دليل نوادي الكويت الصحية

[كويتية أمورة]

مشاركة: دليل نوادي الكويت الصحية

لا حبوبة هو بمجمع شاهه ماغيره قلتلج اللي فيه الوطنية
هو يصير فوق صالون ونادي
وعفية لارحتيلهم يبيلنا الاخبار معاج
وسألي اذا عندهم جلسات مساج وتخسيس وسوالف ياحبنا حق قط الفلوس على غير سنع ههههههههه

 

[eng_bdliat]

مشاركة: دليل نوادي الكويت الصحية

اي والله صدقتي الفلوس ماندري وين نقطها ونيي اخر الشهر مفلسين
انا باذن الله بروحلهم الثلاثا او الاربعا ويبلكم الاخبار

 

[كويتية أمورة]

مشاركة: دليل نوادي الكويت الصحية

يالله ناطرتج حبوبة

 

[missq8_6]

مشاركة: دليل نوادي الكويت الصحية

خوووش شي اذا اليزيم جذي سعره كل ما زاد عدد المشتركات قل السعر حلووو على جذي باخذ بنات الدوام كلهم معاى حتى لو عصلع المصله و المديره بعد على الدرب هخخخخخخ ايي وصح اهو حق ريايل بعد اذا الوزير بيشترك معانا حياه الله لوووووووووووووووووووووول

 

[chica_q8iya]

مشاركة: دليل نوادي الكويت الصحية

ليش ماقمتوا تكتبون عن نوادي يديدة؟
أنا عن نفسي مشتركة الحين بشاتوفيب.........
اهو وايد زين بس دوامهم من الساعة 10 لي 8
وعيبه انه العصر زحمة يعني لازم أروح الصبح!
منو تعرف نادي زين ورخيص ويفتح 24 ساعة؟؟؟؟؟؟؟؟
أو حتى لو مو 24 ساعة بس انه يقعد فترة أطول؟

 

[sunshine22]

مشاركة: دليل نوادي الكويت الصحية

تشامبيز راقي

واللي يعجبني فيه الناس راقيه و وكلن بحاله ومافيه بنات صايعات ومصلى موجود وظليمته شينه لا تقطون نظافه ولا عيوووووووب

 

[نور النت]

مشاركة: دليل نوادي الكويت الصحية

بنااااااااااات فيلكس وين صاير بالضبط وبجم اشتراكه الشهري والسنوي ؟
انطركم تردون علي

 

[P!NK]

مشاركة: دليل نوادي الكويت الصحية

أول شي الله يعطيكم ألف عافية على هالمنتدى العجيب
وايد حبيته توني يديدة عليكم :d

ثاني شي انا ابي اشترك بنادي بس ابي أحد يشجعني و صراحة من حجيكم قررت على فلكس
بس أي واحد ؟؟

في واحد ببنيدالقار و الثاني بالشعب . شلفرق بينهم؟

ناوية اشترك 3 اشهر و يمكن 6 اشهر

و الله اعلم

لووووول

120 شهرياً انزين 3 اشهر أول 6 أشهر بجم ؟

 

[الكويتـ80ـية]

مشاركة: دليل نوادي الكويت الصحية

السلام عليكم يا بنات الكويت
بالنسبة لي أنا أشتركت هالشهر في نادي فيزيك اللي بالسرة, أشتراكهم الشهري 50 د.ك , أجهزة المشي 6, أجهزة الستب هم 6 و أحهزة العجلات 6 و طبعا أجهزة الحديد لكل الجسم على واحدة وحدة,, ما عندهم حوض سباحة لأن النادي صغير, بس فيه بخار و حمام مغربي ( اتسوين حق عمرج) ,, همممممم و بعد صالون تبعه ,, يعني اتحطين بشعرج حمام زيت و تروحين تلعبين و لما تاخذين شور تغسلين شعرج و تستشورين و شغل عدل .. و فيه عندهم وحدة صينية تسوي مساج للتنحيف و ابين شغلها زين (للأمانة ما جربت) ....

