى انا مو داش بمخي
انا قلت حق امي
قلتلها احنا يالتربويات مراكض اول بأول ما خلصنا
اهي شلون مو تربوية معانا بنات بالمنتدى مسوين تجمع يقولون انهم ليلحين ماخلصوا
انا توقعت وراها واسطه
بس على كلامج شكلها امها كلامها (لج عليه) و امي مصدقه ماني قاطه الفاظ
اللهم اني صائمة هههههههههه
بس تصدقين الحين انا صرت ما استحي ولا اخجل شكلي بقول لامي تدق على رفيجتها
وتعطيني رقم بنتها و افهم منها شسالفه

 

[( المـلاك )]

الملاك واي طلعوا روحج على هتحليل ما تسوا عليج حسبي لله عليهم ليش جذي يسوون في الاوادم بروحه الفحص الطبي عذاب وهمه زادوا همج هم انا هقيت انهم مضيعين اوراقج او العينه مالتج و قاعده احاتيج خفت يقولولج مره ثانيه سوي عينه و الله قلبي عنندج
بس الف الحمدلله انج خلصتي منهم
باجر روحي مب
باجر حق المجلس الطبي و هناك عاد قتال ماله اول و لا تالي


بنسبه عن سالفت البنيه اي استغربت بس يمكن يكون قابلينها من قبلنه و الله اعلم انا باجر بكلم رفيجي بفهم منها متى حددو لها المرحله الو المدرسه و بردلكم خبر

ايي والله يختج
كاني لابسه و قاعده اكلمكم الحين بطلع بروح الصباح
على قولتكم ميدان القتال

و سالفه البنيه انا خلاص السالفه عقدتني
وقررت بعد الفطور اقول لامي تدق على امها تعطيني رقم البنت
عاد وعليا امي تقولي خليني ادق عليها و نشوف الاخبار العدله من البنيه نفسها
وانا اقولها لالاالا وي فشله شنو البنيه ماتعرفني ولا اعرفها
ارز ويهي اكلمها ليش قبلوج قبلي وشلون عرفتي كل هذا
لا مستحيل
بس شكلي خلاص بسويها
واردلكم خبر شنو ترد علي

 

[( المـلاك )]

صدقني صعبة

قهرتيني ببجي =(

 

[miele]

شلوونكم بنااات ... ماعندي اخباار بس بتطمش عليكم هههه.. وعلياا علييكم كل وحدة قصتها قصة

اللله يستر من الاسبووع الجااي شبيصيير معانا

 

[اخت اخوانها]

meile: لاتحاااااتين ادعي ربج يسهل عليج كل شئ

واوووول ماتطلعين من المنطقه التعليميه مبااااااااااشرة روحي للمجلس الطبي عشان يعطونج اوراق التحليل والاشعه
لاتأجلييين شئ

وياااااااارب يااااحبيبي الله يسهل امورج ويريح بالج وتنحطين بالمدرسة اللي يرتاح قلبج وبالج فيها

 

[miele]

meile: لاتحاااااتين ادعي ربج يسهل عليج كل شئ

واوووول ماتطلعين من المنطقه التعليميه مبااااااااااشرة روحي للمجلس الطبي عشان يعطونج اوراق التحليل والاشعه
لاتأجلييين شئ

وياااااااارب يااااحبيبي الله يسهل امورج ويريح بالج وتنحطين بالمدرسة اللي يرتاح قلبج وبالج فيها

يااعمري انتي مشكووورة عالدعوة امين ان شااا الله كلنا تتسهل اموورنا ويعطينا علا نياتنا واحنا بعد لا واسطات ولا شي... واسطتنا الله .. اللي ابرك من الف واسطة

وماراح أأجّل شي .. بخليييه اچااار ... كله علا بعض بيووم وااحد هههه

 

[( المـلاك )]

