خنت زوجي..

[a7la_7b]

الله يغفر لج
انتي غلطتي بحقه وشي طبيعي الطلاق راح يكون ردة فعله
صح هو خان وخان وخاااان بس المره لما تخون غير المره تسامح والرياااال ماينسى ومستحيل يرضى يعيش مع وحده خانته بيوم من الايام حتى لو بمسج
اهم شي انتي تبتي وندمتي وماكو شي صعب اذا وكلتي امرج لله سبحانه وتعالى
الله يكتبلج اللي فيه الخير واذا ماكتب انج تردين له الله يعوضج بغيره

 

[sunshine22]

الله يعينج

شتبين فيه خاين وخرب اخلاقج وانتي ساسج زين


حسبي الله على هالرياجيل اللي ما يخافون الله واللي الشي حلال عليهم حرام على المره


لازم كل رجل يخون
يعرف انه مرته تدور الكلام الحلو عند غيره
انشروووو هالكلام خل الرياجيل يفهمون الشي هذا عشان يحافظون على حريمهم

 

[العوبأأأ]

انا اقول مو اخررر الدنيااا اهم شي حسيتي بالغلط والاهم من هذا انك اعترافتي فييه انا اهننننيك علي الشجاعتك واعترافك لهالشي
ماحد بيقدررر ابد ولا احد بيسامحك من اهلك بس كل الي تقدين تسوينه الحين انك تثبتين الاهلك انك كنتي تحت ضغوط نفسيه وصرتي احسن من اول يوم كنتي معاه انا ماعتقد انه يحبك لانه كنتي بنظره زوجه وبس لو يحبك كان اهتم فيك قبل لاتوصلين لهمراحله
كل الي اقدر اقوله شيليه من بالك لانو حتي لو سامحك ورجعتي بتكون حياتك العن من اول لانو لو خانك بيقول عذري معاي انتي بعد خنتيني وعوار راس ماله داعي اهتمي باهلك واخونك الي نظرتهم تغيرت وبنتك وعيشي حياتك طبيعيه والله يعوضك احسن منه
وبعدين يمكن خيييره لانه مو مهتم من اول خلي نظرتك للحياه احسن ولا تعلقين املك فيه وعيشي حياتك طبيعي وهذا درس لك​

 

[دلوعة أبوهآ]

دامك تبتي ..!
ف الله يتقبل توبتك ..


مالك غير الدعآْء

آدعي ان الله يجمعك مع زوجك
وخليه درس لك تعلمتي منه !!

 

[kAmMoOnH]

الله يصلح بينكم ,,

 

["وسم"]

عندي سؤال
الحين اذا بطلع برنت من شركة الانصالات تطلع الأرقام انزين ومسجات الواتس اب يقدرون يطلعونها؟؟؟؟؟؟؟؟؟؟

 

[جذابه بنت ذيابه]

حبيبتي هو غلط وانتي غلطتي


لازم لازم تتوبين توبه صاااادقه لربج اولا
وثانيا الجي لله عز وجل بسورة البقره اقريها 40 يوم بنية ان زوجج يسامحج ويغفرلج ..


صج ان زوجج غلطان وستين غلطان بس اغلب الناس ينظرون للمراه بالغلط

 

[كليـ دلعـ]

اي كللل شي يطلعووونه



!!!!؟!!!

 

[Am00laa]

الواتساب لا
بس الارقام والمسجات

 

[سمراء كالخمري]

طلاقج خيره يعني شفايدته ريال لا مجابلج ولا شي بس الحين مو وقته نقولج هالكلام انتي المفروض تحاولين تردين ثقه اهلج فيج واحترامهم خاصه امج وابوج لانه الي صار موشويه وفهميهم الموضوع وانج غلطانه روحي العمره عشان تغسلين ذنوبج وربي يعوضج بريل احسن من الاول وتوبي حق ربج ياقلبي

 

[shak!shoka]

