خنت زوجي..

[غزال الاداريه]

وعليكم السلام ورحمه الله وبركاته..

هلأ أختي..ربي يتوب عليج ويصلح بينكم..~

بقولج رايي..انتي ترجيتيه يردج ومارضا حاولي معه مره ثانيه..واذا مارضى خيره وانتي صلي الاستخاره..سمعي ياقلبي حتى لو رديتي له صورتج بتكون مهزوووووووزه قدامه وتكون حياتج العن والعنييين من قبل ..بتكون شك وياخذ الفون منج ويطالعج بنظره انج انتي البنت الخاينه الي تكلمين شبااب ومستحيل ينظر لج مثل اول..بتقولييين حتى هو..شنسوي أحنا مجتعمنا الرجعي يحكم ان الرجل يشيل عيبه.. وأنا من رايي تصلين الاسستخاره وقولي له ارجعلي مره ثانيه مع اني مانصحج ترجعين له لأن حياتج بتكون العن بس انتي تقولين تحبينه ..والله يصفي القلووب بينكم يارب العالميين ...واذا مارجع لج خيرررره وراح يجي الي احسسسن منه ..وانتي توج شكلج صغيررره عندج بس بنت وتقولين انج حلوه وربي يوفقج بما يحبه ويرضاه..!ّ

معاها 100%

الله يهديكم ويكتب لكم اللي فيه الخير

 

[رموش النمــــلة]

استغفر الله العظيم واتوب اليه
حبيبتي محد ينفعج بالدنيا بس ليش تراسلينه وتكلمينه اللي قاعده تسوينه غلط بغلط مافكرتي بربج او بسمعت اهلج الحين
هو ماراح ينفعج والرجال يشيل عيبه عند مجتمعنا وماله داعي اللي سويتيه شلي حادج
اما رجلج غلط بحقج بزياده انجان شكيتي للاهلج عن اللي قاعد يسويه او امه وابوه يوقفون عند حده
(من شاب على الشي شاب عليه)
بس ادعي لربي ان يهديكم ويصلحكم ويردلكم لبعض

 

[ام الحلوااات]

اللــــــــــه يـــكــــــــــون بـــعــــــونــــج
صـــلــــي بـــااللــــــيــــل واطــلـــبـــي ربــــج واشـــكـــــي لــه هـــمــــج
واللـــــه يـــيـــســــســــــــر امــــــــرج تـــــرا ربــــــج
ارحـــم بـــج مـــن عـــبــــاااده واكــــثــــــري مــــن الاســـتـــغـــفـــــاااار

 

[" ام حمود "]

الله يهديه

 

[عجميه ذوق]

انتي اصلا حرام تكونين على ذمته لانك خنتي لاتقولين انه مو معطيش حقش هذا حرام وماتربينا عليه والمرا غير والزوج غير واحسن حل الطلاق.

 

[حنان الحربيه]

لا حول ولا قوة الا بالله
بس اني من البدايه غلطتي ليش تسكتين لما كان يخونك
ترا هالزمن الرجال مثل الحرمه والخطاء واحد
بس انتم الله يهديم يالحريم مدري كيف تفكرون

 

[Sanyoreta_20]

انا هذا الي باط جبدي يعني الريال عادي يخون ويكلم و البنت كل يوم بجي بس البنت اذا خانت صار يوم القيامه صج مجتمع متخلف مايساون بين المرا والريال

 

[Am00laa]

اب اب اب
استغفر الله العظيم واتوب اليه

 

[om MaRyooM]

بس والله ريلي جبرني على هالشي كنت حاااسه بنقص موطبيعي وهذا الجلب قص علي بكلامه*

شلون يعني جبرج على هالشي ؟؟؟؟فهميني بس !!!!!!!!