بالنسبة للمدربات عندهم 2 ,
وحدة فلبينية أسمها (باربي) هههههه و ما شاء الله جسمها شب عجيب مشدوووود... و عليها كلاسات تحرق اللي ما ينحرق.
وحدة هندية أسمها(أنيتا), و هي مدربة متخصصة لليوغا ,, و ما شاء الله عليها وايد مرنة و تمام,, و أنا كل كلاس أكون موجودة فيه لأنها وايد زينة ... ( و يقولون اليوغا تنفع البنات يستعدون للزواج) ووأنا قلت أجهز عمري ,,, تدرون المرونة موجودة,,

همممممه ما ادري نسيت شي بعد؟؟؟؟ ما أظن أيييي رقمهم
5314848

سلام

 

[موني موني]

مشاركة: دليل نوادي الكويت الصحية

بنات مو سامعين بنادي كاميو ؟؟ انه رحت و سويت جولتي على النوادي .. واللي عجبني الصراحة فيت اللي يم جمعية المعلمين .. واسعارهم كالاتي

سنة 440 +5 جلسات مساج
6 اشهر 337 +3 جلسات مساج
3 اشهر 237 + جلسة مساج
شهر 120
اسبوع 60
يوم زيارة 15

وطبعا هذه الاسعار لغير المدرسات .. لان المدرسات لهم خصم فيه

فانه شخصيا محتارة بين فيت و كاميو ,,, اللي شجعني اني اختار كاميو انه المدربات فوق راسج و يستلمونج من اول ما اتدشين ليما تخلصين .. و وايد ناس شفتهم افرقوا من اول اسبوعين بعد النادي ..وعيبه انه مكانه صغير و مافيه مسبح .... ايييي و نسيت لا اقولكم عن كاميو انه سعره 45 دينار بالشهر و كل شهر بشهره ما عندهم 3 اشهر او 6 اشعر لا كل شهر بشهره ....

انه محتارة بين هالنوادي اشتنصحوني

 

[موني موني]

مشاركة: دليل نوادي الكويت الصحية

وييييييي نسيت لا احطلكم رقم فيت

مباشر 2526013 - 2570860

بدالة 820000 داخلي 175

جمعية المعلمين الكويتية الدسمة قطعة 3 - شارع كاظمة

وسلامتكم

 

[موني موني]

شدعوه بنااااااااااات ولا وحده تعطيني نصيحه على النواديين اللي محتارة بينهم ؟؟

 

[love_ak]

مين تعرف نادي توب سنتر وتلفونه وكم اشتراكه وعنوانه اذا مممكن تفيدونا

 

[الكويتـ80ـية]

السلام عليكم ورحمة الله وبركاته
و الله حبيبتي ما أعرف هالنادي جان فدتج
البركه بالبنات إن شاء الله

 

[فرحه عمر]

رد: رد : دليل نوادي الكويت الصحية

النادي : جمعية الاصلاح
المكان : الشامية
نوع النشاط : سباحة
قيمة الاشتراك : بيت 30 و35
نسبة النظافة : ممتاز
مميزات النادي : نادي يتميز بالطابع الاسلامي وواضح من اللبس
عيوب النادي : الحوض حجمه مناسب بس مو كبير وبعدين 3 ايام فقط بالاسبوع ويفتح بس العصر الى الليل

بصراحه ودي اشترك فيه بس ما أعرف مكانه بالضبط و ياريت اذا تقدرين توصفينلي مكانه او رقم تلفونهم

 

[Q8_ButterFly]

افتر مخي

بين

شاتوفب

تشامبينز

اليزيوم


انا ابي حمام سباحه ودي اتعلم السباحه وين دلوني اروح احسن مكان ؟

 

[ناني سيكرتس]

موني موني: مشكوره حبيبتي على هالشرح عاد انا مفكره اروح فيت واشوفه لاني ابي اضعف نفسي بس وزني مو راضي ينزل فقلت ارح واشوف فيت. انزين يا بنات احد جرب يروح ةالنادي برمضان ..؟ واشلون يكون الوضع فيه..؟

 

[زلابية]

موني موني اذا تبين نادي نظيف وسنع وكل واحد بحاله ومحد يطنز عالثاني روحي فيت قمة وراقي ونظيف

ناني بصراحة احلا شي الناي برمضان كنت اصلي التراويح بالمسجد واروح بعدين النادي

 

[xxx]

موني موني

وين مكانه كاميو ؟؟

 

[موني موني]

موني موني

وين مكانه كاميو ؟؟

هلا و غلا بنوته كاميو الله يسلمج بالصالحيه .. وين مطعم 99 .. يمه .. تلاقين صالون كاميو بالدور الارضي و بالدور الاول النادي و بالسرداب خياطة كاميو ..

اصراحة انه كل اللي شفتهم فرقوا على من اول اسبوعين نادي و المدربة ما تهدج على كيفج لااا ,, فوووق الراس و من جهاز لي جهاز .. والصراحة انه بالنسبه لي هالشي افضل لاني بطبعي ملوله ممكن بسرعه امل و امشي :eh_s(1):

وسلامتكم