خنت زوجي..

[RO0O7Y KUWAITYA]

الله يهدينا ويهديج ويهدي بنااااات المسلمين
وما اعتقد عقب الي صار فيه رده
فوضي امرج للي ارحم في حالج منا

 

[al3o0oba]

اممممممممممم الصراحه ما الومج !
لان صج اذا ما لقيتي اهتمام من الشخص الي تحبينه مثل خلاص ان تملين
فدورين غيره ! << المهم لا تذلين نفسج صلي صلاه استخاره

 

[نونه المنكوشه]

حبيبتى لاتحملين نفسج فوق طاقتها وتانبين نفسج ع واحد مايستاهل ولاقدر انج شكثر طحتى عليه وسامحتيه بس لانه خبيث فضحج ع الاقل جان سكت علشان بنته والحين ماشاف نفسه شكثر غازل الحين صار شريف رومااا مجتمع نظرته تافهه يصغر غلط الريال ويعظم غلط المره اذا عندالله سواسيه والله انا بنظرى لاتذلين نفسج له ولااترديله فتحى صفه يديده وابدى حياتج لانه اذا رديتيله حياااتج بتكون جحيم وانتى ع تلفون شوفى شسوه انا صج مومعاج باللى سويتيه لكن مالومج بالنهايه انتى بشر واكيد تبين الاهتمام وحسبى يالله ع كل ريال مايخاف الله فى مرته وبالعكس انا افضل انج اتكونين منفصله ولاتعيشين مع مغازلجى وتبلعين من هالحركات والله يرزقج باللى احسن منه

 

[موعدنا بكره]

كل ابن ادم خطاء وخير الخطائين التوابين ..عليكي بالاستغفار يا اختاه ..حاولي ان تجدي من هو قريب من طليقك كي تعود المياه لمجاريها وكما صبرتي عليه قبل اصبري الان على فراقه فهو حسبما تقولي غير مناسب لك

 

[Am00laa]

اختي مع احترامي لج

سالفتج مكذوبه

بصراحه وااايد احترمتيني

شنووووو مكذووووبه؟؟؟؟

في وحده تفاول على عمرها؟؟؟

الله يسااامحج بس

 

[Am00laa]

امبيييه الحمدلله والشكر
مسويه نفسج فاهمه يعني؟؟؟

زوجي مره شاف الرقم عندي يوم هذاك كان داز مسج لي
وقلت له يمكن بالغلط ماعرف هالرقم
وسكت وسييف الرقم عنده

عقبها طلع برينت رقمي باسمه*
واكيد راح المحكمه واخذ اذن من النيابه يا حبيبتي
واهوا يعرف ناس اكباريه بالداخليه
فأموره تمشي بسهوله

بصراحه اثبت لي انج ماتستحين بردج هذا
والله يشهد على سالفتي
كافي اهوا يعرف اذا انا صاجه او جذابه

مو واقفه عليج ياقلبي
ومانشوفين شر صدقتي او لا

 

[Am00laa]

رجاءا اختي
احترمي عضوات المنتدى والمكان
واحترمي شعوري
ولا ترى المشرفات يشوفون شغلهم معاج

 

[بندووشه المطيري]

آلله يتوب عليج بس ويهديج ويهدي بنآت آلمسلمين أجمعين

هذآ إلي أقدر أقووووله !!!

وآلله يكون فـ آلعون

وخلي عنج آلرجآل ألحين وتقربي لربج وآلله يعوضج

وأهتمي فـ بنتج ووبسس

وحتى لو رديتي له صورتج رآح تكون بعينه مو شي

أقعدي فبيت أهلج بكرآمتج أحسن

 

[! بــدويه وآآيــد !]

،


ياشين نظام المحقق كونان اذا دش بـ المواضيع
نايت بير خيتوو محد ينكر ان الكويت بلد الواسطه فوق القانون والرجال اذا يعرفون بعض ويبون خدمه لو يطلب اي خدمه او واسطه بيطق الصدر لو توقف عليها وظيفته بس ان اسمها ساعدت ومشيت معاملة فلان
والبرنت لا فيه يطلعون برنت والخط باسم منو واقرب مثال ؟؟ اعرف وحده بالداخليه بس ادز لها الرقم تدز لي الاسم الكامل ولو ابي العنوان وهذي وهي مره شلون لو رجل وجرئ ويطلب من الي اكبر واعلى منه بيطلع له النون ومايعلمون
وسالفة تل الرجال بالمخفر ممكن يكون الضابط المستلم صديقه وماكو كويتي مايعرف له شرطي والا ضابط لازم بالعايله او المعارف او اخوالربع او او ويلملمون السالفه بينهم

نفرض السالفه جذب اوكي مجرد طقطقت كيبورد نكتب الي يمليه علينا ضميرنا والسلام

صاحبة الموضوع
اول شي شيلي من بالج ان يسامحج ( عند الله الخيانه وحده لكن بمجتمعنا الرجال نغفر له والمره لا )
غلطتج ربج يسامحج عليها لكن طليقج ومجتمعج مستحيل يسامحونج
الرجال الشرقي مسسسسستحيل مسستحيل مسستحيل يسامح ويغفر الخيانه

