بنات الله يخليكم سااااعدوني أنا الحين أروح للمنطقه يوم الأحد صح ؟؟
وبعدين شسوي ؟؟ وشنو يعني المجلس الطبي وين يكون وفحوصاتي لما أخلصها من يشوف النتايج ؟؟
حبيباتي مالي غيركم
حياتي يوم الاحد اخذي اوراقج و روحي المنطقة التعليمية التابعه لمحافظتج
و لما تسلمينهم اوراقج بيعبون بياناتج ويخلصون هالاشياء كلها
راح يعطونج ورقه الفحص الطبي
ولما تاخذينها تروحين ( المجلس الطبي العام ) موجود بمستشفى الصباح
و توقفين دور بالشباك و تسلمينها الاوراق مالت الفحوصات
وتسألج شنو تخصصج ؟ وتردين عليها
وتعطيج اوراق تحاليل واشعه وتقولج روحي المستشفى التابعه لمحافظتج
وعاد انتي تطلعين وتروحين المستشفى التابعه لمحافظتج
شوفي عاد مبارك ولا العدان ولا الاميري او او او
وتروحين قسم الاشعه تسوين اشعه وتاخذين نتيجتج
وتروحين قسم المختبر والتحاليل وتسوين تحاليلج و عقبها تاخذين تحاليل بالموعد اللي يعطونج ياه
ولما تستلمين النتايج تردين مرة الثانيه للصباح ( المجلس الطبي العام )
وتوقفين بالشباك نفس الشي وتسلمينها اوراقج ونتايجج كلها وتدبسهم لج وتعطيج دور
و نطري دورج عقبها حق سحب الدم وفحص الدكتورة
ولما تخلصين منهم يقولونلج تعالي الاسبوع الياي استلمي النتايج
وعقبها تروحين لهم وتاخذين هالاوراق وتودينهم المنطقة التعليمية مرة ثانيه
وبس خلاص
ومبروك تعينتي باذن الله =)
وانتي عاد قسمي وقتج كل يوم شي
او كل يوم شغلتين