اثنينكم يهال و متهورين

ومثل ما اهوا غلط انتي غلطتي و اكبر من غلطته

بنتج وينها بحياتكم

ليش ما فكرتوا فيها


ليش قبل ما تخونينه ما فكرتي بهالبنت الي عندج

عساه ما اهتم فيج و لا شبعج حنان

هذااا مو عذر

و خطأج ما ينغفر طول العمر

الله يعينج
المطلقه وضعها صعب و هالدور مفضوحه و الكل عرف انج خاينه

الله يكون بعونج و يصبرج و لا يحط احد بمكانج


بنتج الضحيه مسكينه محد فكر فيها
الله يسامحكم و يغفر لج و يحنن قلب اهلج عليييييج و يعوضج خير يااااااارب

اسفه ع كلامي بس والله انقهررررت حيل عليج

 

[shak!shoka]

ما ارتحت ابي ارد رد ثاني

ريلج حقيييير و واطي و سافل و جللللب

كان يقدر يطلقج من غير فضايح هالحيوان

راح اييله يوم بنفضح فضيييحه و ينكسر مثل ما اكسرج و دمر حياتج

الله لا يعطيه عافيه


انقهرررت يا ليتني ما قريت موضوعج

 

[ya al3rosa]

مو انتى طلبتى الطلاق اشتبين اكثر من جذى

 

[عشقك وطن]

والله ي قلبي غلطك نفس غلطه وغلطته اكبر


انتي ماقصرتي معه وخانك


وهو مقصر معك وخنتيه


انا مابرر لك اوك


لكن


انتي طلبتي الطلاق ويوم طلقك تبين تردين له ليييييه



اول شي هو زفت وياك قبل لاتخونين شلون لو خنتي ؟!


الشي الثاني حط العيب كله فيك ولا سامحك مثل ماسامحتي وش تبين فيه ؟!



والغلط الاكبر انك سامحتي من البدايه ع خيانته لك



فالحين اقولك انسيه ولاتفكرين ترجعين له حتى لو هو جاء يرجعك وماراح يجي اصلا


لانه بيعاملك اسوأ من قبل

 

[صغيرة على الحب]

مادري شقولج حبيبتي

مشكلتج وايد معقدة انتي عالجتي الغلط بغلط مثل ما يقولون بغت تكحلها عمتها بس الشي الزين انج حاسة بالندم

لكن كل مشكلة و لها حل

والحلول اهي

- اول شي و الشي الاساسي ربج تقربي وايد و طلبي منه يغفر لج خطيئتج و كثري من الدعاء و الصلاة و خاصتا صلاة الليل
و انتي تصلين ادعي انه يصلح حالج و لو رجوعج له فيه صلاح ربج بفرجها

- الشي الثاني بالنسبة لاصرارج انج ترجعيله رغم خيانته و خيانتج شوي صعب لان طالما دخل فيكم الشك و طحتي من عينه و انتي مجروحة من معاملته من المستحيل انه يتعدل الوضع و لو بيتعدل يمكن بعد فترة وايد طويلة لان المره مسكينة لو خانها زوجها ممكن تزعل تنجرح بس تسامحة و تتناسى اذا تحبة لكن وحطي تحت لكن خطين الريال لا يمكن اسامح ولا ينسى و شي نادر تلقين ريال اسامح مرة خاينته نادر اذا كان يحبها موت لكن بالنسبة لوضعج علاقتكم مهزوزة و اهو خان و مقصر و انتي ملاحضة انه ما يحبج كثر ما تحبينه فا من رايي خليج على وضعج و الله اذا شايف رجوعج فيه صلاح بيرجع باذن الله و اذا لا بعوضج باللي احسن منه اكيد