انتي اللي جبرتي نفسج تعيشين بوهم وسكتي عن خياناته .. واخرتها فظحج المسكينة عند اهلج
وتبين ترديله ؟؟؟؟؟؟؟ ماتوقع بيرضى
حتى لو رضى ... مثلااااااـ رح ترجعين مذلولة ولو جكيتيه نايم مع وحدة بفراشج مارح تقدرين تتكلمين صح ولا لا

انا اقول استغفري ربج وروحي العمرة وحاولي تبلشين صفحه يديدة من حياتج

ومارح الومج زيادة ... وتوبي توبة نصوووح من قلب عشان ربج يغفرلج مو اكثر

 

[LoLaTi]

وعلبالج اذا ردلج بتعيشين بوناسه !! بالاحلام لانه فضحج عند الكل اهلج و اهله باجر شلون بتزورين اهله؟؟؟؟ مالج ويه بعايرونج وهذا اذا ماطردوج محد يشتهيج وفوق كل هذا بعايرون بنتج فيج وراح تتعقد
انا اقول خلج قاعده عند اهلج احسن لاتفكرين انه يردج مستحيل

 

[سفييره الكويت]

انا هذا الي باط جبدي يعني الريال عادي يخون ويكلم و البنت كل يوم بجي بس البنت اذا خانت صار يوم القيامه صج مجتمع متخلف مايساون بين المرا والريال

هناك مثل انجليزي اعتقد الام بعين طفلها كالاله بمعناه انه يراها دائما على صواب

فكيف تخون..!

 

[ياغفور اغفر لي]

لا انا ولا اي بنت بنفيدج

مالج الا ربي اقسم بالله اقسم بالله اقسم بالله
ان لجأتي لربج بضمير صافي وقلب تايب توبة نصوحة وقلتي له كل الل بخاطرج وبجيتي وترجيتيه واكثرتي من الاستغفار والدعا جوف الليل ودبر الصلاوات المكتوبة راح تشوووووووفين الفرج


ومو كل وحدة قصر معاها زوجهاا اركضت تخونه لا يابابا هذا مو عذر انتي بتضرين اهلج اولااا ثم نفسج ولا هو ماراح تفرق معاها غير انه يفضحج او يطقج او يستر عليج وبالثلاث حالات بيطلق الا اذا الله هداه


واسال الله الكريم العظيم القادر المقتدر ان يردة لج ردا جميلا ويسخره لج ولبنتج ي رب

 

[حبك من الله]

حبوبه الله يقبل توبتج ويصلح نيتج وذريتج

حبوبه الله يقبل التوبه والناس ماتقبلها

لايهمج الا رضا ربج وبيرضيييييييج الله

لاتشيلين هم ريلج

دزي له مسج وقولي له انج تحبينه وتتمنين له الخير وندمانه على الي سويتيه قد شعر راسج

وان ابن آدم خطاء وخير الخطائين التوابين .. وانج تبتي وعرفتي خطأج قبل يدري فيه هو

وقولي له لو بتردني هذا كرم منك انك نسيت غلطتي ورديتني للأنسان اللي ابيه وماابي غيره ..

ولو ماسامحتني الله يعوضني بأحسن منك ويعوضك بأحسن مني ..

وبعدها لاتترجينه

صفي نيتج واحسنيها وتوكلي على ربج واستخيري .. واذا في رجوعج لريلج خير لج وله

راح تردين .. واذا لا ربي راح يعوضج بأحسن منه لأنج اقبلتي على ربج .. اللي يغفر الذنب ويقبل التوب


الشي الثاني

البنات اللي يحسسونج بالذنب والعار والخزي .. اقول ماعليج من كلامهم

أنت تبتي .. ولجأتي لربج .. خلاص لايهمج أحد

ربي يغفر الذنوب .. وأهلج يتفهمون الموقف .. والله يسهل وبتنسين وتعيشين حياتج

والله بنات دشوا السجن علشان بلاوي سودا نسأل الله السلامه

وطلعوا وهم تايبين وربي رزقهم وعايشين حياتهم

انا اقول انت غلطانه ماجبت شي يديد >> انتي معترفه ويكفي انج تبتي لربج

وادعي الله ان يقبل منج

لكن اليديد ابدي صفحه يديده

اذا استخرتي وريلج يبيج بيرد لج

واذا مافيه خير ماراح يرد لج

لاتزعلين عليه >> انتي ذكرتي فيه عيووب

وربي يرزقج باللي أحسن منه

وهذي دعوه للبنات اللي يغلطون انهم يتراجعون عن أخطاءهم ويتوبون ويسترون على أنفسهم

وربي يهدي بناتنا وشبابنا

 

[ماني من الناس]

هذا جزا الخاين يدور الزمن ويخونه اقرب الناس له

كما تدين تدان


وانتي شتبين فيه دام اهو السبب في انه وصلج لهالمرحله الغلط


احتفظي بما تبقا من كرامتج وفرقاه عيد

 