بنات
سمعوا اخر اخباري


شوفي شصار فيني يا ام زنوووووووووووب


رحت الصباح اليوم
الساعه 8 وربع بالضبط بالضبط وصلت هناك
مكتوب عالباب انهم يبطلون ساعه 9 انصدمت قلت ساعه الا ربع شسوي انطر بس الحمدلله اللعب بالايفون ضيع الوقت
و فتحوا الشباك ساعه 9 و 10 تقريبا
طبعا كنت ثاني وحده يايه تقريبا صرت الثامنه يمكن ماقصروا اخواتنا بالجنسيات العربيه تطقج كوع و تصير جدامج
لين صرخت عليهم جان يدخلوني قلتلهم عيب وين قاعدين واحترموا الدور و ترى احنا رمضان مرتين صرخت عليهم
والكويتيات اللي وراي يقولون اي والله صاجه الله يعينج قلتلهم انا ثاني وحده قاعده هني من 8 وربع من قبل لا يفتحون و شوفوا هذيل توهم داشين و صاروا قبلي و يداحروني عالمكان بعد
جان يتنحون و حطيت اوراقي عالشباك و عطتني رقم و رحت
وطبعا ماله داعي اوصف القتال اللي هناك لاني حيل متضايقه و اللي فيني مكفيني
مالي خلق اشرح بس باختصار بيكون اتعس يوم بحياتج و يمكن اخر مرة تكونين بهالبيئة و بهالوضع
المهم سويت سحب دم وخلصت و الحين يه دوري عشان ادش عالدكتورة
و دشيت و شافت تحاليلي جان تقولي انتي غير لائقه للتعيين
قلتلها شنووو @@ شفيني @@
عاد صج والله اخترعت على عمري قلت شنووو فيني اللي اصير غير لائقه اكيد فيني مرض جايد
ويمكن يحولوني مستشفى فيني عله صج صج خفت و قلبي طاح ببطني

طبعا الدكتورة مصريه و نفسها بخشمها وعاااااادي اتوقع انها تطقني
لاني اكلمها بكل ادب واحترام واهي تصارخ علي
حسستني اني سيلانيه يايه اشتغل عندها