-الحل الثالث لو انتي مو متحملة و تبينه يرجعلج كلمي واحد كبير من اهلج يكون مقدر موقفج و مسامحج على خطاج و يفهمج ز خليه يقعد معاكم انتو الاثنين و كل واحد يطلع اللي بقلبه و ظلي اعتذري وايد و لا تكلمين او تكررين عيوب ريلج وايد جدامه لانج انتي هم غلطتي و قولي انج بترجعين عشان هالياهلة ما تضيع و شوفوا ردة فعله و ان شاء الله خير

- الحل الرابع اذا اهلج ماخذين منج موقف و الوضع صعب في بيتكم دقي على ريلج و حاولي تكلمينةو تعتذرين وايد و قوليله الاسباب و انها زلة و انج ندمانة حاولي تحصلين فرصة تكلمينة اذا ما يرد عليج طلعي حجة بنتج اسم الله عليها موديتها الطبيب و قوليله ايي او اي شي المهم تحصلينه و تكلمينه

ولا تنسين اهلج ممكن خذوا فكرة و مضايقين امج ابوج لازم تعتذرين منهم لانهم اهما الاهم و اهما اللي بساعدونج مالج غيرهم ترى على فكرة الريال ممكن يتعوض بغيره لكن الاهل ما يتعوضون ابدا

و ان شاء الله امورج اتيسر كلها استغفري استغفري وايد اهم الحلول اهو ربج ماااااااااااااااااااااكو غيره

 

[الباسمة الخجولة]

الله يغفرلك ويصلحك
نصيحه لا ترجعين له وادعي ربك يرزقك بواحد
يشغلك عشان ماترجعين للحرام

 

[بولندية]

الانسان مو معصوم عن الغلط بس شنسوي بمجمتعنا يغفرحق الريال و المرا لآ

الله يسخره لج و يردلج

 

[BubbLe87]

حبيبتي اكو شي اسمه دعاء
ادعي و ادعي و ادعي
الدعاء سحر حلال
صلي صلاة ليل و قيمي الليل بالقران
استمري على هالحال والله كلشي حوالينج يتغير و يتبدل
ادعي ربج يغير نظرة اهلج عنج
ادعيه باخلاص و صدق و مهما كان هذيل اهلج بسامحونج
انتي ما طحتي بهالغلط الا من سواة ريلج
حبيبتي لا تفكرين بالناس و المجتمع فكري بالله سبحانه
ترى اهو يغفر الذنوب جميعا خليه يرضى عنج لان الناس مالها الا الظاهر و الشي اللي جدامها
اذا الله رب العالمين يسامح و يغفر شلج بهذا شقال و هذا ما قال
طقيهم بالطوفة و اسعي انه ربج يرضى عنج
ابتعدي عن كل المعاصي و تقرب منه والله ما يعجزه شي
انا اقولج جذي لاني اعرف شعور العجز و الياس اللي حايشج
بس ادعي و استغفري و وكلي امرج حق ربج و الله راح يفرجها عليج هذا الكلام مو انا اللي اقوله هذا الله يقوله بالقران
ان مع العسر يسرا
و ما ضاقت الا فرجت و ربج ما ابتلاج الا لانه يبيج تدعينه و تلحين عليه بالدعاء
و بالنسبة حق ريلج انا من وجهة نظري ما يستاهل هالحب و العفسة اللي سويتيها عشانه
لكن انتي ابخص بنفسج صلي و استخيري و ادعي اذا ردتج فيها خير الله يردج له ان شا الله
و الله يعينج ان شاء الله

 

[نونا حلوه]

لاحول ولا قوة الا بالله الله يعينج والبنات كفو وفو

 

[قسى قلبه وخلاني]

الله يعينج وان الله غفور رحيم ما ادر شو اقول بس انصحج دخلي هالموقع وراسلي الكاتبه
www.souadsleibi.com اكتبي قصتج وهي بتنصحج وايد تساعد الناس وتنصحهم
بنت خالتي وحده منهم اي مشكله تسألها وانا احيانا اراسلها اوقات ما ترد بسرعه بس بالنهايه بترد
والله يصبر قلبج