[صديقتك ياليل]

الله يهدي النفوس يارب

 

[Om fhoood]

الله يغفرلج ويقبل توبتج حبيبتي

كل انسان يغلط

وتبين اريحج

انتي غلطتي واهوا فضحج صح ؟

بالمقابل انتي سترتي عليه عدل ؟

منو تتوقعين فيكم ربه بيوفقه

ياحياتي ميخالف مصير الايام تنسيج كل شي

بس لاتترجينه وتذلين نفسج خلاص

قوي علاقتج بربج والجأي له الندم ماينفع الحين

وشنو تبين ترجعين له انتي بنفسح عارفة انه شخص مو زين وراح يظل عمره كله يعايرج ويذلج شتبين فيه فراقه عيد

وصدقيني بنتج بأحسن حال بدونه

شدعوا كان داري عنها ولا عنج قبل شنو اللي يبي يتغير الحين

هدي بالج وفكري شلون تطلعين من اللي انتي فيه ودايما دايما رددي

الله اني فوضت أمري إليك

اللهم إني مغلوب فانتصر

الله خذ حقي منه وأرني فيه عجائب قدرتك يارحمن يارحيم

وقربي من ربج وعطي ربج حقه عشان رب العالمين ما ينساج

 

[بنت الأجوااد]

الله يصلح حالج

والله ماتدرين رحمة من الله انج افتكيتى منه

لاترجعين له ابد

بذلج ويحتقرج العن ابو الحب اللى بذلنى ويرخصنى


حبيبتى ان شاء الله ان ربي يتقبل توبتج باذن الله

ويعوضج برجال يستاهلج ويدللج ويسعدج ويعينج على بلاوى الدنيا

حاولى اذا بنتج كبرت شوى لاتخلينها تختلط باهل زوجج لانهم راح يعقدونها بقولون لها ايه بكره تصيرين مثل امج

مايدرون ان الدنيا دواره

لاتكلمين رجال بالنقال ابدا وخليج قويه محد يقدر يتكلم عليج بحرف وتحدى اى احد يمس شرفج بكلمه

غلطتى مره ماهى نهاية الكون والحمدالله انج ماغلطتى بجسدج وهذى نعمه

واذا احد سالج عن هالموضوع قولى انه هو اللى مألفه مع واحد من ربعه وهو اللى كان يدز من نقالى ومن هالامور لاتخلينه يكسرج خليه يولى

ولاترجعين

يعنى هو يكلم من بنت لبنت حلال له وحرام على غيره

من ليس له حيله فليحتال حتالى عشان بنتج عشان بكره مايهينونها وهى مالها ذنب قولى للناس هو يبي يطلقنى وسوى هالسالفه على

النقال هو اللى ارسل الرسال وهو اكيد انه شخص مدفوع له اذا ماكان من ربعه ومن هالكلام

كل هالكلام ينلغى اذا كنتى مطرشه صوره ان شاء الله لا

لانه راح يستخدم هالبرت بكره بالحظانه عشان يحرمج بنتج دورى محامى شاطر يقلبها على راسه عشان الحظانه

لحد يقولى لا ومادرى شنو حطوا لو لحظه انكم مكانها وش راح تسوون الله لايبلانا بس حرام هى لو ماهى محتره ومتندمه ماكتبت هالموضوع وتطلب منا المساعده


هالزمن هذا الله يكفينا شره

 

[نونو العصله]

لا تردين له
والله يعوضج خير
شلج فيه
بروحه راعي خرابيط
توبي لربج توبه نصوحه و الله يعوضج خير
وربي بنتج بعيد عن الهموم

 

[الاسكريم]

صباح الخير
اختي الكريمة طبعا انتي غلطانه هذا مايختلف فيه احد
ثانيا مجتمعنا كذا دايما خطأ البنت والولد اذا كانا بنفس المستوى
نلاحظ انه الخطأ يصب على البنت اكثر شيء
اختي الكريمة ارسليله رسايل او كلمي امه او ابوه او احد يمون علية
ولاتنسي ان تتعلمي من الاخطاء
اتمنى لك التوفيق

 

[ام فتوته]

الله يهديك ويستر على كل مسلمه