شوفوا الحوار اللي صار بيني وبينها

الدكتورة : انتي غير لائقه
انا : ليش دكتورة فيني شي ؟ شنو فيني ؟ من وين بين ؟ وريني ( انا مخترعه طبعا )
الدكتورة : يا ماما ما انا اولتلك انك مش لايقه خلاص
انا : ( فوق راسي علامه تعجب واستفهام لاني مو سيلانيه ) بس كلمتها باحترام ، اوكي شفيني ممكن اعرف ؟
الدكتورة : ( بصراخ طبعا )منتو كلوووكوووم كده بأه و كلووكووم مش عاوزين تعملوو تحلييل زرااعه براااز و بتعملوا ستيين مشكله ، شوفوا بأه ما تطلع المصايب ديا الا بالتحليل ده و انتو مش عاوزين تعملوووه حضرتكم
انا : ( لازلت متعجبه صج و لو ما وضعي جان شلت الكرسي و كفختها فيه لانها نست اهي منو شكلها ) بس هم كلمتها باحترام و الخرعه زادت ، قلتلها يعني المشكله بتحليل البراز ؟ شنو فيه ؟ يعني شنو فيني ؟ مافهمت ؟
الدكتورة : ايوا يا ماما ما أولتلك ، بصي بأه روحي عالجي و تعالي بعد كده للتعيين والتحاليل و الكلام ده
انا : ( صج مادري شسالفه ) اوكي دكتورة يعني شسوي الحين ؟
الدكتورة : ما تعمليش حاقه مش لايقه
انا : يعني ما اتوظف ؟
الدكتورة : اهووو بصي و تفتحلي ورقه تحليل البراز و تشخبط على كلام مكتوب و تشخبط و تشخبط دوائر
انا : ( لازلت ماسكه اعصابي لاني بس بعرف شفيني ولا اهي مو كفو حشيمه ) قلتلها اوكي دكتورة هذا شنو يعني ؟
الدكتورة : دا ميكروب موقود بمعدتك ، عشان كده انتي مش لايقه ، ما ينفعش ، تحليلك مش سليم
انا : شنو هذا يعني ميكروب ؟ يعني فيني شي مو زين ؟ يعني اروح اتعالج ؟ زين يعني هالمرض معدي و راح يعدي الطالبات و الابلات ؟ و المرض هذا يعني شي مو زين ؟ و ينتقل حق الناس بشنو ؟ ( و مخي يفتر فيه ستين سؤال و ببالي كله صحتي مو الوظيفه )
الدكتورة : ده ميكروب يعني يخصك انتي و بس ، ما بيعاديش ولا بينتقل بأي طرق كانت ولا بيعمل حاقه ولا بيأتر على احد خالص
انا : اوكي دام تقولين كل هذا يعني ليش مو لائقه يعني ما ااذي احد ولا اعدي احد خلاص مالها شغل بوظيفتي ، لانه اذا على قولتج ميكروب و ما يسوي كل هذا ، وهذا انا سليمة و طبيعيه ، و كل تحاليلي الباجيه سليمة 100 % يعني خلاص مافيني شي و يمكن هذا شي بسيط
الدكتورة : بصي بأه اذا انتي فعلاً مافيكيش حاقه زي ما تئولي بئه روحي اعملي التحاليل من جديد و لما تطلع النتايق ابئا تعالي مرة تانيه ، اما اذا انتي فعلاً فيكي مرض وانتي عارفه بئا تعالقي بالاول بعد كده قدمي عالوزيفه
انا : (حسستني اني اعرف شنو فيني و خاشته عنها و حسستني انه اللي فيني شي قذر والله، و حسيت انه ماوراها فايده و حيييل ودي اكسر اغراض المكتب على راسها و اشتكي عليها و اسفرها والله عاد انا لا توصل فيني الحقاره لي لهالدرجه والله اضرها ، بس كل همي نفسي و قلت هذا ماوراها فايده خل اروح مستشفى اشوف شنو فيني سمالله علي لا يكون صاير فيني بلا تعاديت من احد يمكن شي خطير ) و قلتلها يعني اعيد بس تحليل البراز مرة ثانيه ؟
الدكتورة : ايوه الزراعه مش العادي ( واهي ويهها معتفس خلاص ملت من اسألتي و تقولب بحلجها امبيه امبيه مو صج )
انا : ليش واهو في عادي بعد ( وسحبت منها اوراقي و قاعده اشوف ، ولا طلع اوراق تحليل البراز عباره عن ورقتين ، ورقه الزراعه و ورقه العادي ، و لقيت المشكله على قولتها بالزراعه ، اما بالعادي مكتوبلي بالانقلش بمعناه انه " لا يوجد اي مرض او مشكله " جان اقولها شوفي هالورقه تقول اني سليمة
الدكتورة : يا ماما بصي بئه انا اولتلك المشكله بانت بالزراعه ، ايوا صحيح العادي سليم ، بس المشكله دي تبان بالزراعه فهمتي ؟
انا : هديتها وطلعت بره