اذكر قبل فتره دق واحد على فوزيه الدريع قالت جكيت زوجتي تخوني وسامحتها لان عندي 3 ابناء فوزيه الدريع انصدمت قالت له تقسم بالله ان صج ؟؟ هل انت فعلا رجل شرقي ؟ شلون طاوعك قلبك تطوف هالسالفه لان قلب الرجل لايغفر هالشي
شفتوا وحده متعلمه وفاهمه وواعيه ودارسه برا ومليون حاله وحاله مرت عليها انصدمت واستغربت حيل من هالسالفه لانها من النوادر

انسي يرد لج
واحمدي ربج بس اذا مارفع عليج قضية غير مؤهل للتربيه واخذ منج البنت ومايصير تشوفينها ولا ساعه بالشهر
لان الرجل الخاين او المره الخاينه والي فيه دليل ضدها ع الخيانه تصبح غير مؤهل/ـه للتربيه = يسحبون من/ـه الحضاانه لـ الأبد

احفظي الي بقى من كرامتج ولاتمسحين بروحج الارض اكثر واكثر كفايه الي صار
حاولي تردين ثقة اهلج فيج او تشككينهم بمصداقية الي قاله اذا في مجال
وعيشي حياتج لما يجي نصيبج وطبعا مايحتاج نصيحه لانج خذيتي درس يكفيج العمر كله

 

[om-3azo-83z]

ما انصحج تردين قبل لا توهمين نفسج انج تحبينه
حياتج بتنقلب الى اسوء و ريلج بيظل يكلم بنات و ما يدري عنج و فوق كل هذا بيستحقرج لانج خاينه
الله يهديكم بس

 

[حبك من الله]

امبيه اعجبتني ردود NightBear >> ماشاء الله عليج مدري عليك ههههههههههههه

الحمد لله الديره بخيرررر

الله يكافينا كل واحد نواياه سيئه

وصاحبة الموضوع يمكن طليقج قالج جذيه عشان يطلقج

وانت اعترفتي له وقلتي الأكو والماكو


والله الزمن هذا غريب

يالله الستر فوق الأرض وتحت الأرض ويوم العرض

 

[!! دلوعته !!]

الله يهدييييييييج

 

[kwait doll]

من صجج شتبين فيه دام كل عيوب الدنيا فيه وخاين وفوق هذا طاح عليج انج خاينته يعني حتى راح يصير العن من أول

تبين الصج ما أنصحج تردينله ولايقولونلج مجتمع شرقي ما مجتمع شرقي والريال عادي يخون وانتي لا

لا مالج شغل فيهم أهو اللي حدج عالشي هذا وانتي غلطانة نفس ما أهو غلطان بالضبط مو أكثر ولا أقل

الله يهديه لج ويرجلعلج إذا كان بردته خير لج ويبعده عنج إذا كان بقربه شر لج

 

[نونه المنكوشه]

بناااااااااااات عفيه لاتالفون قصص ترى فى بنات عاطفين ويتفاعلون مع القصه من ضمنهم انا ترى حدى اتفاعل واصدق يعنى حسوا فينااااا حسحسونا ناسيناااا يبه ليش تلعبون بعصابنا حرام عليكم ترى اللى يجذب الله يحطه بناررر اهىء اهىء تعبنا خلاص بليز مانبى تاليف اللى عندها مشكله صج تكتبها والكل بيساعدها وبيتكلم بضمير اما انكم اجذبون وتخلونا انصدق حراااااااااااام ولكم مايجوز

 

[Am00laa]

استغفر الله العظيم

 

[Am00laa]

ياجماعه الي مو مصدقني لايكتب رد
ربي يشهد على كل كلمه اقولها
ويحاسبني عليها

 

[رق رق]

امبييييه سالفتج نفس سالفه وحده اعرفها بالضبط ، بس الفرق انها مخانت حراام وصار لبس بالموضوع وغلطتها انها مسحت المسج يعني مافي دليل يثبت وريلها يقوم يطقها طق اليهود ، وراح حق اهلها وكلمهم ، المشكله يبي يطلع برنت والبنت استانست لان راح تطلع برائتها ويقرا شنو في المسج ، بس للاسف ممنوع وما طلعوله .
الله يهديي الجميع
وبالنسبه لج ؛
خلي احد يعرف يتكلم عدل يكلم ريلج ، ويقوله شوف المسجات كلها قديمه وهي تابت ، ربك يغفر انته ماتغفر ؟
عطها فرصه ثانيه مثل ماهي عطتك .
وان شاء يلين راسه ويرجعج ..

 

[pusy cat]

اشتبين فيه

دام فيه كل هالعيوب ويخونج

بنتج ماراح يضرها شي اهو طلقج انتي ما طلقها

يبا سالفتكم خربانه ما اظن راح تنحل

عالعموم استخيري واستغفري وشوفي الله وين بيوديج

 

[بهبهانيه]

عادي الأنسان مو معصوم عن الخطء
ما يهمك دامج تبتي الى الله
الله اكرم من عباده وارحم منهم بكثير
وبالنسبه انج تردي له ما انصحج لأنه انسان ما يحترم أعراض الناس
حتى لو خنتيه لو بيخاف ربه بيطلقج من سكات مو يسوي فضيحه
والله يقدملج اللي فيه الخير

 

[om MaRyooM]

عجــبي من اللي يحطولها اعذار !!