بذمتكم مو جني سيلانيه و ابي وظيفه =(



و بالسياره كل شوي ادق و اتبجبج
خرعتني عمه بعينها انشالله و قلت بروح المستوصف اشوف شيقولون
و رحت المستوصف و قصيت رقم ونطرت و وصل دوري و دشيت عالدكتور
وقلتله دكتور تفضل تحاليلي ترى انا مسويتهم للتعيين اليديد و الدكتورة اللي هناك ردتني قالتلي انتي غير لائقه
قالي عطيني اشوفهم ، وعطيته من غير ما اقوله شنو المشكله ، قالي تحاليلك سليمة 100 % بس الشخبطه هذي يعني اكلج ما كان نظيف ، يعني كنتي ماكله قبلها بيوم او اقل من يوم ، اكل مو مطبوخ عدل او ني يعني مثلا دياي مو مطبوخ عدل او بيض مو مسلوق او مطبوخ وايد ، او اكل ملوث ، بس ، و هذا ماله شغل يوقف عليه التعيين
قلتله طمنتني الله يطمن قلبك
لو تدري اهي شسوت
والله عبالي فيني مرض خطير
هذي غير الطريقه اللي كلمتني فيها حسستني انه المرض اللي فيني وصخ بعد
قالي لا تطمني هذا ميكروب تدرين شنو يعني ميكروب ؟ يعني يطلع بالتحليل مرة وحده بس بالغالب
و هذا المايكروب مال اكلج يعني انتي كليتي شي مثل ماقلتلج توه قبل لا تسوين هالتحليل الزراعه
و المرض هذا المكتوب معناه الطبي يعني بالعربي نوع من انواع التسمم الغذائي و كاتبين يمه رمز
وهالرمز معناه الطبي يعني نسبة طفيييييفة جدا جدا جدا بحيث انها لا تذكر يعني مو حايشج تسممم ولا شي
مجرد اكل مو زين و خلاص انتي طبيعيه حتى شوفي اشعتج و باجي تحاليلج انتي سليمة 100 % ماتعانين من اي شي
و انا قاعد اشوفج جدام عيوني طبيعيه و تتكلمين و واقفه وثابته و ماعليج اي مشكله من المشاكل
و يقولي اصلا هذا النوع من الميكروب يوصل فيه حاله تسمم غذائي كبيرة بحيث انج اسبوع كامل حراره و اعياء و اغماء وتطيحين بالمستشفى اصلا ماتقدرين تبطلين عينج ، بس انتي مافيج شي ، هذا الميكروب من اكلج ، يعني مو طفيليات ولا ديدان ولا اهو مرض اصلا ،
قلتله يعني دكتور اذا سويت التحليل مرة ثانيه بيروح ما راح يطلع هذا بعد ؟
قالي ايواا بيروح اما اذا في مشكله بنوع اكلج و تاكلين شي مو عدل دايما بيطلعلج بكل تحليل و قاعد يتبوسملي ويضحك
وعقبها قال اصلا شكو تقولج مو لائقه هذا شي ماله علاقه بالتعيين هذا شي عادي جدا
قلتله يعني الحين شسوي ؟ اعيد التحليل ؟ دكتور ترى التحليل خذا مني بمبارك اسبوع بالضبط اسبوع 7 ايام دكتور والله وايد
و الحين رمضان مابي اروح وارد و اتعنى و التحليل هذا بروحه مشكله النفسيه ماتسمح رايحه راده عالمختبر و المستشفى
قالي شتسوين بعد انا مابيدي شي اسويلج ياه بس بالنسبه لصحتج مافيج شي
قلتله اي صج دكتور ابي علاج عشان اصير زينه من المرض ؟
قعد يضحك علي يقولي اي مرض الله يهداج مافيج شي و هذا الميكروب بسيط مال الاكل بس يعني ماله علاج عشان اعطيج ياه اصلا

طمني صراحه ورديت و دقيت على امي لانه عندنا وحده من اهلنا تشتغل بالمختبرات بمادري اي مستشفى
وعقبها دقت علي و كلمتني تضحك تقولي ها يا غير لائقه امج قالتلي شسالفه
قلتلها السالفه كذا كذا كذا قالتلي والله ماعندج سالفه ساكته عن هالدكتورة اللي بالصباح والله لو انا منج اسويها فيها بلاوي
وعقبها سالتني و تقولي نقليني اسم الميكروب و الرمز وكل شي خل اعرف شفيج اصلا
يوم طرشته لها دقت علي تضحك تقولي شنووو هذاا من صجج غير لائقه وبتعيدين هالتحليل
قلتلها شنو ؟ تقولي هذا اكل تدرين شنو يعني اكل ؟ لا يكون قبلها طالبه هارديز ؟ قلتلها ماذكر
تقولي هذا نوع من التسمم الغذائي بس مايعتبر تسمم بس معناته كليتي شي مو زين بس
ليش يعني يخافون على الطالبات تعلمينهم من وين تاكلين و يخترب بطنهم يمكن عشان جذي رفضوج و تتطنز
بس ماكان لي خلق حتى اضحك والله


شفتوا شصار فيني
هذي حاله بالله
يعني الحين باجر اروح مبارك و اسوي تحليل
و تطلع النتايج بعد اسبوع مثل المرة الاولى
وارد مرة ثانيه حق الصباح و اعيد اللي صار اليوم كله واعيش المعركه وااي وااي اليوم بالصباح مأساه لا تطاق

واي بنات كل شوي ابجي حيل متضايقه من اللي صار
وصاكه فيني الدنيا ومالي خلق شي
وبروح انام الحين وشكلي حتى عالفطور ماني قاعده
حيل متضايقه